معامل واصل لاب للتحاليل الطبيه

28/12/2024

💍💵نصيحه من ذهب الوقايه خير من العلاج💍💵
الأم :-😡إبنى على طول عيان و تعبان ❗
😡 يخرج من تعب يدخل في التاني ❗
😡 مش عارفة أعمل ايه ⁉️
الدكتورة:👩‍⚕️ .. شوفي يا ستي
اول سؤال تسأليه لنفسك 🤔🤔🤔🤔🤔🤔🤔. 🍽️🍽️بتأكليه أيه ؟!🍽️🍽️
اشمعنى يا دكتورة ؟! .. أقول لحضرتك ..
بصى بقى يا ستى إنتي عارفة ان ممكن بالأكل بس ترفعي مناعة ابنك و تحسني قدرة جسمه على مقاومة الأمراض ؟! ..
✋🏿 وباذن الله محضرينلك لسته بالاكل اللى هيساعدك فى كده وبرده معظمه على قد الايد :
1. الزبادي: بجد ؟. فعلا .. وده لان الزبادي فيه حاجتين مهمين جدا ..
اولا : باكتيريا اللبن (lactobacillus) و دى لها دور مهم جدا في الحماية من عدوى الجهاز التنفسي و النزلات المعوية ..
ثانيا : فيتامين دال : اللي ليه دور مهم جدا في مقاومة الفيروسات و ادوار البرد.
2. الثوم: و ده لانه غني بعنصر مهم جدا جدا و هو (الزنك) والزنك ده مهم لتصنيع كرات الدم البيضاء (ودى المسؤول الاول عن المناعة في جسم الانسان)
3. الموالح :🍋🍊 🍌🍐زى البرتقال و الليمون و ده لانهم غنيين بفيتامين c اللي ليه دور مهم جدا في الوقاية من ادوار البرد و عدوى الجهاز التنفسي
4. فلفل ألوان : 🌶️و ده لانه غني بفيتامين c و كمان غني بحاجة تانية مهمة جدا و هي (الكاروتين )🍫🍬🥫.. اللي بتتحول في جسمنا لفيتامين أ الأساسي جدا للحماية من عدوى الجهاز التنفسي و الهضمي كمان
5. اللوز: و ده لانه غني جدا بفيتامين E و العديد من مضادات الأكسدة اللي بتقاوم البكتيريا و الفيروسات
6. السبانخ : غنى بفيتامين c – وكمان مضادات أكسدة دة غير الحديد كمان
7. البطاطا - الجزر🥕🥕🥕🥕 : غنى بالكاروتين
8. شوربة الفراخ 🥣🐔🐓 🥣: اجدادنا كتير جدا بيطلع عندهم حق .. شوربة الفراخ فعلا من اهم الحاجات اللي بتقاوم البرد و ده لانها غنية جدا بفيتامين ب ٦ و حاجة تانية اسمها (كارنوزين) المهمين جدا لمقاومة الفيروسات و ادوار البرد
وطبعا ماتنسيش يا ام الابطال تهوى المكان وتدخلى اشعه الشمس ☀️☀️و الهواء النقى باستمرار
الام الشاطرة لازم تاخد بالها (بلاش وجبات التيك اواى 🌭🥪والشيبسيهات والمنتجات اللى فيها مواد حافظه دى)
الطفل مناعته تزيد بالاكل الصحى اللى يزود مناعته ويقويه مش بكميه الفلوس💵 اللى بتتصرف عليه

03/07/2023

انا نفسيا لسه العيد مخلصش🥹

24/05/2023

ابننا النسمة و نور عنينا النهاردة خلانا نجري علي المستشفيات علي الصبح كده.. ايه الحكاية ياماما ؟
لقيته قاعد جنب كيس أو درج الأدوية و الشرايط فاضية 😢 طيب بالراحة إيه إللي كان عندك في البيت ؟ كلهم مسكنات سيتال و بنادول عشان كان عندي برد... هيحصله إيه يادكتور ؟؟؟

تعالي نفكر كده مع بعض.. السيتال والبنادول و غيرهم فيهم مادة الباراسيتامول.. مادة لطيفة جدا بتتوصف آكتر للطفل من الكبير تقلل الحرارة ومسكن مش بطال.. اومال مشكلتها إيه إنها مع الجرعة الزايدة بتأذي الكبد؟😮😥 طب ازاااي؟

ربنا خلق لنا طريق يتحرك فيه الدواء من أول ما يدخل الجسم و يعمل تأثيره و يتكسر ويخرج من الجسم بسلام🏃‍♂️🏃‍♂️الطريق ده شغال معاك زي الفل لغاية جرعة معينة منه بعدها يقول لا خلاص فرهدت فرهدت🤦‍♂️🤦‍♂️.. هاتولي حد يساعدني.. يتفتح طريق جانبي تشيل الزيادة من الدوا بس مهياش قد كده تقوم تكروت الشغل كده وتحول الباراسيتامول الزيادة لمركب إسمه NAPQI وتقوله اركن لي هنا علي جنب.. يروح فين؟ 🤔🤔 يروح يقعد في الكبد و يريح بقي و يقعد ياكل في خلايا الكبد إللي تحته ومن هنا تظهر الاعراض السمية علي الكبد.

طيب ربنا الكريم بيحمي أولادنا بطريقة رائعة إنه خلي الطريق الرئيسي يشيل ويشتغل أحسن بكتير من الشخص البالغ قبل ما يهبط ويحول علي التفريعة طب الكلام ده لكل الاطفال ؟ لغاية سن ٧ سنين.. ويبداوا تدريجيا يبقوا زي الكبار لما يوصلوا ل ١١ - ١٢سنة.

امتي بقي تبقي الجرعة سامة ؟؟🙆‍♂️ لما تعدي ٢٠٠مجم لكل كيلو من وزن الطفل.. يعني مثلا طفل وزنه ١٠ كجم الجرعة السامة له ٢جم.. يعني تقريبا ٤ أقراص من سيتال تركيز ٥٠٠مجم وهكذا أعرف وزن الطفل و تركيز الدواء سواء شرب أو أقراص و احسب هل هيا سامة ولا لا.

طيب مش عارف أخد كام حباية ماكنتش جنبه بس الشرايط فاضية😥😭 .. فيه تحليل مادة الباراسيتامول في الدم بس مايتعملش قبل مرور ٤ ساعات من أخد الدوا عشان يبقي صح 🤝.

طيب الولد هيبقي عليه اعراض ايه؟ أول يوم مغص و ممكن قئ و اسهال و إعياء.. علي تآني يوم هلاقي وظايف الكبد بتزيد وهتفضل تزيد من ٣ ل ٥ أيام تصل ل ٣ اضعاف الرقم الطبيعي.. بعض الاطفال بتظهر عليهم صفرا و الم في الجنب اليمين.🤦‍♂️

طب أنا قلقت جدا ؟ لا مش هنقلق ولا حاجة لأن التسمم ده له مضاد للسموم رائع إسمه الاستيل سيستايين.. منه أكياس فوارة تركيز ٢٠٠مجم أو أقراص فوارة تركيز ٦٠٠مجم أو حقن بس إسمها التجاري هيدوناك بتتاخد بجرعة لازم الدكتور هوه إللي يحسبها و يكتبها للمريض.. تعكس الأثر و ترجع كل حاجة زي مكانت لو بدأته علي ٥ يوم الوظائف الكبد هترجع الطبيعي و كل الاعراض هتختفي..😊😊

كلمة في ودنك بقي يادكتور👀 .. نسبة كبيرة من الصغيرين أو الكبار عندهم حساسية من الاستيل سيستايين فضروري لو أديت الفوار ولقيت طفح جلدي أو تورم أو أي اعراض حساسية وقفه و ادي أدوية للحساسية قبل الجرعة الجاية.. طيب عرض شهير له هوه الاسهال.. ماننساش نسأل هل الطفل عنده إسهال بعد ما بدا العلاج لإنه كده بيفقده ومش بنعمل حاجة برضه أوقفه و ادي حاجة الاسهال وتعويض وابدا احسب تآني من الأول وهكذا.. كل جرعة مهمة بتتاخد علي ٣ أيام متواصل🕑🕝🕖 عشان ما يبقاش فيه اثر سلبي علي الكبد.

هيروح بالسلامة إن شاء الله علي وصف لأكل خفيف و سوايل كتير و مضادات للاكسدة..

ونصيحة لكل الامهات فيه ضلفة كده في المطبخ علي أيدك الشمال فوووق في كل البيوت المصرية.. القرود مش بيعرفوا يوصلوا لها.. عارفاها؟ حطي بقي ادويتك كلها هناك ☺️😂
ربنا يحفظ ابنائنا جميعا.منقول ..

20/05/2023

ادعو معي الآن بهذا الدعاء❤️ "🤲 اللهم إني أسألك الثبات في الأمر والعزيمة على الرشد، وأسألك موجبات رحمتك وعزائم مغفرتك، وأسألك شكر نعمتك وحسن عبادتك، وأسألك قلبًا سليمًا ولسانًا صادقًا، وعملا متقبلا".🤲❤️

12/05/2023

😂🤦🧑‍🔬

03/05/2023

02/05/2023

🤍🧑‍🔬 my passion 🤍🧑‍🔬