Alexmed Confessions

Alexmed Confessions where you can confess freely & anonymously

18/09/2023

#1029
Male,20,3rd year

عارفين.. ولا مش عارفين والله العظيم تلاتة الواحد زهق

18/09/2023

#1028
Female,21,4th year

هي كل مشاكلكم في الكلية مشاكل حب ي يبختكم والله دا احنا مش لاحقين نعيش من الامتحانات روقوا كدا ي جماعة 🧘

18/09/2023

#1027
Female,19,2nd year

"كلام أهلك ليك موقفش حبهم ليك بس وقف حبك لنفسك" اكتر جملة معبرة عن اللي بمر بيه دائماً بيقللوا مني ف شكلي ومجهودي وقدراتي وكل حاجة واما بيكون ف تجمع بكون انا محور الكلام والتريقه أنا حرفيا مبقتش أصدق حد بيقولي إني جميلة بقيت بشوفها انها جبر خواطر منه أو هو فعلاً ميقصدهاش ثقتي ف نفسي وحبي ليها اتكسروا دا غير طبعاً الاوڤر لوود اللي كان عليا قبل الكليه عشان أنا الصغيره والفرصه الوحيدة ليهم ان يكون في دكتورة ف العيلة كإني أداة ليهم بس والله وحتي بعد ما دخلت الكليه قعدوا يقولولي انتي وصلتي بسببنا احنا عشان متتغريش ف نفسك مع إني كنت بذاكر واتعب لحد ما ياخدوا هما مني الكتاب والله ويقولولي ريحي شويه كفاية وقبل كل دا متأكده أنه كان توفيق ربنا قبل كل حاجة، أنا نفسيتي اتدمرت بسببهم وضغطهم عليهم والله من تاني يوم خلصت اولي بيسألوا عن نتيجتي لدرجه انهم فكروا إني شيلت ومخبيه عنهم😅 واما النتيجة ظهرت جيبت امتياز بس كنت زعلانه عشان النسبه مكنتش كويسه مكانوش مصدقني ومفكرين اني كدبت عليهم وإن دي مش نتيجتي أنا الاجازة خلصت معداش يوم واحد معيطتش فيه وانهارت بسببهم وبسبب مشاكلهم بقيت بتخنق واقعد اعيط لوحدي ورعشه ايدي مش بتفارقني مع إن اللي يعرفني هيقول أنه مشافش حد بيضحك دايما كدا زيي ولا متفائل ولا حياته خفيفه كدا بس دا مجرد قناع أنا فعلاً مش كويسه ومحدش حاسس بيا والله

18/09/2023

#1026
Male,22,4th year

كان ف بنت بكلمها ع اعتبار أن هيبقي ف خطوة رسمية أن شاءالله بعد كده واهلها كانوا عارفين بس انا مصارحتهاش الحقيقة،لكن نتيجه سوء تفاهم حصل ونتيجة اندفاع مني بردو أنا زعلتها وقولتلها كلام فيه اهانه وكلام يأذي نفسية اي بنت فعلا،والغريب بقا أن انا الل عامل فيها زعلان وانا الل مقموص ولما تيجي هي ع الرغم من كل الل أنا عملته معاها ده تسلم عليا مثلا واو تقولي ازيك ببقي مش عايز ارد!!أنا اكتشفت فعلا أن الكِبر متمكن مني لاقصي درجه ولو استمريت ع كده هخسرها ،انا عارف اني غلطت ف حقها بس مينفعش لاي سبب اني اخسرها حتي لو مش هيبقي بينا حاجه ،بس مش عايز العلاقه بيني وبينها تبقي متوترة للدرجادي ..وكمان لما تتكلم دا لو اتكلمت واقولها أنا اسف وبتاع بتقولي عادي مفيش حاجه ومحصلش حاجه لده كله وان هي مش زعلانه بس انا عارف ومتأكد أنها زعلانه بس هي استحالة استحالة تقول و دي حاجه بتخليني ازهق الصراحه وامها قالتلي انها لما اتكلمت معاها قالتلها أنها موافقه وكل حاجه بس كلامي ورد فعلي الل بيقفلها بس هي الل بتتقل..ف كن

18/09/2023

#1025
Male,23,5th year

قدامنا شهور ونتخرج ولسه ملقتش أحسن أيام حياتي اللي بيقولوا عليها

18/09/2023

#1024
Female,19,3rd year
جماعه معلش هطول عليكو انا خايفه من تالته وID 1و 2 وخايفه من الباطنه والجراحه اللى كمها كبير اوى وانا بنسى بسرعه مهما راجعت فمبالكم لو ملحقتش اذاكر عشان أكيد الوقت هيبقى ضيق ازاى ف الفاينل هفتكر كم كتب الباطنه دى والواحد درجاته ف اولى وتانيه مش احسن حاجه ودى أسهل م الباطنه وأقل ف المنهج كتير كنت بنسى المعلومه اللى مذاكراها ومراجعاها وببقى هتجنن ف الامتحان ( من ضمن أسباب ده أكيد انى بروح مطبقه مش بعرف انام م التوتر ليله الفاينل وجربت كل الطرق عشان انام وبرده مفيش فايده) وعودت نفسى ان ده عادى ومش هيأثر عليا بس انا من جوايا عارفه انه بيأثر وبضايق ان بغلط ف أسئله مباشره ومذاكراها هو الحمد لله برضى بكل حاجه ومتأكده انه نصيب بس الاحساس وقتها وحش جامد وبحس ان تعبى ع الفاضى وبخاف م المستقبل جدا ياريت نصايح لتثبيت المعلومه ف وقت قصير واللى خلصوا ٤ يقولولنا عملوا اى

18/09/2023

#1023
Male,24,5th year

أهلى مش موافقين عالبنت اللى عاوزاها واللى بحبها من زمان والسبب أنهم مش موافقين على أهلها وفقدت الأمل خالص ، ولما اخد رأي حد كبير يشوف مواصفات معينه( مش ف شخصيتها ) يقول مينفعش مش عارف هل دى اشاره أنه مش خير ليا ولا اعمل اى اصل مش هقاطع اهلى

18/09/2023

#1022
Female,22,4th year

بتعملوا ايه لما بتتزنقوا في المذاكرة فتحسوا انكم عايزين تسيبوا كل حاجة ومتعملوش اي حاجة غير العياط بس مش قادرين تمسكوا الكتاب ولا تسمعوا حاجة بتتخطوا الموضوع دا ازاي + انا بصحى من النوم نمت كتير او قليل برضو اول ما ابص في الكتاب بحس اني مش فاهمة كلمة حتى لو كنت فاهمة كويس لما سمعت بس باجي اقرأ الكلام بحس بنعاس رهيب لدرجة اني مش ببقى مستوعبة اللي بقرأه وبشوف الكلام غلط اصلا مش عارفة ليه بيحصل كدا دايما بصراحة هل محتاجة فيتامينات معينة او لو في نصايح افوق كويس بعد م اصحى من النوم تكون مجربة

18/09/2023

#1021
Female,20,3rd year
جماعة لو سمحتوا ،لو عاوزة متابعة حشو وكدا في كلية اسنان بدخل عادي زي العيادات عندنا ولا بقطع تذكرة واستني دور؟
+ لو في حد معايا عاوز يتابع بردو ممكن يدخل علي طول ،او حد يفهمني النظام بس

18/09/2023

#1020
Female,23,5th year

محتاجة أعرف ايه عيادات الجلدية و الليزر اللي بتقبل تدرب وتشغل طلبة وهل التقدير بيفرق معاهم أو لأ لو حد عنده فكرة ممكن يفيدني لو سمحتم أو يفهمني اكتر عن الموضوع

18/09/2023

#1019
Female,21,4th year

عايزة اكتسب مهارات ليها علاقة بالطب و البحث العلمي اشتغل بيها أونلاين عشان اكسب فلوس عشان بعد سنة مش هيكون عندي مصدر دخل فهل حد عنده علم بخصوص المسار اللي أقدر أمشي فيه

18/09/2023

#1018
Male,22,5th year

داخل 5 عمري منزلت قبل كدا مستشفيات وكنت عاوز اخد الخطوه د بس مش عارف هنزل الميري هروح اعمل ايه واقولهم ايه وهلاقي حد يعلمني ولا الوضع بيمشي ازاي ؟

Address

الاسكندريه

Website

Alerts

Be the first to know and let us send you an email when Alexmed Confessions posts news and promotions. Your email address will not be used for any other purpose, and you can unsubscribe at any time.

Shortcuts

Share