Dr Dina Abdel Fattah

26/03/2024

12/03/2024

#تغذية #الماء

بالاضافه لاهميه شرب الماء ، فى اطعمه غنيه بالماء لازم نحرص على تناولها خصوصا فى شهر رمضان اهمها الخيار🥒 و الجزر🥕 و الخس🥬 و الطماطم🍅 و الكرفس و دا ينبهنا لاهميه طبق السلطه🥗 دا غير انه غنى بمضادات الاكسده و الفيتامينات و المعادن اللى محتاجها الجسم فتره الصيام .

من الاطعمه الغنيه بالماء ايضا الفراوله 🍓و البطيخ🍉و البرتقال🍊 و الكنتالوب 🥝 و دا يخلينا نتجه ان ياريت يكون الحلو من الفواكهه مش حلويات.

كمان الكوسه و السبانخ و القرنبيط فيهم ماء كتير

و الزبادى و الشوفان وجبه سحور ممتازه و تشبع فتره طويله

و طبعا ننصح بشرب الماء كل ساعه من المغرب للفجر علشان نمنع جفاف الجسم
كل عام و انتم بخير

10/03/2024

#تغذية #الالياف

الالياف فى الطعام من العناصر المهمه جدا لانها بتقلل الكليسترول و تمنع الامساك ، بتمنع ارتفاع سكر الدم بسرعه و بتحسن الهضم و تساعد على الشبع و انقاص الوزن

طيب ايه نوعيه الاطعمه الغنيه بالالياف 🤔

الحبوب الكامله زى البليله ، الشوفان ، الشعير ، عيش الحبه الكامله🍞 و الارز البنى و المكرونه من الحبه الكامله 🍜
الفاكهه و الخضار الفريش🥒🥑🍓🍏
الفواكهه المجففه
البقوليات زى الفول و العدس و اللوبيا و الفاصوليا البيضا
البازلاء
المكسرات🌰🥜 و البذور زى بذور الكتان و الشيا

و دايما نلاحظ و نركز فى نوعيه الاكل اللى بناكله و نكثر من الطعام الغنى بالالياف لان الوجبات الجاهزه و السريعه قليله الالياف جدا و غنيه بالسعرات و دا يزود الوزن .

22/02/2024

#تغذية #قلق

قلقان متوتر عندك اكتءاب 🙁، تشرب عصير🍹 او قهوه☕ او مشروبات غازيه🥤 مشروبات طاقه او اى حاجه حلوه دونات🍩 توست بمربى طيب سندوتش سوسيس و عليه كاتشب و بطاطس 🌭🍟 طيب دا صح و لا غلط 🤔؟

فى الحقيقه دا اكبر غلط لان نوعيه الاكل و الشرب دى بترفع مستوى سكر الدم بسرعه و يرجع ينزل بسرعه تانى
و الاكلات السريعه و الصوصات الجاهزه المليانه سكر و ملح و دهون بتزيد القلق و الاكتءاب كمان القهوه و الكحوليات بتلخبط النوم و تزود التوتر

ناكل ايه وقت القلق ؟
ناكل اكل صحى فواكه 🍊🍉🍎🍓، الحبوب الكامله ، الدهون الصحيه زى المكسرات🌰🥜 نشرب ميه و نلعب رياضه 🏃‍♀️🏃‍♂️نقابل صحابنا و نضحك 😀و نعمل حاجات بنحبها تقلل احساس القلق و الاكتءاب

17/02/2024

#تغذية

نقص فيتامين ب١٢ من اسباب الانيميا و تنميل الاطراف و زياده احساس بروده الاطراف كما يزيد الاحساس بالضعف والارهاق و نقص التركيز و التهاب اللسان .

من اسباب نقص فيتامين ب١٢ الدايت النباتى و بعض الادويه زى الجلوكوفاج و بعض المضادات الحيويه و ادويه الحموضه و قرحه المعده و بعد عمليات السمنه و مع كبر السن .

فيتامين ب١٢ متوفر فى اللحوم و الدواجن و الكبده و غير متوفر للاسف فى الاكلات النباتيه و يوجد منه كمكمل غذاءى فى الصيدليات .

16/02/2024

#تغذية #البوتاسيوم

البوتاسيوم عنصر مهم جدا لعمل الخلايا العصبيه و العضلات و يحمى من هشاشه العظام و من حصوات الكلى و الجلطات الدماغيه و ارتفاع ضغط الدم

البوتاسيوم متوفر فى الخضروات و الفواكهه و اهمهم
الموز🍌 و البطاطس 🍟و الاراسيا و الزبيب و البرتقال🍊 و الطماطم 🍅و بذور عباد الشمس و الافوكادو 🥑

احرص على تناول كميه بوتاسيوم كافيه بتناول الخضروات و الفواكهه يوميا

22/01/2024

#تغذيه #سمنه

💢صغر طبقك
💢اشرب مياه كافيه
💢اتبع نموذج طبق الوجبه الصحيه
💢متزودش عن حصص الاكل المطلوبه
💢و قلل المقليات و السكريات الكتير

30/12/2023

سناكس قليله السعرات ( اقل من ١٠٠ سعر )

تفاحه🍎 او برتقاله 🍊

كوب من الفراوله 🍓او البلوبيرى او شمام 🥝

بيضه مسلوقه🥚 او ٢ بياض بيض مع توست

نص كوب جبنه قريش او نص كوب حمص او نص كوب شوفان

كوب زبادى منزوع الدسم

٣ كوب فشار 🍿

قبضه يد لوز او ٢٠ فسدق

٢ رايس كيك

08/12/2023

#قهوة

18/11/2023