Dr. Sara Aziz

Dr. Sara Aziz ‏د.سارة عزيز محمد
استشاري العلاج الطبيعي والتغذية العلاجية معتمد بالاتحاد الدولي للسمنة بإنجلترا

20/05/2026

⁨ بتشوف زيوت مكتوب عليها
“غني بأوميجا 3 و6 و9”
فتحس إنها صحية أكتر تلقائيًا…

لكن الحقيقة إن ده أحيانًا مجرد تسويق.

لأن أوميجا 6 إحنا أصلًا بناخده بكميات كبيرة جدًا من الأكل اليومي والزيوت المصنعة،
وزيادته مرتبطة بزيادة الالتهابات في الجسم،

وأوميجا 9 الجسم بيصنعه بنفسه مش محتاجه من بره.

فوجود 3 و6 و9 مع بعض
مش معناه إن الزيت أفضل أو قيمته أعلى.

الأهم فعلًا هو:
قد إيه فيه أوميجا 3 بجودة كويسة.

وده ينطبق حتى على مكملات الأوميجا…
ما تختارش المنتج لمجرد مكتوب عليه 3-6-9،
ركز على أوميجا 3 نفسه، خصوصًا EPA و DHA

ركز على أوميجا 3 نفسه، خصوصًا EPA و
د.ساره عزيز محمد
استشاري العلاج الطبيعي والتغذيه العلاجيه والسمنه
⁩⁩⁩

18/05/2026

ترند التغذية اليومين دول بقى بين طرفين…
طرف شايف إن الأكل الطبيعي والبسيط هو الأساس 💪
وطرف تاني بيخوّف الناس من الفراخ والبيض وكل حاجة طبيعية… وفي نفس الوقت يرشّح سكر وعصاير معلبة وأجبان مصنعة 😅

واحد زي Cristiano Ronaldo لسنين محافظ على أساسيات واضحة:
✔️ بروتين حقيقي
✔️ أكل بسيط
✔️ تقليل الأكل المصنع
✔️ انضباط واستمرارية

وفي المقابل بقينا نشوف محتوى بيهاجم الفراخ والبيض وكأنهم سبب كل الأمراض… رغم إن المشكلة الحقيقية غالبًا بتكون في الإفراط بالأكل المصنع والمشروبات السكرية وقلة الحركة ونمط الحياة عمومًا.

ولو حد قلقان من الفراخ تحديدًا…
فالطريقة الصح لتقليل الدهون والشوائب المحتملة:
✔️ إزالة الجلد قبل الطهي
✔️ سلقها أول غلوة
✔️ تغيير المياه
✔️ وبعدها نكمل التسوية أو نستخدم الشوربة

كده نقلل جزء كبير من الدهون والرواسب ونحصل على أكل متوازن بدون فوبيا أكل ولا تهويل 👌

المشكلة إن السوشيال ميديا بقت تحب “الصدمة” أكتر من العلم.
لكن الجسم محتاج توازن… مش تطرف.

قولولي بقى 👇
أنتوا مع الأكل الحقيقي البسيط… ولا مع تريندات التخويف من كل حاجة؟ 😂

د.ساره عزيز
استشاري العلاج الطبيعي والتغذيه العلاجيه والسمنه

#الطيبات

From Cairo to EASO 2026 🇹🇷Proud to announce that l’m joining the European Association for the Study of Obesity (EASO 202...
12/05/2026

From Cairo to EASO 2026 🇹🇷

Proud to announce that l’m joining the European Association for the Study of Obesity (EASO 2026) as a Speaker & Research Presenter.

This year, I’m presenting THREE scientific posters discussing innovative approaches that combine:
▫️Physical Therapy
▫️Clinical Nutrition
▫️Lymphatic Activation
▫️Metabolic Health

A step closer to bringing the “Sara Protocol” to the international stage 🌍

Grateful for every patient, every challenge, and every step in this journey 🤍
من القاهرة… إلى EASO 2026 🇹🇷

فخورة بمشاركتي في المؤتمر الأوروبي لدراسة السمنة
European Association for the Study of Obesity (EASO 2026)

كمتحدثة وباحثة علمية ضمن البرنامج العلمي للمؤتمر.

هذا العام أشارك بثلاثة أبحاث علمية تناقش دمج:
▫️العلاج الطبيعي
▫️التغذية العلاجية
▫️تنشيط الجهاز الليمفاوي
▫️الصحة الأيضية

في خطوة جديدة نحو تقديم “Sara Protocol” على المستوى الدولي 🌍

رحلة طويلة من التحديات والتعلّم والعمل…
وما زالت البداية 🤍
دعواتكم🙏🏻

10/05/2026

“100% طبيعي… بدون سكر مضاف”
جملة بتخلّي أي حد يحس إنه اختار صح 👌

‎بس الحقيقة؟
‎مش كل اللي مكتوب على العبوة بيتفهم صح.

العصاير دي غالبًا بتكون مركّزة جدًا،
وحتى لو بدون سكر مضاف…
فهي مازالت تحتوي على كميات عالية من السكر الطبيعي،
وأشهره: الفراكتوز.

والفراكتوز لما يدخل الجسم
ما بيتوزعش على الخلايا بنفس طريقة الجلوكوز،
لكن جزء كبير منه بيتعامل معاه الكبد مباشرة.

ومع الكميات الكبيرة والسريعة
خصوصًا من العصاير والمشروبات،
ده ممكن يزود تصنيع الدهون داخل الكبد،
ويرفع الدهون الثلاثية،
ويزود مقاومة الإنسولين،
ومع الوقت قد يساهم في حدوث الكبد الدهني عند بعض الأشخاص.

والمشكلة الأكبر؟
إن العصير بيخلّيك تاخد كمية كبيرة جدًا من الفراكتوز بسهولة…
من غير الألياف اللي تبطّأ الامتصاص وتزود الإحساس بالشبع.

يعني ممكن تشرب عصير معمول من ٤ أو ٥ برتقالات
في دقيقتين… 🍊
لكن شبه مستحيل تاكلهم كاملين بنفس السهولة.

علشان كده الفاكهة الكاملة تفضل غالبًا الاختيار الأفضل،
لأنها بتديك:
✔ ألياف
✔ شبع أعلى
✔ امتصاص أبطأ للسكر
✔ واستفادة أفضل للجسم

“طبيعي” لا يعني دائمًا “مناسب بلا حدود”.

د.ساره عزيز
استشاري العلاج الطبيعي والتغذيه العلاجيه والسمنة

05/05/2026

مش كل حاجة شكلها Healthy تبقى فعلاً صح…” ⚠️

السيريال والكورنفليكس بكل أنواعه
🚫 غالبًا مليان سكر
🚫 بيرفع سكر الدم بسرعة
🚫 بيتهضم بسرعة جدًا → فتجوع أسرع

يعني ببساطة:
❌ شبع مؤقت + جوع أسرع + تخزين دهون أعلى

طب البديل؟ 🤔
✔️ الشوفان… لكن مش أي شوفان

❌ الشوفان سريع التحضير = بيشتغل في الجسم شبه الكورن فليكس
✔️ الأفضل: الحبة الكاملة

وللاستفادة الحقيقية منه:
✔️ يتنقع قبلها (يفضل من بالليل)
أو
✔️ يتسوى كويس

علشان نقلل المركبات اللي بتعوق امتصاص المعادن ونستفيد منه صح 💪

الخلاصة:
مش كل حاجة مكتوب عليها “Healthy” تبقى فعلاً صح…
اختياراتك البسيطة هي اللي بتفرق في جسمك
د.ساره عزيز محمد
استشاري العلاج الطبيعي والتغذيه العلاجيه والسمنه

03/05/2026

✨قصه نجاح جديده ✨
في اقل من شهرين :
️ -19 كجم على الميزان

💪 الدهون:
56.4 كجم ➡️ 39.1 كجم
⬇️ -17 كجم دهون صافي

⚡️ الأهم؟
الخسارة من الكتلة غير الدهنية ≈ 1.2 كجم بس

🔥 مش بس خسيت…
✨ دي نقلة في شكل الجسم بالكامل 👌🏻👌🏻
د.ساره عزيز
استشاري العلاج الطبيعي والتغذيه العلاجيه والسمنه

01/05/2026

…
المشكلة في “إحنا بنتصرف إزاي طول اليوم” 🤯

٣ أخطاء بنقع فيهم أول ما نخرج فترة طويلة:

❌ بننسى الميه… ونفتكر القهوة
(جسمك مش محتاج كافيين… محتاج ترطيب)

❌ بنعتمد على أي سناك سريع
(مش كل سناك ينفع… الاختيار بيفرق في الشبع والطاقة)

❌ نسيب نفسنا نجوع جدًا
(فنرجع ناكل بكمية أكبر من احتياجنا)

💡 الحل مش حرمان… الحل إدارة بسيطة لليوم:
اشربي ميه – خططي سناك ذكي – كلي قبل ما توصلي لمرحلة الجوع الشديد

لأن في النهاية…
اللي بيحكم شكل جسمك مش وجبة واحدة
لكن قرارات صغيرة بتتكرر كل يوم 👌

30/04/2026

It was a pleasure to be part of Be Expo. Thank you for the invitation, and wishing you continued success.✨

27/04/2026

مش كل الجبن زي بعض… والاختيار الصح مش بالاسم 👇

لو هدفك تخسيس →
القريش تكسب 💪 (دهون قليلة + بروتين كويس)بس خلي بالي الكالسيوم فيها قليل !!

لو عايزة توازن بين البروتين والدهون والكالسيوم →
الموزاريلا اللايت اختيار ذكي 👌

لو هدفك كالسيوم أعلى →
الجبن الصلبة زي الرومي والبارميزان أعلى… لكن دهونها أعلى ❗

الخلاصة 👇
مفيش جبنة رقم 1 لكل حاجة…
فيه اختيار مناسب لهدفك أنت ..

🚫أهم نقطة:
كل أنواع الجبن المطبوخ والكريمي
قيمتها الغذائية أقل وغالبا فيها دهون نباتيه وزيوت مهدرجه مضافة وأملاح عالية… فالأفضل تبعدي عنها تماما

⁩⁩

25/04/2026

ناس كتير فاكرة إن العسل بديل “صحي 100%” للسكر… بس الحقيقة مش كده 👇

✔️ من ناحية السعرات:
مفيش فرق كبير بين العسل والسكر… الاتنين سعراتهم عالية، فمش معنى إنك استخدمت عسل إنك كده قللت السعرات!

✔️ العسل فعلاً فيه فايدة:
فيه مضادات أكسدة وبعض العناصر المفيدة… وده يخليه أفضل شوية من السكر الأبيض.

❗ لكن المشكلة:
الإسراف في العسل = نفس مشاكل الإسراف في السكر
(زيادة وزن + ارتفاع سكر الدم)

❗ والأهم:
مش كل عسل نقي!
كتير من المنتجات في السوق بيتم إضافة فركتوز ليها عشان تزود الكمية وتقلل التكلفة… وده بيخليه أقرب للسكر منه لفوائد العسل الحقيقي.

🎯 الخلاصة:
العسل ممكن يكون اختيار أحسن…
لكن لازم تستخدمه بحساب
وتتأكد من جودته

مش كل حاجة “طبيعية” تبقى آمنة لو استخدمناها بزيادة

22/04/2026

لو محتار تستخدم أي زيت في مطبخك؟ خليني أبسطهالك 👇

✅ للسلطات والأكل البارد:
اختار زيت الذرة — خفيف وطعمه مش بيغطي على الأكل.

🔥 للطهي والقلي:
زيت دوار الشمس خيار كويس لأنه بيتحمل الحرارة.
ولو بتقلي كتير، ممكن تستخدم زيت خليط علشان توازن بين الجودة والتكلفة.

🥗 زيت الزيتون:
أفضل نوع هو "بكر ممتاز" (Extra Virgin) 👌
لكن مهم جدًا: ما تسخنوش على نار عالية لفترة طويلة، استخدمه في التشويح الخفيف أو ضيفه على الأكل بعد ما يجهز.

💡 الخلاصة:
اختار الزيت حسب الاستخدام، مش كل زيت ينفع لكل حاجة.

احفظ الفيديو وارجعله وقت ما تحتاج 👍

Address

Ritzy Plaza , El Shabab Street, Behind Saudi Market , Al Sheikh Zayed City, 6 October City
6 October City
12588

Opening Hours

Monday 12pm - 9pm
Tuesday 12pm - 9pm
Wednesday 12pm - 9pm
Thursday 12pm - 9pm
Sunday 12pm - 9pm

Telephone

+201069072910

Website

Alerts

Be the first to know and let us send you an email when Dr. Sara Aziz posts news and promotions. Your email address will not be used for any other purpose, and you can unsubscribe at any time.

Shortcuts

Share