24/07/2025
يعني إيه Nutrition Facts؟
بطاقة بيانات غذائية؟
يعني البطاقة اللي بتقوللي الأكل ده فيه إيه؟ 👈 علشان أقرر إذا كان مناسب ليا ولا لأ
🎯 هدفنا: نفهم الأكل… قبل ما يدخل جسمنا
📦 البطاقة دي تلاقيها على كل منتج جاهز في السوبر ماركت. يلا نفهمها نقطة نقطة لو عندك منتج في التلاجة، جيبيه وافتحي معانا وطبقي
يلا بينا 👩🏫
1️⃣ حجم الحصة (Serving Size)
دي الكمية اللي مكتوب القيم الغذائية عليها.
مثال: 1 كوب كورن فليكس، أو 30 جم مكسرات، أو 2 حبة بسكويت.
2️⃣ عدد الحصص في العلبة (Servings per Container)
يعني العلبة كلها بتكفي كام حصة؟
لو مكتوب "الحصة = 2 قطعة بسكويت" والعلبة فيها 15 حصة → العلبة كلها فيها 30 قطعة.
3️⃣ السعرات الحرارية (Calories)
هي كمية الطاقة في الحصة الواحدة.
السعرات دي جاية من الدهون، الكربوهيدرات، والبروتين.
4️⃣ % القيمة اليومية (% Daily Value)
نسبة كل عنصر مقارنة باحتياجك اليومي.
لو مكتوب: "الدهون 20%" → يعني أخدتي 20% من احتياجك اليومي من الدهون في الحصة دي.
5️⃣ إجمالي الدهون (Total Fat)
عبارة عن:
دهون مشبعة (Saturated) → قللي منها
دهون متحولة (Trans) → اتجنبيها تمامًا
دهون صحية (Unsaturated) → موجودة أحيانًا بنسبة بسيطة
6️⃣ الكوليسترول والصوديوم (Cholesterol / Sodium)
مكتوبين بالـ mg.
كل ما الرقم أعلى → خطر أكبر على القلب والضغط.
7️⃣ الكربوهيدرات الكلية (Total Carbohydrate)
تحتها تلاقي:
السكريات (Sugars)
الألياف (Fiber)
قللي السكر، زوّدي الألياف = توازن واستقرار في الأنسولين والمعدة.
8️⃣ البروتين (Protein)
مهم جدًا في الشبع وتنظيم السكر والمزاج.
ركّزي عليه لو بتحسي بجوع بعد الأكل.
9️⃣ الڤيتامينات والمعادن
زي:
فيتامين A / C
الكالسيوم / الحديد
كلما زادت النسبة → المنتج أغنى.
📛 ألوان البطاقة (لو موجودة):
🟢 أخضر = ممتاز
🟡 أصفر = وسط
🔴 أحمر = خطر أو عالي
🧊 تنبيه: إرشادات التخزين
اقري آخر سطرين من البطاقة… لأنه أوقات بيكون مكتوب حفظ في الثلاجة بعد الفتح أو صالحة لمدة 3 أيام فقط.
ليه الكلام ده مهم؟ 🙄
لأن كل مرة تقري فيها البطاقة، أنتي بتقولي لجسمك:
أنا سامعة صوتك… ومهتمة بصحتك.
وده بيفرق مش بس في وزنك
بل في طاقتك، مزاجك، هرموناتك، وحتى علاقتك بنفسك ❤️
✅ الرسالة الأخيرة ليك من نفسيتك من أكلتك:
مش لازم أحرم نفسي… بس لازم أفهم أنا باكل إيه
المنتج ميضحكش عليا… أنا اللي بقرر آخده ولا لأ
و مش كل اللي مكتوب عليه كلمه صحي فهو صحي لازم تقرا المكونات مناسبه ليك ولا
و عشانك 👩👧👦 اسالي عن لعبه تعليم ولادك ازاي يقروا اللي هيكلو و يبقي عندهم وعي
لسه مش عارفة تبدأي منين احنا معاكي💪🤝
كلمينا 01120242020🤙
#نفسيتك من اكلتك
