05/04/2025
ناس كتير جدا لما بتعمل تحليل stool ( براز ) بيطلع عندها نسبة كبيرة من الغذاء غير المهضوم ودا اللي بنسميه " عسر هضم "
المعلومة اللي مش كتير من الناس تعرفها بقى ان اول مراحل هضم الغذاء بتكون في الفم 👄
تعالى اشرحلك ده بيحصل ازاي من البداية!!
ربنا سبحانه وتعالى خلق الانسان في أحسن تقويم وخلق كل حاجة في جسمنا بحساب
ربنا خلقلنا الأنف أعلى الفم مباشرة عشان قبل دخول الطعام للفم طبيعي بنشمه الأول وبمجرد شم الطعام يبدأ نشاط الغدد اللعابية في الفم ( زي ما بنقولها بالبلدي كده ريقنا يجري )
وتيجي المرحلة التانية وهي تذوق الطعام نفسه بقى وهنا بيحصل زيادة كبيرة في افراز اللُعاب في الفم .
هنا بتبدأ اول مراحل الهضم في الفم ، بيحصل في الفم نوعين من الهضم :
1️⃣ الهضم الميكانيكي ( المضغ ) : الهضم الميكانيكي يحدث من خلال الاسنان🦷 ودي الخطوة الوحيدة التي تحدث في الفم فقط ولا تحدث في باقي الجهاز الهضمي.
- عدد مرات المضغ الصحية من ٢٠ ل ٤٠ مرة !!
يعني المفروض كل لقمة يتم مضغها وتفتيتها ٤٠ مرة قبل بلعها
- المفروض يتم مضغ الطعام حتى يفقد صورته الأصلية ، الاسنان تقوم بدورها في طحن وتفتيت الطعام ، ويقوم اللسان بدوره في تقليب الطعام ، مع وجود اللعاب واختلاطه بالطعام حتى يتحول الطعام الي ابسط صورة .
2️⃣الهضم الكيميائي : عن طريق الانزيمات الموجودة في اللعاب عشان كده اللعاب له القدرة على هضم النشويات وبعض الدهون ، دا غير ان مضغ الطعام لفترة طويلة يعمل على اتاحة وقت اكبر لافراز حمض المعدة ( HCL )
وهنا تضمن تكملة مرحلة الهضم في المعدة بأفضل صورة.
📍وحده 207 - الدور الثاني- مول بلازا 5 - بجوار هايبر سلطانه - المتميز - ٦ اكتوبر
012 23831421 ☎️📞
