Fatma Mortada -clinical Psychologist-

04/12/2025

هل صدمات الطفوله بتتعالج؟

26/11/2025

“سؤال جالي في الجلسة:
ليه مهما حاولت… دايمًا في حد مش راضي؟

إرضاء الناس غاية لا تدرك…
الناس دايمًا عندها توقعاتها… وفكرها مش أنتِ.
مش كل كلمة حلوة أو تصرف كويس منك هي هيتشاف أو يتقدّر.

المهم… تعرفي قيمتك بنفسك، وتسمعي قلبك قبل أي حد.
تحمي نفسك وحدودك… وتدي لنفسك الحب والاحترام اللي الكل مش هيقدر يدّيهولك.
لما تبدأي ترضي نفسك… هتحسي بحرية ما حدش هيقدر ياخدها منك… وساعتها كل حاجة تانية هتبقى اختيار، مش ضغط.

23/11/2025

ليه الناس الكويسه حظها وحش

19/11/2025

10/11/2025

أوقات الغُربة مش مكان…
هي شعور إنك مش مفهوم حتى وسط أقرب الناس.
النبذ والرفض بيسيبوا أثر عميق في النفس،
بس مع الوقت والدعم الصح، بتقدر تلاقي نفسك…
وتلاقي الناس اللي تحس معاهم بالأمان والانتماء الحقيقي.

22/10/2025

حادث طفل الاسماعيليه 💔

10/10/2025

06/10/2025

في علاقات بيبقى فيها حب حقيقي، بس برغم كده العلاقة تبقى مش صحية.
بتحب الشخص، بس وجوده بقى مرهق، بيستهلكك أكتر ما بيطمنك.
تحس إنك دايمًا قلقان ، أو مضغوط، أو بتحاول تثبت إنك تستحق الحب اللي المفروض يكون طبيعي.
وساعتها تبدأ تسأل نفسك: هو أنا مبسوط ولا متعلق؟ مرتاح ولا بس مش قادر أسيب؟

الحب مش المفروض يوجّع بالشكل ده.
مش المفروض يخليكِ تفقد نفسك وإنت بتحاول تحافظ على العلاقة.

ساعات بتضطر تبعد مش علشان الحب خلص،
لكن علشان تحمي اللي باقي منك.
لأن الحب لو فضل يوجع، مش هيبقى حب… هيبقى وجع متغلف بمشاعر حلوة قديمة. 🖤✨

04/10/2025

ليه بخاف من الراحه والهدوء

23/09/2025

في ناس فاكرة إنهم “اتعودوا” على الضغط…
لكن الحقيقة إن الجسم والعقل بيفكّرك طول الوقت إن فيه حمل تقيل متخزن.
يظهر في شكل صداع، أرق، نسيان، عصبية، أو حتى فقدان شغف.

💡 الضغط النفسي لما يتراكم بيتحوّل من مجرد إحساس… لأسلوب حياة متعب.
وإدراكك للمشكلة هو أول خطوة إنك تبدأ تحرر نفسك منها

19/09/2025

المسامحة مش معناها إنك تنسى اللي حصل أو تبرر الأذى…
المسامحة معناها إنك تحرّر نفسك من الوجع اللي ماسك فيك.

لما تسامح، إنت مش بتعمل كده علشانهم… إنت بتعمله علشان قلبك يرتاح ويعرف يعيش من غير حمل تقيل

17/09/2025

الخوف من الفشل ممكن يوقفنا سنين مكانّا.
نفضل نقول: “طب لو وقعت؟ طب لو غلطت؟ طب لو الناس حكمت عليا؟”
وننسى نسأل نفسنا: “طب لو نجحت؟ طب لو التجربة دي فتحتلي باب جديد؟”

الحقيقة إن الغلط مش نهاية… الغلط هو الطريق اللي بيعلّمنا.
والمحاولة حتى لو ما نجحتش، أحسن بكتير من إننا نفضل واقفين خايفين.

يمكن أول خطوة تاخدها تبقى بداية التغيير اللي مستنيه من زمان