هاجر منير _Hagar mounir

18/11/2024

كل كلمة في الفيديو ده صحيحة
مفيش أباء سمحوا لأولادهم بالتليفون مبكراً إلا وندموا ندم شديد
#هنتعلم-تربية

27/08/2024

قرأت مقولة صحيحة تماماً تقول :
" الطفل لا يسمع ما تقول بل يشاهد ما تفعله"
اذا ألقيت نصائح ومحاضرات طويلة على ابنائك وانت تفعل عكس ما تقول فكأنك لم تقل شيء!
وكذلك اذا شاهدوا تصرفاتك في المواقف اليومية المختلفة ستشاهد أثرها فيهم مع الوقت سواء كانت سيئة أم جيدة
لذلك ركز في ردود أفعالك وتصرفاتك
وهذه من أفضل الطرق لغرس القيم في الأبناء التعلم عن طريق القدوة وفيما يسمى في علم النفس (النمذجة)

21/08/2024

اللهم استخدمنا ولا تستبدلنا

03/07/2024

سمعتوا كتير عن اختبار الذكاء طيب تعالوا أعرفكم أهميته وكام معلومة عنه👌
📌هو اختبار يقيس القدرات العقلية للأشخاص
وبيتم تطبيقة من عمر ٣ سنوات حتى ٨٠ سنة
📌يطبق على الأطفال العاديين مش بس اللي عندهم مشكلات
👈طيب ليه بنحتاج نعمل اختبار ذكاء لأطفالنا؟
📌عشان من خلاله بحدد نسبة الذكاء وبعرف هل ابني متوسط الذكاء ولا أقل من المتوسط ولا موهوب ولا عبقري
📌وبعرف قدرات ابني عشان أحدد التعليم المناسب ليه هل الأفضل يدرس علمي ولا أدبي ويدخل لغات ولا عربي
📌وكمان بعرف نمط ابني هل بصري ولا سمعي ولا حسي وده هيساعدني في طريقة تعليمة
📌بعرف كمان نقاط الضعف والقوة في ابني لإن نقاط الضعف هشتغل عليها وانميها ونقاط القوة أعرف ازاي استثمرها
📌بعرف من خلاله هل عمر ابني الزمني مناسب لعمره العقلي ولا أعلى ولا أقل
📌كمان لو ابني عنده مشكلة في التركيز أو بينسى بسرعة وعلى طول مشتت أو لو ابني بيذاكر ببطئ وبيحفظ ببطئ أو لو عنده مشاكل في القراءه والكتابة
📌 الاختبار بيعرفني هل طفلي صعوبات تعلم ولا تأخر دراسي ولا بطئ تعلم ولا تأخر عقلي وبالتالي بعرف سبب المشكلة عشان أعرف أحلها.

قولنا في التعليقات عاوز تعرف إيه تاني عن اختبار الذكاء🤔

24/06/2024

16/06/2024

كل عام وانتم بخير❤

10/06/2024

#تربويات
لو طفلك بيصدر منه سلوكيات سيئة وسببها العند وفرض الرأي
تتعامل معاه ازاي 🤔
الطفل هنا عاوز يشعر انه مسيطر وانه القائد وعاوز يحس بالإنتصار وان محدش بيجبره على حاجة
👈يبقا الحل في الخيارات دايماً حطله خيارين أو تلاثة وسيب القرار ليه.
👈بلاش تعند قدامه وتتحداه لإن هيزيد في العناد ومش هتوصل لحل.
👈متحاولش تجبره على حاجة.
👈اتفقوا على قواعد معينة ونفذ القواعد بحزم.
👈امدح الطفل واظهر مميزاته.

06/06/2024

#تربويات
طول ما ابنك بيعرف يعمل حاجة لوحده بدون مساعدتك أو حتى بيحاول يعملها وبيبذل مجهود
يبقا خلاص سيبه يعملها ومتعرضش عليه تساعده إلا لو طلب وقتها علمه بتتعمل ازاي
سيبه يتعلم مهارات جديدة وهيتقنها بالتكرار
الأطفال بتتعلم لما تدوهم الفرصة فسيبوهم ياخدوا وقتهم.

05/06/2024

#تربويات
لو لاحظت ان طفلك بيعمل سلوكيات سيئة عشان يشد انتباهك وده بيخليك منزعج ومضايق من تصرفاته
تتعامل معاه ازاي 🤔
👈أظهر اهتمامك بيه من خلال اللعب معه والحضن والطبطبة أو الخروج من المنزل والتمشية سوياُ.
👈خصص وقت ليه يوميا تتكلموا فيه أو تعملوا حاجة بتحبوها حتى لو عشر دقائق.
👈لما يصدر منه سلوك غير مقبول عشان يحصل على شيء معين متلبيش طلبه وفهمه انت بترفض ليه.
👈علمه مهارات وطرق طلب احتياجاته.
👈أي قرار هتاخده عرفه الأول ونفذ قرارك فوراً.

03/06/2024

سألتكم في البوست اللي فات تفتكروا ليه الأطفال بتعمل سلوكيات سيئة؟
وطبعاً التفاعل كان رهيب😆 عشان كده هجاوبكم في البوست ده👇
الأطفال بيصدر منها سلوكيات سيئة بسبب مش بدون سبب وطبعاُ الأسباب كتير لكن غالباً بتتلخص في ٣ أسباب
أولهم👈 لفت الإنتباه (يضرب اخواته يغضب ويتعصب ويكذب ...
الحقيقة ان الطفل بيبقا محتاج اهتمام وحب واحتواء وكلمات طيبة وهكذا.
ثانياً👈فرض السيطرة وقيادة الأمور (عناد)
وهنا بيكون محتاج يشعر بالإنتماء وانه فرد من الأسرة وليه تأثير فبنحاول نحطله اختيارات عشان ميحسش انه مجبر على فعل شيء.
ثالثاُ👈الإستسلام (الإنعزال والعجز)
وهنا الطفل بيشعر بالعجز وانه غير قادر على فعل شيء عشان كده دايماً بيقولك أنا مبعرفش ، خلي حد يساعدني، هتبوظ مني ومفيش ثقة في نفسه.

قولولي بتحسوا ولادكم أي نوع فيهم🤔
في البوست الجاي هكتبلكم طريقة التعامل مع كل نوع😎

#هاجر منير

01/06/2024

عندكم فكرة ليه الأطفال بيصدر منهم سلوكيات سيئة؟
اكتبولي تعليقاتكم في الكومنتات وهعدل البوست بالإجابة لو لاقيت تفاعل 😎

30/05/2024

#تربويات
جربت وانت بتدعي لولادك ان ربنا يهديهم ويحفظهم ويبارك فيهم ويجعلهم صالحين تعلي صوتك وتسمعهم📣
هيوصلهم حبك ليهم وخوفك عليهم وهيحاولوا يغيروا سلوكهم للأفضل وليه تأثير طيب جداً على نفوسهم.