Dr Manal Khaled Kids Clinic

21/07/2025

🖐👣👄 متلازمة الفم واليدين والقدم

مش كل طفح جلدي مع حرارة يبقى حساسية!

لو ابنك طلع له نقط أو حبوب صغيرة حوالين الفم، في الكفوف أو القدمين، ومعاها حرارة خفيفة أو تعب بسيط...
📍 غالبًا دي متلازمة الفم واليدين والقدم!

❗ مرض فيروسي بسيط... لكنه معدي جدًا بين الأطفال.

أهم الأعراض:

حرارة خفيفة في الأول

قرح أو تقرحات في الفم (تخلي الطفل يرفض الأكل)

طفح جلدي أو حبوب صغيرة في اليدين والقدمين (وأحيانًا المؤخرة)

طيب نعمل إيه؟

🟡 راحة تامة
🟡 سوائل باردة
🟡 خافض حرارة عند اللزوم
🟡 نظافة اليدين المستمرة

🚫 مفيش مضاد حيوي
✅ الجسم بيتغلب على الفيروس خلال ٥-٧ أيام

💡 مهم: الطفل يقعد في البيت لحد ما تختفي الأعراض علشان ميسببش عدوى لغيره.

---

16/07/2025

"مش كل عطسة معناها ضعف مناعه
الطفل الطبيعي ممكن يمرض لحد ٨ مرات في السنه
بس جسمه بيتعلم ويحمي نفسه أكتر
💪🛡️"طفلك مش ضعيف

هو بس بيجمع خبرة مناعة... واحدة واحدة
🦠➡️💪
سمي الله وسيبيه يدوّس في الحياة
😎🧒🏻"

16/07/2025

🎯
لو مش هتدي غير تطعيم إضافي واحد... خليه ده!

عارفة إنك عايزة تطمني على صحة طفلك، وبتحاولي توازني بين الميزانية واحتياجاته
بس اسمحيلي أقولك

🔔 تطعيم السُحائي (الحُمّى الشوكية)
ده مش رفاهية
ده من أهم التطعيمات اللي تحمي مخ الطفل من عدوى خطيرة ممكن تأثر على حياته
📌
ليه مهم؟
لأنه بيحمي من التهاب السحايا اللي ممكن يعمل مضاعفات خطيرة جدًا
العدوى بتنتقل بسهولة خصوصًا في الحضانات والمدارس
ووجود التطعيم بيوفر حماية كبيرة وراحة بالك كأم 🫶

🩺 بيتاخد من سن صغير، وفي أكتر من نوع متاح في مراكز موثوقة

💡 لو مش هتقدري تعملي كل التطعيمات الإضافية، خدي دي نصيحتي كدكتورة أطفال وأخت: خليه أول تطعيم في أولويتك.

14/07/2025

دكتورة/منال خالد عبدالرحيم دلوقتي موجودة في عيادات برايم كير!✨
🩺 أخصائي طب الأطفال وحديثي الولادة – جامعة عين شمس
📍 مع خبرة كبيرة لمتابعة صحة طفلك من أول يوم

ولأن صحة طفلك هي أولويتنا…
📉 عملنا خصومات توصّل لـ 25% على كشف الأطفال 💚
علشان كل تفصيلة في نموه تكون تحت متابعة دقيقة من البداية!

📅 احجز الآن وخلي البداية الصح مع في برايم كير

📞 كلّمنا من خلال:
01006349457
01015355187
01006374475
متاح خدمة الحجز عن طريق الواتس اب
Wa.me/201006349457

📍 مستنيينك في: زويل بلازا مول - حدائق اكتوبر - ش احمد زويل

دكتورة/منال خالد عبدالرحيم دلوقتي موجودة في عيادات برايم كير!✨
🩺 أخصائي طب الأطفال وحديثي الولادة – جامعة عين شمس
📍 مع خبرة كبيرة لمتابعة صحة طفلك من أول يوم

ولأن صحة طفلك هي أولويتنا…
📉 عملنا خصومات توصّل لـ 25% على كشف الأطفال 💚
علشان كل تفصيلة في نموه تكون تحت متابعة دقيقة من البداية!

📅 احجز الآن وخلي البداية الصح مع د. منال في برايم كير

📞 كلّمنا من خلال:
01006349457
01015355187
01006374475
متاح خدمة الحجز عن طريق الواتس اب
Wa.me/201006349457

📍 مستنيينك في: زويل بلازا مول - حدائق اكتوبر - ش احمد زويل

14/07/2025

👶🍝 سيبيه يا ماما ياكل لوحده…
🤭😂يمكن الأكل يوصل لبقه…
ويمكن يوصل للحيطه ، للكرسي، أو لشعره كمان 😂🧼

بس الأكيد إنو بيعيش "تجربته" 🧠💪
وبيتعلم يتحكم، يختار، ويستمتع بإنه بيكبر شويه 🙈

انتي؟
ربنا معاكي ف التنضيف! 😅🧽


🐝

13/07/2025

☀️ "الصن بلوك للأطفال... ضروري ولا لأ؟" 🍼👶

👶 حديثو الولادة (أقل من 6 شهور): 🚫 لا يُستخدم الصن بلوك إطلاقًا! 👒 الحل؟ خروجة قبل 10 صباحًا أو بعد 4 العصر + لبس قطني خفيف + كاب أو شمسية

🧒 الأطفال فوق 6 شهور: ✅ ينفع نبدأ نستخدم صن بلوك مخصص للأطفال يكون: – 🧴 عامل حماية +50
– 👶 تركيبة "Mineral based" (يعني فيه زنك أو تيتانيوم)
– ✨ خالي من العطور والمواد الكيميائية القاسية

💡 أهم النصايح:
🕒 نكرر وضع الصن بلوك كل ساعتين في الشمس

⏰ نحطه قبل النزول بـ15 دقيقة

🧼 نغسله من على البشرة بعد الرجوع

👌👌👇👇

👩‍⚕️ نصيحتي كدكتورة أطفال:
اختاري صن بلوك مكتوب عليه👍
“Mineral” أو “Zinc oxide / Titanium dioxide”
وابعدي عن المنتجات اللي فيها👎
Oxybenzone وParabens

🙋‍♀️ وافتكري دايمًا: الوقاية من الشمس = حماية لبشرة طفلك طول العمر ☀️❤️

11/07/2025

🌸 جمعة الخير... لكل ماما 💌

كل يوم بنشوف أمهات بتدي من قلبها، من وقتها، ومن طاقتها علشان أطفالها...
بس يوم الجمعة بالذات 👣 بيبقى فرصة نقول فيه لنفسنا:
" أنا بعمل اللي عليّا وأكتر!"

مفيش أم كاملة، بس فيه أم بتحاول دايمًا
ومفيش طفل مثالي، بس فيه طفل محتاج حضن وحنية وفهم ❤️

فـ لو يومك كان مليان فوضى وصريخ،
لو النوم كان متقطع، والأكل مرفوض،
لو حسيتِ إنك لوحدك...
اعرفي إنك مش لوحدك، ودي مرحلة وهتعدّي... وانتي قدها ❤️💪

08/07/2025

07/07/2025

🌞 مش بس حرارة!
حبيبات صغيرة حمراء على جلد الطفل… تخليه يبقى متضايق ومش عارف ينام لانه بيكون مزعج جدا ليهم 😣🔥

💢 إيه سببه؟
انسداد القنوات العرقيه بسبب العرق الكتير بسبب :
– الجو الحر والرطوبة
– لبس كتير أو خامات صناعية
– عرق كتير بدون تهوية كافية

👶 بيظهر فين؟
▪ الرقبة
▪ الظهر
▪ الثنايا (زي تحت الإبط أو بين الفخذين)

🩺 طب نعمل إيه يا دكتورة؟

✅ اللبس القطني الخفيف
✅ تهوية المكان وتخفيف الحرارة
✅ الاستحمام بمياه فاترة بدون صابون عطري وممكن نستخدم صابونه الجلسرين
✅ استخدام كريمات ملطفة زي كلامينا لوشن أو كريم الزنك
✅ لو الحالة شديدة: كريم مضاد للالتهاب حسب الحالة (بإشراف طبي)

🚫 بلاش:
❌ بودرة التلك
❌ تقشير أو حك الجلد
❌ أي كريم من نفسك من غير استشارة

📌 أهم حاجة: الوقاية دايمًا أسهل من العلاج 💧
خلي ابنك دايمًا مرتاح وجاف في الصيف!

06/07/2025

🌟 تدريب #البوتي من غير دموع! 🌟
خلي البوتي ترينينج يكون مغامرة جميلة بدل ما تكون معركة! 🧸🚽

👶 نصيحتي ليكي يا ماما:

1️⃣ ⏰ اختاري الوقت الصح:
لما تلاحظي إن طفلك جاهز... مش لما إحنا نستعجل!

2️⃣ 🎨 خليه يختار البوتي:
سيبيه يختار لونه، أو نزّينه مع بعض… هيحس إنه جزء من القرار.

3️⃣ ⭐ التشجيع أهم من العقاب:
كل محاولة ناجحة = استيكر 🎉، حضن 🤗، أو كلمة حلوة 💬

4️⃣ 😅 الحوادث واردة:
مافيش مشكلة! المهم نتصرف بهدوء… الطفل بيتعلم من التجربة.

📩 لو محتاجة خطة تدريب تناسب سن وطباع طفلك، ابعتيلي
وهكون معاكي خطوة بخطوة… لحد ما تقوليله: "براڤو يا بطل!" 🥰💪

30/06/2025

قوليلي يا مامي بم اننا في اجازه … مين بيساعدك في البيت؟ ✨🍼

أ. الطفل اللي بيكسر الطبق… ويساعدك يقولك: "معلش يا ماما كنت بحاول أساعد!" 🤷‍♀️
ب. اللي أول ما يسمع كلمة "تعال ساعدني" يختفي فجأة 😅😅😅
ج. اللي يساعدك نص ساعة… وبعدين يقولك: "مش المفروض أنا صغير؟!" 😂
د. ولا مفيش حد خالص… وانتي السوبر ماما 🦸‍♀️💪

28/06/2025

🟡 فيتامين د مش كماليات... ده أساس! ☀️

كل أم تسأل: "هو ابني محتاج فيتامين د؟"
👩‍⚕️ والإجابة: تقريبًا... أيوه!

👶 ليه مهم؟
– يقوّي العضم والأسنان
– يساعد على امتصاص الكالسيوم
– بيقلل من فرص الإصابة بالكساح
– بيدعم المناعة ويحسّن المزاج كمان

☀️ ومع إن الشمس مصدره الأساسي…
لكن يا ماما:
⬅️ التعرض للشمس مش كفاية
⬅️ والأكل مش بيوفّي الاحتياج اليومي
⬅️ ومعظم الأطفال بيكون عندهم نقص!

💊 علشان كده بننصح بجرعة وقائية يومية
(حسب سن الطفل وتقييم الطبيب)

📝 مهم: – الفيتامين ده مش ناخده "أوقات ما نفتكر"
– ولا نزوده من نفسنا… الزيادة بتضر زي النقص بالضبط!

🎯 رسالة للأمهات:
"ابنك محتاجك تهتمي بتغذيته… بس كمان محتاجك ما تنسيش نقط فيتامين د!"





☀️👶💛