01/10/2025
يا مامي، صحة ابنك أمانة، وأوقات تصرف بسيط أو دواء غلط ممكن يضره بدل ما يفيده.
علشان كده جمعنالك أهم 9 نصايح تنقذ طفلك من مشاكل صحية شائعة:
1️⃣ لو ابنك بيأكل خشب أو تراب أو أقلام كتير → ده ممكن يكون Pica syndrome وسببه غالبًا نقص حديد فـ اعمليله تحليل صورة دم.
2️⃣ بياخد حديد ولسه عنده أنيميا؟ 🤔
اعمليله تحليل براز.. يمكن السبب ديدان الأنكلستوما اللي بتتغذى على الدم.
3️⃣ وقت السخونية، بلاش تجمعي بين كاتفلاي أو بروفين مع دولفين لبوس في نفس الوقت لأن NSAIDs ماتنفعش مع بعض
✔️ باراسيتامول آمن كبديل.
4️⃣ مع الإمساك → قبل ما تدي لبوس الجليسرين، بللي اللبوسة علشان ما يحصلش اعتماد شرجي.لان عدم بلها بيساعد على حدوث ارتباط شرجي يعني مش هيعمل حمام بعد كده غير باللبوسة.
5️⃣ مع الإسهال → قبل أي دوا، لازم محلول جفاف (ORS أو هيدروسيف).
كيس على 200 مل مياه، واديله كل 5 دقايق جرعة صغيرة. الجفاف أخطر سبب وفيات عند الأطفال.
6️⃣ في تحليل البراز لو فيه ديدان + أميبا مع بعض إعي تدي أدوية فيها Mebendazole + Metronidazole مع بعض → خطر يسبب متلازمة ستيفن جونسون على الجلد.
7️⃣ كل طفل محتاج يوميًا 400 وحدة فيتامين د = 4 نقط فيدروب.
8️⃣ فطريات الفم اللي مش بتروح؟
مش بس تعالجي ابنك، لازم كمان تدهني الحلمة قبل وبعد الرضاعة، وكملي العلاج 10 أيام علشان العدوى ما ترجعش.
9️⃣ التهاب الحفاضات مش معناه كورتيزون على طول!
الصح → كريم فيه زنك أوليف أو زنك أوكسيد علشان يحمي الجلد من التهيج.
✅ وعيك هو خط الدفاع الأول عن صحة طفلك 💚
شاركي البوست مع كل مامي تعرفيها لأن كل معلومة صغيرة بتفرق! 💚
#صيدليات د ايناس حبيب
