Al.Shams Dental Clinic

11/03/2025

20/05/2024

النهارده جالنا طفل عنده 8 سنين وقع واتخبط في بؤه ف سنته الدائمه الكبيره خرجت كلها من مكانها , ومامته ما كانتش تعرف ان ممكن السنه ترجع مكانها تاني وتتثبت وكانت فاكره ان عشان سنه صغير فممكن السنه تطلع تاني عادي

فلو حد تعرض لموقف زي ده لازم يبقي عارف ان اسنان الاطفال بتبدل مره واحده بس , ولو اتخلعت حتي لو هو في سن صغير , فهي عمرها ماهتطلع تاني وهيعيش علي طول من غيرها

طيب لو حصل موقف زي ده نعمل ايه ؟!

1- نمسك السنه من الكراون (الجزء الظاهر في الفم ) ونبعد عن الجدر , ويفضل التوجه لطبيب الأسنان مباشرة

2- نغسل السنه بمحلول ملح من غير مانلمس الجدر او نجيب عليه اي مطهر او صابون

3- لو الام تعرف ترجع السنه مكانها لحد ماتوصل لأقرب دكتور اسنان , او نحفظ السنه في علبه فيها لبن لحد مانوصل لأقرب طبيب

4- كل ماتوصل للطبيب اسرع , بيبقي الموضوع احسن وفرصه نجاح السنه اكبر

5-الدكتور بيرجع السنه مكانها ويثبتها , لمده تتراوح من 4- 6 اسابيع وبعد كده بيتابع بالاشعه بعد 3 شهور وبعد 6 شهور