20/06/2025
إيه اللي المفروض كل أب وأم يعرفوه عن لحمية البلعوم عند الأطفال؟
لو ابنك بينام والفم مفتوح وبتسمع خنفرة أثنام نوم، يبقى محتمل يكون عنده تضخم في لحمية البلعوم.
هنا كام سطر فيهم معلومات مهمة عن لحمية الأطفال ضروري تعرفها حفاظاً على سلامة ابنك ومنعاً لحدوث مضاعفات.
***
لحمية البلعوم الأنفي عادة بتحصل بسبب التعرض الكتير لأدوار البرد.
بتبدأ في الضمور عند سن من ٣ - ٥ سنين، وتقريباً في سن ١٥ سنة قد تختفي تماماً ( بشرط عدم التضخم)
طيب إيه أعراضها يا دكتور؟
1- صوت شخير أو خنفرة أثناء النوم قد يصل لانقطاع النفس أثناء النوم، وممكن يصحى من النوم كتير بسبب التنفس.
2- التبول اللاإرادي.
3- رائحة كريهة للفهم.
4- نقص كمية الأكسجين أثناء النوم الناتج عن تضخم اللحمية، بيسبب للطفل تعب أثناء النهار ورغبة في النوم وبيأثر على تركيز الطفل وتحصيله الدراسي.
5- قد يحدث تشوه في شكل وترتيب الأسنان بالفك العلوي.
6- تكرار التهاب الحلق وزيادة أعراض حساسية الصدر.
***
الطفل بيتم تشخصيه من خلال الأعراض ومدى تكرارها، وأحيانا بنحتاج عمل منظار للبلعوم أو أشعة عادية.
طيب إيه العلاج؟
- في حالة تضخم اللحمية الشديد بيكون إستئصال اللحمية هو الخيار الوحيد .
- أما الحالات البسيطة خاصة أقل من ٣ سنوات يفضل الإنتظار لإمكانية حدوث ضمور في حجم اللحمية مع الوقت، ولكن لو استمرت الأعراض أو حصل مضاعفات بنفضل إزالتها في وقتها حتى لو السن صغير وكمان ممكن العملية فى سن شهور.
