عياده د صهباء لطب الاطفال وحديثى الولاده

20/04/2024

طفلك بيمشى على اطراف اصابعه ؟؟!!
ايه اللى محتاجه تعرفيه عن الموضوع ده ؟؟تابعى البوست للاخر
اولا الطفل اللى بيتعلم المشى ممكن يمشى على اطراف اصابعه ويكون الموضوع طبيعى جدا لحد 3 سنوات
بس للاسف ممكن ميكونش الموضوع بسيط اوى كده
ممكن يكون فيه مشكله فى الاعصاب او العضلات او حتى بنشوف المشيه دى فى الاطفال المصابه بالتوحد
طيب ايه يعنى لو سبنا الطفل يمشى كده ؟؟
ده هيؤدى لقصر فى الاوتار والعضلات وهياثر على مشيتهم الطبيعيه بعد كده وكمان ممكن يعمل مشكله فى ارتداء الاحذيه
طيب والحل ؟؟
لازم تتابعى مع طبيب الاطفال يطمنك مفيش مشكله لحد الطفل ميوصل 4 سنوات
لو لسه المشكله موجوده ممكن علاج طبيبعى او حتى جراحى
يعنى الموضوع لو طفلك بيمشى على اطراف اصابعه لازم تتطمنى انه مفيش مشكله فى الاعصاب او الاوتار وتابعيه لحد سن 3 او 4 سنين وان شاء الله هتتحسن لوحدها

16/04/2024

قريبا !!

30/07/2022

حساسيه البيض عند الاطفال هى تانى اشهر حساسيه اكل فى الاطفال
طبعا هى اساسا لبيض الفراخ لكن ممكن كمان السمان والبط
لازم تستشيرى الطبيب علشان تعرفى الاعراض والتشخيص هيكون ازاى
وكمان لازم تسالى عن التطعيمات الممنوعه فى الاطفال اللى عندهم حساسيه بيض

09/06/2022

بس عايزين نوضح نقطتين : الاولى فيتامين د روتين بيقف عند سن سنه مش اكتر
التانيه تأخر التسنين بنتكلم فيه بعد سن سنه 3 شهور

31/03/2022

حمى البحر المتوسط عند الاطفال
دى نوع من اسباب السخونيه مشهور فى بلاد حوض البحر الابيض ومنها مصر
الطفل بيجيله نوبات متكرر من السخونيه والم البطن ممكن تستمر كذا يوم
احيانا معاها التهاب مفاصل او طفح جلدى
المرض ده غالبا وراثى وبيحتاج تحليل وراثه
وعلاجه سهل باذن الله

18/02/2022

لو حاسه ان ابنك متأخر فى الكلام لازم نقرا الكلام ده كويس
الطفل مش هيتكلم بوضوح زى الكبار الا بعد سن 4 سنين
ومفيش حاجه اسمها تقارنى ابنك بابن جارتك او ابن اختك او حتى اخوه الكبير
لكن المفروض يتكلم فى حدود الطبيعى
اللى هو ايه؟
يعنى مثلا عند سنه لازم يقول بابا وماما
عند سنتين يقول جمله وبيطلب كل حاجه بوضوح
عند 3 سنين بيقول اسمه ثلاثى وبيعد لحد عشره وعارف الوان كتير
طيب هل ممكن الام تعمل حاجه تخلى البيبى يتكلم بدرى؟
او العكس ممكن نعمل حاجه نخللى الكلام يتاخر؟؟
طبعا لو الطفل يقعد قدام التليفون كتير او التليفزيون بالساعات اكيد هيتاخر
نعمل ايه؟
لازم نكلمه طول الوقت ونشجعه يقول ورانا كل حاجه باسمها
وبلاش نقول على نفس الحاجه اسمين او بلغتين مختلفين
اخر حاجه طبعا فى اسباب مرضيه لتاخر الكلام زى مشاكل فى السمع او الاستيعاب او التوحد
لو حاسه ان المشكله كبيره لازم تكشفى وبدرى يكون افضل

25/01/2022

اهم 25 نصيحه لعلاج فقدان الشهيه عند الاطفال
1 لا تجبرى طفلك على نوع طعام لا يحبه

2- نظمي مواعيد الطعام بأوقات محددة و ثابتة و لا تقدمي أي نوع من الطعام بينهم



3- وجبة الإفطار أهم وجبة يجب تناولها عند الأطفال فهي تزيد من الشهية للطعام

4- كوب من الماء قبل نص ساعه من تناول اي وجبة من الطعام لتحفيز الشهية لديه



5- قدمي اللبن ومشتقاته أو عصائر الفواكه مع الوجبات الرئيسيّة فقط و ليس بينهم لأن إمتلاء معدة الطفل باللبن أو العصير سيقلل من شهيته للطعام

6- كوني صبورة عند تقديم نوع جديد من الطعام للطفل خصوصاً اذا رفض الطفل تناوله و تحدثي إليه بإستمرار عن فوائده شكله لونه طعمه و رائحته و بطريقة شيقة و ممتعة كما إستمري بإضافة هذا النوع من الطعام الى طبق الطفل جنباً الى جنب من طعامه المفضل حتى يتقبله



7- يحب الأطفال طريقتهم الخاصة بالتعامل مع الطعام و يفرحون عند مجاراتكم لهم بها و تعتبر من الطرق الناجحة في جذب اهتمام الطفل إحضار طبق أطفال خاص ذو لون جميل يحبه الطفل و مقسم الى خانات ( في حال عدم توفره يمكن استخدام قالب الثلج ) و يتم ملئه بأشكال مختلفة من الخضار و الفواكه مقطع الى قطع صغيرة و يمكن إطلاق بعض التسميات الخاصة التي تتماشي مع طريقة تفكير الطفل على كل صنف من هذه الأصناف مثل : هلال التفاح



8- في حال عدم تقبل طفلك لنوع محدد من الطعام فمن الممكن تغطيته بنوع اخر من الطعام الذي يحبه و يتقبله لإخفاء الطعم الغير مرغوب فيه للطعام الأصلي مثل الزبادي الأجبان و العسل

9- يحب الكثير من الاطفال تناول الأطعمة السائلة اكثر من الصلبة فإذا كان طفلك لا يحب الطعام فمن الممكن الطلب منه بأن يساعدك في تحضير عصيره المفضل

10- تقطيع الخضار و الفواكه و الساندويش الى أشكال متعددة و تقديمها بشكل أنيق يحاكي تفكير الطفل يفيد في جذب اهتمامه.



11- لا تعرضي على طفلك بدائل للوجبة التي قدمتيها له حتى و إن رفض أكلها و لكن لا تسمحي له بمغادرة المائدة حتى تنتهون جميعاً من تناول طعامكم

12- إصطحبي طفلك اثناء شراء الفاكهه والخضار و أخبريه أنك بحاجة الى مساعدته في اختيار الخضار و الفواكه الذي تودين طبخها اليوم و تحدثي معه عن فوائدها و أنواعها و إجعليه يساعدك في غسيلها و تقطيعها بعد شرائها



13- من الممكن تقديم الطعام لمجموعة من الأطفال

فالأطفال يحبون النشاطات الجماعية و يميلون للمشاركة فيها

14- تخصيص رف محدد في الثلاجة و اخبار الطفل بأن هذا الرف مخصص لأطعمته و ضعي فيه الكثير من الأطعمة المتنوعة

15- تغيير مكونات الوجبات الرئيسيّة فلا مانع من تغيير أصناف وجبة الفطور و تقديم أصناف وجبة العشاء بدلاً عنها و أصناف وجبة الفطور على العشاء اذا كان الطفل لا يأكل بتاتاً و كان هذا التغيير يجعل الطفل يأكل وجباته

16- قدمي للطفل أصناف الطعام الغنية بالسعرات الحرارية و هذا ضروري للأطفال الذين لا يشتهون الطعام و يكونون كثيري الحركة و النشاط مثل : البيض و العسل و البطاطس و الدجاج والأسماك والبقوليات و الزبادي

17- جعل الطفل يمارس اللعب و النشاط بشكل متكرر خلال اليوم لأن النشاط تحفز الشهية

18- لا تتوقعي أن تتحسن شهية طفلك للطعام لو كُنتُم تتبعون نظام غذائى غير منظم ( كونوا مثالاً و قدوةً لأطفالكم )



19- عدم إعطاء الطفل الفلوس أو الهدايا مقابل أن يأكل لأنه سيمتنع عن الأكل في كل مرة حتى يأخذ شيء بالمقابل

20- التقليل من الحلويات والسكريات لأنها تقلل الشهية حيث يجب تقديمها للطفل بعد الوجبات الرئيسية و ليس قبلها

21- عدم إضافة الكثير من التوابل الحارة ذات الرائحة القوية كالفلفل الأسود الكارى الثوم و غيرها الى الطعام مما يسبب رفض الطفل لتناوله

و بالمقابل الإكثار من التوابل التي تحفز الشهية مثل الكزبرة الشمر و القرفة.

22- عدم الإكثار من تقديم الأطعمة المقلية مثل البطاطس المقلية او الدجاج المقلي للطفل لإنها تزيد من الإحساس بالشبع و تقلل من الشهية للطعام

23- الإكثار من تناول الأطعمة الحاوية على مركب الزنك لكونه يحفز من الشهية عند الأطفال مثل الكاجو الفول السوداني اللوز البندق اللحوم بأنواعها



24- لا تجعلي من وقت تناول الطعام وقت للمناقشات و حل المشاكل العائلية بل إجعليه وقت للمرح و المتعة لترغيب الطفل في الجلوس على المائدة و تناول الطعام

25- لا تفيد الفيتامينات بزيادة الشهية عند الأطفال إلا إذا كان هناك نقص بها

06/11/2021

بشرى ساره لكل الاطفال فى العالم
امريكا هتبدا تطعم الاطفال ضد الكورونا من يوم الاتنين الجاى
الاطفال من سن 5 الى 11 سنه
جرعتين بينهم 21 يوم
معناها انها مساله وقت قبل التطعيم ميوصل مصر واطفالنا ياخدوه

09/10/2021

اعوجاج القدم عند الاطفال من اكتر المشاكل اللى بتخلى الام قلقانه على طفلها
هل هيأثر على المشى والجرى وممارسه الرياضه بعد كده ؟
هل هيكون فيه الم ؟
هل هيتسبب فى التهابات فى مفاصل القدم او الرجل ؟
هل محتاج علاج او تدخل جراحى ؟
طبعا الاجابه على كل الاسئله دى كلمه واحده وهى بالنفى !!
غالبا الاعوجاج ده شىء مؤقت بيتصلح اوحده مع الوقت يمكن ياخد لحد عمر 7 او 8 سنين
حالات قليله اوى اللى بتحتاج اى تدخل
المشكله دى ممكن يكون سببها فى القدم او الساق او مفصل الفخذ
لكن فى جميع الاحوال مفيش علاج الا فى حالات بسيطه
نصحيتى ليكى ولازم تحطيها حلقه فى ودنك
متضغطتيش على طفلك انه يعدل رجله وهو ماشى لانه ده ممكن يتسبب فى التهاب فى مفاصل القدم
لو قلقانه اوى ممكن تستشيرى اقرب دكتور اطفال ليكى

05/10/2021

حابه بس أتكلم فى نقطه مهمه بالنالسبه لوزن الاطفال فى السنه الاولى من عمرهم
لازم تكونى عارفه ايه الطبيعىً وايه إللى مش طبيعى انه يحصل
يعنى مثلا عادى جدا انه الطفل يخس شويه خلال الأسبوع الاول من بعد الولاده
لكن مش عادى ابدا انه لما توزنيه وعنده شهر ميكونش زاد مثلا نص كيلو على الأقل
عادى ان الطفل إللى بيرضع طبيعى مش هيزيد زى الطفل إللى بيرضع صناعى
لكن مش عادى ابدا ان الطفل يزيد كيلو ونص والا اتنين كيلو فى شهر مهما كان بيرضع ايه
كمان عادى ان معدل الزياده هيكون اعلى منه فى الشهور الاولى عن اخر السنه الاولى على الرغم من انك دخلتى الاكل
لكن مش عادى إطلاقا فى اى وقت ان الطفل يخس عن وزن يكون وصله قبل كده

17/09/2021

لو طفلك بيعمل الحركه دى رجاء تستشيرى الدكتور فورا

An example of infantile spasms. For more information, please visit: www.InfantileSpasmsProject.org

11/08/2021

لو ابنك بيعانى من ضعف الذاكرة او عدم التركيز بالذات فى المدرسه وبيسرح كتير يلقى لازم تقرى البوست ده
اولا الاكل الصحى عليه عامل كبير جدا
لازم تزودى السمك فى الاكل ليقوى الذاكرة جدا
كمان الخضار مليان فيتامينات ومضادات اكسده
الشيكولاته مليانه مضادات اكسده 😂😂
كمان طبعا اللحوم الحمرا علشان الحديد
طبعا لازم الطفل يلعب رياضه اى كان نوعا هتساعد جدا فى التركيز
بلاش نقعد قدام الموبايل اكتر من ساعه فى اليوم
هاتيله ألعاب تقويه الذكاء والعبيها معاه
خليه يعد من خمسين الى واخد او يرسم صوره قدامه او مثلا يعدد الحاجات إللى شافها معاكى وهو بره
لازم كمان ينام ٨ ساعات نوم متواصل كل يوم
لازم ينظم وقته مش كل حاجه فى نفس الوقت
ممكن كمان نساعد بالفيتامينات والزنك والحديد والاوميجا