عيادة الروماتيزم والمناعة - أمراض المفاصل والعمود الفقرى - د. مصطفى المناوى

01/06/2025

مواعيد العمل بالعيادات خلال هذا الأسبوع بإذن الله
👇👇👇👇👇👇👇👇👇👇👇👇👇👇
🟢دمياط الجديدة: الأحد -الثلاثاء-الأربعاء( ٥ ل١٠ مساء)
🟢فارسكور : غدا الأثنين فقط( الحجز مكتمل بعيادة فارسكور وأول مواعيد متاحة بعد أجازة العيد).
🌷🌷🌷🌷🌷🌷🌷🌷
وبداية من الخميس ٤-٦ العيادة أجازة حتى انتهاء فترة العيد

وكل عام وأنتم بخير

25/05/2025

٧ شهور ألم فى أسفل الظهر ؟ والسبب كان الراحة!

🟢 من ٣ أسابيع زارتنا فى العيادة مريضة فى منتصف الثلاثينات، بتعانى من ألم شديد أسفل الظهر والفخذ — الصورة الكلاسيكية لعرق النسا والانزلاق الغضروفى.

🩻 أشعة الرنين أوضحت وجود انزلاق غضروفى واختناق فى العصب…لكن لايسبب الألم الشديد الفترة الطويلة دى

🟢المريضة بتشتكى من ٧ شهور وأكتر،،،، وأخدت علاجات كتير ومافيش تحسن.

🧕وعلى لسان المريضة ( بقالى ٧ شهور بلف عن الدكاترة وأخد علاج ومرتاحة فى السرير ولسه تعبانه ومافيش تحسن . مش بعمل اى شغل بالبيت وحياتى كلها وقفت ).

🙋‍♂️ 🙋‍♂️ 🙋‍♂️ لحظة هنا استنى؟؟؟
بتقولى من ٧ شهور وانتى نايمة فى السرير؟؟
🧕ايوه يادكتور !! كل ما أروح لدكتور يكتبلى علاج ويقولى ارتاحى فى السرير وبقالى ٧ شهور ولسه زى ما أنا.

👨🏻‍⚕️ للأسف هو ده السبب✅✅✅

📌 الراحة الطويلة جدًا فى السرير سببت ضعف شديد فى العضلات، وده كان سبب استمرار الألم!
📌 الراحة الزايدة هى اللى عطلت الشفاء!

👨🏻‍⚕️إنتى علاجك انك لازم تبدىء تتحركى فورا ومافيش راحة تانى

🎯 الحل؟ وقفنا الراحة تماما وبدأنا حركة تدريجية مع خطة علاج بسيطة:
✅ دواء مناسب للحالة
✅ تمارين هوائية فى البيت
✅ جلسات علاج طبيعى
✅ إرشادات لحياة طبيعية بدون ألم

🙌 والنتيجة؟
بعد ٣ أسابيع بس:
المريضة بتمشى وتتحرك طبيعي، وبتقول:
“رجعت لحياتى من تانى!”🧕🧕

⚠️ الرسالة الأهم:
الراحة مش دايمًا هى الحل
🔹 فى آلام أسفل الظهر: الراحة المفرطة = تأخر شفاء
🔹 التوصيات الطبية: أقصى راحة من ٣ أيام لأسبوع فقط فى الحالات الشديدة
🔹 بعدها لازم يبدأ المريض يتحرك ويقوّى عضلاته تدريجيًا

🌷🌷بنسمع لكل كلمة فى شكوى المريض لإن كلمة واحدة ممكن يكون فيها مفتاح العلاج!🌷🌷

◀️◀️الكشف عند الطبيب المتخصص بيوفر عليك كتير من الوقت والفلوس والمجهود وهيريحك من فحوصات ولف كتير ليس له أى داعى.

✅✅إكشف صح 👈👈👈تتعالج صح✅✅

✍️✍️الكشف و الإستشارة بالحجز المسبق تليفونيا .

18/05/2025

مريضة فايبروميالجيا عندى النهارده بالعيادة

🧕معظم أعراضى يادكتور اتحسنت كتير …. بس اللى لسه مضايقنى جدا موضوع انى بنسى بشكل صعب أوى.
👨🏻‍⚕️ماتقلقيش حضرتك.. النسيان جزء من أعراض الفايبرو… بيتحسن مع العلاج بس بياخد وقت .. وكمان هزودلك العلاج ده وهقولك كام نصيحة تعمليها بالبيت هتحسن الذاكرة والتركيز.

🧕: ( شوية كلام كده بخصوص التعب)
👨🏻‍⚕️: ألف سلامة عليكى وهنكمل العلاج ٣ شهور واشوفك بإذن الله

🧕: تمام يادكتور .. بس حاجة اخيرة عاوزة أقولهالك قبل ما أنسى(( معظم أعراضى يادكتور اتحسنت كتير …. بس اللى لسه مضايقنى جدا موضوع انى بنسى بشكل صعب أوى)
👨🏻‍⚕️: تانى !!! لاحول ولا قوة إلابالله … وبصيت للى معاها وقولتلها خديها بقى دلوقتى قبل ماتنسى اسمها

08/05/2025

✅✅عقار جديد لمرضى الذئبة الحمراء✅✅

وصلتنا أسئلة كتير عن عقار جديد بالأسواق لعلاج مرضى الذئبة الحمراء،،، وهل العلاج ده شافى فعلا من المرض؟؟

✅✅نحب أن ننوه إلى الآتى:
🟢 لا يوجد حتى الآن علاج شافٍ نهائي للذئبة الحمراء، وكل العلاجات المتاحة تهدف فقط إلى السيطرة على نشاط المرض وتقليل المضاعفات.

🟢 بعض العلاجات البيولوجية الحديثة، قد تُفيد في بعض الحالات المستعصية والغير مستجيبة لخطط العلاج الأولية ، لكنها ليست علاجًا شافيًا، ولا يجب تقديمها للمرضى على أنها “أمل جديد” دون توضيح دقيق لمحدودية دورها.

🟢الحرص على الشفافية والمصداقية في المعلومات الطبية واجب أخلاقي قبل أن يكون مهنيًا، و نحرص دائمًا في عيادتنا على تقديم التوعية الطبية الصحيحة، المبنية على الأدلة، بعيدًا عن أي تهويل أو تضليل.

🌸🌸مع تمنياتنا بالشفاء العاجل لكل مريض 🌸🌸

01/05/2025

✅ دى يادكتور الأدوية اللى بستخدمها والشكوى بتاعتى حاليا.
🌷المريض المريح رزق🌷
🥰كيف تدخل الفرحة على قلب طبيبك فى أقل من دقيقة🥰

20/04/2025

كل عام وأنتم بخير بمناسبة أعياد الربيع

حبايبنا مرضى المناعة ( نخص منهم الروماتيد والذئبة الحمراء)
امراض التهابات المفاصل زى النقرس وخشونة المفاصل

ممنوع نهائيا الإقتراب من الفسيخ والرنجة تحت اى سبب
قطعة صغيرة جدا كفيلة بأنها تنشط المرض لشهور

وبلاش نشوف اول كومنت🫣🫣

11/04/2025

حالات كتير متابعة معانا بالعيادة و حالتهم المرضية مستقرة جدا بالعلاج
وعلى سبيل التجربة واللجوء لغير المختصين بياخدوا سم النحل،،، وللأسف بتكون تجربة كارثية ونشاط عنيف للمرض المناعى بعدها
رجاء عدم تجربة اى أدوية او مستحضرات طبية أو اعشاب.. إلا بعد استشارة طبيبك المعالج



#الروماتيزم

06/04/2025

03/04/2025

🟢 هل تشعر بثقل وتورم في قدميك؟ 🦵 🦵 قد يكون الأمر بسيطًا وعابرًا، لكن في بعض الأحيان قد يشير إلى مشكلة تحتاج إلى اهتمام!

🔍 لماذا تتورم قدماك؟ الأسباب قد تكون أقرب مما تتخيل:
🧩أسباب بسيطة قد تكون السبب:
✅ وزنك الزائد يضغط عليك: زيادة الوزن تعيق الدورة الدموية وتسبب تراكم السوائل في الأطراف السفلية.
✅ طول الوقوف أو الجلوس يرهق الدورة الدموية: البقاء في نفس الوضع لفترة طويلة يعيق تدفق الدم والسوائل.
✅ أدويتك قد تكون السبب الخفي: بعض الأدوية مثل المنشطات والهرمونات ومضادات الاكتئاب قد تسبب احتباس السوائل.
✅ تغيرات طبيعية تؤثر عليكِ: الحمل والدورة الشهرية يجلبان تغيرات هرمونية قد تؤدي إلى تورم مؤقت. 🤰➡️ 🤰🦶

⚠️ لا تتهاون! هذه الأسباب المرضية تستدعي استشارة الطبيب فورًا: ⚠️
❌ جلطة دموية تهدد سلامتك: تورم مفاجئ ومؤلم في ساق واحدة قد يكون علامة على تجلط الدم. 🚨
❌ إصابة أو عدوى تستدعي التدخل: التورم المصاحب للألم والاحمرار قد يشير إلى التهاب يحتاج لعلاج.
❌ الدوالي تعيق تدفق الدم: إذا كانت الأوردة غير قادرة على ضخ الدم بكفاءة، يتجمع في الساقين ويسبب تورمًا.
❌ انسداد الأوعية الليمفاوية يعيق تصريف السوائل: هذا الانسداد يمنع تصريف السوائل الزائدة ويسبب التورم.
❌ قصور الأعضاء الحيوية مؤشر خطير: مشاكل الكلى أو الكبد أو القلب قد تؤدي إلى احتباس السوائل في جميع أنحاء الجسم، بما في ذلك القدمين.

💡 قدمان مرتاحتان = حياة أكثر سعادة! 💡

لا تدع تورم القدمين يعيق حركتك وراحتك! انتبه لأسباب التورم واستشر الطبيب إذا لزم الأمر.

◀️◀️الكشف عند الطبيب المتخصص بيوفر عليك كتير من الوقت والفلوس والمجهود وهيريحك من فحوصات ولف كتير ليس له أى داعى.

✅✅إكشف صح 👈👈👈تتعالج صح✅✅

✍️✍️الكشف و الإستشارة بالحجز المسبق تليفونيا .

31/03/2025

🍏 دليل الأكل الصحي في العيد – المسموح والممنوع 🍏

🔴 هام جدًا لمرضى الروماتويد، الخشونة، النقرس، التهابات المفاصل، الذئبة الحمراء، والفيبروميالجيا! 🔴

كل عام وأنتم بخير! 🎉✨ بعد انتهاء رمضان، يبدأ الاحتفال بالعيد، ولكن احذروا الأطعمة التي قد تزيد من الالتهابات وتؤثر على صحتكم. لا تحرموا أنفسكم، لكن التوازن هو الحل!

✅ نصائح للحفاظ على صحتكم خلال العيد:
✔️ تناولوا غذاءً متوازنًا لدعم المناعة وتقليل الالتهابات.
✔️ اشربوا الماء بوفرة للحفاظ على صحة المفاصل وتقليل التورم.
✔️ تحكموا في الكميات واستمتعوا بالأكل دون إفراط.

⚠️ أطعمة يُفضل تجنبها أو تقليلها:
❌ الحلويات والنشويات مثل الكحك، البسكويت، والبيتي فور، لأنها ترفع معدلات الالتهاب.
❌ الأسماك المملحة مثل الرنجة والفسيخ، لأنها تزيد من احتباس السوائل والالتهابات.
❌ المكسرات والتسالي بكميات كبيرة، لأنها قد تؤدي إلى تهيج الالتهابات.
❌ الوجبات السريعة والمعلبات لاحتوائها على مواد حافظة تضعف المناعة وتزيد الالتهاب.

💡 الاعتدال هو السر! استمتعوا بالعيد دون التأثير على صحتكم، وحافظوا على نظام غذائي متوازن للحفاظ على نشاطكم وحيويتكم. 💡

🎈 عيدكم سعيد وصحي



الحمراء_الفيبروميالجيا.

31/03/2025

🌸🌸كل عام وانتم بخير🌸🌸
🌸🌸عيد فطر مبارك🌸🌸
🌸🌸اعاده الله عليكم بالخير واليمن والبركات 🌸🌸

29/03/2025

كل عام وأنتم بخير