What are the opening hours?

Monday 9am - 2pm Tuesday 9am - 2am Wednesday 9am - 2am Saturday 9am - 2pm Sunday 9am - 2pm

https://www.facebook.com/409662986546248/

For a better life, 6 October City (2025)

01/09/2025

أحياناً منمرّ بمواقف نفقد فيها شخص كان حنون معنا .. شخص منحنا دفى، أمان، واهتمام.

التجاوز بهاي اللحظة مو تنازل عن الذكريات .. هو أسلوب لحماية نفسنا وإعادة ترتيب حياتنا بدون ما نغرق بالحنين أو الندم.

مو شرط تكون ضحية لحتى تطلب المساعدة، إدراكك أنك محتاج تقلل ضحاياك هو شجاعة كبيرة منك.

011 41107587

#وعي

01/08/2025

في أوقات كتير بنعدي بتجارب بتكسر جوانا حاجات، بتخلينا نشك في نفسنا وفي الناس وفي اللي حوالينا، بس الحقيقة أن كل نهاية موجعة ممكن تكون بداية لنسخة أهدى وأحنّ وأنضج من اللي قبلها ..

ولأنك تستحق تعيش بسلام حقيقي وبروح خفيفة من غير خيبات؛ لو لسه في وجع واخد مساحة من يومك، أو تجربة لسه بتشدك لورا، احنا هنا علشانك، عشان نسمعك ونفهمك ونمشي معاك خطوة بخطوة.

احجز جلستك مع فريق العلاج النفسي:
011 41107587

#وعي

15/07/2025

في ناس بتحبك…
بس بتحبك بطريقتها، مش بطريقتك.
وده مش معناه إنهم مقصرين،
بس معناه إنهم مش فاهمينك كفاية.

👫
العلاقات مش محتاجة مجهود كبير قد ما محتاجة “فهم بسيط”.
فاهمني؟
يعني تبص للطرف التاني وتسأله:
“إنت محتاج إيه؟”
مش “أنا شايف إيه ينفعك؟”

🧠❤️
الحب مش بس كلام حلو،
ولا ورد ومفاجآت،
الحب إنك تحس باللي قدامك،
وتعرف إمتى يحس بالأمان من غير ما يطلب.

🔑
افهم، قدر، اسأل، شارك،
واسحب الحب من منطقة التوقعات لمنطقة الحضور الحقيقي.
ساعتها... العلاقة تتحول من "صراع" لـ "سَكَن"

#استشارات #نفسية #علاقات #زواج
011 41107587

14/07/2025

🎭 هو بيهاجم.. وأنا بانسحب.
مش لأن عنده حق،
ومش لأن أنا غلطانة.
بس كل واحد فينا اختار طريقة يهرب بيها من الوجع اللي بينّا.

هو بيزعق لأنه مش عارف يوصل لي.
وأنا بسكت.. عشان كل مرة باتكلم باتوجع أكتر.
والمشكلة؟
إننا بقينا بنكرر نفس المشهد..
نفس الخناقة
نفس الانسحاب
نفس الإحباط.

💔
بس قبل ما تقول "أنا تعبت"،
اسأل نفسك:
▪ أنا فعلاً عايز أكمل كده؟
▪ ولا نفسي أتغير.. أو هو يتغير؟
▪ ولا إحنا الاتنين محتاجين نتصالح مع نفسنا قبل ما نحاول نتصالح مع بعض؟

العلاقة مش بطولة،
ولا ساحة معركة.
العلاقة شركة،
لو طرف واحد بس بيحاول.. هتخسر.

011 41107587

11/07/2025

حين تتابع حلقات قواعد الطلاق الـ45، تدرك سريعًا أن ما يعرضه ليس مجرد قصة عن الطلاق ولا حتى عن قواعد له، بل هو تصوير دقيق لأزمة منتصف العمر بكل تفاصيلها النفسية والاجتماعية.

الشخصيات في المسلسل، رجالًا ونساءً، يعيشون حالة من القلق، والحيرة، والشعور بالاغتراب عن أنفسهم وعن شركائهم. نراهم يواجهون تساؤلات وجودية: «هل هذه هي الحياة التي أردتها؟»، «هل ما زلت أستحق أن أكون محبوبًا؟»، «هل فات الأوان لأعيد اكتشاف نفسي؟».
هذه الأسئلة وأكثر، هي جوهر أزمة منتصف العمر، التي تفرض على الفرد مواجهة خوفه من التقدم في السن، ومن ضياع أحلامه، ومن فقدان جاذبيته أو قيمته.

الطلاق هنا يظهر كنتيجة وليس كسبب. هو رد فعل على سنوات من الإحباطات المتراكمة، والشعور بالاختناق، والرغبة في الهروب إلى حياة جديدة تعيد لهم الإحساس بالحيوية والمعنى.
حتى العلاقات الجديدة، أو القرارات المفاجئة، أو التمرد على الأدوار التقليدية — كلها مظاهر مألوفة لأزمة منتصف العمر أكثر مما هي «قواعد» للتعامل مع الطلاق.

لذلك، يبدو أن عنوان المسلسل يخدعنا قليلًا. هو لا يعلمنا قواعد للتعامل مع الطلاق، بقدر ما يضعنا أمام مرآة لذواتنا ونحن نعيش أزمة منتصف العمر: نتسائل، نخطئ، نثور، ثم نحاول أن نبدأ من جديد.

ربما لو حمل المسلسل اسم «أزمة منتصف العمر»، لكان أكثر صدقًا مع محتواه، وأكثر تعبيرًا عن رحلة أبطاله، الذين لم يبحثوا فقط عن الطلاق، بل عن أنفسهم التي أضاعوها وسط ضجيج العمر.

شاركونا آرائكم في الظاهرة اللي بيعرضها المسلسل، شايفين أنه فعلًا عرض قواعد للطلاق، و لا محتواه كان بيتمثل في الأزمة اللي بيكون الطلاق نتيجة ليها في النهاية!

#وعي

09/07/2025

🎬 في مسلسل "قواعد الطلاق الـ ٤٥" هشام كان بيقول لفريدة:
"على فكرة أنتِ جبانة يا فريدة ، أنتِ اخترتِ ترجعي لجوزك عشان خايفة تجربي تاني."

الجملة دي مش بس لفريدة ، الجملة دي لكل واحد فينا بيرجع لمكان مألوف بس لأنه مرعوب من خطوة جديدة.
لكل واحد بيختار الدايرة اللي بتوجعه لأنه مش مستعد يواجه المجهول.

الخوف طبيعي .. بس طول ما هو اللي بيسوق حياتك ، هتفضل تدور في نفس الدواير.
لما تيجي تختار .. اختار بشجاعة.

لو حاسس أنك تايه بين " أبو قديمه اللي ربنا يديمه و الجديد الشديد " تقدر تكلمنا.
هنساعدك توصل لمشاعرك و تعرف تاخد قرارك.
011 41107587

#وعي

01/07/2025

"دور على حاجة تكون مميز فيها"
دايمـًا بيتقالنا كدة، كإننا محتاجين نكون قطعة أنتيكا في متحف، وإلا مش عايشين وأقل بكتير من اللي حوالينا
نسينا أن العادي أن كل إنسان فريد بأفكاره .. بآراءه .. حتى بأسلوبه .

التفكير الدائم في التميز بيسرق منك تقديرك للحظاتك، للأشياء، و لنفسك.

لو عندك مشكلة معطلاك مخلياك مش قادر تحس بقيمة العادي، ولما توصل للمميز مش قادر تتبسط!
احنا هنا عشان نساعدك، تقدر تتواصل معانا، ودايمـًا هنكون موجودين علشانك.

للحجز والاستشارة
011 41107587

#وعي

30/06/2025

🎯 مين قال إنك لازم تكوني بطلة في حياة الكل… وتنسي تكوني بطلتك؟!

كل يوم بتجري، تدي، تحضني، تسندي، تتحملي…
وتنسي تسألي نفسك:
مين بيسندك؟
مين بيحضنك لما بتقعي؟
مين بيسمعك لما صوتك جواكي ساكت؟

اللي حواليكِ محتاجينك… بس أنتِ كمان محتاجاك.
مش لازم تفضلي متاحة ٢٤ ساعة،
ولا تقدمي من طاقتك وقلبك لحد ما تفضلي فاضية من جوا.

أنتِ إنسانة… مش آلة.

💔 التعب مش ضعف،
💡 وطلب الراحة مش أنانية،
⛔ وحدودك مش قسوة… دي أمانك النفسي.

أنتِ ليكِ حق تتدلعي، تتسندي،
تختاري ترتاحي، وتختاري نفسك.

قولي "لأ" لو لازم،
وقولي "أنا كمان أستاهل"،
وانسحبي من الزحمة لو حسّيتي نفسك بتتاخدي في السكة.

❤️‍🩹 خدي بالك من نفسك…
زي ما كنتِ بتخافي على الكل، خافي على نفسك.

أنتِ مش محتاجة إذن من حد علشان تحبي نفسك.
أنتِ تستاهلي تكوني بخير… وتستاهلي السعادة، وكل ده يبدأ منك أنتِ.
☎️ 011 41107587
---

13/06/2025

العُزلة.. طريق صامت لكنه مؤلم!

في فرق كبير بين إنك تختار تقعد مع نفسك عشان ترتاح أو تراجع أفكارك، وبين إنك تنعزل تمامًا عن الناس من غير ما تحس.
العُزلة ساعات بتبدأ بهدوء، لكن مع الوقت بتسرق منك حاجات كتير:

طاقتك.
إحساسك بالانتماء.
ثقتك بنفسك.
وحتى قدرتك على التواصل البسيط.

أضرار العُزلة مش بس نفسية، دي كمان جسدية!
الدراسات اثبتت إن العزلة الطويلة ممكن تؤدي إلى اضطرابات النوم، ضعف المناعة، وزيادة احتمالية الإصابة بالاكتئاب والقلق.

بخطوات صغيرة تقدر تفرق في حياتك :

1.ابدأ بخطوة بسيطة: كلم شخص عزيز عليك.
2.اطلع من البيت ولو نص ساعة، المشي بيحسن من الحالة المزاجية.
3.شاركي في نشاط بتحبيه مع ناس.
4.حدد يوم في الأسبوع تتقابل فيه مع حد، أو تروح مكان جديد.
٥. افتكر إن التواصل مش ضعف، دا احتياج إنساني طبيعي.
٦. ⁠لو تقدر تساعد حد قريب منك، او حتى شخص متعرفهوش.

افتكر إنك مش لوحدك، ومش لازم تفضل في الدايرة دي. الخروج منها محتاج شوية شجاعة، لكن كل خطوة هتفرق.

📌 تابع البوست الجاي: هنتكلم عن الفرق بين العزلة والحاجة للانفراد بالنفس… عشان متخلطش بين الراحة وبين الهروب.

#العزلة #وعي

للحجز والاستفسار : 01141107587

15/03/2025

"مش كل اللي رباك كان بيحبك، ومش كل اللي حماك كان خايف عليك."

في ناس بتعيش طول عمرها جوة سجن، مش بس بجدران حقيقية، لكن بسجون نفسية مبنية على الخوف، على القهر، على فكرة "أنا ما أستحقش حياة أحسن."

ولاد الشمس مش مجرد أيتام هربوا من دار استغلال، دول وجوه مختلفة لكل واحد فينا اتربى في بيئة خانقة، بين حب مشروط، وبين قسوة بتتقدم على إنها رعاية. الشخصيات دي بتمثل واقع ناس كتير:

• اللي اتعود يتقبل العنف على إنه حب.

• اللي كبر وعنده إحساس بالذنب كل ما فكر يخرج عن المسار اللي فرضوه عليه.

• اللي بيحاول يلاقي صوته وسط ضجيج الأفكار اللي اتغرست فيه وهو صغير.

التحرر مش إنك تهرب، التحرر إنك تواجه نفسك، تكسر الفكرة اللي ربطتك بسلسلة الخوف، وتقرر إنك تستحق حياة مختلفة.

11/03/2025

القلق (سارق الحياة الصامت)

القلق مش مجرد إحساس وحش، ده وحش بياكل منك حتة حتة، بيسرق راحتك، وبيخليك عايش في دوامة ملهاش نهاية.

تحس إن نفسك مقطوع، قلبك مقبوض، نومك متلخبط، وأبسط الحاجات اللي كنت بتستمتع بيها بقت تقيلة.

لا عارف تاكل براحة، ولا تشرب ببال هادي، ولا حتى تعيش اللحظة من غير دوشة الأفكار اللي شغالة في دماغك 24 ساعة.

الحياة مش مفروض تبقى صراع على طول، ومش لازم تعيش أسير مخاوفك.

لو القلق مسيطر عليك، جه الوقت إنك توقفه عند حده، تفهمه، وتتعامل معاه قبل ما يسرق منك أجمل أيامك.

خد نفس، فكّر بهدوء، ولو حسيت إنك مش قادر لوحدك، اطلب المساعدة.. لأنك تستاهل تعيش حياة أهدى وأخف.

.
#استشارات

07/03/2025

🛑 5 أدوات تساعدك على تأسيس زواج ناجح 💍

الزواج ليس مجرد ارتباط، بل هو بناء مستمر يحتاج إلى أدوات قوية للحفاظ عليه متينًا وسعيدًا. إليك 5 أدوات أساسية تساعدك على تأسيس علاقة زوجية ناجحة:

1️⃣ التواصل الفعّال 🗣️
الاستماع الجيد والتعبير عن المشاعر بوضوح يقللان من سوء الفهم ويعززان الترابط. استخدم عبارات مثل: "أشعر بـ…" بدلًا من "أنت دائمًا تفعل…" لفتح الحوار بطريقة إيجابية.

2️⃣ إدارة الخلافات بذكاء ⚖️
الخلافات جزء طبيعي من أي علاقة، لكن الأهم هو كيفية التعامل معها. تعلم كيفية تهدئة الموقف، واستخدام تقنيات مثل "وقت الاستراحة" قبل الرد بحدة.

3️⃣ التقدير والامتنان 💖
لا تبخل بكلمات الشكر والمديح، فالتقدير يعزز مشاعر الحب والرضا بينكما. جرب كتابة ملاحظات صغيرة تعبر فيها عن امتنانك للشريك.

4️⃣ التوازن بين الحياة الزوجية والشخصية ⚖️
الحفاظ على اهتماماتك الشخصية وهواياتك يعزز علاقتك بالشريك، لأن الزواج القوي يقوم على شخصين مستقلين وليس شخصًا يذوب في الآخر.

5️⃣ التخطيط للمستقبل معًا 📅
سواء كان التخطيط للأمور المالية، العائلة، أو حتى قضاء الإجازات، فإن مشاركة الأهداف والتطلعات تعزز الشعور بالشراكة والتفاهم العميق.

💬 ما هي الأدوات التي ترى أنها ساعدتك في علاقتك الزوجية؟ شاركنا رأيك! 💕

💍 ❤️ #استشارات #اسره

#01141107587

For a better life

01/09/2025

01/08/2025

15/07/2025

14/07/2025

11/07/2025

09/07/2025

01/07/2025

30/06/2025

13/06/2025

15/03/2025

11/03/2025

07/03/2025

Address

Opening Hours

Telephone

Website

Alerts

Shortcuts

Share

Category

Monday	9am - 2pm
Tuesday	9am - 2am
Wednesday	9am - 2am
Saturday	9am - 2pm
Sunday	9am - 2pm