Pharma2day A.C.U

أحنا مين
أسرة روشة جدا .. بس مش طحن
م الاخر احنا شباب زي بعضنا .. ما بنحبش الرغي والكلام الكتير ..
زهقنا من الشعارات والرغاوي والكلام الكتير ..
الاسرة دي بتاعتنا .. بتاعتنا لوحدنا .. احنا وانتم وبس

أسرة روشة جدا زي ما قلنا ..
يعني روشة بس مش طحن .. ع الموضة بس مش أوفر .. بسيطة مش ما تافهة .. خفيفة بس مش سطحية
نقول كمان ..
يعني الروشنة اللي في كلامنا وأسلوبنا مش معناها اننا هانتخلي عن ثوابتنا وقيمنا
وعشان ننجز والكلام يبقي من الاخر ..
احنا شباب مجدع وزي الفل .. بنحب الاسلام وبنحاول نطبقة في حياتنا من غير تشدد ولا تنشنة ولا تكشيرة .. لأننا بنحب الحياة جدا .. كمان أحنا بنحب بلدنا جدا .. وعندنا استعداد نعمل أي حاجة تفيد البلد ..
وعلشان كده فطبيعي أننا بنحب اللي يحبنا .. وكمان نكره اللي يعادي الإسلام او يكره الخير لبلدنا ..
بندخل ع النت ، وبنكلم كل الناس ، ولينا حساب ع الفيس بوك ، ومعندناش عداوة مع حد .. وبنحترم المرأة وبنقدر دورها من غير شعارات حمضانه ، وعايشين حايتنا بالطول والعرض والارتفاع .
وبنشجع الكورة ودمنا بيفور كل ما المنتخب يتغلب من طوب الأرض .. بس من غير تعصب أعمي ولا هتافات خارجة لأنه عيب جدا نخسر بعض علشان حتة جلد منفوخة هوا !! .
احنا كده .. بنغني مع ان صوتنا مش أد كده .. وبنلعب رغم اننا مش حريفه .. بس بنضحك من قلوبنا
الأسرة دي لامؤاخذة من الشباب وللشباب .. يعني أجدع سلام للعشرينات وانت طالع ( وانت طالع خلي بالك م السلمة المكسورة ) .
الـمـهـم ... انـنـا مـنـتـظـريـنـك مـعـانـا

لو الكلام ده ياكل معاك .. يبقي أهلا بيك وسهلا معانا في Pharma2day
ولو مايكلش معاك .. يبقي برده اهلا بيك وسهلا معانا .. لأن احنا يهمنا اننا نتحاور كلنا مهما كانت اختلافتنا طالما في الاخر هيفضل بينا الحب والاحترام .