25/06/2022
💡💡اكثر سؤال كل الناس بيسألوه دايما ایه افضل واحسن معجون اسنان المفروض نستخدمه وايه الفرق م بينهم؟؟!
📌مبدئيا كده معجون الاسنان هو ماده بتسهل حركة الفرشه علي الاسنان علشان نشيل بقايا الأكل كويس زي ما بنستعمل الصابون ف غسل الايد کده..
📌لكن بنحدد النوع على اساس ايه؟؟
🦷حسب حالة الفم والاسنان يعني هل في التهابات ف اللثه او هل هو شخص مدخن او شخص عاوز يحمي اسنانه من التسوس او شخص اسنانه حساسة..
📌ايه الانواع ؟؟
🦷النوع الاول هو 《معجون للتبييض 》ودا مبدئيا كده بنستخدمه مره واحده في الاسبوع لان لو استخدمناه اكثر من كده بيأثر علي الاسنان لانه بيعمل تأكل ف طبقه المينا وبيسبب حساسية والتهاب ف اللثه علي المدي البعيد وهو مش بيحتوي علي مواد (مبيضه) ولكن بيحتوي علي مواد كميائيه تساعد علي ازاله التصبغات الخارجية السطحية الموجوده على الاسنان الل بيسببها التدخين مثلا او بعض المأكولات والمشروبات وبالتالي لما يستخدم المعجون دا هيظهر الاسنان بلون افتح..
------------------------
🦷النوع الثاني هو معجون الاسنان 《لعلاج لنزيف اللثة》ودا بيساعد بشكل كبير على وقف نزيف اللثه لان فيه ماده الصوديوم كربونيت والمعجون دا بيكون طعمه مر ومالح.. والنوع دا من المعجون بتستمر ف استعماله لحد ما النزيف يتوقف وبعدين توقف استخدامه .
----------------------
🦷النوع الثالث هو معجون 《الاسنان الحساسة》 بنستخدمه بعد مانعمل تنظيف جير مثلا او تبييض الاسنان ودا بيساعد علي تخفيف الم الأسنان الحساسة الل بتتأثر من اختلاف درجه حراره تجويف الفم..سنسوداین يعتبر من افضل الانواع في حالات الاسنان الحساسه..
----------------------
🦷النوع الرابع هو معجون الاسنان 《المحتوي علي #الفلورايد 》وهو الل بيساعد على التقليل من التسوس ويحافظ ويحمي الاسنان والنوع دا بيبقي فيه كميه فلوراید عاليه وبالتالي يعادل المادة الحمضية الموجودة ف الفم ويقاوم البكتريا المسببة للتسوس وهو دا النوع الأساسي من معجون الاسنان اللي لازم يكون عندنا كلنا في البيت ودا المفروض نستخدمه دايما..
----------------------
🦷🦷 تابعووناا عشان تعرفوا معلومات اكتر 🦷🦷
