عيادة د. ساندرا ابراهيم لطب الاطفال و الرضاعة الطبيعية

عيادة د. ساندرا ابراهيم لطب الاطفال و الرضاعة الطبيعية عيادة د ساندرا ابراهيم لطب الاطفال و الرضاعة الطبيعية

*ازاي أعرف ان الحلمة تصلح للرضاعة أو لا؟*يا عزيزتي معظم حلمات الأمهات تصلح للرضاعة الا القليل النادر.....الحلمات الغائرة...
21/07/2025

*ازاي أعرف ان الحلمة تصلح للرضاعة أو لا؟*
يا عزيزتي معظم حلمات الأمهات تصلح للرضاعة الا القليل النادر.....الحلمات الغائرة ممكن الإرضاع منها بدون اي مشاكل و كذلك الحلمة الصغيرة 👍🏻
أما الحلمة الكبيرة بتحتاج بس بعض الوقت أحيانا علشان ياخدها الطفل
المفتاح السحري في الموضوع دا كله هي *الإلتقام الصحيح* ....ان الطفل يرضع الثدي و ليس الحلمة❤️☺️

في حالة رفض طفلك الرضاعة من أحد الثديين، استمري في تعصير هذا الثدي كل ٣ ساعات علشان ميقلش اللبن فيه فيزيد رفض الطفل له، ...
20/07/2025

في حالة رفض طفلك الرضاعة من أحد الثديين، استمري في تعصير هذا الثدي كل ٣ ساعات علشان ميقلش اللبن فيه فيزيد رفض الطفل له، لكن عصري بالشفاط لحد ما ينتهي اللبن فيه.....و بأكد عليكي ☝🏻مش تعصير قليل لان التعصير القليل بيقلل الحليب عكس التعصير اللي بيفرغ الثدي💡
اهتمي بمراجعة وزن الطفل باستمرار و علامات الشبع و امتلاء الحفاضات علشان تتأكدي انه بيشبع👍🏻☺️

لو طفلك رافض الرضاعة من أحد الثديين، ف دا ممكن يكون بسبب التهاب تعرضتي له قبل كدا و في الحالة دي انتي محتاجة تعصري الثدي...
19/07/2025

لو طفلك رافض الرضاعة من أحد الثديين، ف دا ممكن يكون بسبب التهاب تعرضتي له قبل كدا و في الحالة دي انتي محتاجة تعصري الثدي دا كتير علشان تتغلبي على أثر الالتهاب، و كمان علشان بعد الالتهاب ممكن الأملاح في اللبن تزيد💡

من النصائح البسيطة و لكن لها أثر فعال في الحصول على اكبر كمية لبن من الشفاط الكهربائي:- تدليك الثدي أثناء التعصير- كمادا...
18/07/2025

من النصائح البسيطة و لكن لها أثر فعال في الحصول على اكبر كمية لبن من الشفاط الكهربائي:
- تدليك الثدي أثناء التعصير
- كمادات الماء الدافئ
- تحريك القمع يمين و شمال في كل الاتجاهات
- تغطية ببرونة الشفاط لان دا بيقلل توتر الأم و بيزيد كمية اللبن👏🏻👏🏻👏🏻
و متنسيش تسألي استشارية الرضاعة بتاعتك عن تقنية الاسترخاء المفيدة جدا جدا لزيادة اللبن❤️☺️

لو ربنا شاء ان ولادة طفلك تكون قبل معاده (طفل مبتسر) ....أنا مقدرة جدا صعوبة الموقف دا عليكي، لكن حبيبتي استجمعي مشاعرك ...
17/07/2025

لو ربنا شاء ان ولادة طفلك تكون قبل معاده (طفل مبتسر) ....أنا مقدرة جدا صعوبة الموقف دا عليكي، لكن حبيبتي استجمعي مشاعرك لان اللحظات الأولى بعد الولادة مهمة جدا في انتاج اللبن💡
التعصير اول ساعة او اول ٦ ساعات بتكون في منتهى الأهمية لانتاج اللبن بعد كدا💪🏻
و التعصير باليد مهم جدا في المرحلة دي علشان متضيعيش و لا نقطة لبن في جدار الإزازة لان النقط الأولى ( نقطة نقطة حرفيا) لها دور كمنبه لأمعاء الطفل علشان تشتغل أسرع👏🏻👏🏻👏🏻
و خليكي فاكرة انتي مش لوحدك...احنا معاكي دايما❤️☺️

الفكرة التقليدية للتعصير اليدوي و اللي فيها الأم بتشد الحلمة للأمام قد تكون مؤلمة ....أما دلوقتي في طريقة جديدة لتعصير ا...
16/07/2025

الفكرة التقليدية للتعصير اليدوي و اللي فيها الأم بتشد الحلمة للأمام قد تكون مؤلمة ....أما دلوقتي في طريقة جديدة لتعصير اللبن سهلة في التطبيق و بتزيد من ادرار اللبن و بتعتمد في الأساس على التدليك + التعصير👌🏻
متنسيش تراجعي استشارية الرضاعة بتاعتك لتوضيح خطوات التعصير اليدوي بطريقة سهلة و غير مؤلمة ❤️❤️

الأطفال اللي بترضع رضاعة طبيعية مطلقة بدون اي رضاعة صناعية او مكملات غذائية من الطبيعي أن تكون زيادة وزنهم أبطأ من الزيا...
15/07/2025

الأطفال اللي بترضع رضاعة طبيعية مطلقة بدون اي رضاعة صناعية او مكملات غذائية من الطبيعي أن تكون زيادة وزنهم أبطأ من الزيادة في وزن الاطفال اللي بترضع صناعي في أول ٣ أو ٤ شهور 💡
علشان كدا منقدرش نعتبر الأطفال اللي بترضع صناعي نموذج مثالي يحتذى بيه لان دا هيؤدي الى ارتكاب أخطاء في نصح الأمهات النصائح الخاصة بالتغذية و النمو❤️

من الخطوات الهامة لزيادة لبن الأم التأكد من الوضع المثالي للرضاعة، و في فيديوهات بتساعد على توضيح الأمر دا لكن في ملحوظة...
14/07/2025

من الخطوات الهامة لزيادة لبن الأم التأكد من الوضع المثالي للرضاعة، و في فيديوهات بتساعد على توضيح الأمر دا
لكن في ملحوظة مهمة: ان بعض الأطفال بيكون من الصعب عليهم تعلم وضع جديد..علشان كدا يجب الاستعانة باستشارية رضاعة لتعلم وضع الرضاعة العميق....و هيا كمان ممكن توجهك لأقصى استفادة من فيديوهات تعلم وضع الرضاعة ❤️☺️

التعصير بعد كل رضعة حتى لو نزل نقط مهم جدا👌لان الهدف مش اللبن.....الهدف هو استثارة الثدي، و دي من الخطوات الهامة اللي بن...
13/07/2025

التعصير بعد كل رضعة حتى لو نزل نقط مهم جدا👌
لان الهدف مش اللبن.....الهدف هو استثارة الثدي، و دي من الخطوات الهامة اللي بننصح بيها لزيادة لبن الأم❤

أد ايه بيأسرني اهتمام الأم بالرضاعة الطبيعية حتى في أصعب الظروف....لو طفلها داخل عملية جراحية و بتسأل اعمل ايه في الرضاع...
12/07/2025

أد ايه بيأسرني اهتمام الأم بالرضاعة الطبيعية حتى في أصعب الظروف....لو طفلها داخل عملية جراحية و بتسأل اعمل ايه في الرضاعة علشان التخدير❤️
أثبتت الدراسات الحديثة ان الأم ممكن ترضع طفلها بأمان قبل العملية ب ٤ ساعات و تقدر تستأنف الرضاعة بأمان بعد خروجه بالسلامة من غرفة الإفاقة☺️
و نصيحتي ليكي...كوني حريصة على التواصل مع الجراح و طبيب التخدير بخصوص الموضوع دا قبل العملية😍
دمتم أصحاء انتم و اطفالكم ❤️🌹

في بداية التسنين، كتير من الأمهات الجميلات بتشتكي من عضعضة الطفل للحلمة وقت الرضاعة و طبعا دا بيكون مؤلم جدا...و بتتساءل...
11/07/2025

في بداية التسنين، كتير من الأمهات الجميلات بتشتكي من عضعضة الطفل للحلمة وقت الرضاعة و طبعا دا بيكون مؤلم جدا...و بتتساءل عن الحل⁉️
بداية كدا....الطفل بيبدأ يطلع السنتين اللي تحت من قدام، و لو الطفل *ملتقم التقام صحيح* بيكون اللسان مغطي على السنتين دول فميقدرش يعض الحلمة👍🏻
الحاجة التانية *التوجيه الهادئ* بمعنى لو الطفل عض الأم بالراحة تقول لأ و تفكه من الثدي و تجرب مرة تانية لحد ما يتعود على الإلتقام الصحيح ❤️☺️

بعض الأمهات ممكن تفكر في إجراء عملية الليزك بعد الولادة و بتتساءل عن مدى تعارض دا مع الرضاعة الطبيعية ⁉️هقولك يا ستي.......
10/07/2025

بعض الأمهات ممكن تفكر في إجراء عملية الليزك بعد الولادة و بتتساءل عن مدى تعارض دا مع الرضاعة الطبيعية ⁉️
هقولك يا ستي.....العملية نفسها و التخدير المستخدم فيها مش بيأثروا على الرضاعة بشئ.....
لكن نصيحتي بخصوص الموضوع دا هي إن الإنتظار أفضل حتى إتمام فترة الرضاعة نظرا لان بعض الأمهات بتمر بتغييرات في مقياس النظر أثناء فترات الحمل و الرضاعة و دا ممكن يضطرها لإعادة العملية تاني بعد فترة ☺️
لذلك الأفضل الانتظار حتى يستقر مقياس النظر ❤️❤️

Address

الاسكندريه

Telephone

+201501135522

Website

Alerts

Be the first to know and let us send you an email when عيادة د. ساندرا ابراهيم لطب الاطفال و الرضاعة الطبيعية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category