03/02/2023
طفله عندها 5 سنين بتعمل عملية في مستشفى النور الخيرية في المطرية وفي نهاية العملية فجأة المستشفى حصل فيها حريق
و ولعت وكله جرى ينجو بحياته ..
وفي وسط ريحه الدخان وأصوات الهلع و الرعب اللي في كل مكان كان الجراح الدكتور / رفعت بدوي ومعاه دكتور التخدير علي قدر عالي من الثبات و التركيز و المهاره السريعه فإنهم يكملوا ويخرجوا بالطفله بسلام من قلب الحريق العنيف اللى تسبب إصابه أكتر من 30 شخص ما بين حروق و إختناق تنفسي و وفاة 3 أشخاص رحمات الله تغشاهم وتقبلهم الله من الشهداء
بدأ الإختبار الحقيقي لدكتور التخدير لما إنقطع التيار الكهربي كمان بسبب الحريق و إنفصل الأكسجين و الطفله كانت بتواجه وفاه محتومه إلا إنه عافر و أصر بكل الطرق البدائيه الممكنه إن يحافظ علي حياتها و أقسم إنه مش هيخرج من غيرها و بالفعل تم و خرج بالبنت بسلام من وسط الحريق بيجري بالترولي بيها علي إيده
و بما إن الراجل دا مأخدتش أبسط حقوقه من رد الجميل بكلمه شكر ولا إعلام سلط الضوء عليه كنموذج مشرف مش ترايندات السرسجيه اللي بيجروا وراها حتي اللي نشر منهم كتب رواية مغلوطه تماما عن طبيب نسا بيولد ست قيصري و أنقذها هي
و الجنين ، لكن الحقيقة بطل قصتنا اللي بنوجه له كل الشكر و العرفان
هو الدكتور / علي الدسوقي
أستاذ التخدير و العناية المركزه بمستشفي الحسين الجامعي
