12/09/2025
🎯 تطعيم الإنفلونزا الموسمية
🖌️ أهم الأسئلة الشائعة
❓ إيه هو تطعيم الإنفلونزا الموسمية؟
هو تطعيم ضد فيروس الإنفلونزا، وبيُسمى “موسمي” لأن الفيروس بيتحور كل سنة وبتظهر سلالة جديدة، عشان كده التطعيم بيتجدد سنويًا.
🛡️ بيحمي من إيه التطعيم؟
بيحمي من أدوار الإنفلونزا الشديدة اللي بتسبب:
• حرارة عالية
• كحة شديدة
• التهابات رئوية ممكن تحتاج حجز في المستشفى لا قدر الله😱
وده غير دور البرد البسيط اللي بيكون مجرد رشح. التطعيم بيمنع تطور الدور البسيط لمضاعفات خطيرة
👶👨🦳 مين يقدر ياخد التطعيم؟
التطعيم متاح للأطفال من عمر ٦ شهور وللكبار.
لكن مهم جدًا للفئات الأكثر عرضة للمضاعفات:
• الأطفال اللي عندهم حساسية صدر أو أنف
• الأطفال اللي عندهم مشاكل في القلب
• أي حد عنده ضعف في المناعة
💉 إيه هي جرعة التطعيم؟
• التطعيم عبارة عن حقنة عضل للكبار والصغار
• الأطفال من عمر ٦ شهور (أول مرة): جرعتين بينهم شهر
ولو خدوه قبل كدا ياخد جرعه واحده
• الأطفال فوق ٨سنين: حقنة واحدة حتى لو أول مرة
• الكبار: حقنة واحدة كل موسم
📢 التطعيم متوفر في عيادتنا للأطفال والكبار بالحجز
*د/عبدالمعبود الدسوقي*
*أخصائي الأطفال وحديثي الولادة.
*بكالوريوس الطب والجراحة جامعة الأزهر .
*عضو الجمعية المصرية للأطفال.
*عضو الجمعية العربية للتغذية الإكلينيكية للأطفال.
*دبلوم تغذية الأطفال وحديثي الولادة.
*عضو الجمعية المصرية لرعاية حديثى الولادة والمبتسرين.
