Dr. Wael Abu Elkhair

03/12/2025

بصوا يا جماعة ..
على السكة و على الدوغري ..
اللي هيبدأ كحة في اليومين الحلوين دول ..
مش هيخلص منها الا بعد الهابي نيو يير - حرفيا - 😀
احنا في ديسمبر و لسه بنشغل التكييف ..
جو تغيير فصول كما يقول الكتاب ☝️
فلا داعي للمضادات و الكورتيزونات و ادوية الكحة الاوفر و الحرق اللي على الفاضي ده ..
طالما الكحة مش مأثرة على النوم او المجهود تبقى شكليات و نحاول نعمل نفسنا مش سامعين حاجة 😀

الصورة من مدينة نيس بفرنسا - احنا محتاجين نعزم الفرنساويين عندنا في الشيخ زايد علشان نعلمهم الاحتفال بالكريسماس بجد يبقى ازاي ..
دول طلعوا غلابة جدا في الموضوع ده 😀

01/12/2025

ثلاثاء-خميس - جمعة مساءا ❤️

دكتور وائل ابو الخير دالوقتي بقى في عيادات بيبي هاب الشيخ زايد
📞للحجز والاستفسار : 01000137144
العنوان : زايد بلازا مول - شارع المستقبل - الشيخ زايد

30/11/2025

30/11/2025

يالا خمس دقايق و هاطلع اللايف ..
استعدوا

30/11/2025

كان نفسي اقولكم هنطلع لايف نتكلم عن الدور اللي ماشي و علاجه و الوقاية منه و كده ..
بس العيادة شكلها سواريه 😀😀

لو سهرانين و عندكم استعداد عرفوني و نطلع نتكلم ..

و بالنسبة للسادة رواد عيادة wonder ..
احنا عندنا ٣ ريسبشن كبار 👌
يعني متخافش من الانتظار ..
خد ركن مع نفسك و ابعد عن الناس ..
سناك حلوة بقى ، كتاب و لا حاجة نتسلى فيها ، فضيلي نفسك و الغي مواعيدك ، علشان هتنورنا شويتين تلاتة في العيادة 👍

ايام و هتعدي بإذن الله ، متخافوش 🙏🏼

الصورة من اثينا ، و مناسبة للادوار المناشرة اليومين دول 😀

29/11/2025

كلمتين ابرك من عشرة :

اللي مطعمش ولاده انفلونزا ، يروح يطعمهم 🫵🏻

من سن ٦ شهور الى ٦ سنوات
و اكبر من ذلك ان كان يعاني من حساسيات الانف و الصدر او اي امراض مزمنة !

اللي اتطعم بنسبة كبيرة مدخلش معانا المطحنة اللي احنا عايشينها حاليا !

اللي هي الطبيعي بتاع كل سنة في نفس الوقت ده !

بس انتم اللي بتنسوا 🤷🏽‍♂️

25/11/2025

طيب بالنسبة لموضوع التحرش للاطفال ده في كام معلومة لازم كلكم تحفظوها صم :
اولا :
90% من حالات التحرش بتيجي من الناس القريبة اللي الطفل عارفهم كويس ..
يعني بيكون الاب او الجد او الخال او العم للاسف الشديد ..
ده الاحتمال الاكبر ..
قصة بقى انه حد غريب يتحرش بيه من المدرسة ده شئ نادر الحدوث و ادارة المدرسة اياها لازم يبقوا عبرة الصراحة ..
و معلومة قد تبدو غريبة و لكن في ستات برده بتتحرش بالاطفال الصغيرة ، هي نادرة شوية بس بتحصل ..
ثانيا :
نسبة التحرش مش قليلة ..
النسب العالمية بتقول النسبة 10 % من الاطفال تم التحرش بهم ..
يعني طفل من كل 10 اطفال اتعرض لتجربة زي دي ..
مفيش نسبة معلنة في مصر ..
و عندي امل النسبة دي تكون في مصر اقل ، احنا بالرغم من مشاكلنا الكتير و لكن مازالت الانحرافات الاخلاقية كمجتمع شرقي و مسلم اقل من برة في الحتة دي..
ثالثا :
المتحرش بالاطفال مريض نفسي و انسان مجرم ..
و بغض النظر عن انه محتاج علاج نفسي و عقوبة رادعة ..
و لكن لابد من منع اختلاطه بالاطفال تماما تماما بقية عمره ..
لانه غالبا هيكرر فعلته تاني ..
مهما كانت درجة قرابته او اهميته في العائلة ..
قولا واحدا ..
رابعا :
تدريب الاطفال لازم يكون عملي ، يعني بالكلام و الفعل و المحاكاة..
علشان الطفل غالبا هيتجمد او مش هيفهم ايه اللي بيحصل ده لو اعتمدنا على الكلام معاه فقط .. لازم ندربه على الفعل و رد الفعل ..
خامسا :
اطلبي المساعدة ..
مش حاجة عيب ..
مش حاجة غلط ..
متلوميش نفسك ..
متلوميش الطفل ..
عندنا في كل عياداتنا اساتذة نفسية اطفال ..
هيساعدوكي انتي و طفلك في محو اثار الضرر اللي حصل ده ..
لو كنتي انتي او طفلك ضحية تحرش .. تعالوا هنساعدكم ..

لا عايزين نبقى اوفر في التحذير و التخويف و لا عايزين نتساهل تماما لحد اما الكارثة تقع ..
ناخد بالاحوط و ناخد بالنا من اولادنا !
و ربنا يحفظهم جميعا ..

21/11/2025

اليوم
دكتور محمد امام موجود في wonder clinic في اكتوبر
٠١٠٠٠٤٤٤٨٣٨

و دكتور وائل موجود في بيبي هب BabyHub زايد من الساعة ٨ مساءا
٠١٠٠٠١٣٧١٤٤

ربنا يشفي اولادنا جميعا 🤲

19/11/2025

النهاردة اوعوا تفوتوا الميعاد 😀

عندنا في وندر دكاترة الأسنان عاملين fun day بمناسبة افتتاح عيادة klinics هايقابلوا أطفالكم ويتطمنوا على أسنانهم 🎉🎉

عيادة klinics فيها أشطر دكاترة أسنان أطفال بقيادة صديقي العزيز دكتور كريم فهمي الغني عن التعريف .

مستنينكم في عيادات wonder 🩵

17/11/2025

يوم الاربعاء القادم 19 نوفمبر
احفظوا التاريخ ده كويس عشان متفوتوش الميعاد 😀

عندنا في وندر دكاترة الأسنان عاملين fun day بمناسبة افتتاح عيادة klinics هايقابلوا أطفالكم ويتطمنوا على أسنانهم 🎉🎉

عيادة klinics فيها أشطر دكاترة أسنان أطفال بقيادة صديقي العزيز دكتور كريم فهمي الغني عن التعريف .

مستنينكم يوم الاربعاء في عيادات wonder 🩵

11/11/2025

ده وقته الكلام ده ..👇🏻👇🏻👇🏻
شير