https://www.dareurbody.com/DrNiveenElsayad

Dr.Niveen El Sayyad, 6 October City, 6 October City (2026)

24/10/2022

لازم نفهم بنحلل إيه و ليه و حنتابع بالتحليل ده و لا مالوش قيمة إكلينيكية 👌

#دايت

15/10/2022

كل سنة و إحنا كلنا طيبين بمناسبة العودة للمدارس ❤️

العقل السليم في الجسم السليم 😍😍😍

#دايت
😄

09/10/2022

كل سنة و إحنا كلنا طيبين بمناسبة العودة للمدارس 😍
هو ينفع نستبدل الخضروات مكان الفواكه في اللانش بوكس ؟

الإجابة لأ طبعا 😁

لأن الهرم الغذائي الصحي فيه مقدار يومي من الخضروات مختلف تماما عن مقدار الفواكه و لازم ناخد الاتنين لصحة أفضل باذن الله ❤️

نقدر نجرب أنواع مختلفة من الخضروات زي الخيار و الجزر والطماطم التشيري علشان الولاد ما يزهقوش 😊

#خضروات

#دايت
😄

04/10/2022

صباح الفل 😍😍😍

رابع و آخر موصل كيميائي بيحسن الموود و بيزود إحساسنا بالسعادة هو السيروتونين 💕

موجود في لحم الديك الرومي و السالمون و البيض و الفراخ و الجبن و كمان في الأناناس و المكسرات ...

وجوده بكثرة في الپروتين بيلفت نظرنا إنه جاي من الحمض الأميني تريپتوفان 👌

معادلة كيميائية بتحصل جوه جسمنا بمنتهى البساطة...بيتحول فيها التريپتوفان إلى سيروتونين و ده بدوره بيتحول للميلاتونين الشهير اللي بيساعد على النوم 😴

نقص السيروتونين بيؤدي لأعراض اكتئاب و مزاج وحش و مشاكل في النوم 🙈🙈🙈

غير الأكل اللي قلناه ....التعرض لضوء الشمس و الرياضة بتزوده و بتخلي الموود كويس و النوم أعمق....

و أخيرا كل ما نكون متفائلين و عندنا حسن ظن بالله و نساعد الناس باللي نقدر عليه موودنا و نومنا بيكونوا أحسن 😍

#سيروتونين
#ميلاتونين

#دايت
😄

#سعادة

🌸🍃

17/07/2022

صباح السعادة 😍😍😍

ثالث موصل كيميائي بيزود الإحساس بالسعادة هو الاوكسيتوسين أو هرمون الحب ❤️❤️❤️

البطيخ و التين و الاڤوكادو و السبانخ و البروكولي و الشاي الأخضر و الكاموميل على رأس قائمة الأكل اللي بيزود الاوكسيتوسين 👌

بس الحقيقة إن الاوكسيتوسين بيزيد بكل طرق التواصل الإجتماعي الحقيقي و جبر الخواطر بين الناس أكثر من الأكل بكتييييير 😊

و دلوقتي فهمنا قول رسول الله صلى الله عليه وسلم : تبسمك في وجه أخيك صدقة ...
و كذلك قوله تهادوا تحابوا ❤️❤️❤️

#اوكسيتوسين

#دايت
😄

#سعادة

🌸🍃

13/06/2022

ثاني موصل كيميائي بيزود احساسنا بالسعادة و بيضبط الموود هو الدوپامين 👌
موجود في الأكل الغني بالپروتين و تحديدا الحمض الأميني تيروسين زي الديك الرومي و الجبنة و السالمون و كمان في الأكل الغني بالمغنيسيوم زي المكسرات و الموز و الورقيات الخضراء الداكنة...

الچانك فوود و السكر الأبيض و الأكل اللي مليان دهون مشبعة بيقضي عليه ...

الهرمون ده بيزيد جدا بالامتنان و التقدير و علشان كده الكلمة الطيبة صدقة بالمعنى الحرفي و بتحسن صحة اللي قدامك و بتعزز عمل جهازه المناعي 👌

بس كمان كل لايك او لاڤ على صورة بتطلع جرعة دوپامين صغننة جوه مخنا و ده بيفسر ليه الناس محتاجة اللايكات و الڤيوهات لأنهم ببساطة أدمنوها 🙈

و حتلاقوا في الصور روشتة لزيادة الدوپامين 😍😍😍

#سعادة
#دوپامين

#دايت

🌸🍃

22/05/2022

هو فيه علاقة بين نوع الأكل و الشعور بالسعادة ؟؟ 😍😍😍

طبعا فيه علاقة قوية جدا 👌
فيه جوه مخنا حاجة اسمها الموصلات الكيميائية اللي مسئولة عن شعورنا بالسعادة ...هم أربع موصلات أساسية :

الإندورفين
الدوپامين
الاوكسيتوسين
السيرتونين

حنتكلم عن الإندورفين و ده الأفيون الداخلي اللي ربنا عمله علشان يضبط موودنا و يقلل الإحساس بالألم و يزود الإحساس بالسعادة 😍

الإندورفين بيعلى بالرياضة حتى لو شوية مشي و بالتأمل في خلق الله اللي هو دلوقتي بيسموه ال Meditation 😁

و بالتفاعل الإجتماعي الحقيقي مع البشر و بالضحك مع اللي بنحبهم و بسماع مزيكا حلوة و بقطعة شوكولاتة دارك صغننة....السوشيال مبديا للأسف بتقلله علشان مفيش تفاعل بشري حقيقي face to face 🙈

الپوست الجاي باذن الله نتكلم عن الدوپامين 😍😍😍

دمتم سعداء ❤️

#إندورفين
#سعادة
#دايت

🌸🍃

11/05/2022

الرجلة او البقلة من أفيد الخضروات على الإطلاق و حتلاقوا هنا شوية معلومات عنها 👌

كل طعام ذكر في القرآن الكريم له أهمية خاصة جدا ❤️

#البقلة
#الرجلة

#دايت

26/04/2022

البشملة ( Loquat) فاكهة ربيعي موجودة كتير اليومين دول ❤️❤️❤️

غنية جدا بالأملاح المعدنية و الڤيتامينات وبالتالي مفيدة لصحة القلب والجهاز الدوري ...

لونها البرتقالي بيدل على إنها غنية بالبيتا كاروتين زي الجزر و القرع العسلي و البطاطا و دي مادة مضادة للأكسدة و بتقوي النظر...

هي كمان مصدر ممتاز للالياف و مفيدة جدا لصحة الجهاز الهضمي و الكلى و بتهدي الكحة ....ده غير طعمها اللذيذ😋😋😋

و كمية مضادات الأكسدة اللي فيها تخليها مقاومة للسرطان باذن الله و هايلة كمان لصحة الجلد و البشرة ..

فيه وصفات طبخ لذيذة كتير باستخدام البشملة حتلاقوها في الصور ❤️

#دايت

#بشملة

25/04/2022

المصريين القدماء كانوا رواد في الطب و الهندسة و الفلك و الزراعة و غيرها كتير و كمان كانوا رواد في التغذية العلاجية الإكلينيكية

شوفوا منيو عيد شمو في مصر القديمة ( عيد الحصاد - عيد بدء الخليقة ) اللي احنا بنسميه شم النسيم 😍😍😍

بيض كعلامة على خلق الحي من الميت

ملانة ( حمص أخضر ) كإشارة ألى رأس حورس الصقر القوي 💪
ده طبعا غير فوايده الصحية الرهيبة و قد إيه هو غني بالألياف و مضادات الأكسدة 👌

بريوش مضفر - احنا اللي اخنرعنا الفطاير الحلوة و كنا بنحليها بالعسل علشان صحتنا و نحط جواها زبيب و فواكه مجففة 😋

سمك مملح و تحديدا بوري كإشارة لخير النيل ❤️

خس بلدي أهم رمز للخصوبة في مصر القديمة قتبلة الفوليت اللي بتساعد على انقسام الخلايا و النمو 💪

بصل أخضر كأقوى مضاد حيوي و مقوي عام 💪

وفوق كل ده بيلبسوا عقد ياسمين علشان الشعور بالبهجة و الربيع ده طبعا غير فوايد رائحة الياسمين في تحسين المزاج و بيهدي التوتر و ضربات القلب 🌼

#دايت
🇪🇬
🇪🇬
🇪🇬
🇪🇬

As we the Egyptians were pioneers in medicine, engineering, astronomy, agriculture and much more ...we were also pioneers in healthy clinical nutrition

Here is the brilliant food menu in Shemo feast ( the harvest time - the feast of a new life ) that we called it Sham El Nessim now adays 😍

Eggs as a sign of a new life from dead thing

Green chickpeas resembles the head of Horus the strong falcon 💪apart from its marvelous benefits as a source of fibers and antioxidants

Braided bread as a first sweet pie in the world ( sweetened with honey , filled with raisins and dried fruits ) ...we are the origin of baking 💪

Salted Fish ( Mullet in specific ) we called it Boory those days.
As a sign of life from the great Nile river ❤️

Lettuce as a sign of fertility loaded with folate for cell devision and growth 💪

Spring green onions for its importance as a natural antibiotic and generalized tonic

Over and above they used to wear. Jasmine necklace as a sign of Happiness and spring ..its scent helps to reduce anxiety, stress and reduce the rapid heart rate 🌼

🇪🇬
🇪🇬
🇪🇬
🇪🇬
❤️

19/04/2022

رمضان قرب يخلص و عايزين نلحق نلم اللي حصل قبل الكحك باذن الله 😂

إختراع عظييييم من شركة إيڤا فارما اللي مكسرين الدنيا في الصناعات الدوائية ....فخر صناعة الدواء المصري بدون مبالغة 💪🇪🇬

ليمتلس كروماكس كات .....منتج تحفة نزل في الأسواق قبل رمضان على طول و ما رضتش أحط أي ريڤيو لحد أما اسمع رأي العيانين 👌

آراء العيانين كانت فوق توقعاتي الحقيقة و دي حاجة فرحتني جدا ....مكون من سبع مكونات :

جلوكومانان بيتمدد جوه المعدة و ياخد مكان كبير جدا و بيحسس بالشبع ....

انيولين بيعزز عمل البكتيريا المفيدة في الأمعاء ...

عنصر الكروم طبعا غني عن التعريف في تضبيط مستوى السكر في الدم ( في حالة مرضى السكر لازم استشارة طبيب الغدد الصماء و السكر المعالج )...

فيتامين ب 3 و ڤيتامين سي علشان فوايدهم كمضادات للأكسدة....

مستخلص القهوة الخضراء و الشاي الأخضر ...( لا يستخدم في حالات مرضى الضغط العالي و الحوامل و المرضعات و الأشخاص أفل من 18 سنة ) ...

كل ده عبارة عن پاودر في أكباس صغيرة سعره مناسب جدا و طعمه حلو بيتاخد قبل الوجبة بنصف ساعة و معاه مياه كتير علشان يتمدد في المعدة و يقلل الحيز الباقي للأكل 👌

شكرا ايڤا فارما دايما متجددين و مميزين و عند حسن ظني ❤️❤️❤️

في انتظار منتجات تانية في نفس المستوى باذن الله ❤️

Dr.Niveen El Sayyad

24/10/2022

15/10/2022

09/10/2022

04/10/2022

17/07/2022

13/06/2022

22/05/2022

11/05/2022

26/04/2022

25/04/2022

19/04/2022

Address

Telephone

Website

Alerts

Shortcuts

Share

Category