12/08/2022
اتنشن بليييز 📢📢
عزيزى القارئ هنتكلم النهاردة عن موضوع مهم جدا فنركز سوا لثوانى☺️🤌
ناس كثير من مرضى السكر بتسال عن طريقة عد النشويات فى البوست ده هنحاول نبسط الموضوع عشان كل واحد يقدر يعد نشوياته براحته ☺️
👈اول حاجة لازم نعرف أن فيه مواقع وتطبيقات كتيير نقدر نستخدمها عشان نعرف كمية النشويات فى الاطعمه المختلفه
👈 تانى حاجة
هنتعلم ازاى نحسب نسبة الأنسولين إلى نسبة النشويات (الكربوهيدرات )أو I:C ratio
وده باختصار معناه انت محتاج كمية قد ايه من الأنسولين عشان تغطى كمية قد ايه من الكربوهيدرات 🤔
النسبه دى أيضا مشهوره باسم معامل النشويات أو معامل الكارب
ودى معناها (كم وحدة من الأنسولين سريع المفعول يحتاجها الجسم لتغطية كم جرام من الكربوهيدرات) 🤔
وعشان تبقى الأمور سهله احنا بنستخدم هنا قاعدة ال" ٥٠٠"
ودى قاعد بتعتمد على ان الإنسان العادى بيستهلك تقريبا (عن طريق الوجبات الاساسيه والخفيفه ) وينتج (عن طريق الكبد) ما يقرب من ٥٠٠جم من الكاربوهيدرات يوميا
فبالتالى
👈 احنا بنستخدم ال ٥٠٠ مع الناس اللى بتستخدم انسولين سريع المفعول زى ( نوفورابيد- هيمالوج - ابيدرا )
👈 وبنستخدم ال ٤٥٠ مع الناس اللى بتستخدم انسولين مائى زى ( اكترابيد - هيومولين ار)
عشان نحسبها بنقسم ال ٥٠٠ على على الجرعة الكلية من الأنسولين ( انسولين سريع + قاعدى) الرقم إلى بيطلع هو ده مايسمى بمعامل الكارب أو ا:ك
وده مثال للتوضيح👇
لو شخص بياخد ١٠ وحدات من اللانتوس مساء ( انسولين قاعدى)
وبياخد قبل الوجبات انسولين سريع (نوفورابيد مثلا) ٥ وحدات قبل الافطار و٦ قبل الغدا و٤ قبل العشا يبقى مجموع الجرعة اليوميه هو(١٠+٥+٦+٤)= ٢٥ وحدة يوميا
بتطبيق القاعده السابقه☝️
نجد أن معامل الكارب = ٥٠٠÷٢٥ = ٢٠
وده معناه أن هذا الشخص فى المتوسط يحتاج ( وحدة من الأنسولين سريع المفعول لكل ٢٠ جرام من الكاربوهيدرات فى الوجبه .
بمعنى أنه لو تناول وجبه بها ٦٠ جرام كربوهيدرات سوف يحتاج ٣ وحدات انسولين سريع المفعول قبل الوجبة.
وبكده نكون عرفنا ازاى نحسب معامل الكارب وانتظرونا فى البوست القادم لمعرفه كيفيه حساب معامل التصحيح.
دمتم سالمين🌸
---------------------------------
استشاري أمراض الباطنة والكلى والسكر والغدد الصماء
📍 عيادة (1): 6 اكتوبر الحي السادس - شباب مبارك 63 - عمارة 1ق - بجوار الراعاية الصحية
☎️ للحجز والاستفسار: 01098018263 - 0238856830
-------------------------
📍 عيادة (2): 6 اكتوبر الحي 11 التعاونيات - مشروع 164 عمارة 19 بجوار صيدلية د/سارة محمد على
☎️ للحجز والاستفسار: 01065350130
-------------------------
📍 عيادة (3): 6 اكتوبر مركز الرازى الطبي - المحور المركزى - الحى الخامس جولدن مول - الدور الثالث
☎️ للحجز والاستفسار: 01098018263
للتواصل على واتساب:
https://wa.me/+201098018263
