https://www.facebook.com/100428226234377/

Marwa yassen, حدائق الاهرام, 6 October City, 6 October City (2026)

23/03/2026

المره دي هتكلم عن تسميه الناس يعني ايه؟؟ يعني سمي الناس بصفتهم المتنمر المستغل الخاين الكداب الحاقد المتلاعب سمي الناس متخلقش مبرارت حتي لو قرارت تتعامل معاهم او تدي فرصه تانيه
تسميه الناس معناها إنك تحدد صفاتهم بشكل واضح. مش بس تسميهم حسب ما تحب تشوفهم، لكن حسب سلوكهم الفعلي. لما تسمي الشخص بصفاته الحقيقية، هتقدر تفهمه بشكل أفضل وتعرف إزاي تتعامل معاه.

يعني لو حد قدامك دائمًا بيكون "المتنمر"، سميه كده. مش لازم تقول "ممكن يكون مش قاصد" أو "هو عنده ظروف". لما تسميه بوضوح، هتفهم إنه مش شخص محترم في تصرفاته، وبالتالي هتقل توقعاتك منه وده هيساعدك في تقليل الخذلان.

الهدف من التسمية هو إنك تحمي نفسك عاطفيًا. لو سميته بـ "الخاين" لأنك شفت منه سلوك غير أمين، مش هتوقع منه حاجةمختلفة، وبالتالي مش هتحس بالخذلان لما يحصل💚

19/03/2026

كل سنة وأنتم طيبين 🤍

كلنا خارجين من رمضان بطاقة مختلفة… لكن الحاجة الوحيدة اللي مشتركة بينا كلنا هي إنها طاقة إيجابية.
السلام اللي عشناه، الصيام، والروح الإيمانية الحاضرة في كل صلاة… كل ده خلّانا أحسن وأهدى وأسعد.

وربنا كرمنا في الختام بالعيد، علشان نكمل الرحلة دي بفرحة ونور وقلوب صافية.

كل سنة وإحنا بنتحسن،
كل سنة وعيدنا أجمل،
كل سنة وإحنا فرحانين… وطيبين ✨

25/02/2026

مش هتكلم عن العطاء تاني مش من ناحيه انسانيه
مش من ناحيه دينه
مش هتكلم عن اللي بتقدمه للمحتاجين أو ازاي دة ممكن يغير حالهم💚 هتكلم عن ازاي العطاء بيغير حالك انت من ناحيه نفسيه ازاي بيديك سعاده وراحه
وسلام🩵🤍
🤚🤚ولو كان العطاء دا ابتسامه أو كلمه أو جبر خاطر
من الناحية العلمية، العطاء مرتبط بنشاط المخ. لما تقدم حاجة للآخرين، الدماغ بيفرز هرمونات زي الأوكسيتوسين، اللي بتخليك تحس بمشاعر السعادة والترابط مع الآخرين. ده ببساطة مش مجرد فعل للآخرين، ده فعل بيعود عليك في كل جانب من جوانب حياتك النفسي
العطاء بيحسن مستويات السعادة وبيقلل من التوتر. وده مش بسبب إرضاء الآخرين، لكن بسبب التغيير اللي بيحصل جواك. لما تكون حاسس إنك بتدي من غير ما تنتظر مقابل، ده بيخلق نوع من الرضا الداخلي والهدوء النفسي. العطاء بيقلل من مشاعر الاكتئاب وبيزيد من مشاعر الفرح❤️

20/02/2026

بفكر ٢٤ ساعة… ومش عارف أبطل.‼️

في العلاقات اللي فيها تعلّق، التفكير مابيهدّاش:
قلق، خوف، تحليل، سيناريوهات…
تلف وترجع لنفس النقطة مهما حاولت تحل.

المشكلة مش في الشخص قد ما هي في إحساسك إن أمانك متعلق بيه.
وعشان كده الحل مش تطمين أكتر… الحل أمان داخلي أكتر 🤍

✔️ افصل بين الفكرة والحقيقة
✔️ حدّد وقت للتفكير وما تسيبهوش مفتوح
✔️ وسّع دايرة حياتك بعيد عن شخص واحد
✔️ اشتغل على خوفك من الرفض أو الوحدة
✔️ اهتم بتهدئة جسمك قبل ما تهدّي أفكارك

الحب الصحي مش بيخليك قلقان طول الوقت.
ولو حاسس إنك بتلف في دايرة ومحتاج مساعدة… الاستشارة النفسية ممكن تختصر عليك الطريق.

للاستشارات والتواصل عبر
WhatsApp
: راسلنا وسيتم الرد في أقرب وقت 🤍

18/02/2026

أهم حاجة اتعلمتها…
إن أشكر نفسي على الإنجازات الصغيرة،مش بس الكبيرة💙

17/02/2026

مع الوقت... كل حاجة بتتغير.

مع مرور الوقت، بيبدأ الإنسان يتحسن ويتعافى. مهما كانت الآلام أو الصعوبات اللي مريت بيها، مع الوقت هتلاقي نفسك أقوى وقدرتك على الشفاء أكبر. مع مرور الأيام، بيبدأ الألم يخف، والذكريات المؤلمة تبدأ تختفي، وتتعلم ازاي تسيب الماضي وراء بتتعلم تحط حدود للناس. بتبدأ تفرق بين اللي يستحقوا ثقتك واللي لأ. الثقة في الآخرين بتقل تدريجيًا، وبتدرك أن مش كل الناس ممكن يكونوا في نفس مستوى الأمان اللي كنت بتحطهم فيه قبل كده.
ومع مرور الزمن، بتكتشف أن الشخص اللي كان ظالم
، ممكن مع الوقت يبدأ ينسى كل اللي عمله وتتحول نظريته لنفسه. هو كمان هيبدأ ينسى ازاي جرحك وعاش معاك في وقت صعب، ويفكر بس في الحواجز والحدود اللي إنت حطيتها.
، بتتعلم تتعامل مع الناس بشكل يحافظ على سلامك الداخلي. بتبدأ تختار طريقة التعامل اللي تناسبك، حتى لو مش دايمًا هتكون مرضية ليهم. الحقايق نفسها بتتغير مع الوقت، والناس، والمواقف، كل حاجة بترجع تتشكل بطريقة تانية.

وفي النهاية، مهما اتعرضت للتلاعب أو الضغوط، لازم تفتكر دائمًا أنك رد فعل . حتى لو كانت ردود أفعالك قوية، هي مجرد رد فعل للحصل

16/02/2026

تعالى أقولك بيشوفك إزاي!
مراية الحب عمياء… زي ما كلنا عارفين.
بس اللي مش عارفينه إن دي حقيقة علمية مثبتة 👀
أول ما تعجب بحد، عقلك حرفيًا بيلبسك في حيطة المشاعر… ويفتحلك عدسة وردي، اسمها في علم النفس تأثير الهالة. يعني إيه؟ يعني تشوف الجناحين وبس… وتعمل زوم على كل حاجة حلوة، وتطمس كل العلامات الحمرا كأنها مش موجودة 🚩
ساعتها المخ بيفرز دوبامين وأوكسيتوسين… هرمونات السعادة والتعلق. بتحس إنك كسبت الدنيا، وإن الشخص ده استثناء القاعدة. وعلشان كده العلامات الحمرا تتحول في عينك لرمز للحب… ما هو الأحمر لون الحب برضه! ❤️
بس الحقيقة؟
العقل وقت الإعجاب بيقلل نشاط الجزء المسؤول عن الحكم المنطقي والنقدي. يعني أنت مش بس بتحب… أنت كمان حكمك على الأمور بيبقى أقل دقة. وده مثبت في دراسات .
مش هقولك إمتى هتفوق… لأن غالبًا لما بنفوق بيكون الوقت فات.
بس هقولك إمتى ترجع بسرعة:
لو لقيت مفيش مودة ورحمة…
لو لقيت هزار من النوع اللي بيجرح من غير ما يراعي خواطرك…
لو العصبية بتكسر ومفيش بعدها اعتذار صادق…
لو حسيت إنك دايمًا بتبرر أكتر ما بتنبسط…
هنا لازم تقف.
الحب مش اندفاع بس… الحب أمان.
مش فراشات بس… ده سكينة في القلب.
مش كلام حلو وقت المزاج… ده احترام وقت الخلاف.
الحب ممكن يخلص، آه.
لكن الأخلاق؟ دي المعايير العالية بجد.
الأخلاق مش تمثيل، ومش حاجة حد يقدر يزوّرها فترة كبيرة. لأن في الضغط، كل واحد بيرجع لأصله.
افتكر دايمًا:
اللي يشوفك بعين الرحمة قبل الرغبة،
ويحفظ قلبك قبل ما يمتلكه،
هو ده اللي يستاهل تكمل معاه الطريق.
مراية الحب ممكن تعميك شوية…
بس وعيك هو النور اللي بيرجعك تشوف صح ✨

15/02/2026

بنرسم في خيالنا صورة مثالية عن الناس، بننبهر بيهم توقعاتنا بتكون كبيره واحلامنا اكبر خاصة لو كانوا حلم بنسعي لتحقيقه . أوقات بنعيش في وهم إنهم مثاليين، وده بيخلي أي شيء غير كده صدمة كبيره😐 الناس مش ملايكة، وكلنا عندنا عيوب، وأوقات بنمر بمواقف مش متوقعة، سواء في التصرفات أو حتى في ردود الأفعال.
الصورة الخيالية بتكسر قلبك لم تنصدم بالواقع ، وتعرف إن الحب مش ثابت وان الانسان وعطائه قابل للتغير بين الصح وبين الغلط بين الرغبه وبين الزهد بين القبول وبين الرفض ،مش بنقول إنك تتوقع الأسوء بس بنقول ان اي تغير في جوه الحلو والوحش وفي كل الأحوال انت بتتعلم ازاي تقبل الآخر بكل تفاصيله.
✨ الحب مش إنك تلاقي شخص مثالي، لكن إنك تقبل الشخص اللي قدامك زي ما هو. ✨بس ثانيه واحده لازم تكون عارف ان زي ماهو دي تحتها ميت خط ،زي ماهو بدون تحطيم لحدودك وسلامك انت الشخصي 😒
إزاي نقدر نتجنب خيبة الأمل دي؟ لازم نفهم إن كل واحد عنده طباعه وظروفه، وعلشان تكون العلاقة صحية، لازم نتعامل مع الواقع زي ما هو، مش زي ما إحنا عايزينه 🩶

13/02/2026

كل سنة وانتم طيبين
رمضان شهر بيغير فينا كتير
شحنة إيجابية قوية بتفتح سكة لنجاح أي محاولة للتعافي.
مش بس عشان الإيمانيات بتزيد،
لكن كمان عشان القرب والدفي اللي بيكون موجود في تجمعنا مع أسرتنا الصغيرة والكبيرة.
متخليش الشهر دا يعدي
من غير ما تعدي معاه من أي وجع.
متخليش الشهر يخلص إلا وانت قاطع شوط كبير في رحلة التعافي،
أو حتى لو خطوت خطوة واحدة للأمام،
خلي عندك الأمل، وزيِّن أيامك بالصبر،
فكل لحظة فيها فرصة جديدة تبدأ فيها من جديد.
العقل محتاج وقت عشان يتغير،
والروح محتاجة لمسة شفاء،
وكل دقيقة في رمضان ممكن تكون بداية لصحة نفسية أفضل،
وحياة أكثر توازن.

11/02/2026

تعالى أقولك إيه الأسماء الكتير اللي ممكن تقع تحت كلمة "حب" وتاخد لقبه:الاستغلال حب ،التضحية حب ،التحمّل حب،
البقاء حب،التعلّق حب،الأمل حب
الانتظار حب.
طيب، عارف إن في حاجات كتير صح، وحاجات كتير غلط، بتدخل تحت كلمة حب.
بس اللي لازم نعرفه إن الحب مش عطاء وبس،
الحب تبادل بين العطاء والأخذ.
في ناس بتحبك زي حبّها لوجبة طعام جميلة،
تستمتع بيك، وتخلص عليك باسم الحب،
لحد ما تتحوّل لمجرد بقايا.
الحب الصحي علاقة تقوم على التبادل المتوازن لا على التضحية المستمرة من طرف واحد.
فالعلاقات التي يُستنزف فيها أحد الطرفين تُسمّى علاقات سامه،
يختلط الحب بالحاجة، والعطاء بالخوف من الفقد.
الحب الناضج لا يقوم على إنقاذ الآخر أو استهلاكه،
بل على ارتباط آمن يسمح لكل طرف أن يكون ذاته دون أن يذوب في الآخر."
متبقاش فريسه وتسمي نفسك عاشق💚

07/02/2026

في علاقات كتير
اللي بنسميه حب
يطلع توتر متعودين عليه.
قرب فيه قلق
وغياب فيه انتظار
والدماغ يفتكر ده إحساس قوي
مع إنه مرهق.

أنماط التعلّق بتشتغل بهدوء
وتخلينا نختار نفس الإحساس
حتى لو وجعنا.

ودوري كمعالجة
مش أقولك تعملي إيه
ولا أمسك القرار بدالك.
دوري أفتح مساحة تسمعي فيها نفسك

30/01/2026

مش كل إيجابية شفاء…
أحيانًا بتكون إنكار.
الأمل في المكان الغلط
استنزاف، مش فضيلة.
التسامح مش معناه
تفضل تلف في نفس الدائرة.
السلبية اللي بتكشف الحقيقة
أرحم من إيجابية بتخدر الوجع.
اسمع للأفكار اللي بتوجعك،
غالبًا جاية تحميك.
الحدود مش قسوة،
الحدود احترام للنفس

Marwa yassen

23/03/2026

19/03/2026

25/02/2026

20/02/2026

18/02/2026

17/02/2026

16/02/2026

15/02/2026

13/02/2026

11/02/2026

07/02/2026

30/01/2026

Address

Telephone

Website

Alerts

Contact The Practice

Shortcuts

Share

Category