10/05/2026
٣ توقعات بتدمر بيوت في أول سنة:
1. توقع النسخة
مستنية يبقى كوبي بيست من باباكي : كريم، وهادي ، وبيصلح أي حاجة في البيت.
ومستنيها تبقى نسخة من والدتك: بتصحى من الفجر، وطبيخها استاذ، وبتستقبل أي حد بابتسامة.
الصدمة: هو اتربى في بيت مختلف، واتعلم حاجات مختلفة. وهي كمان.
🎈انتوا مش متجوزين أهلكم ، انتوا متجوزين بعض.
2. توقع الرومانسية 24 ساعة
فاكرين إن الجواز مسلسل تركي: ورد، وشموع، وسفر، وكلام حب طول اليوم.
الواقع: الجواز 90% غسيل، ومواعين، وفواتير، و هناكل إيه النهاردة.
والـ 10% الباقيين هم الرومانسية ، لو عرفتوا تخطفوهم في وسط الدوشة تبقوا أبطال.
3. توقع هو هيتغير عشاني
بعد الجواز هيبطل سهر مع صحابه
بعد الجواز هتبطل عصبية
القاعدة: محدش بيتغير عشان حد ، اللي بيتغير، بيتغير عشان نفسه.
اتجوزوا اللي قدامكم دلوقتي ، مش النسخة اللي في خيالكم بعد التعديل.
تابعيني عشان اقولك تعملي ايه في الازمه دي
#سنه-أولي-جواز
