Inner glow coaching with Eman Zaghloul

27/01/2026

اللهم لك الحمد حمدا كثيرا طيبا مباركا 🥰
اول سيشن في فتية الكهف تم بفضل الله وكرمه باحسن احتمال الحمد لله
مبسوطة من الشباب اللي اشتركو اوي ومن خطوتي الجديدة في ترك الاثر 💖💖💖

16/01/2026

دقو الطبوول حماسي ليفيل المليون 🥰🥰🥰🥰🥰🥰

أول مشاركة ليا في كتاب جماعي سميناه
"رحلة نور" 🌟 اكتر اسم بيعبر عن محتوااه 💐💖💐
مع كوتشز ومدربين من مختلف أنحاء الوطن العربي
كل واحد فينا جاي من تجربة مختلفة، ومن بلد مختلفة
بس كلنا مجتمعين على فكرة واحدة
إن الوعي هو البداية الحقيقية لأي تغيير حقيقي في الحياة.

الكتاب ده مش مجرد صفحات
ده رحلات ✨
كل فصل مختلف تمامًا عن التاني
كل فصل بياخدك في طريق جديد
من الوعي، للتفتح، لتوسيع الأفق
اللي كل واحد فينا محتاجها في مرحلة ما من حياته.

مشاركتي في الكتاب ده خطوة كبيرة ومهمة في رحلتي
وإنجاز حقيقي أفتخر بيه
لأني كتبت من قلبي، ومن تجربتي، ومن إيماني
إن الرجوع لنفسنا هو أول طريق النور.

ممتنة جدًا للتجربة دي
ولكل روح شاركت فيها
ومتحمسة أشوف الرحلة دي هتوصل مين لفين ✨

دي مجرد البداية…
واللي جاي أجمل بإذن الله 💛
#إنجاز #فخر #كتابة #وعي #رحلتي

09/01/2026

جماعة… شاركوني حماسي 🤍
بقالي أكتر من أسبوعين بشتغل على برنامج فتية الكهف،
واكتشفت حاجة مهمة جدًا:
شهر واحد مش كفاية لكل اللي نفسي أشتغل عليه مع الولاد ومع أمهاتهم.
حضّرت ماتيريال جامدة بجد،
وأفكار من قلبي،
يا رب تكون بالنفع لينا ولولادنا 🌱
وأنا بذاكر وأبني البرنامج ده،
اتعلمت حاجات كتير قوي،
واختبرت نفسي فيها،
وقلت بيني وبين نفسي:
يا بخت الولاد اللي هيعيشوا التجربة دي… بس بالطريقة السهلة والبسيطة إن شاء الله.
فكرة فتية الكهف نفسها كانت في دماغي من الأول كصورة قدوة:
قدوة لقوة الإيمان،
والعقيدة،
والشخصية الثابتة
في زمن الفتن…
وقد إيه إحنا فعلًا محتاجين المعنى ده في الزمن اللي عايشينه.
ولما دمجت الفكرة دي مع أدوات الكوتشينج و الـ NLP
طلع شغل مختلف فعلًا…
تجربة مش بس معلومات،
لكن رحلة
بتلمس الولاد
وتدعم الأمهات
وتسيب أثر حقيقي 🌟
مش قادرة أوصف لكم حماسي قد إيه،
ويابخت اللي اشتركوا 🙌
ولسه فيه أماكن للحجز.
محتاجة رأيكم بقى بصدق:
اسم البرنامج: (فتية الكهف)
إحساسكم إيه أول ما سمعتوا الاسم؟
شدّكم؟
ولا تحسوا محتاج تعديل؟
مستنية أسمعكم 🤍

01/01/2026

تعالو أحكيلكم فكرة كوتشنج فتية الكهف جت ازاي وأنا بصمّم برنامج البرنامج
وأقرأ وأبحث:
إزاي نساعد ولادنا يعيشوا حياتهم بأفضل احتمال ممكن؟

وقفت عند قصة فتية الكهف…
ولفتني إن ربنا سماهم فتية
صغار في السن،
لكن كبار في الإيمان، والشجاعة، وقوة الشخصية.

فتية عرفوا يقولوا «لا»
وما مشيوش مع القطيع
وسط ضغط وخوف وتقليد.

وسألت نفسي:
❓ ليه ولادنا النهارده كلمة «لا» بقت صعبة؟
الإجابة كانت واضحة:
إحنا بنعلّمهم يختاروا إيه
مش إزاي يختاروا.

ومن هنا اتصمّم
برنامج كوتشينج للأطفال من 10 لـ 16 سنة
يبني الوعي، الثقة، وقوة القرار
من خلال أدوات كوتشينج بسيطة وقريبة منهم.

📌 البرنامج أونلاين وأوفلاين
ومثالي لفترة الإجازة.

لو نفسك ابنك يبقى ثابت، واثق، وصاحب مبدأ 💛
👇 اكتبي «مهتمة» في التعليقات
وابعتلك التفاصيل.

01/01/2026

1/1/2026

✨ Sparkle Year ✨
بالنسبالي مش مجرد إٍسم وخلاص، لكنه بيعبر عن هدفي الحقيقي ورؤيتي السنة دي
وهي إني أساعد نفسي والناس إننا نعيش السنة اللي خططناها فعلًا، ونكمّل الرؤية اللي كتبناها، ونقرب من الأهداف اللي حطيناها بإيدينا وإحنا صادقين وبوعي كامل

ومن هنا قررت تقديم **Coaching Club** مع الكوتش أسماء يوسف، برنامج معمول علشان يكون دعم حقيقي ومساحة تنفيذ وأمان
محتواه مبني على استخدام أدوات جبارة وفعالة وفي نفس الوقت عميقة ، تخلينا دايمًا في حالة تنفيذ ووعي بطاقة يومنا، بأحداثه، بعاداتنا، وبمشاعرنا، علشان نعرف نعدّل ونكمّل من غير ما نضغط نفسنا.
ل
الـ Coaching Club أونلاين وأوفلاين ولمدة 3 شهور،
علشان هدفي ان كل واحد يعيش رؤيته للسنة بتاعته والسنة تعدي بتخطيط حلو ليها وخلاص من غير تنفيذ
العدد قرب يكتمل،
ولو ناوية بجد التغيير والتنفيذ
هتكوني احسن هدية ليكي هي انك تشتركي معانا
اكتبي **Sparkle** وأنا أبعتلك التفاصيل ✨
Asmaa Youssif

30/12/2025

كنت فاكرة ان الحياة لازم أواجهها لوحدي…
بكل ضغوطها، بتغيراتها السريعة، وبمشاعر بتتلخبط جوايا ومش لاقية لها لغة.

كنت بحاول أكون قوية دايمًا،
بس الحقيقة؟
كنت محتاجة مساحة أتنفس فيها… من غير خوف، ومن غير حكم.

ومن هنا بدأت رحلتي 🤍
دخلت جروب كوتشنج بسيط بدافع الفضول،
ومكنتش متخيلة إنه مع الوقت
هيبقى الأمان اللي بستناه كل أسبوع.

اتعلمت أسمع نفسي بجد.
وأفهم مشاعري بدل ما أهرب منها.
واكتشفت إن التغيير مش دايمًا محتاج قرارات كبيرة،
أوقات بيبدأ من جلسة صادقة مع نفسك… وسط ناس شبهك.

النهارده، وبعد ما التجربة دي غيّرتني فعلًا،
حسّيت إن دوري إني أكون جزء من نفس التغيير ده لغيري ✨

علشان كده…
أنا والكوتش أسماء يوسف قررنا نبدأ مع بعض
Sparkle Club 💫

مش مجرد جروب،
لكن مساحة نعيش فيها اللي بنخطط له.

بعد ما نحط خطة 2026،
نفضل طول السنة في state تنفيذ وتركيز،
ونشتغل على التحديات اللي بتقابلنا
وساعات بتعطلنا أو توقفنا في نص الطريق.

في Sparkle Club هنستخدم أدوات كوتشنج عملية،
وهنعمل تحديات حقيقية في كل جانب من جوانب الحياة:
العلمية، العملية، الروحانية، الاجتماعية، المهنية…
لأن الحياة كلّها مترابطة.

🕰️ البرنامج 3 شهور
علشان ما نبدأش بحماس ونقف في النص تاني.

📚 كل أسبوع كتاب نناقشه
💭 نقاشات صادقة عن اللي بنعيشه بجد
🧘‍♀️ تقنيات بسيطة للتعامل مع المشاعر السلبية
🤍 دعم حقيقي من غير ضغط أو مثالية

Sparkle Club
مساحة وعي، توازن، ودعم…
ومكان ترجعّي فيه لنفسك كل أسبوع 💚

لو حاسة إن الكلام ده لمس حاجة جواكي…
اكتبيلي في الكومنت:
"sparkle "
أو ابعتيلي رسالة ✨
Asmaa Youssif Eman Zaghloul

30/12/2025

بسم الله الرحمن الرحيم 🤍
“إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى”

فكرتي مرة… ليه ربنا لما ذكر قصة أهل الكهف قال عليهم فتية؟

علشان وإحنا بنقرا القصة… الصورة تتثبت في دماغنا فورًا:
شباب صغيرين…
بس على الرغم إنهم صغيرين، دي كانت شهادة في حقهم:
قوة إيمان ✨
عقيدة ثابتة ✨
وثبات على الحق ✨

ومش بس كده…
القصة دي بتطمن قلب أي أم وأي أب…
إن السن مش مقياس للثبات…
وإن ربنا ممكن يختار “فتية” لمعجزة… لأن قلوبهم كانت حقيقية.

ساعتها بنسأل نفسنا بجد:
يا ترى إيه كانت صفاتهم؟
إيه قيمهم؟
وإزاي قدروا يثبتوا على الحق وسط ضغط مجتمع كامل ضدهم؟

ومن هنا جتلي فكرة البرنامج ده…

لأن بصراحة… إحنا في زمن الأمهات مش ناقصها تربية وبس…
الأمهات محتاجة طمأنينة.
محتاجة تحس إن ابنها/بنتها هيعرفوا ينجوا…
وإنهم مش هيتسحبوا بسهولة وسط فتن ومغريات وتشويش وتشتت… أكبر من سنهم بكتير.

فتية الكهف ماكانوش عايشين تحديات بسيطة…
كانوا في مواجهة “فتنة” كاملة…
والنهاردة أولادنا كمان بيقابلوا تحديات أكبر من سنهم:
ضغط صحاب ✦
سوشيال ميديا ✦
مقارنة ✦
تشويش هوية ✦
تشتت ✦
وخوف داخلي مش بيعرفوا يعبّروا عنه.

وإنتِ…
امتى بتحسي إن ابنك مش واثق في نفسه؟
مش محدد هو عايز إيه…
وإنتِ من جواكي نفسك بس تطمني… وتعرفي إنك بتبني فيه حاجة “تستحمل” الزمن ده؟

وهنا قررت في كوتشنج الأطفال والمراهقين (10–16) سنة نبدأ من الأول خالص…
ونشتغل على هويته… ونتعلم مع بعض الـ 4 Powers بتوعه…
ومن هنا كان اسم البرنامج:

LEVEL UP ⬆️
لأننا مش بنصلّح عيب… إحنا بنبني مستوى جديد من القوة الداخلية.

هنشتغل على:
✅ “أنا مين؟” (هوية مش نسخة من الناس)
✅ “إيه اللي أنا مؤمن/مؤمنة بيه؟” (ثبات من جوا)
✅ “إيه مهاراتي وقدراتي؟” (نقاط القوة اللي ربنا زرعها)
✅ “إزاي أتمسك بمبادئي… وسط ضغط الدنيا؟” (قرارات… مش اندفاع)

لأن اللي بيعرف نفسه… بيعرف ربّه… ويعرف طريقه 🤍

💬 قوليلي بصدق:
لو هتختاري صفة واحدة من صفات فتية الكهف تتمنيها لابنك/بنتك… هتكون إيه؟
ولو حابة تعرفي تفاصيل برنامج LEVEL UP ⬆️ اكتبي👇 (LEVEL UP)


#مراهقين

24/12/2025

اتعلمت مؤخرًا الامتنان لتفاصيل يومي الصغيرة
اللي متعبة بالنسبة لكتير من الأمهات 🤍

فنجان قهوة في وسط دوشة البيت
بيت كله حياة وشقاوة ابني
روتين بيت بيتكرر أحيانًا

حاجات بسيطة…
بس لما تبصلها بعين امتنان
بتشحنك وتطبطب عليك 🌿

اتبرمجنا من الميديا
ومن صور الحياة “اللامعة”
وافتكرنا إن دي هي الحياة المثالية

إن البيت حاجة ثانوية
وإن تحقيق الذات دايمًا برّه
وإن السعادة مرتبطة بإنجاز
أو شهادة
أو تصفيق وشهرة 👏

والبرمجة دي خلت ستات كتير
يحسّوا إن اللي اختارت بيتها أقل
وإن اللي حطته أولوية ضعيفة
وإن الاستقرار معناه اعتمادية

وده عكس فطرة الأنثى
وعكس سيكولوجية المرأة تمامًا

النتيجة؟
عدم رضا
واستصغار للذات
وجري دايم
ونجاحات تأثيرها لحظي

مع إن الحقيقة البسيطة هي:
البيت مش عائق
البيت هو الأساس
وبداية كل تمكين حقيقي ✨

أسرة مستقرة
أطفال أسوياء نفسيًا
وعلاقة فيها مودة ورحمة

ده مش انسحاب من الحياة
ده عمارة أرض… وخلافة 🤍

اللهم علّمنا نرضى
ونشوف العظمة في البساطة
ونحب أدوارنا
ونسعى ورا رسالتنا 💖

د/ إيمان زغلول

⁩

16/12/2025

٣ أيام ريتريت في المعمورة… 🌊
وأنا بجد مش نفس الشخص اللي بدأه 🤍

الأيام دي عملت في نفسيتي حاجة كنت محتاجاها
من غير ما أكون عارفة قد إيه.
علّمتني كتير، فكتني، فضّت كوبايتي،
وشحنتني من جوه… ✨
وجت في وقتها فعلًا 🤍

الغريب إني بدأته وأنا جوايا تخوّف.
كنت دايمًا معتقدة إن الانبساط قرار عقلي 🧠
وإن السعادة بتيجي من التفكير
والشغل على نفسي فقط
مش من عوامل خارجية.

مكنتش مؤمنة قوي بدور المكان 📍
والجو 🌥️
والصحبة 🤍
ولا حتى الناس اللي شبهك…
أو المختلفين عنك.

بس الحقيقة؟

الناس المختلفة عني علّمتني 📚
واللي شبهي دعموا 🤍
والمكان كان ملجأ لينا كلنا 🫂
والجو كان رسالة 💌

آخر يوم…

الدنيا شتّت على البحر 🌧️🌊
وأنا واقفة في المطر
ورجلي لامسة ماية البحر الساقعة ❄️
حلم قديم بيتحقق ✨

لحظة حسّيتها طبطبة صريحة من ربنا على قلبي 🤲
كأن ربنا بيقولي:
«أنا شايفك…
شايف مجهودك ومحاولاتك» 🤍

بقالي كتير قوي ما حسّتش طعم السعادة الـ البيور دي 🕊️
اللي من غير قلق،
من غير تفكير،
من غير مقاومة.

دلوقتي التأثير واضح.
حاساه في قلبي ❤️
في روحي 🌿
في هدوئي 🌸
وفي نظرتي لنفسي وللي حواليا.

الحمد لله… 🙏
على التجربة،
وعلى التوقيت،
وعلى الطبطبة 🤍🌧️✨

وشكرًا شكرًا من هنا
للريتريت الجاي 🤍
لصاحبة الفضل بعد ربنا
Asmaa Youssif 🌿

10/12/2025

10/12/2025

كل ست وكل أم مرت بسنة مليانة دروس…
ودرس واحد بس ممكن يغيّر شكل سنة كاملة وسنين قدام لو وقفتي مع نفسك بالأمان والوضوح اللي تستحقيه.
إرجعي شوفي إيه اللي السنة علمتهةلك… وابدئي منها مش من الصفر.
السنة الجديدة محتاجة منك خطوة واعية… مش مجهود زيادة. 💛

لو عايزة خطوات تساعدك تخطّطي لسنة أهدى وأوضح…
اتركي تعليقك هنا للمزيد من التفاصيل. ✨

#الأمهات

09/12/2025

في لحظات كتير بنعدّي بيها ونحس إن الدنيا تقيلة… بس الحقيقة؟
جوا كل ست وكل أم نسخة أقوى وأهدى بكتير من اللي ظاهر عليها.
وده اللي دايمًا بختار أكون فيه معاكي…
إنّي أسندك لحد ما تلاقي النسخة دي وتكمّلي بيها للسنة الجديدة. 💛

قبل ما تبدأي تخطيط 2025…
خدي دقيقة كده مع نفسك:
إيه أهم درس علمتِك السنة اللي فاتت؟
وإيه الحاجة اللي جا وقت إنها تروح… والحاجة اللي تستاهل تكمل معاكِ؟

التغيير مش خطة طويلة… التغيير بيبدأ بلحظة صدق مع نفسك، وبأمان تحسيه قبل أي خطوة.

لو عايزة خطوات بسيطة وعملية تساعدك تبني سنة أوضح وأخف…
سيبي تعليق هنا وهبعت لك التفاصيل. ✨

#الأمهات