Dr. Mo'az Elzomor - د. مُعَاذ الزُمُر

Dr. Mo'az Elzomor - د. مُعَاذ الزُمُر " عام 2022 ،
- أصدر كتاب " المُعَكْنِنون " عام 2023 ،
- أصدر كتاب " سَأُخبِرُك بما لا تعرفه! " عام 2024.

- أخصائي الصحة النفسية والعلاج السلوكي ،
- كاتب في العلوم النفسية ،
- صاحب مركز إستعيد سعادتك للإستشارات النفسية والإجتماعية والإرشاد الأسرى والعلاج السلوكي
مؤَلَّفاته " كتالوج الحياة ، كتالوج المرأة ، غير منطقي! ، المُعَكنِنون ، سَأُخبِرُك بما لا تعرفه!" د. مُعاذ الزُّمُر

- أخصائي الصحة النفسية والعلاج السلوكي ،
- كاتب في العلوم النفسية ،
- صاحب مركز إستعيد سعادتك للإستشارات النفسية والاجتماعية والإرشاد الأسرى والعلاج السلوكي ،
- أقام ما يَقرُب من ست وعشرون صالون ثقافي بموضوعات مختلفة تشمل العلوم النفسية والحياتية ،
- مُقدِّم برنامج " مقتطفات حياة " وبرنامج " النفسية محتاجه إيه ؟ " علي صفحته الرسمية علي الفيس بوك واليوتيوب ،
- ظهر ضيفًا في برنامج " الخلاصة " مع الدكتور أحمد الغريب علي قناة الشمس الفضائية ،
- أقام عدة دورات تدريبية في بعض المدارس في القاهرة الكبرى
- شارك في المؤتمر السنوي الواحد والعشرين لطلاب كلية الصيدلة علي مستوى الجمهورية بمحاضرة عن " الإكتئاب " بجامعة مصر للعلوم والتكنولوجيا ،
- شارك بمؤلفاته في عدة معارض دولية " معرض القاهرة الدولي للكتاب " ، " معرض مسقط الدولي للكتاب " ، " معرض الشارقة الدولي للكتاب" ، معرض العراق الدولي للكتاب " ، " معرض عمان الدولي للكتاب" وأيضًا شارك بالمعارض المحلية " الأسكندرية ، زايد ، المنصورة ، الأوبرا ، ساقية الصاوي ، وغيره ...

مؤلفاته :-
- أصدر كتاب " كتالوج الحياة " عام 2020 ،
- أصدر كتاب " كتالوج المرأة " عام 2021 ،
- أصدر كتاب " غير منطقي!

في كثير من الأحيان لا نحتاج سوى الصمت وقليل من الهدوء لنستعيد أنفسنا مرًة أخرى ...
04/01/2026

في كثير من الأحيان لا نحتاج سوى الصمت وقليل من الهدوء لنستعيد أنفسنا مرًة أخرى ...

03/01/2026

صديقي العزيز :-

حضرتك متخيل كمّ الناس اللي بقابلهم في شغلي بمختلف ثقافاتهم وجنسياتهم وديانتهم وأعمارهم و مستوياتهم الإجتماعية والتعليمية وخلافه ؟ طيب عايز اقولك إنك مهما تخيلت مش هتعرف تشوف الحقيقة اللي بشوفها واللي بتعلمه يوميًا منهم ومن حياتهم الكبيرة اوى دى ، لكن خليني اقولك اكتر الحاجات اللي اتعلمتها من حياة الناس دى :-

أول حاجة مش لازم اقرب حد ليك هو اللي يصونك ويخاف عليك ممكن برضو يخونك ويغدر بيك ،

تانى حاجة اللي اتجوزت علشان تخرج من ضغوط الأهل ومشاكلهم بترجع لأهلها تاني للأسف بس بترجع بأولاد وحياتها بتبقي أصعب ،

تالت حاجة الزوجة هى أهم حاجة في حياة الراجل لو أصيلة وصالحة كده الراجل ده بيعيش في جنّة ،

رابع حاجة الزوجة اللي بتشتغل وبتشارك في مصروف البيت بيحصل لها خلل في نظرتها لزوجها وهو كمان قيمته بتقل في عين نفسه ،

خامس حاجة الزوج بيوصل لدرجة حب كبيرة جدا لزوجته لما يعرف انها متضايقة من طعم أكلها بدون ما تتكلم ،

سادس حاجة أجمل مكان بيخرج منه اطفال اسوياء بيت فيه اب و ام بيحترموا وبيقدروا بعض ،

سابع حاجة ضغوط الحياة سهل التعامل معاها لما الإنسان ماينساش نفسه من المتعة والاستمتاع طول ما عنده صحة كويسة ،

آخر حاجة مش هترتاح مهما كان عندك إمكانيات طول ما انت بعيد عن ربنا ،

ليلتكم سعيدة ...

02/01/2026

صديقي العزيز :-

قبل ما تنام ، لو فتحت الشباك هتلاقي السما سودا أوى ، ربما يكون شكلها مُخيف خصوصًا في الطقس البارد ، إنت هترجع تنام في سريرك وإنت علي يقين إن كلها ساعات قليلة والشمس هتشرُق حتى لو كنت خايف من سواد السما ، هتتطمن بس لما تعرف إن سواد السما المخيف ده هيرحل بعد ساعات ، إنت اتطمنت برغم أن السواد لسه موجود ، هو ده اللي إسمه تفاؤل بقا ، إنت شايف حاجات وحشة ادامك بس عندك يقين إن بكره أحلي وأجمل ، متنامش خايف وقلقان من بكره سيبها علي الله مادمت بتسعي وبتجتهد ،

إمسح دموعك ومتشيلش أى هم ، بكره هيبقي أحلي ، وخلي يقينك هو اللي يطمنك زى ما اتطمنت لمجرد إنك عندك يقين إن الشمس هتطلع ...

01/01/2026

لما بتكون عندك افكار واعتقادات مختلفة عن أسرتك أو قرايبك ، زى مثلاً إنك مش بتؤمن بكتير من العادات والتقاليد اللي ماشيين عليها وبترفضها ، أو عندك طموحات بتخططلها ، أو صفات معينة في شريك حياتك أو لايف ستايل معين لحياتك عمومًا ،

فى الغالب كتير من الناس هيقولوا عليك مجنون ومتهوّر لمُجرّد إننا عايشين في مجتمع لا عارف ولا هيعرف يتقبل ثقافة الإختلاف ، بيخافوا يكونوا مختلفين وبيخافوا ياخدوا خطوه في حياتهم ، عايشين في روتين يومي كل يوم وراضيين بكده حتي لو عندهم إكتئاب ، ومش بس كده دول هيتهموك بالجنون لإختلافك عنهم !

إوعاك ترجع لورا كمل زى ما انت وماتسمعش لحد ...

حتمًا سيأتي العام الجديد بالخير والحب ما دامت قلوبنا نظيفة تحمل كل معاني الخير ، سيأتي بخير ما دامت نوايانا سليمة لا يمس...
31/12/2025

حتمًا سيأتي العام الجديد بالخير والحب ما دامت قلوبنا نظيفة تحمل كل معاني الخير ،

سيأتي بخير ما دامت نوايانا سليمة لا يمسها حقد ولا غل ولا حسد ،

متفائل جدًا بأن يأتي هذا العام مع تغيير نفوسنا وحياتنا ما دام الله واجدًا ومُطَّلِع علي قلوبنا ،

إبدأوا العام الجديد بحب انفسكم والخير لغيركم والسعي نحو الاستقرار والسعادة

كل عام وأنتم حب ، كل عام وانتم بحياتي

مُعاذ الزُمُر ...

29/12/2025

- تعوَّد بأن يكون لك وقتًا تقضيه بمفردك ولا تفعل فيه أي شئ ،

- كن حنونًا وعبّر عن مشاعرك لكل من تُحِبُّه وابتسم كثيرًا ،

- إحترم من يحترمك حتي ولو كان يكرهك فأنت لا دخل لك بمشاعره مادام هناك إحترام ،

- إلتزم بمواعيدك مع غيرك ،

- إنتبه وكن علي يقين بأنك لن تنال إعجاب الجميع ، فأنت شخصيًا لم تُعجَب بكل الناس ...

28/12/2025

لو في راجل شايفه معكنن ومش في المود خالص هاتله هديه حتى لو ثمنها قليل هيفرح وموده هيتغير ..

ولو في بنت معكننه ومش في المود خالص قولها انتى خسيتي 😂

27/12/2025

كلامك عن ربنا مع إبنك الصغير لازم يكون حقيقي وواقعي حتي لو كان الكلام كبير عن تفكيره لازم تبسطه وتقول الحقيقة ،

لو عملت الواجب ونجحت ربنا هيجيبلك حاجات حلوة كتير وده خطأ كبير لإنه بعد ما عمل الواجب ونجح ملقاش حاجة هيبدأ يفكر بعقله الإنساني في ربنا وتدور اسئلة في ذهنه هتكون عاجز عن الإجابة زي هو ربنا مجابليش حاجات حلوة ليه ؟ ما انا نجحت . مثلاً

خلي المكافآت من خلالك انت وما توعدش وانت مش أد وعدك علشان مش هيصدقك ومش هيثق فيك أبدًا وخلي دايمًا مكافآتك مجهولة مش محددة علشان انت متعرفش وقتها ظروفك المادية هتسمح ولا لا يعني قول :- لو نجحت هجيبلك هدية حلوة بس متقولش هي إيه لإنك لو تعثرت هتقدر تجيب اي حاجة ولو بسيطة وساعتها هيثق فيك لإنك كده ما كذبتش

كلامك عن ربنا مع ابنك يكون في نطاق الرزق وإن كل حاجة بتجيلنا من عند ربنا لازم تكون من تعبنا واجتهادنا وشغلنا وخليك واقعي مع ابنك متضحكش عليه لإن بالفعل ربنا مش هيجيبله حاجات حلوة علشان عمل الواجب 😃

25/12/2025

من اكبر الجرائم في حق نفسك أن تكون متمسكًا بأشخاصًا لا يهمهم راحتك يطلبون منك الكثير لأنهم يعلمون جيدًا أنك لن ترفض ولا يحترمون خصوصياتك ولا حياتك الشخصية ،

كن قويًا ولا تَكُن مُستغَلاً ، أنت المخطئ ياعزيزي ...

24/12/2025

- ليس شرطًا أن تكون حياتك كلها بشكل جَدّى فهناك أوقاتًا للإسترخاء والتنزّه واللا شئ ،

- كل منّا له أسباب خاصًة به تجلب له السعادة حسب تفكيره وميوله ولكن هناك أساسيات كالعلاقة مع الخالق والعمل والسعى المستمر ،

- جسمك لا يريد كمية كبيرة من الطعام بل يهتم ب ماذا تأكل ؟

- الطعام و نوعه عامل كبير نحو تحسين مزاجك وحالتك النفسية فلا تهمل تنوعه للإستفادة من فوائده ،

- تمني الخير لغيرك ولا تحقد فنجاح غير لن يأخذ من رزقك فكٌل ينجح لنفسه وكلٌ منّا له دور مختلف عن الآخر ،

دمتم سالمين 🤣😃

23/12/2025

بتفضلوا تشتغلوا تشتغلوا وتنسوا نفسكوا لحد ما تلاقوا شعركوا أبيض وبتوصلوا لسن الأربعين وكأنه السبعين !

بتدوا نفسكوا مبررات إن مفيش وقت تتفسحوا ، ومفيش وقت تضحكوا ومفيش وقت تحبوا بعض ، علشان مصاريفكوا كتير فلازم تشتغلوا ! يعني مش بس يومكوا كله شغل لا وكمان حارمين نفسكوا من متع الحياة وأبسطها الحُب علشان عندكوا التزامات ، عملتوا بالظبط زي اللي زعلان مع مراته يخاصم أمه ! إيه علاقة دى بدى ؟

العيب مش في الدنيا ! العيب في تفكيرك ، ربنا زي ما خلق الدنيا فيها كبد وتعب خلق فيها المتاع برضو ، وبما إن ربنا خلق كل حاجة ليها لازمه يبقا المتاع اتخلق لينا برضو ومادام مش عارف تتمتع يبقى راجع نفسك كويس وراجع تفكيرك ،

اتبسطوا واستمتعوا والعبوا مش هنعيش للأبد والله ، استغلوا فرصة انكوا بكامل صحتكوا واتمتعوا بالحياة ،

إيه اللي انتوا بتعملوا ده !

21/12/2025

صديقي العزيز ،

إمنح نفسك يومًا للإسترخاء ولا تفعل أي شئ لتستعيد طاقتك من جديد لبدء أعمالك ومسؤولياتك ، فالراحة مطلوبة حتي لا تضغط نفسك طوال الوقت ...

Address

6 October City
6 October City
12563

Opening Hours

Monday 11am - 7pm
Tuesday 11am - 7pm
Wednesday 11am - 7pm
Thursday 11am - 7pm
Saturday 11am - 7pm
Sunday 11am - 7pm

Telephone

+201020059234

Website

Alerts

Be the first to know and let us send you an email when Dr. Mo'az Elzomor - د. مُعَاذ الزُمُر posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Mo'az Elzomor - د. مُعَاذ الزُمُر:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category