الدولية انترناشيونال للطباعة والمنتجات الصحية Al-Dawlya International

30/05/2017

19/04/2017

دراسة أمريكية اتعملت على عربيات التسوق فالمولات فلقوا ان المكان المخصص لأن الطفل يقعد فيه مستعمرة مليانة أكتر من ١٠٠٠ ميكروب وفيروس بتيجى من اللحوم النيئة والفراخ النيئة اللى بتتحط فالعربية وبدون ماتتغسل عربية التسوق او تتعقم نحط اطفالنا يقوم الطفل يحط ايده فبقه او فعينه او يعض اليد زى مافى الصورة فتعمله نزلة معوية او التهاب فالعين او الجلد نخلى باىنا

30/03/2017

للاسف سيتم حذف هذه الصفحة اذا بقى التفاعل ضعيف رجاءا اضغط "لايك" وعلق بـ"تم" لتصلك منشوراتنا باستمرار
للمزيد سجل إعجابك بصفحتنا

12/03/2017

"ابنى بقاله شهرين كل يوم أحد بيسخن ،، اكشف عليه يقولولي التهاب فى الحلق وياخد مضاد يخفّ وتتكرر الحرارة الأسبوع اللى بعده .."

بخفوت هامس ،، انطلقت هذه الكلمات من شفتيها المرتجفتين ..

خائفةٌ هىَ ..!

لا أدرى تشبيها أكثر واقعيةً وتقريباً للأذهان مما هى فيه ..

خائفة كأمّ طفل تخشى على وليدها مما لا تعلمه أو تخشى أن تعلمه ..

تفحصت الطفل بهدوء وتمعن ..

سنتين ونصف تقريباً ،، نحيف الهيئة ،، يبدو متألّماً من شئ لا أدرى كنهه ..

سألت الأم والأب باهتمام :
"الولد كان بيخف بعد الحرارة بكام يوم ؟؟ "

- " ٣ ايام بالضبط سواءً بدأنا المضاد بدرى او صبرنا يوم مثلاً.."

"طيب بطنه كانت بتوجعه مع الأدوار دى ؟؟"

- " اه وهيا واجعاه دلوقتى ومش بياكل حاجة خالص وقت التعب !"...

- " هل مع الادوار دي رشح او كحة او زكام ؟؟"

* غالباً لأ !!

- " فحصت الطفل بعناية ،، الحلق عادى جداً لونه وردى قليلاً - وده طبيعى - مفيش احتقان ولا التهاب ...!!
الأنف بها افرازات بسيطة ...
البطن مشدوده وتؤلمه إلى حد ما slightly Gaurding abdomen ..
الحرارة عالية 39 ...
الأذن سليمة ...

- ""بصى يا مدام ... محمد مش باين عليه أى سبب ظاهرى للحرارة العالية دي الصراحة ...
بس تكرار الحرارة بالمنظر ده ،، ونزولها المفاجئ ،، وعدم احترامها للمضاد من عدمه ،، مع ألم البطن المتكرر مع الأدوار ...
كل ده يخلينا نفكر فى مرض مهم جداً بيتكرر مع حرارة عالية ..
عشان كده مطلوب تعملى التحليل ده ،، تدى الخوافض دى ،، اياكى تدّى أى مضاد حيوى ،، ان شاء الله ٣ ايام برضه ومحمد يتحسن لوحده ..""

**حد فى العيلة او القرايب من الناحيتين بيجيله حرارة متكررة ؟؟

-آاه يا دكتور خاله عنده ٢٤ سنة وكل شهر بيحيله حرارة ويرقد ٣-٤ ايام ويخف لوحده !!

لمعت عيناى وأنا أسمع الإجابة ..
وخفق قلبى ...
بشدة..

*****************

محمد دلوقتى بقاله ٨ شهور تقريباً مجالوش الا دور واحد او اثنين حرارة ،، وزنه وشهيته زادوا بشكل ممتاز بعد ما تم تشخيصه "حمى البحر الأبيض المتوسط Familial Mediterranean fever" بعد التحليل والعلاج .. والفضل لله أولاً وآخراً ...

تعالوا نتعلم ونحكى شوية ...

* "جالينوس" 👀 الطبيب الإغريقى الأشهر ،، وصف حرارة متكررة تتزامن مع أطوار القمر 🌔🌖🌗🌘🌕🌑 ،، الكلام ده كان فى القرن الثانى قبل الميلاد AD،،،
بدأ الأطباء فى القرن التاسع عشر - ابتداءاً ب الإنجليزى ويليام هبردين - يوصفوا مرض عجيب ،، عبارة عن حرارة متكررة مع ألم بطن أو صدر أو مفاصل ،، بتختفى لوحدها وتتكرر بدون تفسير !
لغااااااية ما تم اكتشاف الأصل الچينى الوراثى للمرض وانتشاره حوالين أجناس البحر الأبيض المتوسط على إيد العالم "هيلين" سنة ١٩٥٨ ،، وأخيراً تم اكتشاف الجين المسبب للمرض سنة ١٩٩٧ ،، ومن ساعتها والأبحاث شغالة حتى يومنا هذا ...

** من دواعى الفخر😃 - والحزن فى نفس الوقت😥- أثناء بحثى عن الجذور التاريخية لمرض حمى البحر الأبيض ،، لاقيت العلماء كاتبين ما نصه " أول عالم استخدم الكولشيسين فى علاج المفاصل كان العالم العربى "ابن سينا " وذكر ده فى كتابه "القانون فى الطب" قبل استخدامه فى أوربا ب ٨ قرون كاملة !! تخيلوا كنا فين و بقينا فين 😢

**متلازمات الحرارة الزمنية- Periodic Fever syndromes"... مجموعة أمراض بيميزها تكرار الحرارة والتهاب الأغشية المصلية serous membranes بشكل ثابت ،،،
أشهرها "حمى البحر المتوسط FMF"...
واللى بتيجى بحرارة متكررة وألم بطن وساعات ألم صدر أو مفاصل (أو احمرار وتورم) ،، كذلك طفح جلدى غالباً تحت الركبة ، وألم عظام !!

** مش لازم طبعاً كل الأعراض تبقى موجودة عشان نشخص المرض - معايير التشخيص بتكتفى ب ( حرارة ٣٨ فما فوق + ألم بطن شديد التهاب الغشاء البريتونى Peretonitis + تحليل Amyloid A protin إيجابى أثناء الحرارة )
والتكرار غالباً فوق ٣ مرات ... التحسن الرهيب على أقراص الكولشيسين ووجود فرد من الأب أو الأم عنده الحمى بيأكد التشخيص كمان 👍

**كتير جداً من شدة ألم البطن الأطفال دي بتتفتح وتدخل عمليات على إنها زايدة أو مرارة وتتشال الزايدة فعلاً وترجع تتعب تانى ، نكتشف مؤخراً انها كانت FMF ،، تخيلوا !!

** تحليل الچينات FMF gene يثبت ولا ينفى ،، بمعنى إن المعامل لسه مش بتعرف "تلقط" كل الچينات Mutations المسببة للمرض ،، عشان كده التشخيص اكلينيكي بالمقام الأول + AmyloidA .

** على مستوايا البسيط - شخصت ٤ حالات السنة دى ،، اتنين منهم عندهم حساسية طعام متعددة ،، طبعاً غير محمد ، وبنوته كمان كانت بيجيلها ألم مفاصل وحرارة وألم بطن متكرر ،، ده غير ٢ السنة اللى فاتت .. ومتأكد ان أطباء أطفال كتير بيشخصوها ويعالجوها ،، عاوز اقول انه منتشر فعلاً ونسبته العالمية فى منطقتنا بين ٢٥٠/١ و ١٠٠٠/١ ودى نسبة - لو تعلمون - كبيرة والله .. فناخد بالنا ...

** أخيراً وعشان منتوهمش !!
مش كل حرارة متكررة حمى بحر أبيض !!
ومش طفل بيسخن نقول عنده FMF ،، زى ما قلنا فى معايير للتشخيص بواسطة الطبيب ،،
في ١٠٠ مليون سبب للحرارة المتكررة غير الحمى
احنا بس بنفتح عقولنا ..
وبنوسع مداركنا ...
يا رب ننفع نفسنا وغيرنا ..
آمين ..🙏

*معلومات هامة جداً عن المرض فى التعليقات .

#المصادر :

http://emedicine.medscape.com/article/330284-overview

http://www.medicalcriteria.com/site/criteria/79-rheumatology/397-reufmf.html

https://www.ncbi.nlm.nih.gov/pmc/articles/PMC4613641/

08/02/2017

مفيش حاجة اسمها طفل تحت ٦ سنوات ياخد بخاخة صدر للحساسية بالفم مباشرةً - لازم جهاز مسافى spacer ،، وإلا ٩٠٪ أو أكتر من الجرعة هيطير فى الهوا !!

..

05/02/2017

: هلو بيبي المنتج الأكثر روعة الأكثر جفافا حفاض واحد يعني ليلة واحدة من الجفاف 40 حفاض في العبوة الواحدة ولجميع
المقاسات من الصغير إلى الماكس كفيلة بجعل طفلك يشعر براحة لا مثيل لها بخاصية القماش المانع للشعور بالحرارة

31/01/2017

مقال هام جدا عن العقاب.
ازاي اعاقب ابني من غير ما اهينه و اخليه يتعقد ؟؟!!! انا محتارة !

شوفي حضرتك .. القاعدة الاولى اللي لازم كلنا نعرفها قبل ما نفكر نعاقب ولادنا هي ان الأطفال ذاكرتهم قصيرة المدى ((children has short memory)) .. يعني بينسوا بسرعة .. بس للأسف في موضوع العقاب ده بالذات بيكون نسيانهم انتقائي .. يعني هما بينسوا اتعاقبوا ليه بس مينسوش ابدا العقاب نفسه 😔 ...
وعشان القاعدة دي بالذات لازم نعرف و نلتزم بالآتي:

اولا: مهما تعاقب ابنك او تعاقبي بنتك على حاجة .. لو شافك انت بتعملها عمره ما هيبطلها .. هينسى دايما هو اتعاقب ليه و هيفضل يقلدك .. مينفعش تعاقب ابنك على الكدب مثلا وهو شايفك بتكدب .. مينفعش تعاقبي بنتك على الزعيق و الصوت العالي و انتي صوتك جايب اخر الشارع .. خليك دايما واخد بالك من تصرفاتك لأنهم في الاخر مهما تعاقبهم هيقلدوك برضو Be a Role model

ثانيا: العقاب ميبقاش عمال على بطال .. في الاخر الطفل هينسى هو بيتعاقب ليه من كتر العقاب .. فوتي شوية يا فندم .. متعاقبيش على الاخطاء الصغيرة و التافهة و غير المضرة .. اعملي نفسك مش شايفة ووجهيه بعديها للصح

ثالثا: العقاب لازم يبقى فوري وقت وقوع الخطأ .. عشان يرتبط في ذهن الطفل بالخطأ .. مفيش حاجة اسمها تحوشيله و تكتمي في نفسك و تنفجري مرة واحدة !! كده عقابك هيبقى شديد على الفاضي و الطفل مش هيفهم هو اتعاقب ليه اساسا !!

رابعا: الغلط لازم يفضل غلط .. يعني الخطأ اللي اعتبرتيه جسيم و يستحق العقاب .. مينفعش لما يعمله تاني ميتعاقبش عليه .. كده ابنك هيقول ايه الست اللي بحالات دي ؟؟ .. مش عايزة تعاقبيه عليه تعملي نفسك مشوفتيهوش ..

خامسا: خللي ديما العقاب مرتبط بالخطأ .. يعني لو كسر لعبته .. يبقى مفيش لعبة تانية .. لو عمل شقاوة في النادي يبقى محروم من النادي لمدة محددة .. عشان يعرف دايما ان خطأه له عواقب و نتايج مرتبطة بالخطأ ده .. مش مثلا كسر لعبته يبقى محروم من التلفزيون !! ايه علاقة ده بده ؟!!

سادسا: متهدديش بعقاب ابدا و انتي مش متأكدة و مصره انك تعمليه .. هتهددي بعقاب يبقى لازم يتنفذ لو الخطأ حصل .. التهديدات المتكررة اللي في الهوا دي بتخللي الطفل يستخف بيها

سابعا: التهديدات من قبيل : انا هموتك .. انا هدبحك .. انا هكسرك ممنوعة تماما تماما .. انتي بتربيه مش بترعبيه !!

ثامنا: التحذير بالعقاب يبقى واضح و مباشر .. يعني مفيش حاجة اسمها اوعى تعمل كده لأوريك 👌.. يعني يبقى بالصيغة دي: لو مرتبتش الاوضة بتاعتك من اللعب .. اللعبة الفلانية مش هتطلع تاني لمدة اسبوع .. تحذير من عاقبة واضحة و صريحة لفعل محدد

تاسعا: مفيش عقاب قصاد حد !! لا قريب ولا غريب .. علاقتك بابنك و علاقتك ببنتك لازم تبقى زي علاقتك بمراتك .. خلف الابواب المغلقة ! نقول تاني .. الغرض من العقاب هو التربية و التقويم .. مش الاهانة و الفضيحة !!
((انا مش هنسى الام اللي جات عندي بابنها في الكشف و بقول للولد هتبقى شاطر عشان ماما تجيب لك الشوكولاته اللي بتحبها .. فهي ردت عليا و قالتلي لا يا دكتور هو متعاقب ومحروم من الشكولاته .. عارفين رد فعل الولد كان ايه ؟؟ الولد بص لامه و انفجر و قالها كفاية يا ماما حرام عليكي كل ما تقابلي حد تقوليله اني متعاقب كفاية !! و انفجر في العياط !! كان هاين عليا اخنق الأم)) انتو بتربو عيالكم مش بتذلوهم !

عاشرا: اذا اردت ان تطاع .. خللي اوامرك و قوانينك و الاهداف اللي انت طالبها من ابنك set goals قابلة للتطبيق .. متحطش هدف لابنك و انت عارف انه مش هيقدر يعمله و بعدين تعاقبه عليه !! .. الاهداف و القوانين دي لازم تبقى ثابتة و متتغيرش على حسب المزاج و الوقت

الحادي عشر: قولناها ١٠٠ مرة و بنعيدها ممنوع منعا باتا اي حد ايا كان يعلق على عقابك او يعترض عليه قصاد الطفل .. حتى الاب و خصوصا الاب .. العقاب يتنفذ و يكمل حتى لو حضرتك مش مقتنع بيه .. اللي يتقال عليه لا يبقى لا .. الكلام و النقاش بينكم يبقى بعيد عن الطفل

الثاني عشر: لازم تعيد تقييم نتائج عقابك من فترة للتانية .. ميبقاش مش جايب نتيجة و تبقى مصر عليه و بتضرب كف بكف مش فاهم ليه ابنك مش بيستجيب .. نفسيات الاطفال مش زي بعض اللي بيجيب نتيجة مع طفل مش شرط يجيب نتيجة مع طفل تاني

و اخيرا و اهم حاجة في الموضوع لازم نعرف ان العقاب بيجي في الاخر بعد التوجيه و الشرح و الاقناع .. اقعدوا مع ولادكم .. العبوا معاهم .. قربوا منهم .. اتكلموا معاهم ..

امدحوهم كتير و كافؤوهم على كل حاجة كويسة بيعملوها .. مش كده و بس .. امدحوهم كمان على كل حاجة وحشة مش بيعملوها .. المكافئة reward دايما و ابدا بتجيب نتيجة افضل بكتير من العقاب
منقول

29/01/2017

تعتبر حساسية الحليب، أكثر أنواع الحساسية للعناصر الغذائية انتشارا. وعندما نقول حساسية الحليب، فإننا نقصد حساسية حليب البقر تحديدا، على الرغم من احتمال أن يسبب الحليب من المصادر الأخرى حساسية أيضا. وكما هو معروف، فإن حليب البقر يسبب المشاكل لعدد كبير من الناس، يفوق عدد من يعانون من فرط حساسية الحليب بشكل فعلي.

يصيب هذا النوع من فرط حساسية الحليب الأطفال الصغار والرضـّع بشكل خاص. ويعتقد أن نسبة 2% من مجمل الأطفال يعانون من فرط حساسية الحليب. تتجسد حساسية الحليب بظهور الأعراض التالية: الطفح الجلدي، ضيق التنفس، العطس، التقيؤ، آلام البطن، والإسهال. كما قد يفقد المريض وعيه في بعض حالات الإصابة الحادة، أو أنه من الممكن أن يتعرض للوفاة. لا تظهر كل الأعراض المذكورة لدى كل الأطفال، كما أن حدّتها تتفاوت من شخص لآخر، وفقا لدرجة حساسيته، ولكمية الحليب التي تناولها. تحدث الحساسية عند التعرض للعامل المسبب لها. وبشكل عام، تحدث ردة فعل الحساسية خلال دقائق معدودة وليس بعد عدة أيام. أول الأعراض التي قد تظهر، هي الشعور بدغدغات ولسعات داخل الفم، كما أنها قد تكون على شكل بصق الحليب أو عدم الرغبة بتناوله لدى الأطفال الرضـّع.

تختفي هذه الحساسية تلقائيا مع التقدم بالسن لدى أكثر من 70% من الحالات. وتبدأ القدرة على تحمّل الحليب بالتطور والظهور بعمر سنة حتى ثلاث سنوات، لكن من الوارد أيضا أن يحصل هذا الامر في جيل أكثر تأخرا.

يطلق على ظهور حساسية الحليب المتأخرة اسم "عدم احتمال الحليب"، الحساسية من النوع الثاني، (Cow s milk intolerance, Cow s milk allergy type II, Milk induced enteropathy). هذه الحساسية أيضا تصيب الأطفال والرضع، وهي تختفي تلقائيا أيضا في أكثر من 90% من الحالات بعمر السنة. في هذه الحالات، تحدث الاستجابة للعامل المحفز حتى بعد مرور 48 ساعة من التعرض الى حليب البقر، وأهم ما يميزها هو التقيؤ والإصابة بالإسهال. دون الإصابة بضيق التنفس أو الطفح الجلدي أو التعب، كما أنها لا تشكل خطورة حقيقية على الحياة ولا تسبب الوفاة. لدى الرضع المصابين بمثل هذه الحالات، تكون نتيجة اختبار الجلد بالنسبة لحليب البقر سلبية، وكذلك الأمر بالنسبة لاختبار الدم الخاص. وعادة ما يكون نحو ثلث الرضع المصابين بالحساسية من النوع 2 مصابين أيضا في حساسية الحليب النباتي (صويا).

ظاهرة أخرى قد تسبب البلبلة والخلط بينها وبين حساسية الحليب، هي ظاهرة عدم احتمال اللاكتوز (سكر الحليب)، والتي تمتاز بتراكم الغازات وآلام البطن. تنتشر هذه الحالة أكثر كلما تقدمنا بالسن، كما أنها تميل للتفاقم أيضا مع التقدم بالسن.

16/01/2017

•••••••••••••••••••••••••••

كح
كح
كح
هو كله كحه كحه مفيش تغيير 😔

زهقتي خلاص من الكحه ،، ركزي معايه👌

اشهر أمراض الطفولة اللي بنقابلها هي حساسية الصدر ،، ودي معناها إلتهاب (مزمن) في الشعب الهوائية ،، بتقفل وترجع تفتح تاني مع موسعات الشعب ..وبيكون للشعب الهوائية حساسية زيادة شويتين مع بعض المثيرات

ومن المعني دا نقدر نطبق علي أطفالنا

الكحة اللي فيها تزييق-نهجان-احساس بضيق الصدر وبيحصل واحد من دا

🚩بتأثر علي الرضاعه وعلي activity الطفل
🚩بتزيد بالليل او الصبح او الاتنين
🚩بتزيد بالمجهود ،، لعب او ضحك او بكا
🚩مجرد مايحصل برد بسيط يقلب بكحة قوية

#بشرطين ✌️
#التكرار recurrent episodes
#الإستجابة لموسعات الشعب سواء جلسات بخار او أدوية reversibility

كده ،،

٨٠٪‏ بيرتبطوا بوجود عامل وراثي قوي لأي درجة من درجات القرابة سواء حساسية صدر او انف او جلد .
٢٠٪‏ بيرتطبوا بوجود عامل بيئي ،، عايش في مكان فيه مدخنين باستمرار او عايش في جو فيه تراب بإستمرار،، او عندهم حيوانات اليفه في البيت زي القطط ،، كل دي عوامل بتأثر علي المدي الطويل علي الطفل

وبالتالي .. لصعوبة البحث عن العامل الوراثي اللي ممكن يوصل للدرجة العاشرة ،،فحددوا الشرطين التكرار والاستجابة

طيب ,, بتحصل ازاي ؟؟
الحساسية عبارة عن
(مُثيرات التحسس) allergen
ورد الفعل ( قفلة الشعب الهوائية)

☝️️اشهر مُثيرات للحساسيك
*الدخان
*التراب
*حبوب اللقاح
*الراويح النفاذه،، برفيوم -بخور-مبيدات حشرية-المعطرات
*التعرض للهواء البارد
*الوسادات والملايات اللي بتحتوي علي ريش
*الادوية زي الأسبرين
*المجهود الزياده والتوتر

بيتعرض ليها طفل عنده استعداد وراثي او بيئي ..فبتهاجم الخلايا المناعية اللي بتعمل رد فعل بأسلوب معين بعد التعرض للمره الأولي بميكانيزم معين مش هشغلكم بيه ،،فبيحصل انغلاق للشعب الهوائية وتبتدي الكحه

☝️️نبتدي بقا علاج دوائي ،،ودا مرحلتين

#الوقاية

🚩ولما نقول علاج لحساسيه صدر فدا علاج بصفة مستمره الغرض منه ان الطفل يقدر يتعايش كويس وينام كويس ويصحي كويس ويقدر يقوم بتشاطه اليومي ..بالظبط زي اللي نظره ضعيف ولابس نظاره نظر ميقدرش يمشي من غيرها 🤓

🚩العلاج الاساسي للطفل بيكون عن طريق #الاستنشاق ( موسعات شعب-كورتيزون )سواء عن طريق البخاخات او أجهزة البخار (النبيولايزر) وبيحكمنا في النقطه دي سن الطفل
*فلو اقل من ٦ شهور ⬅️ نبيولايزر Nebulizer
*اكتر من ٦ شهور ⬅️ نبيولايزر او بخاخات عن طريق الجهاز القمعي Aerochamber
*بعد كده ⬅️ نقدر نستخدم البخاخات مباشرة.. وفي السن الكبير ( اكتر من ٤ سنوات) فيه ادوات متاحه عن طريق الشفط زي Diskus

يهمنا جداً الطريقه اللي بنوصل بيها العلاج للطفل لضمان وصوله بصوره جيده،، موضوع بقا هياخد علي البخاخه وهيتعود عليها فانا مش هعلق عليه بصراحه لان وعي الامهات زاد جدا جدا وبقا بيقابلنا قليل الناس اللي بتقول كده👏 so proud

🚩البخاخات اللي بتحتوي علي موسعات شعب وعلاج جلسات البخار
*اتروفنت ودا مسموح من سن يوم
*سالبيوتامول زي نقط فاركولين وبخاخة فنتال او فنتولين ودا مسموح بعد ٦ شهور ،، لكن قبل ٦ شهور بيكون تحت متابعة الطبيب
*امبولات كمبوڤنت ،، الاتنين مع بعض (فاركولين +أتروڤنت)

🚩البخاخات وامبولات الجلسات اللي فيها كورتيزون
بالميكورت ،، ودا منه الاتنين
فليكسوتيد والفيسكو ودا بخاخات

🚩فيه نوع من البخاخات موجود فيه النوعين مع بعض (موسع الشعب طويل المغعول والكورتيزون) زي سيرتيد وسيمبيكورت

☝️️ابنك جاله الازمه
ع حسب سنه ..جلسة أتروڤنت او فاركولين (نقطة لكل كجم ) وتكرر علي حسب حالة الطفل من الطبيب
وجلسات الكورتيزون بتكون علي حسب ،، ليه بنقول علي حسب لان الطبيب من خلال الاعراض بيقدر يحدد مرحلة الحساسية staging ودي بتكون تبعاً ل
الطفل جاله ازمه كام مره ؟؟ وبيخف في خلال فتره اد ايه ؟؟ وهل بتأثر علي نشاطه اليومي ولا لا؟؟
ومن خلال الملاحظات دي بيحدد اسلوب العلاج والوقايه

☝️️طيب ،، هو لازم كورتيزون يادوك؟؟

الكورتيزون الاستنشاقي ملوش اي آثار جانبيه بل بالعكس بيقلل من التهاب الشعب وبيقلل من حساسية الشعب الزيادة للمثيرات bronchial hyper-responsiveness وكمان بيقلل من افراز المخاط وكمان بيساعد علي زيادة عمل موسع الشعب،، وعلشان كدا المنظمات المنوبه بعلاج الحساسية علي مستوي العالم بتنصح بيه بصفة مستمره ICS طول مافيه حساسية

تخيلي بقا كل الفوايد دي مقابل فوبيا من كلمة ( كورتيزون) ،،


١- نبعد كل مثيرات الحساسية اللي ذكرتها ☝️️

٢-لو فيه حساسية أنف لازم نعالجها
*رشح اكتر من ١٠ ايام
*خنفره وانغلاق انفي اكتر من ١٠ ايام
*رشح وعطس بصفه مستمره
كدا
ولو مااتعالجش الطفل منها بتزود الافرازات الخلفيه من الانف وكله نازل ع الشعب الهوائيه مع دور برد بسيط الصدر يقفل وشكراً

فلاااازم نعالجها كويس ،، ازاي؟؟
البعد عن المثيرات ،، بلاش سجاير في البيت ،، بلاش تعرض لهوا بارد ،، بلاش التراب والدخان والمطبخ اللي من غير شفاط وموصل للبيت كله ،، بلاش ملايات وكوفرات فيها (وبر-عتة الفراش) خلينا في الميكروچيل او الفيبر ،، ونبدأ مع الطفل فوراً ب كورتيزون استنشاقي زي نازونكس وآڤاميس بتزيد وتنقص تبعاً لحالة الطفل ،، مع مضاد للحساسية من الجيل الثاني زي تيلفاست او زيرتك،، ولو طلع الطفل عنده لحمية مع وجود الحساسية استئصالها بيفرق كتييير جداً في التحسن

٣-مونتليكاست زي
سينجيولاير-ليليبل-كاست-مونتيكال
واشكال كتير في السوق
المهم ان الاكياس منه بتتحط علي زبادي او بطاطس مهروسه او چيلي او سيرلاك
المهم اي حاجه ذات كتله والافضل بالليل ومسموح من سن ٦ شهور ،، والاقراص منه مضغ
•تركيز ٤ مجم من ٦شهور لخمس سنوات
•تركيز ٥ مجم فوق خمس سنوات
•تركيز ١٠ مجم فوق ال ١٠ سنين
ملوووش كورس معين ..طول ما الطفل كويس بياخده كوقاية

٤-بخاخة الكورتيزون زي فليكسوتايد
او جلسة كورتيزون (بالميكورت)
كل يوم الصبح ICS
ودا اقل درجات علاج الحساسية المُوصي بها كوقايه

النصيحة الوحيده اللي بنقولها مع الاطفال او الكبار اللي بيستخدموا بخاخات الكورتيزون ،، انهم لازم يتمضمضوا بميا بعد استخدامها وميبلعش الميا دي ..لان استخدام البخاخه بصفه مستمره بتعمل فطريات بالفم

بعض الاطفال بيحتاجوا موسع شعب كوقاية،، ناخد بالنا من النقطه دي 👌🏻
بخاخات الفاركولين و الفنتولين او الجلسات منها
متنفعش كوقااايه ،، ليه؟؟
لو استخدمناها فتره طويله بتعمل tachyphylaxis بمعني ان كل فتره بنحتاج نزود الجرعه علشان نحصل علي فاعليه زي الاول
طب والحل ؟
بنخليها ديما لما يكون الطفل تعبان كخط دفاع اول مايبدأ يكح او لو عارفه ان ابنك لما بيعلب او بيجري بيبدأ يكح فبياخدها قبل اللعب او الجري فقط ودا نوع من انواع الحساسيه اسمه
Exercise induced asthma

طيب لو الطفل محتاج موسع شعب كوقايه
بننقل لأتروفنت
او لموسعات الشعب طويلة المفعول زي سيرتيد او سيمبيكورت واللي اتعملت مخصوص للفترات الوقائية 👍

🚩يادكتور يعني هنفضل في العلاج علي طول 😔
حضرتك قولت ان كل دا مجرد مسكنات للطفل علشان يقدر يعيش حياته بطريقة طبيعية من غير مايصحي بالليل من كتر الكحه ويقدر يمارس نشاطه اليومي ،، مفيش حل جذري ؟؟

#اولاً
نقول الحمد لله
أطفال الحساسية بيستجيبوا للعلاج وبيخفوا،، لكن فيه اطفال بتعاني من امراض مصحوبه بكحه مش بتخف اساسا زي التليف الكيسي وتمدد القصيبات 😢

#ثانياً
نسبة شفاء حساسية الصدر
علي ٦سنوات بتوصل لـ ٧٠ ٪‏ من الاطفال
علي ١٠ سنوات بتوصل لـ ٢٠٪‏ من الأطفال
وفيه ١٠ ٪‏ بتكمل معاهم
بس فيه اطفال بتجيلهم وهم كبار adult asthma onset 😔

#ثالثاً
الطفل اللي الكحه معاه طول الوقت وغير مستجيب علي العلاج تماماً ووصل ٣ سنين،، دا بنعتبره uncontrolled
فبنلجئ لدكتور حساسية ومناعة بيشتغل بالأمصال ودا علاج ناجح بنسبة بتوصل ل ٨٠٪‏
بيعمل للطفل اختبار للجلد او بالدم وبيعرف الطفل متحسس من مثيرات ايه بالظبط
وبيبدأ يمنعه منه تماما ويديله المثيرات اللي الطفل طلع متحسس منها بطريقة مخففه جدا وتدريجياً عن طريق المصل Desensitization ،،الموضوع دا بياخد علي الاقل ٦ شهور ،،
طب ليه مش قبل ٣ سنوات ؟؟ لان دا وقت بداية اكتمال المناعه للطفل ،،الا ان فيه بعض الاطفال المتحسسه بقوه فممكن من سنتين مع دكتور حساسيه ومناعه فاهم جدا وفيه اساتذه كتير في المجال دا في مصر🇪🇬

☝️️خدي الحته دي
لو ابنك عنده حساسية وبيكح
🔹جلسات موسعات الشعب فاركولين او أتروفنت
🔹استنشاق بخار المياه لمدة ٥ دقايق
🔹بلاش ادوية كحه خلينا في الأدوية العُشبيه فقط زي بينتاميكس او ايفروسبان وغيره كتير،، ويشرب سوايل دافيه كتييير (ينسون +تليو+نعناع)
🔹لو رشح اياااكم والادوية اللي فيها مضاد الاحتقان زي كونجستال وساين آب ودولودي ،، بتقفل الصدر وش
🔹لو استمرت الكحه علي اقرب دكتور او مستشفي

ربنا يشفي أولادنا ❤️


شير وانفع غيرك


01066231662

09/01/2017

http://www.dailymedicalinfo.com/view-article/%D8%A7%D9%84%D8%AA%D9%87%D8%A7%D8%A8-%D8%A7%D9%84%D8%AD%D9%81%D8%A7%D8%B6%D8%A7%D8%AA-%D8%B9%D9%86%D8%AF-%D8%A7%D9%84%D8%A7%D8%B7%D9%81%D8%A7%D9%84/

المعاناة من التهاب الحفاضات عند الاطفال لا يتوقف على رضيعك وحده عزيزتي الأم بل أغلب الأمهات تعاني من هذه المشكلة التي تبدو صعبة لو تركتيها هكذا دون علاج

03/01/2017

02/01/2017

....بعض الأمهات تربى أولادها بالضرب. .....وهى تتخيل أن بالضرب سوف يتربى الأولاد ويسمعوا الكلام. ..وهناك أيضا بعض الأمهات مضغوطه نتيجة مشاكل مع زوجها أو أهل زوجها وبالتالى تجد نفسها بتضرب أولادها بطريقه هستيريه. ...ثم تجلس تبكى لانها قست عليهم ولكنها لا تستطيع أن تكف عن ضربهم. .......أيتها الأم انتى بدمرى أولادك بضربك فيهم. ...الولد أو البنت جسمهم نتيجة ضربهم مع الوقت جسدهم لا يشعر بهذا الضرب وتصبح نفسيتهم مهاره ومدمره وهذا التدمير لنفسيتهم يجعلهم محطمين ولا يشعروا بهذا الضرب أصبح عندهم جفاء وبرود وانهيار نفسى يجعلهم يتحدوا الضرب ولا يصرخوا ولا يظهروا تألمهم. ......تجد الطفل يقع على الأرض ولا يبكى لأن جسده تعود على اللكمات والضرب. ...تجدى الأطفال يضربوا ولا يبكى. ....تجدى المدرس يضربه ولا يهتم. ....لقد تشبع جسمه بآلام الضرب فلم يعد يؤثر فيه ....هذا هو نتيجه واحده من نتائج ضربك فى اولادك

28/12/2016

26/12/2016

🚫🚫

يضرب الاطفال وبقسوه😔

حالات الاسهال والترجيع حالياً ٩٠٪‏ بسبب فيروس روتا ،، دا الموسم بتاعه شهر ديسمبر ويناير...وللأسف التدهور بيكون سريع جداً .. والطفل بيحتاج للحجز بالمستشفي لإعطاء المحاليل اللازمه لحماية الطفل من الجفاف

الطفل المصاب بيعاني من اسهال شديد زي الميه مع حراره عاليه وألم في البطن وغالباً ترجيع... ويبدأ يدخل في مراحل الجفاف سريعا

اكتر الناس عُرضه للفيروس الرضع حتي سن ٣ سنوات ،، ولكن الفيروس ممكن يصيب أي سن حتي لو كبير بس اعراضه في الكبار بتكون أخف،،
وممكن الاصابه تتكرر اكتر من مره ،، مش معني انه جاله فكده أخد مناعه take care 👌

مفيش حد يستهون ياجماعه ،، أكتر من طفل اتحجزوا في المستشفي وكانت حالتهم متأخره بسبب عناد بعض الأهل للحجز في المستشفي والضحية الطفل للأسف

☝️️أي طفل بيرجع وبيسهل كتير بنعتمد علي العلاج المنزلي كالتالي
>حقن للقيء.. زوفران او دانست او زوفاترون بجرعه ١سم لكل ١٠ كجم
>تهدئة المعدة بإعطاء اكل مناسب للنزله
زي..
- الارز او سيرلاك الارز
-مكرونه مسلوقه بدون اي اضافات
-شوربة خضار
- الجزر المسلوق
-البطاطس المسلوقه
-شاي خفيف مع بسكويت ساده
-فيه اكلات جاهزه زي
Caroz-rizini

>محاليل معالجة الجفاف بالفم
Hydrosfe -rehydran
بنحل الكيس في ٢٠٠ مل ماء سبق غليه وبعد كل مره اسهال بندي للطفل ملعقه منه كل دقيقه... ٥٠ مل للمره (فنجان تقريبا)
ولو مقبلوش نحطه في التلاجه شويه طعمه بيبقي افضل للطفل

🚩أعراض الجفاف .. ٣ مراحل

الاولي- لهفه علي شرب الميه
الثانيه-العين بدأت تدخل لجوا(عين غائره) والطفل عصبي..والجلد بيرجع ببطيء لما نمسكه .. البول والدموع بيقلوا .. واللسان بينشف جداً
الثالثة-غياب الوعي لاقدر الله

🚩مفيش نتيجه ومازال الاسهال مستمر والترجيع وأعراض الجفاف بتظهر .. محاليل فوراً عن طريق الوريد لحماية الطفل من الجفاف حتي انتهاء دورة الفيروس اللي بتاخد من ٣-٨ أيام

☝️️نحمي أولادنا إزاي؟؟

>النظافه المستمره،، والبعد عن الأطفال المصابه ،،والتخلص من البامبرز لان مصدر العدوي في استول الاطفال المصابه وانتقال العدوي بتكون من خلاله 👌

>التطعيم ... روتاركس او روتاتك

*هو عباره عن تطعيم بالفم.. موجود في المصل واللقاح والعيادات الخاصه

*بيحمي حماية جزئية بتوصل ٩٥ ٪‏،،بمعني ان الطفل اللي اخد التطعيم وأصيب بالفيروس أعراضه بتكون أقل من اللي مأخدش ,, وبالمقارنه بأعراض الفيروس فالتطعيم مهم جدا جدا ونعمل اللي علينا اتجاه اولادنا وناخد بالاسباب

*يبدأ من عمر ٦ اسابيع علي الاقل
ولازم الجرعه الأولي قبل مايتم الطفل ١٥ اسبوع من العمر
والجرعة الأخيرة قبل ما يتم الطفل ٨ شهور من العمر


🚩الطفل لو أخد التطعيم وحصل اصابه أعراضه بتكون أخف بكتير من اللي مأخدش
🚩اعراض الفيروس بتكون شديده في أول مرة يصاب بيه الطفل،، ولو لاقدر الله جاله تاني بيكون أخف من المره الاولي
🚩أعراض الأطفال فوق ال ٣ سنوات والكبار لو جالهم بتكون أهدي بمراحل من الأطفال أقل من ٣ سنوات

#ناخد بالنا ياجماعه وربنا يعدي أسوء فصل شتا علي خير بجد 😢

#المصدر
https://www.cdc.gov/rotavirus/about/symptoms.html





010 662 31 662

25/12/2016

علق لو بحرف ليصلك كل جديد