https://www.facebook.com/share/18Jo6G59dQ/, https://m.facebook.com/groups/1961806907282607/?ref=share&mibextid=NSMWBT, h

Therapist Sandy Gaber - ساندي جابر, الاسكندريه (2025)

20/07/2025

✋🏻✋🏻 مساء الخير حابين نوضح حاجه مهمه جداً و بأختصار بقدر الإمكان ...✋🏻✋🏻✋🏻

تصوير الأطفال أثناء الجلسات النفسية وعرض هذه الصور أو المقاطع على صفحات مواقع التواصل الاجتماعي يُعدّ خرقًا واضحًا لأخلاقيات المهنة والمعايير المهنية المتبعة في علم النفس ، وخاصة عند التعامل مع الأطفال.

إليك النقاط الرئيسية التي توضح ذلك:✋🏻

🛑 1. مبدأ السرية (Confidentiality):

من أهم المبادئ الأخلاقية التي يلتزم بها الأخصائي النفسي.

تصوير الطفل أثناء الجلسة النفسية يُعدّ انتهاكًا لخصوصيته، سواء بالصوت أو الصورة، حتى وإن لم تُذكر بياناته الشخصية.

مشاركة أي محتوى من الجلسة بدون إذن قانوني ومسبق من الوالدين (أو من له الولاية القانونية) يعتبر انتهاكًا صارخًا للسرية المهنية.

⚖️ 2. الحصول على الموافقة المستنيرة (Informed Consent):

يجب أن يتم الحصول على موافقة واضحة ومكتوبة من ولي أمر الطفل، مع شرح الهدف من التصوير، وكيفية استخدام المادة المصورة، وأين سيتم عرضها.

حتى بعد الحصول على الموافقة، يجب تجنب عرض المادة على وسائل التواصل لأغراض ترويجية أو تجارية أو شخصية، لأن ذلك يعارض مبادئ احترام كرامة الطفل وحقوقه.

📵 3. استخدام وسائل التواصل الاجتماعي لأغراض مهنية:

عرض جلسات أو مقاطع منها على وسائل التواصل لأغراض "تسويقية" أو "نشر الوعي" قد يُعدّ استغلالًا غير أخلاقي للعلاقة المهنية.

الهيئات النفسية العالمية مثل الجمعية الأمريكية لعلم النفس (APA) والاتحاد الدولي لعلم النفس (IUPsyS) تُشدّد على عدم استخدام وسائل التواصل لنشر أي محتوى يخل بأخلاقيات المهنة.

👶 4. حقوق الطفل (Child Rights):

بحسب اتفاقية حقوق الطفل (الصادرة عن الأمم المتحدة)، من حق كل طفل أن تُحترم خصوصيته وكرامته.

تصوير الطفل دون إدراكه الكامل لما يجري، ثم عرض ذلك للعامة، يُعدّ مساسًا بكرامته وحقه في الخصوصية.

✅ خلاصة:

لا يجوز تصوير الأطفال او المراهقين او البالغين أثناء الجلسات النفسية أو نشر هذه الصور أو المقاطع على وسائل التواصل الاجتماعي تحت أي ظرف او استخدامها للترويج و الاعلان ، ما لم يكن هناك ضرورة تعليمية أو بحثية مُلحة، وبشروط صارمة تشمل الحصول على موافقة خطية، إخفاء هوية الطفل، وعدم استخدام المحتوى بشكل يمكن أن يسبب أي ضرر أو حرج له

゚viralシfypシ゚

25/06/2025

في غرفة العلاج، لا تُعلّق الأحكام على الجدران...
بل تُعلّق الأسلحة...💫
فهذا المكان ليس ساحة للوم ، بل مساحة للحريه .🤍
يصل الإنسان مثقلًا بأحمال لا تُرى ولا تُحتمل ، ويضعها بصمت بينه وبين الكرسي المقابل ، لا يبحث عن حل سحري ، بل عن من يفهم عمق هذا الثقل أخيرًا ...

هُناك، يتعلم أن البكاء ليس علامة ضعف ، بل بداية تفريغ ما اختنق و تراكم في الداخل...

وأن الصمت ليس عجزًا، بل لغة تعبّر أحيانًا أكثر من الكلام...
وأن الحديث، حين يُقال في حضرة من يُصغي بصدق ، يمكن أن يكون أول خطوة نحو الخلاص من الآلآم .

العلاج ليس طريقًا مستقيمًا ، بل دربٌ متعرج نحو الذات ، نحو السلام النفسي ..
تُنيره لحظات صدقٍ نادرة، وتظله خيبات قديمة تنتظر أن نراها بعين الرحمة و المساعده، لا بعين اللوم... 🤍

25/06/2025

"خليكم الذكرى الحلوة في حياة أولادكم" ...
الذكرى الليِّ يحكوها بضحكة، ويفتكروا تفاصيلها بغرح ..
مَتكونوش الذكرىً الليِّ بيهربوا منها، والليِّ طول عمرهم بيحاولوا يتعافوا من آثار وجعها..
مَتنسوش...
الليِّ بتزرعوه النهارده في قلوب أطفالكم، هو نفسه الليِّ هتحصدوه بكرة في أيامهم.. !!

゚viralシ

17/06/2025

• حاجتين من أخطر المواقف إللي بتأذي الطفل وتضر جهازه العصبي، لازم ومهم نركز في إننا نتجنبهم:

1- إني آخد الطفل على خوانه (أخضه) زي:

- إنه يكون بيعمل حاجة غلط ومندمج وميكونش حاسس أصلا إني معاه في الأوضة ومديني ضهره فاتسحب و فجأة أقوله بتعمل إييييه وأزعق، فيتخض جامد، خصوصًا الأطفال تحت 3 سنين قلبهم بيوجعهم من الحركة دي.

- يكون عمل حاجة غلط وخلاص اتكلمنا فيها ودخل أوضته، وفجأة أحس إني كان لازم أشد عليه أكتر فبدون أي مقدمات أخش عليه أضربه.

- وطبعًا الناس إللي بتلعب مع الأطفال بإنها تستخبي وتخضهم وتضحك لما يتنفضوا، مش قصدي على إننا نخبي وشنا ونقول بخ، أقصد الخضة المفاجأة!

2- إني أجبره يبطل عياط وأفضل أزعق وأبرق لحد ما صوت عياطه يبدأ يوطي ويتقطع، والحركة دي من الأسباب الأساسية إللي بتخلي الطفل يتأخر أو يتهته أو يقطع في الكلام.

- عموما الحاجتين دول بيوتروا الطفل بشكل مباشر وقوي لو بنعملهم كتير، التوتر ده ممكن يظهر بعد كده في إن الطفل يكون:
1- عصبي
2- بيخاف
3- بتجيله كوابيس
4- بيتخيل حاجات مش موجودة ويخاف
5- تبول لا إرادي
6- قرقضه أظافر ومص أصابع
7- بيعييط على أي حاجة
8- عنيد

- وغيرها حاجات كتير بتختلف من طفل للتاني،
طيب لو عملت كده أقعد ألوم نفسي و أعييط بليل؟ .. أكيد لأ

• عادي نغلط.. المهم نحل.. لو حصل ده مني أعمل الآتي فورًا:

- أعتذر للطفل بهدوء: أنا أسفه جدًا إني عملت كذا (من غير ما تقولي بس
أنت السبب)
- أقر بمشاعره: أكيد فعلا دي حاجة تضايق
- ممكن أحكيله: أنا كمان حصلي كده مرة وكنت متضايقة جدًا (عشان يحس إنه مش غريب)
- اطلبي حضن: أنا محتاجة حضن، لو تَقبّل؛ أحضنيه.. لو لأ؛ خليه براحته.

بس كده.. وممكن وقت تاني لما يهدي خالص، تتناقشوا وتركزوا على الحلول.

• رفقا بقلوبهم الصغيرة، مش حمل خضة أو كبت!

* الطفل بيحس بصدقك لما تعتذر وبيسامح، و في الغالب كل ما هتجاهد نفسك تبعد عن الغلط ده لو بيحصله أي أعراض من إللي فوق هتبدأ تقل مع الوقت لإن السبب مبقاش موجود.

Therapist Sandy Gaber - ساندي جابر

10/06/2025

طفلك هيتكلم عن ده طول السنه 🥰✨️

🌞 الورشة الصيفية للأطفال 2025 – علشان الصيف يبقى له معنى و يقدر يكتشف نفسه !

رجعنا من جديد بأقوى ورشة صيفية للأطفال من سن 3 لـ 13 سنة، الورشة الليِّ كل سنة بتسيب بصمة ، وكل طفل بيخرج منها بشخصية أقوى ومهارات أكبر !✨️

🎯 إيه اللي بيخلّي ورشتنا مميزة؟✨️

لأننا بنهتم نشتغل على جوانب الطفل النفسية والسلوكية والعقلية، مش مجرد أنشطة وبس!

💡 في الورشة دي هيتعلّم طفلك :

✨️التحكم في الغضب والانفعالات بطرق ذكية وفعّالة، علشان يعرف يعبّر عن نفسه بدون توتر أو عصبية.

✨️زيادة التركيز والانتباه، من خلال تمارين وأنشطة بتقوّي قدراته العقلية وتساعده في المذاكرة والتفكير.

✨️تنمية المهارات والذكاءات المتعددة (اللغوي – الحركي – الاجتماعي – البصري – وغيرها ...)، علشان نكتشف معاه هو مميز في إيه وننميه.

🌟 نجاح الورشة بيتكرر كل سنة، وبيثبت إننا مش بس بنقدم محتوى...
إحنا بنقدّم "فرق" حقيقي في حياة الأطفال.
أطفالنا بيرجعوا الورشة كل سنة... وبيستنّوها طول السنة ✨️!
ورشه واحده بتفرق في حياة طفلك جداً و النتايج مُبهره✨️

🎉 وعلشان السنة دي مختلفة، رجعنالكم بمجموعة مفاجآت وأنشطة جديدة كليًا هتخلي التجربة ممتعة أكتر من أي وقت فات.
ده غير المهارات و الطرق الجديده الليِّ هتنمي طفلك 🥰✨️

📌 أماكن محدودة – احجز لطفلك دلوقتي وخليه يعيش متكاملة... مفيدة، ممتعة، ومؤثرة و مليانه اكتشافات ! مستنين إيه ؟

📞 للحجز والاستفسار: برجاء إرسال رساله علي الصفحه
Therapist Sandy Gaber - ساندي جابر

05/06/2025

طَابَت أعيادُكم برِفقةِ مَن تُحبّون، ولا قطع الله عن بيت عيدًا
عيدكم مُبَارك ✨️
#عيدالاضحي

゚viralシ #عيد #عيدكم #عيدية

28/05/2025

📌 طول اليوم بيجلنا رسايل "طفلي ضعيف الشخصية" ، مش واثق في نفسه ؟! ، أتصرف أزاي ؟

📌طفلي يعاني من ضعف واضح في شخصيته، ومظاهر ده كتير و مقلقة:

📌زميله بيضربه ومش بيدافع عن نفسه
📌بيتنازل عن حاجاته، سواء بالإجبار أو حتى بإرادته
📌مش بيرد على الأسئلة رغم إنه عارف الإجابة
📌دايمًا خايف ومش واثق في نفسه
📌تابع لغيره وماعندوش القدرة يقول "لأ"

📍بس كل ده ناتج عن ضعف تقديره لذاته وثقته بنفسه.!!
📍هو مش قادر يتعرف على نقاط قوته وضعفه، ولا قادر يتقبل نفسه:

📌شكلي وحش
📌أنا مش شاطر
📌صاحبتي أحلى مني
📌لوني مش حلو
📌شعري مش زي زمايلي
📌مَعنديش صحاب ليه ؟
📌محدش بيحبني

📍ونتيجة ده بيكون عرضة لمشاكل أكبر:
📌التنمر: لأنه مش بيقدر يدافع عن نفسه
📌الاستغلال: زملاؤه يستغلوا طيبته وضعفه
●"هات الكورة وإلا مش هتلعب معانا"
●"روح اشترينا حاجة"

📍والأسوأ: الاستغلال الجنسي
📌الطفل بيقبل سلوكيات مرفوضة لمجرد إنه مش عايز يخسر الصحبة أو لأنه مش قادر يرفض.

📍الحل يبدأ من البيت...
📌ابنك محتاج دعم كبير، وممكن يستفيد من جلسات علاج سلوكي ومعرفي، لكن في خطوات مبدئية لازم تبدأ من البيت بجانب الجلسات لأن ده مُهم :
📌1. اسمحي له بالرفض
●علميه إن من حقه يقول "لأ" من غير خوف، ومن غير ما يتعرض للتوبيخ.
📌2. اديله حرية الاختيار
●اسأليه: "تحب تلبس ده ولا ده؟"
●إيه الليِّ ييحبه و بيكره ، إيه هوايته ،،،، إلخ
●واحترمي اختياره حتى لو مش على ذوقك.
" الخطأ فرصة للتعلم، مش النهايه...."!!

📌3. ساعديه يتقبل نفسه
●لما يقول "أنا مش حلو"، قولي له:
"كل واحد فينا مميز بطريقة مختلفة، وده الجَمال الحقيقي".

📌4. ابني ثقته بنفسه بالمدح الصح
●امدحي المجهود مش النتيجة:
"أنا فخورة إنك حاولت، مش مهم النتيجة، الأهم إنك اجتهدت".

📌5. احترميه قدام الناس
●بلاش سخرية أو مقارنة، خصوصًا قدام الآخرين، لأنها بتكسر ثقته بنفسه.
●"بلاش تقولي عيوبه او تلوميه قصاد حد"

📌طفلك مش محتاج يكون "قوي" زى ما المجتمع بيقول، هو محتاج يشعر إنه محبوب، وآمن، ومقبول زي ما هو ، وقتها بس هيحس و يصدق أنُه قوي"

📌لو شايفه ابنك مهزوز او معندهوش ثقه بنفسه دلوقتي تقدري تحجزي جلستك للمساعده هنساعدك بخطة يومية عملية أو تمارين لتعزيز ثقته بنفسه، اطلبي المساعده

📩للحجز و الأستفسار برجاء إرسال رساله و سوف نوفيكم بالرد 📩

゚viralシfypシ゚
゚viralシ

゚viralfbreelsfypシ゚viral

#توعيه #إرشاد #اطفال #مراهقين

26/05/2025

الحب مش هو السبب الكافى إن أتنين يكملوا ..
يعنى مثلاً أنك تكون بتحب حد بس مش فاهمه..
بتحب بس مش عارف تخلي الشخص الليِّ معاك ده مبسوط و دايماً ف مشاكل و زعل...!!
بتحب بس مش عارف أيه الليِّ ممكن يضايق الطرف التاني و ايه ممكن يفرحه ..!!
بتحب بس مش عارف تكتفى بالشخص الليِّ معاك !!..
بتحب بس مَفيش تفاهم ، مَفيش لغة حوار !
الأمان ، إنك تبقىَ نايم و متطمن مش قلقان ان الشخص ده ممكن يكون سبب حزن ليك او مش هيهون عليه زعلك !! ..
انه تعدي ب ألف مشكله و الطرفين يكونوا support لبعض مش سبب تعب لبعض و" مَيهنش عليهم زعل بعض"!!
الأمان و الثقه و التفاهم و الأهتمام ، الاحترام و التقدير هما اللي بيجيبوا حب ، هما الليِّ بيخلوا في حب و علاقات بتكمل ، مَفيش حب منغير كل ده ..!!

_الخلاصه :..
الليِّ بيحبك مش هيسيبك غرقان ف أفكارك ، هيشاركك و هيكون support ليك ، هيحاول يطمنك حتيَ لو بكلامه مش مصدر إحباط و خنقه ، مش هيشوفك حمل و ضغط و مش هيعمل الحاجه الليِّ بتسبب حزن للطرف التاني ،هيسمع افكارك و يحاول يرتبهالك ،هتقدر تكون علي طبيعتك معاه منغير مَتخاف تتفهم غلط او تكون over و مُتصنع ،هيتقبلك بكل حالاتك ،الحب مش كلمة بحبك بس ، لو بتحب حد هتطمنه ، هتدعمه ،هتحسسه أن مَفيش حد أحسن منه ،مَفيش حد متشاف غيره أصلاً !!...

26/05/2025

😉

26/05/2025

📌"ابني ضعيف؟ ولا محتاجني أقف جنبه؟"

مشهد متكرر و بيتعاد مع أختلاف المواقف ، كل يوم بشوفه فَ العياده ..

📌ابني راجع من المدرسة، عينه مكسورة، صوته واطي...
"مالك؟"
"ولا حاجة..."
بس أنا عارفة إن فيه حاجة!

اتضرب؟
خدوا حاجته؟
اتريقوا عليه؟
وسؤالي اللى بيكسرني كل يوم:
ليه مش بيدافع عن نفسه؟!

📌مش علشان جبان ، ولا لأنه ضعيف
لكن لأنه مش شايف نفسه "كفاية"، مش شايف نفسه يستحق يدافع عنها أصلاً ، "خايف من الرفض" ، " خايف يتساب لوحدوا "

📌إزاي أعرف إن ابني ضعيف الشخصية؟

١_بيخاف يقول رأيه
٢_ما بيعرفش يرفض طلب
٣_بيسيب حاجته لصحابه من غير اعتراض
٤_بيسكت لو حد أذاه
٥_دايمًا تابع، عمره ما كان قائد
٦_شايف نفسه "أقل" من غيره
٧_بيخاف يقول "لاء" علي وضع مش مناسبه فَ يتساب

📌الطفل الليِّ بيحس بالرفض بيشعُر ب إيه ؟!
صوته الداخلي بيقول له:
١-"أنا مش حلو"
٢-"أنا مش شاطر"
٣-"أنا أقل من أصحابي"
٤-"طبيعي اتساب" ، "محدش بيحبني " ، "ماما مش بتحبني فَ صُحابي مش هيحبوني "...
📌وده الصوت اللى لازم إحنا نسكّته ، ونبدله بصوت أقوى:
📝"أنا كفاية... وأنا أستاهل."
📝انا مقبول مهما حصل ، أنا "محبوب لذاتي " .
📝مش هقبل بحاجه مش مُناسباني ، أختار حدودي و أعرفها .

📌هنا بيبدأ دوري كأم:

١_أنا بطله قصته
٢-أنا اللىِّ هزود ثقته
٣-أنا اللىِّ هعلمه يقول لأ
٤-أنا اللىِّ هخليه يوقف على رجله
"مش بإني أزعق له ، لكن إني أسمعه ، أرشده ، أفهمه حدوده و قيمة نفسه و أستحقاقه " ...

📌خطوات صغيرة = فرق كبير:

1. "يحق لك تقول لأ"
لما تقول لأ، أنا هحترمها ،مش هغضب، مش هكسر رأيك.

2. "اختياراتك تستحق الاحترام"
اختار لبسك، لعبتك، أكلك ،" حتى لو غلط"، من الغلط بنتعلم.

3. "إنتَ جميل ، زي ما إنتَ"
لونك، شكلك، شعرك " كل ده مميز" ، مش محتاج تقارن نفسك بحد ، انتَ كفايه و رأى الناس مش مُهم ...

4. "مش هضحك عليك ، حتى لو غلطت"
السخرية مش تربية، السخرية هدم..

5. "أنا فخورة بيك علشان حاولت"
مش علشان نجحت، لكن لأنك اجتهدت. وده النجاح الحقيقي.✨️

📌في النهاية...
📌ابني مش ضعيف
📌هو لسه بيكتشف نفسه
📌وكل يوم أنا قاعدة جنبه، ماسكة إيده، لحد ما يوصل ، لحد مَ يكون كويس ..✨️🤷🏼‍♀️

📌 لو أبنك بيمر بفتره مضطربه مقصره علي يومه و حياته و شعُوره متستناش و أطلب المساعده ، لحجز الجلسات و الاستفسار من خلال إرسال رساله📩

゚viralシfypシ゚ #توعيه ゚viralシ

25/05/2025

📌"لو بتصحى كل يوم ومش قادر تقوم من السرير ، طول اليوم بتفضل في السرير و مش بتسيبه ؟ ، و حياتك متعطله ؟! ، ممكن تكون مش كسول...
لكن ممكن تكون مصاب بـ 'كلينومينيا'!" ، تعالوا نعرف إيه هي ؟!

📌كلينومينيا (Clinomania) أو ديسانيا (Dysania) هي حالة نفسية يتميز فيها الشخص برغبة شديدة في البقاء في السرير. تُعتبر هذه الحالة مرضية شائعة، وتتسبب في صعوبة بالغة في النهوض من السرير أو عدم القدرة على مغادرته...

📌متنساش تطلب مساعدة مُختص ، أحنا هنا لمساعدتك ✨️

📌مكملين معاك في رحلة وعي🤍🤝🏻

تقدروا كمان تتابعونا من خلال صفحة رحلة وعي ‐Journey of Awareness

#توعيه ゚viralシfypシ゚゚viralシfypシ゚

21/05/2025

📌من المشاكل الليِّ بنقابلها كل يوم و مُتكرره مشكلة العند عند الأطفال.
📌لو أبنك او بنتك عنادين أقري البوست ده 🤷‍♀️

- أمتي نقول أن ابني أو بنتى عنيد أو عندية؟؟

● لما يرفض معظم الأوامر ، ومع أكثر من شخص وفي أكثر من موقف ،

● أنا عارفه إن ابنك "بيحطك في مواقف محرجة " ابنك بيعصبك " "ابنك بيعاندك ويعمل الحاجة الغلط الليِّ بتضره او الليِّ بتقولي لاء عليها ".

📌مشكلة العند ، أمر وارد وعند معظم الأطفال ، لكن خليني اعرف حضراتكم معلومات مهمة جداً ، ولازم نخليها في اعتبارنا. ...

📌أولاً :
أن العند يدل علي شخصية استقلالية ولها رأي وإرادة ولها شخصية ، و انه شخض مش بيحب حد أن يتحكم فيه أو يأمره بشكل مستمر ( الصفة دي بتكون متعبة ولكنها مهم وجودها ولها مزايا كبير جداً علي مستقبل شخصية طفلك.)

📌ثانياً :
إن العند بيكون واضح عند الأطفال حتي سن 5 :12 ثم يقل تدريجيا ...(عند التدخل اللازم)

📌ثالثاً :
الطفل بيتأثر بالأم العندية أو الأب العنيد ، بشكل كبير فـِ لو الأم عصبية باستمرار أو الأب شديد وعنيد ، الطفل بيكتسب العند والعصبية منكما بشكل لا إرادي ...

📍ملحوظه📝 : السلوك بيكون مُكتسب ، الطفل بيقلد كل شئ ، كل حاجه بتعملها طفلك هيكتسبها منك ، كل سلوك ، كل فعل ، كل رد فعل ...

📌رابعاً ..

العند قد يكون بسبب طلبات وأوامر الأم أو الأب الكتير خاصة عند الطفل الأكبر دايماً ( ودي من ضمن الاسباب عند ٣٠% من الأطفال بيقول ليه انا طول الوقت ليه مش فلان ؟...)

📌خامساً
لا نسمى العند عندا إلا عندما يتكرر رفض الطفل في مواقف كثيرة ، وليس لمجرد رفضه (مرة او اثنين او ثلاثة) لفعل لا يحبه ..

📌سادساً .

الضرب والصراخ والتعنيف يزيد الأمر ويحول الطفل إلى كذاب او محتال أو منتقم من أخوته او جبان مَعندهوش ثقه في نفسه ،( وفي العادة الطفل العندي لا يشعر بالضرب ) دايماً المقوله المشهوره (عادي ضربه و هتعدي اتعودت )!!!!!.

📍الحل أيه ؟ ، تعالي نشوف مع بعض ...

1. قللي من الأوامر وتجنبي الأومر الليِّ مُحتمل يرفضها الطفل ، اتعودي دايماً تحطي خيارات ..

2. خلي اوامرك فيها اختيارات ...ي
📌يعني مثلاً هتنام دلوقتي ولا بعد نص ساعة ،هيقول بعد نص ساعة.... و هكذا ..

3. اكثري من مجال الحرية لطفلك .
📍دايماً اطلبي رأيه في اشياء تخصه او تخص البيت ...
📍مثال ايه رأيك تقترح ناكل ايه النهارده ..

4. حددي الاشياء المتكررة والليِّ بيعاندك فيها ، وضعي لها قواعد والتزمات بالاتفاق معه ، ولاتقبلي بعدها التفاوض وتحلي بالحزم.

📍ملحوظه📝 : لو الطفل شافك بتقولي شئ و مش بتعمليه هيفقد ثقته فيكي ، مش هيصدقك و بالتالي سلوكياته السيئه هتتكرر و هيكون مع الليِّ حواليه مش بيوفي بكلامه !
(مـِ ماما بتقول كذا و مش بتعمل ، بابا وعدني بكذا و معملش عادي ) !!

5. في حالة انك مش عارفه تتعاملي معاه ألجئي لمُختص نفسي .

6. خلي طفلك يتحمل مسئولية خطأه ..
مثلاً ، لو ضيع شئ يخصه (عارف هيجيلوا غيروا ) ، قوليلوا ليه مَحافظتش علي حاجتك ؟ كان لازم تحافظ عليها .. !
ممكن نجيب حاجه تانيه بس نبهيه أن من المهم يحافظ علي حاجاته علشان مش كل مره هينفع نجيب غيرها ...(حتي لو ينفع تجيبي غيرها )

7. علميه يصلح غلطه ، علميه يعتذر ، فهميه للتصرف الصح من الخطأ الي أن يُدرك تصرفاته و حدوده .

8. ركزى مع طفلك علي أمر واحد وعلميه بالتدريج وساعديه في انجازه
مثال لو كركب البيت ساعديه ان يجمع ألعابه و ينظم غرفته ، شجعيه و ده هيعلمه يحس بالمسئوليه حتي لو بسيطه .

9. أثناء غضب الطفل لابد من تفهم اسباب غضبه ومحاولة ازالتها ان امكن وأن تكونوا هادئين (الضرب و العصبيه بيزودوا العند و الإندفاعيه أضعاف)

10. لا نستجيب لطلبات الطفل بعد نوبات العناد من صراخ وبكاء لانه سوف يستخدم سلاح البكاء عند احتياجه لكل طلب يريده .

11. قللي الأوامر و النهي و الغضب و العصبيه زودي الاهتمام و الكلام الإيجابي المُحفز و المُشجع ..

📩 لو محتاجه مساعدة مختص إرشاد أسري و نفسي تقدري تتواصل معانا ، و لو حسيتي إنك مش قادره تساعدي طفلك انه يكون أهديَ احنا معاكي ..
📍📩لحجز الجلسات و الأستفسار من خلال رسائل الصفحه 📩

゚viralシfypシ゚゚viralシ

Therapist Sandy Gaber - ساندي جابر

20/07/2025

25/06/2025

25/06/2025

17/06/2025

10/06/2025

05/06/2025

28/05/2025

26/05/2025

26/05/2025

26/05/2025

25/05/2025

21/05/2025

Address

Website

Alerts

Shortcuts

Share

Category