Dr. Amr Salem children clinic

12/08/2025

حان وقت الرحيل 👌أجازتى السنوية لمده ١٠ أيام .. فعلا مش بشوف أهلى خالص و دة مالوش علاقة بمسلسل " كتالوج " عشان الامهات اللى سألتنى النهاردة 🥹🥹 من بكره هيكون فى فريق مساعد ليا بثق فيهم جداً .. هيكونوا متواجدين فى عيادة الشيخ زايد و عيادة اكتوبر ، هيشوفوا الحالات بدالى و أنا اول ما ارجع بعد ١٠ ايام هشوف نفس الحالات ، الأستشارة هتكون معايا ..
الواتس آب الشخصى هيكون معايا بس مش بيكون متاح طول اليوم بس هحاول بقدر المستطاع
بمجرد انك تكشف مع حد من الفريق المساعد هتبعتلى الروشتة على رقمى الشخصى و هتابع معاك لحد ما اشوف الطفل لما ارجع ان شاءالله.. أشوفكم على خير 🙏❤️🙏❤️🙏

04/08/2025

الصورة دى لما تبصلها من أى ناحية هتكتشف ان أجازتى السنوية الأسبوع القادم 😭😭 هحاول أنزلكم فيديو مبسط هنوصل ازاى لبعض و أنا اجازه و مين هيكون متواجد بدالى فى العيادة أسبوعين الإجازة 🙏🙏🙏

18/07/2025

تطعيم الحمى الشوكية الجديد !!! هو ده الألتهاب السحائي ؟؟ طب هو منتشر دلوقتى و فعلا فى أطفال توفت ؟؟ طب هو مهم و لازم ناخدة ؟؟ من من عمر قد أيه ؟؟ طب ده بديل للتطعيم اللى أخدناه زمان ؟؟ يارب أكون عرفت أجاوب على كل الاسئلة اللى أتبعتت لى .. أشوفكم على خير دايما يارب 🙏❤️🙏❤️

17/07/2025

من الواضح ان نص مصر بتسأل النص التانى عن موضوع الحمى الشوكية و الالتهاب السحائي و الاطفال اللى توفت 😭 و ده طبعا منعكس على الواتس آب عندى .. بس أنا فعلا فعلا مسافر النهاردة بكره بدرى نعمل فيديو فيه شرح الموضوع ببساطة و نعمل ايه .. حقكم عليا لو مش عارف ارد النهاردة على الواتس آب بس لو فى حاجه طارئة استأذنكم الاتصال بيا مباشراً 🙏🙏🙏

16/07/2025

08/07/2025

صباح الفل .. نظراً لتعطل بعض شبكات الاتصال ..اليوم الثلاثاء العمل فى عيادة الشيخ زايد توين تاورز من ١١:٣٠ صباحاً إلى١ ظهراً و عيادة كايرو ميديكال سنتر ٦ أكتوبر من ٧ م إلى ١٠ م

03/07/2025

بصو بقى 👀👀 المسلمين و المسيحين و الشرطة و الجيش و الإخوان و الملحدين كلهم واخدين النهاردة أجازة !! السبب الوحيد انى أفتح العيادة النهاردة هو أنى يهودى 👌👌 أستأذنكم أنا أجازه النهاردة و بكره و هشتغل السبت إن شاء الله .. ما هو مش منطقى إنى أجيب البنطلون ده عشان أحتفل بيه فى توين تاورز 😎😎

01/07/2025

خلى بالكم 👌👌 أولادكم و بناتكم هيقلدوكم فى كل حاجه 🤌🤌 يعنى فى اللبس فى، الكلام ،، الهدوء أو العصبية ، الطباع … حاجه مرعبة !! خلى بالكم .. أنا مثلا أولادى بيقلدونى أنى ماسك الموبايل عالطول برد على واتس آب 😭😭

25/06/2025

كل سنة و أنتم طيبين بمناسبة رأس السنه الهجرية .. أنا أجازه خميس و جمعة و أشوفكم على خير يوم السبت إن شاء الله 🙏🙏🙏
Amr Soudy

22/06/2025

أقنعت الطيار ينزلنى مره واحده على عيادة الشيخ زايد 😎😎 بكره الاثنين ان شاءالله معاودة العمل بعيادة الشيخ زايد ١٠ ص .. اشوفكم على خير

22/06/2025

‏¡Hola hola! He terminado la conferencia y mi vuelo a El Cairo es esta noche. Si Dios quiere, estaré en la clínica de Sheikh Zayed mañana lunes por la mañana. ¡Nos vemos pronto!
إلى من لا يتحدثون اللغة الأسبانية بطلاقة .. أنا خلصت المؤتمر و راجع مصر النهاردة بليل و ان شاءالله هبقى بكره الاثنين الصبح فى عيادة الشيخ زايد .. اشوفكم على خير

21/06/2025

صباح الفل .. بعتذر جداً عن حضور العيادة اليوم السبت بسبب حضورى مؤتمر طبى ببرشلونة.. د/ يارا هتكون موجوده بدالى فى عيادة الشيخ زايد اليوم و ان شاءلله راجع غداً الأحد بليل و أول يوم عمل ليا الاثنين عيادة الشيخ زايد ..
أشوفكم على خير 🙏🙏🙏