لو لسه ماتعرفيش - For New mom's

24/01/2024

📌 الحديد الموجود في اللحمة و الكبدة أعلي في القيمة الغذائية وكمان أسهل في الامتصاص من الحديد اللي في السبانخ

🛑 عشان كده يفضل أن الأطفال اللي عندهم أنيميا ياكلوا لحمة و كبدة كتير و يشربوا بعدها عصير ليمون أو برتقال عشان بيزود امتصاص الحديد أكتر

وخليها قاعدة عندك (ارتفاع نسبة الحديد بيزود نسبة الانتباه والتركيز عند الاطفال وانخفاضه بيسبب العكس )

المعلومه من : Asal Baby Clinic د محمد عسل

19/03/2023

لو لسه ماتعرفيش 💁

17/03/2023

لو لسه ماتعرفيش - For New mom's 💁

مهم جدا جدا
لكل ام عايزه تعرف ابنها طبيعي ولا لأ
عشان لو متأخر تلحق ابنها بدري وان شاء الله يكمل طبيعي

ابنك متأخر لو عنده حاجه من الحاجات دي :

لو من اول يوم مافيش رد فعل للصوت
لا ينتبه الي الضوء الموجه الي عينه

عند عمر شهرين
لا يتابع شئ متحرك امام عينه
لا يبتسم

بعد عمر ٣ شهور لا يصلب رأسه

بعد ٤ شهور
جسمه مخشب أو رخو
لايهتم مع من يتفاعل معه
لا يلتفت الي الصوت

لا يتقلب بعد ٦ شهور

عند ٩ شهور لا يتفاعل مع beek boo
بعد ١٠ شهور لا يقعد

عند سنه لا يزحف - لا يقول بابا ماما - لا يعمل باي باي

لا يمشي عند عمر سنه ونصف

أكبر من سنتين
بيقول كلام كله مبرطم ولا ينطق كلمه واحده مفهومه
بيوقع باستمرار مع المشي
بينزل لعاب من بقه باستمرار
ما بيركبش ٤ مكعبات
ما بيفهمش الأوامر البسيطه ذي (خد دي - روح لماما)
من الصعب جدا جدا ان يبعد عن ماماته

الطفل بعد ٣ سنين
لا يتفاعل مع ناس غير الام والاب
يعيط عياط مبالغ فيه لو سيبتيه عند ماماتك وصعب جدا يبعد عنك
لايعرف الضمائر خصوصا ( انا وانت )
لا يقول جمله من ٣ كلمات
يتجاهل اللعب مع الاطفال
لا مهتم الا بالألعاب الفرديه
يعض أو يؤذي نفسه
مابيعرفش يمسك القلم

طبعا غير كده يبقي الطفل طبيعي ما تقارنيش طفلك بحد تاني سواء ابن اختك الي مشي عنده ٩ شهور ولا ابن جارتك اللي طلع القمر عند سنتين

وبرضو وجود اكتر من علامه من علامات التأخر يقول ان المشكله كبيره لازم كشف وعرض علي دكتور مخ وأعصاب اطفال

انما لو حاجه واحده موجوده والباقي طبيعي كده مشكله بسيطه هتتحل سريعا

د. حسن رجب
مدرس مساعد طب الاطفال
كلية طب - جامعة الازهر

دكتور اطفالك - حسن رجب

28/02/2023

لو لسه ماتعرفيش 💁

🤷‍♀️الأمهات اللى بتشتكي ان ابنها بيتخض وبيتفزع من اقل صوت او حركه وساعات وهو نايم كمان وان ده بيتكرر كتير ..

عاوزه اقولك ان احنا كأطباء بنخاف لما نيجى نفحصه و نلاقيه مابيتخضش 😂

👩‍⚕️ده رد فعل للجهاز العصبي للطفل مهم جدا اسمه moro reflex ..

موجود من يوم الولاده و بيبدأ يختفى عند ٣ او ٤ شهور
وعادة بيختفي بعد ٦ شهور ..

20/02/2023

لو لسه ماتعرفيش 💁

لسه شايف بوست لطفل خد بروفين ودولفين مع بعض حصله فشل كلوي حاد😓 كومنتات👇

05/02/2023

لو لسه ماتعىرفيش 💁

17/01/2023

لو لسه ماتعرفيش .. 💁

اللبن البقري بيعمل فقدان دم في البراز لو زاد عن ٦٠٠ مل يوميا وده يعمل انيميا مزمنه

كفايه كوباتين يوميا
ومش قبل سن سنه

المعلومة من : صفحة دكتور اطفالك .. حسن رجب

05/01/2023

هو ينفع اشيل الدوا في التلاجة بعد ما يتفتح و ادي ابني منه لو لا قدر الله مرض تاني مدام تاريخ الانتهاء مجاش ؟؟

لو لسه ماتعرفيش .. 💁

١) ادوية الشرب زي السخونية و الكحة و غيره تفضل في التلاجة بعد اول مره اتفتحت فيها لمدة ٦ شهرر.

((درجة حرارة اقل من ٢٥ درجة باي حال من الاحوال وفي بعض الادوية تحفظ في درجة حرارة من ٢-٨ درجة مئوية و دي بيكون مكتوب عليها كده))

٢) الغسول و الشامبوهات الشامبوهات الطبية و سوائل الاستحمام تستخدم لحد ٦ شهور

٣) قطرات العين و الاذن و الانف تستعمل لحد ٢٨ يوم

٤) الكريمات الموضعية ((الثقيلة)) creams تستعمل لحد ٣ شهور بعد الفتح و المراهم ((الخفيفة)) ointments تستعمل لحد ٦ شهور لو محفوظين في انابيب اما لو محفوظين في علب ((زي السودوكريم مثلا)) يبقى الكريم يقعد شهر و المرهم ٣ شهور

٥) البخاخات تستعمل لحد تاريخ انتهائها

٦) الانسولين ٤ اسابيع بشرط حفظه في التلاجه

٧) اللبوس و الكبسولات لحد تاريخ انتهاءها مادامت محفوظة في شرايطها

يعني في العموم الدواء الوحيد اللي مينفعش نشيله بعد الفتح هو المضاد الحيوي غير كده زي ما قولنا فوق

المعلومه من .. د/ رانيا لطيف

01/01/2023

كتير من الامهات لما بتستبدل الببرونة ببدايلها بتستخدمها غلط وتفاجأ ان الطفل رفض الثدي أكتر رغم انه مش بياخد ببرونة
ومتعرفش تعمل إعادة ارضاع ولا تعرف توقف الببرونة

لو لسه ماتعرفيش .. 💁

لما تستبدلي الببرونة بالسرنجة تحطي معاها صباعك
لو الطفل مص على صباعك ضخي اللبن من السرنجة
ولو مش بيمص وقفي نزول اللبن من السرنجة

⭕ اولا : صباعك ملمسه جلد زي الحلمة

⭕ ثانيا : بتربطي عن الطفل نزول اللبن بالمص conditioning فلما تيجي تحطيه على صدرك ميفتحش بقه ويستنى اللبن ينزل لوحده ويبقى نشيط ويمص كويس

⭕ ثالثا : نقلل دخول الهوا قدر الامكان

⭕ رابعا : يفضل ثديك اسهل وافضل من طريقة السرنجة دي فالطفل ميرفضش الثدي

المعلومة من : د. ولاء عبد الكريم السيد أخصائي طب الاطفال و حديثي الولادة / استشاري دولي الرضاعة الطبيعية

28/12/2022

كمادات المياه احسن و مؤثرة اكتر من كمادات الجيل

طبعا لان المياه بتنزل درجة حرارة الدم مش شرط المياه اللي بنعمل بيها الكمادات تكون ساقعة او من التلاجة زي كتير للاسف بيغلطوا الغلطة دي الأفضل تكون مياه من الحنفية لان صدمة المياه الساقعة ممكن تدخلنا في مشكلة اكبر

اما كمادات الچيل فهي بتحتوي على مادة جيلاتينية بتحتفظ بالبرودة لفترة فعشان كده مجرد انها تسخن بسخونة الجسم هتبقى غير مؤثرة على الإطلاق

الأفضل والأفضل هي المياه الجارية زي اني أدي للطفل شاور تحت المياه الجارية وقت الحرارة بس برده تكون بمياه فاترة الطفل يقدر يستحملها و جريان المياه على أماكن الأوردة الكبيرة
اللي هيقدر ينزل الحرارة و لو هتضطري تنزلي الحرارة اكتر من مرة في اليوم مش شرط انه ياخد الشاور بجسمه كله ممكن بس الجزئ السفلي فقط من تحت السرة

المعلومة من : Asal Baby Clinic د محمد عسل