https://www.facebook.com/246500751871870/

د / راندا حسن أخصائي طب الاطفال Dr / Randa Hassan

Home
Egypt
Abnub
د / راندا حسن أخصائي طب الاطفال Dr / Randa Hassan

د / راندا حسن
أخصائي أطفال وحديثي الولادة بمستشفي الشاملة
حاصلة علي ماجستير طب الاطفال جامعة أسيوط

17/07/2025

الدواء ده من السبعينات تقريباً
كان اسمه " ماء غريب ".
كانوا بيدوه للأط.فال وهما صغيرين للقضاء على المغص وعلشان الطفل ينام 😴
وبعد مدة مش كبيرة إكتشفوا إنه يحتوي على نسبة من الك.حول 😱 وكان الطفل لما تديله معلقتين بينام و بيفضل يضحك وهو نايم !!!
وكانت أمه تفرح وتقول إسم الله عليه ..
الملايكة قاعدين يضحكوا معاه .. 😃
ملايكة مين يا حاجه !!!
إبنك سك.ران 🤦

05/07/2025

لو بتدي جلسة بخار لمريض... اوعى تحطله مية حقن (Water for Injection) مكان محلول الملح (Saline 0.9%) ❌❌

ليه؟
لأن مية الحقن مفيهاش أملاح، وده بيخلي البخار يدخل للرئة ويسبب تهيج في الشعب الهوائية 👉 ممكن يزود الكحة والضيق بدل ما يريّحهم! 😮‍💨

🎯 الصح بقى؟
تستخدم محلول ملح 0.9% (Normal Saline) لأنه بــ:
✅ يرطّب الشعب الهوائية
✅ يساعد في إذابة الإفرازات (secretion)
✅ يسهّل خروج البلغم
✅ وأحياناً بنستخدم تركيز أعلى Hypertonic Saline لو في إفرازات تقيلة

📌 وافتكر إن أي حاجة بتدخل الرئة لازم تبقى محسوبة… مش أي سائل ينفع يتحط في النيبولايزر!

منقول

03/07/2025

حقنه فيتامين ك هي اجابه سؤالنا ☑️✅
طيب ليه مهمه ؟ 🤔
ويحصل إيه لو الطفل مخدهاش بعد الولادة مباشرة
أو خلال ٢٤ساعه ؟❓❓

لأن فيتامين ك في الأطفال حديثي الولادة بيكون ناقص ولسه متكونش بصوره كافيه
لأن المصنع بتاع فيتامين ك هو الكبد
والكبد عند حديثي الولاده بيكون لسه مشتغلش بصوره فعاله ونضجه بيكون مكتملش

لذلك لازم ندي حقنه تعويضيه لحد ما الكبد يرجع يشتغل بصوره طبيعيه ودي بتكون حقنه واحده فقط لكن بتحمي من مضاعفات كثيره جدا وخطيرة عارفين زي إيه ؟؟؟
النزيف 😧😧

بنشوف أطفال كتير جدآ بتجي بعد الولادة بقئ دموي او بتجيب دم في البراز والبعض منهم بيكون النزيف عنيف جدآ ويتسبب في انيميا شديدة وبيحتاجوا ل نقل دم وبلازما
علشان كده هقول تاني وتالت أسأل في المكان اللي الطفل اتولد فيه هل أخد حقنه فيتامين ك ولا لأ ؟ ولو مخدش لازم ياخدها لتفادي كل المشاكل دي

01/07/2025

تفتكروا ايه الحقنه إللي لازم تتاخد بعد الولادة مباشرة 🤔
أو خلال ٢٤ساعه بعد الولادة ومينفعش أبدا نتجاهلها☝️
وكتير ميعرفش معلومه عن الحقنه دي 🤔
اللي يعرف يكتب ف التعليقات

16/06/2025

📢 ما تجيش تقوليلي إبني مش بيطول وقصير والعيال بتتنمر عليه ووزنه مش بيزيد 🤫 وهو قالب يومه 🫨
يسهر طول الليل وينام متأخر ❌
او تقولي مش بيأكل لحمه ولا فراخ ولا بيض ولا سمك 🤔 وعايش علي الشيبسي والحلويات والاندومي!!! 😱
مستحيل طبعاً وزنه يزيد ويطول

عايزه إبنك يطول ووزنه يزيد 👌👌

1️⃣ - ينام بالليل كويس مش وش الصبح
علشان هرمون النمو بيشتغل بالليل وهو نايم

2️⃣ - لازم قبل ما يتم العام الأول يتعود علي جميع المأكولات

3️⃣ - يلعب رياضه مفيده خصوصاً السباحه والتنس

4️⃣ ـ نمنع تماما أي اطعمه مصنعه أو تحتوي علي ألوان صناعيه ومواد حافظة

15/06/2025

للتذكير، كشف مخفض يومي الإثنين والخميس من كل اسبوع
العنوان أبنوب بجوار صيدلية بركات أمام الموقف القبلي
بعد قهوة حسين

04/06/2025

للتذكير، غداً الخميس كشف مخفض
المواعيد من ٣ ل ٨م
العنوان أبنوب بجوار صيدلية بركات أمام الموقف القبلي
بعد قهوة حسين

03/06/2025

هل تعلمين عزيزتي الأم أن الأبناء الذكور ترث الذكاء من الأم لكن الإناث ترثه من الأب والام معا ،🫣🫣
علشان كده أولادنا كلهم أذكياء طبعاً لأن كل الأمهات ما شاء الله عليهم 😉😉
لكن التغذية الصحية والنوم الكافي وممارسة الرياضة وتنميه قدرات الطفل وتشجيعهم على ممارسه هوايه مفضله برضو ليهم دور مهم في تنمية ذكاء الأبناء. 👌👌
أقولك علي بعض الأغذية إللي بترفع الذكاء البيض ،الاسماك،المكسرات والافوكادوا
البيض بندخله من الشهر الخامس
والأسماك من الشهر السابع
والمكسرات مطحونه من الشهر السادس

18/05/2025

للتذكير، غداً الإثنين كشف مخفض
المواعيد من ٣ ل ٨م
العنوان أبنوب بجوار صيدلية بركات أمام الموقف القبلي
بعد قهوة حسين

03/05/2025

شايفين المنظر دا 😲
متخيلين إن كل دي كميه ديدان كانت في بطن طفل 😳
دي دوده اسمها
الديدان سبب قوي جدآ
👈 لآلام البطن المتكرره
👈وإحساس الهرش والشكشكه حول فتحه الشرج
👈 وبتاثر علي نمو الطفل
وفي أنواع كتيره جدا من الديدان
وهي متوطنه عندنا في بلدنا
ومافيش طفل مش بيشتكي منها ومهم جدا في علاجها
✋أن (الاسره كلها) تاخد علاج ف نفس الوقت 👌 والاهتمام بالنظافة الشخصية وقص الاظافر وغسل الخضار والفواكه

28/04/2025

نركز مع الشكل دا
شكل بيرعب 😱 كل الامهات لما تشوفه ويجي في دماغها مليون حاجه ممكن تفتكره حساسيه من دوا معين وممكن تفتكره حصبه
بس تعالي هنا اطمنك 😊
الحاله دي لطفل غالباً بيكون اقل من سنتين وممكن يكون اكبر شويه
بيحصله الأول سخونه شديده
ممكن يكون في أعراض مصاحبه زي
التهاب الحلق والقئ والإسهال
وتورم الغدد الليمفاوية في الرقبه
وبعد تحسن السخونه يبتدي يظهر الطفح دا 👇👇
دا يا ست الكل لا هو حساسيه ولا حصبه 👌
دا حاجه اسمها او &
أو (roseola infantum) ودا حاجه فيروسيه بيعمها فصيله من فصائل👈 الهريبس
Human herpes simplex type 6
الموضوع بيتحسن لوحده خلال من [ ٣ل٥ أيام ] بس
✋👈اهم حاجه ممنوع منعاً باتاً أثناء السخونة نستخدم
ال اسبرين ❎ أو الريفو ❎ لأن دا خطر جدآ وممكن يعمل مضاعفات خطيرة جداً.

Address

أبنوب/الموقف القبلي/خلف صيدلية بركات
Abnub
71717

Website

facebook.com

Alerts

Be the first to know and let us send you an email when د / راندا حسن أخصائي طب الاطفال Dr / Randa Hassan posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Abnub?