El Dar - الدار للدعم النفسي و التنمية

01/05/2026

21/04/2026

لتواصل والحجز🤍✨
01032413096
أو ‏واتس اب https://wa.me/qr/UIUUPDIEY2WCO1

16/04/2026

لتواصل والحجز🤍✨
01032413096
أو ‏واتس اب https://wa.me/qr/UIUUPDIEY2WCO1

09/04/2026

هل أنت مصاب بتعفّن المخ؟🧐
خلّيك صريح مع نفسك لحظة…
كم مرة فتحت الموبايل “دقيقة” وقفلته بعد ساعة؟
كم مرة قلت هبدأ أركز… وبعدها غرقت في سكرول مالوش آخر؟
مش لوحدك.
اللي بيحصل ده اسمه تعفّن المخ
مش مرض… بس حالة بتسرق منك تركيزك، وقتك، وطموحك واحدة واحدة.
محتوى سريع.
فيديوهات بلا معنى.
ضحك لحظي… وندم طويل.
تلاقي نفسك:
• مش عارف تركز
• بتملّ بسرعة
• أي حاجة مفيدة تقيلة على دماغك
• وأحلامك؟ مؤجلة دايمًا
المشكلة مش فيك…
المشكلة في اللي بتدخلّه لعقلك كل يوم.
لو حسّيت إن الكلام ده لمس حاجة جواك،
يبقى محتاج تقف لحظة وتراجع نفسك.
قولّي في الكومنت:
حاسس إنك محتاج “تنضّف دماغك” ولا لسه؟😁
تابعنا .. هننزل حلول عميلة ونتابع خطوة بخطوة .. من حقك تعيش أحلي ما في الدنيا.

للاستفسار وحجز الجلسات: 01032413096

05/04/2026

🥹ليه بحس بالتوتر والقلق لو الموبايل بعد عني؟!!🥹
عمرك لاحظت إنك أول ما تسيب الموبايل
تحس بتوتر… قلق… وكأن في حاجة غلط؟
ده مش ضعف منك، ولا دلال.
ده تغيير كيميائي حقيقي في دماغك.🧪🧠
كل مرة تفتح السوشيال ميديا "لايك، كومنت، فيديو جديد"
دماغك يفرز الدوبامين وهو هرمون المتعة والمكافأة.
الدوبامين ده يخليك:
تحس بسعادة لحظية وتدمن الإحساس. وتطلبه تاني وتالت… من غير ما تحس.
المشكلة إن مع الوقت, دماغك يتعوّد. نفس الجرعة ما تبقاش كفاية
فتحتاج سكرول أكتر… وقت أطول.
ولما الموبايل يبعد؟
مستوى الدوبامين ينزل فجأة ويطلع مكانه:
الكورتيزول → هرمون التوتر🤒
والأدرينالين → الإحساس بالقلق والعصبية
عشان كده تحس:
• توتر من غير سبب
• ملل شديد
• عصبية على أقل حاجة
• فراغ حتى وإنت مشغول
وفي نفس الوقت.. يقل السيروتونين (هرمون الراحة والاستقرار) فتبقى مش راضي ومش مرتاح.
الإدمان هنا مش على الموبايل…
الإدمان على الكيما اللي دماغك بقى يطلبها.
وعشان كده الحل مش “اقفل الموبايل وخلاص”
الحل إنك ترجّع التوازن
وتدي دماغك مصادر صحية للدوبامين.
اسأل نفسك بصدق:
إنت بتختار تقضي وقت مريح مع الموبايل, ولا دماغك بقى معتمدة علي السكرول عشان تشعر بالإرتياح؟؟!!

للاستفسار وحجز الجلسات: ⁨010 32413096⁩

01/04/2026

جوزك مبيسمعكيش .. تعالي أقولك
2-عشان يسمعك – التزمي بالوقت
عشان تحببي زوجك في إنه يسمعك فتفضفضي براحتك وتقوموا من الجلسة انتم الاثنين متراضيين مش متخانقين لا سمح الله : حددي وقت معين قبل متبدأي الكلام. يعني مثلاً يا فوزي محتاجة أتكلم معاك 10 دقايق بس، عدوا العشر دقايق خلاص توقفي الكلام فورًا وتلتزمي بالوقت ده حتى لو الموضوع مخلصش –وطبعًا مفيش موضوع بيخلص طول محضرتك بخير-أو حتى لو كنتى لسه عايزة تتكملي تاني كالعادة، أو حتى لو هو لسه مستكفاش وعايز ياخد فوق دماغه أكثر، قصدي لسة مشبعش من قعدتكم وعايز ينهي الموضوع للآخر، خلي بالك التزامك بالوقت بيطمن الراجل إن الحوار مش مستمر مدى الحياة، وإنه مش مضطر يسمع لحد مينفجر، كمان بيحسسه أنه حياخد العبرة من كلامك مرة واحدة كده زي الحقنة ويترحم بعد كده، قصدي ويلاقي وقت بعدها ينفرد بنفسه ويمزمز في كلامك الجميل.. واه صحيح ... متستهنيش بالمدد القصيرة دي، يعني 5 دقايق كل يوم أفضل ميت مره ليكي وليه مما تعبي وتنفجري فيه ساعتين ثلاثة كل أسبوع وبعدين انتم الاثنين تبقوا عملاء عندي بعد كده .. فافتكري دايمًا تطمنيه بوقت محدد وقصير وتلتزمي بالوقت ده مهما كانت الظروف .
وراعي التوقيت.. ابعدي عن 4 أوقات اللي هم أكله ونومه ودخوله وخروجه من البيت ، 10 دقايق لكل وقت من دول وباقي اليوم بتاعك إلا لو هو معندهوش مشكلة في أحد الأوقات دي وعامل نفسه بيحب يسمعك .. فافتكري دايمًا إن اختيارك لوقت الحوار بيساعد كثير في إن زوجك يديكي ودنه.
د.أحمد العزازي
ماجستير الإرشاد النفسي- جامعة القاهرة
استشاري الصحة النفسية والارشاد الأسري