د.إيــمــان كــشـــك Dr.Eman Keshk

06/07/2025

Online ... available NOW
متاح حجز اونلاين حالياً

03/03/2025

آيات كتير فى القرآن اتكلمت عن اختبارات الحياة و الصدمات فيها ،العجز و الخسارة...
حزن الفقد بيسيب أثر سلبى على النفس و يبدأ المبتلى يلوم نفسه و اكتئابه يصور له إن ده بسبب خطأ عمله أو عقاب و اللى بالتبعية بيزود حزنه و يدخل فى دائرة مفرغة من اليأس و الغضب ،برغم إن الأصل فى الابتلاء التمحيص و رفع الدرجات و تكفير الذنوب.
قال تعالى:
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ ﴿١٥٥ البقرة﴾

وَلِيَبْتَلِيَ اللَّهُ مَا فِي صُدُورِكُمْ وَلِيُمَحِّصَ مَا فِي قُلُوبِكُمْ ﴿١٥٤ آل عمران﴾

إِنَّا جَعَلْنَا مَا عَلَى الْأَرْضِ زِينَةً لَهَا لِنَبْلُوَهُمْ أَيُّهُمْ أَحْسَنُ عَمَلًا ﴿٧ الكهف﴾

وَلَنَبْلُوَنَّكُمْ حَتَّىٰ نَعْلَمَ الْمُجَاهِدِينَ مِنْكُمْ وَالصَّابِرِينَ ﴿٣١ محمد﴾
#

02/03/2025

التغيير هو الثابت الوحيد في الحياة ، و سنة الكون التبادل بين الليل و النهار ،و الصيف و الشتاء ...و زيها الأزمات و اوقات الفرح .
المرونة النفسية بتعلي القدرة على التكيف و تقبل التغيير و الصعوبات ...

01/03/2025

وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ ـ ـ سورة طه ١٣١

المقارنات فخ للتفكير ،العقل بياخدها دافع للتحسن و تطوير الذات لكنها في الحقيقة باب قلق واكتئاب....
و الفخ ده بنقع فيه بدون ما نشعر مع أولادنا سواء بمقارنتهم ببعض أو ب أولاد تانيين ..و بننسى إن كل شخص له تركيبته الخاصة و رحلته اللى بيرسمها بنفسه ،و ضروري نراعي اختلاف القدرات و الطباع.
ده غير أن ورا كل نجاح أو فشل تفاصيل مش شايفينها... نركّز على تطورنا الشخصي بمعاييرنا و قيمنا بدل من معايير و معطيات حياة غيرنا.
و اللى يشغل نفسه بحياة الناس ،بيضيع حياته و هو مش حاسس !

27/02/2025

تاني حلقات بودكاست CasTalk عن أصعب رمضان !
لينك الحلقة على أنغامي:
https://open.anghami.com/fsKYFknZfRb

لينك الحلقة على سبوتفاي:
https://open.spotify.com/episode/3EsDoHkU3HBY5rq7nzi9lf?si=

لينك الحلقة على ساوند كلاود:
https://on.soundcloud.com/tLFXFGX9c7MUWzpBA

لينك الحلقة على يوتيوب:
https://youtu.be/pmlPQUAxAGk?feature=shared

11/03/2024

المسلمين كانوا من أوائل اللى احترموا المرض النفسى و عاملوه أنه مرض مش غضب من ربنا أو مس أو عقاب بخطايا زى ما كانت دول أوروبا وقتها بتتصور ، حتى إن من أوائل اقسام الطب النفسى اللى أسست فى العالم كانت فى "بيمارستان ابن طولون" و اللى كان فيها علاج دوائى و تأهيلي و نفسى من خلال ممارسة أنشطة مختلفة ترفيهية و فنية و دينية.
جزء من التفكير السلبى اللى بيجتاح المرضى و أهلهم بيصور لهم إن ده بسبب خطأ ارتكبوه و ده فى حد ذاته بيكون عائق للعلاج و التحسن.

11/03/2024

16/11/2023

https://fb.watch/om1hA1kSKf/?mibextid=6aamW6

27/09/2023

وَإِنَّكَ لَعَلى خُلُقٍ عَظِيمٍ

الرسول ﷺ قدم نموذج إنسانى يبين إن التسامح و قبول الآخر لا يتنافى مع الحزم و القوة ...

بنتسائل ليه زمننا صعب و الناس مبقتش زى الأول و السبب الرئيسى حاجتين:
📌غياب الشعور بالآخرين و التمحور حول رغبات الذات دون مراعاة لأى قيم و ..
📌 غياب نموذج أخلاقى و ناجح فى نفس الوقت يجدد قناعتنا بإننا مش لازم نبقى متلاعبين أو مؤذيين علشان نوصل لأهدافنا ...

محتاجين نفتكر إن النبى كان :
💚أب حنون و حازم فى نفس الوقت... أغلى الناس لقلبه فاطمة ؛لكن قال "لو سرقت لقطعت يدها".

💚زوج محب و مستوصى خيراً بنسائه و يساعدهم فى الأعمال المنزلية برغم مشاغله و هموم الأمة .

🕌شديد فى الحرب و ذو بأس لكن عفا عند المقدرة و وفق مجتمع غير متجانس لعيشة سلمية.

💚معلم للصحابة و حليم بهم لكن بيستشيرهم و يسمع لرأيهم و يقاطع المنافقين من اللى بيدعوا القرب.

🕌كل ده حصل فى بيت صغير و إمكانيات بسيطة ،و تحت قبة المسجد النبوى أقيمت ندوات و صلوات و معاهدات غيرت مسار العالم كله...

📌السواء النفسى و الحلم و الحزم من صميم الدين الحقيقى ، متمارسش (تدين ظاهرى) و تتخيل إن حياتك حتتغير للأحسن وانت قلبك زى ماهو 🖤 ....
التغيير والنجاح مش محتاج فلوس و لا واسطة و لا طرق ملتوية ،كل اللى أنت محتاجه قيم و أخلاق و صحة نفسية جيدة...
#مولدالنبي

27/09/2023

كيف تنعكس سيرة الرسول على صحتنا النفسية؟!

🌒كان عليه افضل الصلاة والسلام هينا لينا و احيانا مازحا ..حليم و حكيم يخطط بذكاء و لكن بشرف ...و دى مواصفات القيادى الناجح و القدوة المؤثرة على مدار العصور.

🌓فى شبابه كان مفكر لا ينساق وراء "ما وجد عليه اباؤه" و كان بيشتغل بجد و عزم و فى نفس الوقت ينعزل علشان يتأمل و يفكر فى ماهية الخلق و دى أول خطوات الشخصية السوية اللى ليها هوية خاصة بيها بدون اللجوء للتطرف.

🌘لما تزوج كان مخلصا محبا امينا على اموال زوجته و برغم من رجاحة عقله واخلاقه الا إنه كان بيسمعلها و يستشيرها حتى لما نزل عليه الوحى كانت أول واحدة ترشده يستعين بمين علشان يفهم اللى حصل و دى أهم صفات لنجاح أى زواج .

🌕منذ طفولته اتسمى الصادق الامين .. السلوكين دول بالذات لو اتغرسوا فى الاطفال صعب يطلع مضطرب الشخصية و هما أساس بناء الشخصية السوية.

كل عام وانتم بخير بمناسبة المولد النبوى الشريف...خلينا نعيد احياء ذكراه بشكل فعال من خلال الاستعانة بأخلاقياته وتعامله مع كل صعاب حياته من يتم مبكر ،و أمانة حمل الرسالة ،و هجوم اهل قريش على دعوته ،و هجرته بعيد عن وطنه، و التحدى فى احتواء ثقافات مختلفة و عادات تحت سقف واحد مترابط.....صلى الله عليه وسلم

13/09/2023