14/07/2025
معلومه طبيه ٢٤٣
إنت لو فكرت في L-theanine، هتلاقيه حاجة شبه "مهدئ" طبيعي. هي مادة بتدخل بشكل كبير في الريلاكسيشن بتاعة الأعصاب بدون ما تخليك نايم أو كسلان. هو بيعمل في دماغك زي "مايكون" بيهديك ويبسطك. فاهم؟ طيب، خلينا نتكلم أكتر
مبدأيا كده، الـ L-theanine هو "non-proteinogenic amino acid," ودي كلمة كبيرة معناها إنه مش بيشارك في بنا البروتين بس ليه فوايد عظيمة للمخ والعصب. واحده من الحاجات اللي بيعملها إنه بيخلي المخ يفرز "neurotransmitters" زي الـ "dopamine" والـ "serotonin" وده بيخليك تحس بسلام نفسي ومزاج هادي
كمان، L-theanine بيخليك في حالة "relaxation without drowsiness"، يعني إيه الكلام ده؟ يعني بتحس براحة واسترخا كده من غير ما تحس إنك عايز تنام. وده بيحصل لأنه المادة دي بتزود موجات حاجة اسمها "alpha waves" في دماغك. الموجات دي هي اللي مسؤولة عن إنك تحس بهدوء بس في نفس الوقت بتكون مركز أوي و دي حاجه كويسه لو عندك ضغط عصبي
طيب يعني إيه بقى بيزيد "alpha waves" في دماغك؟ بص، دماغ الإنسان شغالة بموجات كهربية زي الراديو كده. في أنواع مختلفة من الموجات دي، وكل نوع ليه تأثير مختلف على حالتك النفسية والجسمانية. لما بنتكلم عن "alpha waves"، دي بتشتغل لما تبقى قاعد مسترخي بس مركز شوية، كأنك بتبص للشمس في المغربيه وهي بتختفي في مكان هادي. يعني، الموجات دي بتحصل لوحدها لما تبقى مسترخي أو بتعمل meditation بعد يوم طويل. فالـ L-theanine بيخلي الموجات دي تزيد، الحاجه اللي بتريح بالك شوية من غير ما تخليك تروح في النوم أو تبقى مسقط كده
تعالى أقولك حتة كمان ماحدش هيقولك عليها عشان تطلع مبسوط، المادة دي عندها حاجة مميزة إنها "anxiolytic"، يعني بتقلل القلق، بالزبط زي BDZs، ده بجد على فكره! فالـ L-theanine هو النسخة الطبيعية واللطيفة اللي هتخليك مرتاح ومستكنيص كده، بدون side effects زي الإدمان اللي ممكن تعمله البنزوديازيبينز
ومن غير ما طول عليك، لازم نقول إنه L-theanine كمان بيزود جودة النوم. يعني بيخليك تنام نوم هادي وعميق، وبالذات لو إنت من الناس اللي بتقعد تفكر كتير قبل النوم
الأهم من كده، فيه حاجات بتقول إنه ليه "neuroprotective effects"، يعني بيحمي الدماغ من الحاجات اللي ممكن تأثر على الخلايا العصبية بشكل وحش. وده ممكن يكون ليه دور في حماية الدماغ على المدى البعيد
بص، بالنسبالي الـ L-theanine حاجة أساسية لأنه بيهدي أعصابي ويخليني مركز أوي، خصوصا في الجيم أو المذاكرة، ولازم أقول وبدون مبالغة، إنه في أول 10 حاجات ضرورية في حياتي،
تحياتى بروفيسور محمد جمال
٠١٠٠٥٠٠١٣٦٧
