Dr Ahmed Sha'rawy

10/06/2021

بعض مرضى الغسيل بيمتنعوا عن أكل البروتين على الرغم

من أهميته و لازم كأطباء كلى نعرف كل مريض مسموح له

أد ايه بروتين في اليوم بس ده بناء على ال

staging of CKD.

يعني CKD stage 4-5 مسموح له ب ٨, : ١جرام بروتين لكل

كيلو في اليوم اما مريض الغسيل فمسموح له ب ١,٢جرام

بروتين لكل كيلو في اليوم.

يعني لو مريض بيغسل ووزنه ٦٠كيلو ، يبقى اقدر اديله لحد

٧٢جرام بروتين في اليوم ولازم ناخد بالنا احنا بنقول ٧٢جم

بروتين مش ٧٢جرام لحمة لأن فيه فرق ومش كل وزن

اللحمة بروتين.

الصورة من كتاب الدكتورة دعاء حامد ودكتور أسامة

الشحات (الدليل الإرشادي لتغذية مرضى القصور الكلوي)

ربنا يجازيهم خيرا .

ومن الصورة نقدر نفهم أن كتير من مرضانا بياكلوا بروتين

أقل من اللي المفروض ياخدوه في اليوم يعني لو له ٧٢جرام

بروتين فدول ممكن ياخدهم من قطعة لحمة كويسة

وبيضتين بلدي و كوباية لبن و٢قرص طعمية ولسه مكملش

حصة البروتين في اليوم .

بس طبعا مننساش أننا محكومين بنسبة الفوسفور

والبوتاسيوم بالدم.

03/05/2021

بيقابلني كل يوم مرضي (مهووسين) بعلاج للنقرس لمجرد ان نسبته في الدم اعلي من الطبيعي ..و ده مش صح❎

🏴🏴 امتي ناخد علاج للنقرس ؟

✅ لو النسبة اعلي من 11 في الرجال و اعلي من 9 في السيدات حتي بدون اعراض.

✅لو فيه اعراض زي الم + احمرار في المفاصل و تكون بسبب وجود حمض اليوريك و ده بيظهر بأخذ عينة من السائل و تحليلها....بغض النظر عن النسبة.

✅لو فيه حصوات بالكلي (حصوات شفافة)

✅لو كان هناك قصور كلوي بسبب تاثر نسيج الكلي بارتفاع حمض اليوريك.

✅لو كان المريض عنده عوامل خطورة علي القلب و الشرايين زي السمنة ، ضغط الدم المرتفع ، السكر او مدخن ...هنا ارتفاع حمض اليوريك بيبقي عامل خطورة و يجب علاجه حتي بدون اعراض.

⬅ مهم اوضح ان علاج النقرس هو علاج دائم اذا كنت مصابا به ..و ليس لفترة مؤقتة.

دمتم بصحة 💚💙

23/04/2021

النظام الغذائي لمرضي الغسيل الكلوي

19/04/2021

13/04/2021

كل عام وكل اهلى واصحابى وزملائى واحبابى والمسلمين جميعا بخير
تقبل الله منا ومنكم الصيام والقيام وصالح الاعمال
مبارك عليكم الشهر الكريم ❤️❤️🌹🌹 ان شاء الله مواعيد العياده في شهر رمضان الكريم من الساعه ٧ الي الساعه ١٠ م للحجز والاستعلام ٠١٥٥٢٠٥٢٠٦٧

11/04/2021

🤕من اكتر الاستشارات عند اطباء الكلي : كليتي تؤلمني!

🔺️اسباب الم الكلي :

❓اكثر الأسباب شيوعا:
1️⃣حصوة بالكلي
2️⃣التهاب بمجري البول

⚠️و أسباب اقل شيوعا :
3️⃣تكيسات الكلي (سواء كانت وراثية ام لا)
4️⃣اورام الكلي

⭕و اسباب قليلة الحدوث او نادرة :
5️⃣جلطات الوريد الكلوي ،
6️⃣نزيف بالكلية

⛔و دول لا يظهروا في تحاليل وظائف الكلي ..
💉محتاج تعمل اشعة تلفزيونية علي الكلي مبدئيا و تحليل بول.

❌غير كدة بيكون الألم بعيد عن الكلي :
👈ألم بعضلات الظهر نتيجة لمشاكل بالعمود الفقري و ده اكثر الاسباب شيوعا.
↩او
👈ألم بالقولون.

23/03/2021

⛔35% من مرضي الغسيل بيعانوا من صداع أثناء الجلسة ..
✋و الصداع ده عرض (بايخ! 😏) و ممكن يخلي المريض ما يكملش الجلسة ..

🔺ايه هي أسباب الصداع 🤔

❎- التغيرات في ضغط الدم ، خاصة الارتفاع و الانخفاض أثناء الجلسة :
↩و ده بييجي غالبا مع سحب كميات كبيرة من السوائل
✔يبقي الحل تقلل شرب السوايل و تقلل الملح علشان ما تزيدش كتير.

************************************
❎- تغيرات السكر بالدم :
غالبا السكر ممكن ينخفض أثناء الجلسة .

✔الحل : لو مريض سكر ما تاخدش علاج قبل الجلسة .
✔لو مش مريض سكر : تاكل نشويات و ليس سكريات قبل الجلسة بساعتين و ده يحافظ على مستوي السكر ثابت ..
↔و لو انخفض السكر اقل من 90 ⬅تاخد محلول جلوكوز أو تاكل سكريات .

*************************************
❎- التغير في مستوى الصوديوم بالدم :
⚠و ده بييجي برضه من زيادة كمية سوائل كبيرة ؛👈ف الصوديوم بيكون مخفف و قليل قبل الحلسة 👈تسحب السوائل ف الصوديوم يرتفع

✔الحل : زي ما قلنا فوق ما تزيدش كتير (و ده الحل السحري 👏) : كفاية تزيد من لتر الي اتنين بالكتبر بين كل جلستين.

✔تخلي مستوي الصوديوم علي الماكينة 135.

13/03/2021

الالتهاب النفروزي في كبار السن
رجل عمره ٥٠ سنه جاء للكشف بسبب تورم وانتفاخ كل جسمه
مع وجود كميه كبيره من الزلال في البول تصل الي ١٠ جرام في ال٢٤ ساعه مع ارتفاع وظائف الكلي

مع انه لم يكن مريض كلي او ضغط او سكر

مع عمل التحاليل واخذ عينه من الكلي كان التشخيص التهاب نفروزي بالكلي
(membranous nephropathy)
وبالبحث عن سبب الالتهاب النفروزي بشكل مفاجئ في هذا السن الكبير وجد ان السبب هو التهاب القولون التقرحي

وجود التهاب نفروزي بالكلي في سن كبير بشكل مفاجئ غالبا هناك سبب ومن اهم الاسباب:

١.وجود ورم خبيث بالجسم مثل سرطان الرئه، القولون، المعده، سرطان الغدد الليمفاوية هودجكين وسرطان نخاع العظام

٢.وجود مرض من امراض المناعه مثل الروماتويد والتهاب القولون التقرحي

٣.وجود عدوي فيروسيه مثل الايدز، فيروس سي، فيروس بي

٥. بعض الادويه مثل المسكنات وادويه السيوله
________________________________

08/03/2021

🚩 SGLT2 inhibitors 🚩
↔دي مجموعة حديثة من أدوية علاج السكر من النوع الثاني :
↩المجموعة دي ما بتشتغلش علي البنكرياس ، بتظبط السكر عن طريق التخلص من السكر الزائد في البول.
↩هي ما بتقللش السكر أكثر من المجموعات الاخري من الأدوية ↔لكن ثبت فائدتين مهمتين لها :

✔بتقلل نسب حدوث جلطات القلب و المخ و فشل عضل القلب بنسبة حوالي 30%

✔و بتقلل فرص حدوث الفشل الكلوي بنسب تقارب 30 % برضه.

⚠مهم نبدأها بدري ..يعني ما ينفعش مريض وظائف الكلي عنده أقل من 30% ياخدها (تقريبا كرياتنين =3)
-----------------------------------------------------
🔺 طيب الدواء السحري ده مالوش مضاعفات ؟ أكيد له :
✋ بيزود نسب حدوث التهابات البول البكتيرية و الفطرية خاصة عند السيدات.
✋ ممكن يسبب جفاف.
✋ممكن يزود نسب حدوث حموضة الدم نتيجة تراكم الأحماض الكيتونية في الدم و دي مضاعفة خطيرة محتاجة متابعة خاصة عند كبار السن.
✋ممكن يزود هشاشة العظام

يعني دواء مفيد جدا لبعض الناس خاصة الشباب مرضي النوع الثاني من السكر ، بس محتاج متابعة. ..أسأل طبيبك لو مجموعة الدواء دي تناسبك.

01/03/2021

🏁اعمل ايه مع معاناة حصوات الكلي ؟

🚩اولا نحاول نعرف اسباب تكرار حصوات الكلي و محاولة علاجها:

👈 فيه امراض بتساعد في تكوين الحصوات ، اكتشاف الامراض دي و علاجها بيساعد بشكل كبير في عدم تكون الحصوات ..
😥 و اوقات كتير لا توجد اسباب للحصوات ، لكن فيه ادوية بتساعد في تقليل تكوين الحصوات ، بالاضافة لتغيير العادات الغذائية.

---------------------------------------------------------
🔺 امراض تؤدي لتكون حصوات الكالسيوم :

👈زيادة نشاط الغدة الدرقية و الجار درقية ،
👈جراحات تكميم المعدة و استئصال المعدة او القولون ،
👈 زيادة تناول الكالسيوم او فيتامين د او فيتامين سي (بلاش فيتامينات بدون داعي 🙄) ،
👈 اي مرض يؤدي الي عدم الحركة نهائيا مثل الشلل الرباعي ، امراض تكيسات الكلي و الكلية الاسفنجية و كلية حدوة الحصان ،
👈بعض الاورام .

🔵☜ طيب لو مافيش مرض من الامراض دي :
بنعمل شوية تحاليل نحاول نشوف ايه الخلل الموجود و المسئول عن تكوين الحصوات ↩ بنجمع بول في 24 ساعة و نقيس فيه الصوديوم - البوتاسيوم - كالسيوم - اوكسالات - سيترات - فوسفور و درجة حموضة البول ، و كمان نقيس الكالسيوم و الفوسفور و الاوكسالات في الدم .

☽ فيه ادوية بتقلل من تكوين حصوات اوكسالات الكالسيوم زي: احد مدرات البول (هيدروكلورو ثيازايد) + فيتامين ب اللي بيقلل امتصاص الاوكسالات + كل الفوارات التي تحتوي علي مادة السيترات .

☽ مهم كمان تقليل كمية الطعام التي تحتوي علي اوكسالات. مثل:
- الفراولة - المانجو
- الشاي - الكاكاو
- الشيكولاته - السبانخ
- القهوة - مشروبات الكولا
- الفول السوداني - البيرة

---------------------------------------------------------
⚠ طبعا مرض النقرس🐄 بيساعد في تكوين حصوات حمض البوليك و هي الحصوات الشفافة ...دي علاجها اسهل ↩ زيلوريك + فوار زي يورالايت .
.
⚠ مهم تقليل كمية اللحوم، و البقوليات حيث أن هذه الأنواع من الأطعمة ترفع نسبة الحامض في البول.
---------------------------------------------------------
🚩تغيير النظام الغذائي مع كل ما سبق :

شرب 3-4 لتر سوائل يوميا.
تقليل الملح بشدة.
بعض المواد الطبيعية تساعد في تفتيت الحصوات مثل عصير الليمون و مطحون زيتون بني إسرائيل.

22/02/2021

↩إن كيس الكلية هو مرض شائع بين الناس, وهو عادة ما يكون حميدا - حتى لو كان يزيد حجمه -,
↩و يمكن متابعته، وعدم التدخل فيه جراحيا، إلا إذا أدى إلى أعراض مثل: النزف البولي, الصديد البولي, آلام بالكلية، أو أدى إلى تكوين حصوات بالكلية.

🔺أما إذا ظهرت أنسجة بداخل الكيس - عن طريق عمل الأشعة المقطعية، فإن ذلك يزيد من احتمال كون الكيس يحتوي ورما خبيثا, مما يستدعي ضرورة استئصال الكلية بعد التأكد من انه خبيث، حيث إن ذلك هو العلاج الوحيد لأورام الكلية، فلا ينفع معها علاج كيماوي ولا إشعاعي.

20/02/2021

🔺⛔دي البكتيريا اللي بتسبب التهاب قساطر الغسيل الكلوي في معظم الأحيان staphylococcus aureus

☾ازاي نعتني بالقسطرة :

🔹بالمحافظة على إبقاء مخرج القسطرة نظيفًا وجافًا.
🔹 بعدم إزالة الضمادة عن مخرج القسطرة، حيث ستتولى الممرضة المختصة تغيير الضمادة عند حضور المرضى إلى وحدة غسيل الكلى.
🔹 تغطية القسطرة عند الاستحمام حتى لا يبتل الغطاء، وفي حالة بلل الشاش يجب أن يقوم المريض بتغييره بعد الاستحمام.
🔹 الحرص على القسطرة عند خلع أو لبس الملابس.
🔹 اذا امكن غلق القسطرة بمادة taurolock يكون افضل (مكلف شويتين) .
🔹 اذا حدث التهاب بالقسطرة يتم اخذ مزرعة دم من القسطرة و من وريد عادي + بدء العلاج بنوعين من المضادات الحيوبة لحين ظهور نتائج المزرعة .
🔹 يتم اخذ مضادات حيوية لمدة 3 اسابيع و اخذ مزرعة جديدة بعدها للتأكد من القضاء علي الميكروب.

دمتم بصحة 💚💙

16/02/2021

😕 الحكة أو الهرش من أكثر الأعراض التي تسبب الذي نفسي و جيدي لمريض القصور الكلوي أو الغسيل؛

⛔الهرش له اسباب كتير : زيادة البولينا ، زيادة الكالسيوم او الفوسفور و ترسبهم في الجلد ، جفاف الجلد و غيرها .

✔️و الحل :
🖍️ الحرص علي ان كفاءة الغسيل تكون جيدة ..

🖊️ كريمات مرطبة للجلد باستمرار ..

🖍️تقليل نسب الكالسيوم و الفوسفور عن طريق الدواء و الغسيل و تنظيم الغذاء..

🖊️ ادوية زي مضادات الهستامين (ادوية الحساسية) و غيرها ، دواء الفحم بيقلل امتصاص السموم ..

🖍️و حل اخير و فعال و هو جلسات الآشعة الفوق بنفسجية .

15/02/2021

🔺👈امتي نخاف من البوتاسيوم ؟

↩مرضى الفشل الكلوي تحت العلاج التحفظي ويوجد لديهم جزء متبق من الكلى (اكثر من 30 % من وظائف الكلي ) يؤدى بعض الوظائف عادة لا يحتاجون إلى الإقلال من الأطعمة الغنية بالبوتاسيوم.

↩مرضى القصور الكلوي في مراحله الاخيرة + الفشل الكلوي على الغسيل الدموي وهؤلاء يحتاجون إلى الابتعاد عن الأطعمة الغنية بالبوتاسيوم .
------------------------------------------------------
⚠ لتقليل نسبة البوتاسيوم :

ـ☝الأطعمة المطبوخة أو المشوية أو المقلية تحتوى على نسبة أقل من البوتاسيوم .

ـ☝ السلق والتخلص من المياه يقلل من البوتاسيوم بالخضروات .

✋وكذلك النقع لمدة ساعة في ماء بعد تقشير الخضروات وتقطيعها يؤدى إلى التخلص من نسبة كبيرة من البوتاسيوم .

ـ✋القهوة المركزة أو القوية تحتوى على بوتاسيوم أكثر من القهوة الخفيفة .
-------------------------------------------------------
⛔ أغذية قليلة البوتاسيوم : ( مسموح بثمرتين او مقدار كوب واحد يوميًّا )
التفاح ـ التوت ـ الكريز ـ العنب ـ الكمثرى ـ الأناناس - الفراولة ـ الفاصوليا الخضراء ـ الفول الأخضر- الأرز ـ الكرنب ـ الشعرية ـ الجزر ـ الخبز ـ القرنبيط- الكيك ـ الذرة ـ الخيار ـ الخس ـ البامية ـ البصل ـ البسلة.

-------------------------------------------------------

🕭🕭 اﻷغذية مرتفعة البوتاسيوم : (ثمرة كل عدة أيام )

المشمش ـ البلح ـ المانجو ـ الخوخ ـ البرتقال الزبيب - الموز ـ الكانتالوب ـ الفواكه المجففة ـ الخرشوف- العدس ـ عصير القصب - البطيخ ـ البطاطس ـ الطماطم -الفاصوليا والبازلاء المجففة ـ الردة- القهوة ( يكفي فنجان يوميًا ) ـ الشيكولاتة ـ آيس كريم ـ العسل الأسود- جوز الهند ـ اللبن ( يكفي كوب يوميًّا ) ـ المكسرات- بدائل ملح الطعام ....

14/02/2021

✋🔺مريض السكر

🚩🚩 10 نصائح لتحمي كليتيك🚩🚩

👈 سكرك يكون مضبوط يعني صائم اقل من 120 و عشوائي اقل من 140و سكر ثلاثي اقل من 7%.

↩ضغطك يكون مضبوط اقل من 120 علي 80

✋ اعمل تحليل بول بانتظام علشان تتأكد ان ما فيش زلال .. وجود الزلال هو اول علامات تأثر الكلي بمرض السكر.
و اذا وجد الزلال فيه ادوية لتقليله .. استشر طبيبك.

⛔ اذا حسيت بآلام اثناء التبول اعمل تحليل بول فورا و اعرضه علي طبيبك .. التهابات البول المتكررة تؤذي كليتيك.

✋ما تعملش اي اشعة بالصبغة (اليود) الا عند الضرورة و بعد استشارة طبيب الكلي و يجب وقف دواء (جلوكوفاج) قبل الاشعة ب 48 ساعة علي الاقل.

⛔ ابتعد قدر الامكان عن المسكنات و المضادات الحيوية.

✋اشرب سوائل كتيييييير.

⛔لا تدخن .. لا تشرب مواد كحولية.

✋امشي نصف ساعة يوميا🚶🚶🚶

⛔ لا تنسي عمل تحاليل كرياتنين و بول و سكر تراكمي كل 3 اشهر.

✌💚و طبعا لو نفذت اول خطوة .. الباقي حيكون اسهل.

💜💜متع الله مرضي السكر بالعافية و حفظهم من كل المتاعب.

13/02/2021

البوست ده مهم جدا لمريض الغسيل :
✋ علشان تحل مشكلة ارتفاع او انخفاض الضغط .
✋ علشان تحل مشكلة التعب و الدوخة و القيء و تقدر تكمل الجلسة
✋علشان ما يحصلش شد عضلي ..

👇👇👇
👈🔺لازم توصل لوزنك الجاف المثالي 🤔

= الوزن اللي المريض عنده : ضغطه مظبوط + مافيش سوائل زايدة في جسمه .

🛇 و ده نعرفه ازاي ؟
☽ الضغط يكون في حدود 140 علي 80 نهاية الجلسة .
☽ مافيش تورم في القدمين
☽ مافيش سوائل في الرئتين (الطبيب يحددها بالسماعة).
☽ فيه طريقة مساعدة و هي عمل اشعة عادية علي الصدر بعد الجلسة كل 3 الي 6 شهور و نشوف اذا فيه تضخم في حجم القلب ام لا .

-------------------------------------------------
🏴 لو المريض ضغطه بينخفض اثناء الغسيل :
🔺 اما بيسحب وزن اكتر من المطلوب و ده نعرفه بالاشعة.
🔺 او بيشرب كتير او بياكل ملح كتير و كل ما نسحب وزن كتير ↩ الضغط يقل
🔺 او علاج الضغط (لو بياخد )محتاج يتغير جرعته او موعد تناوله.
🔺 نتأكد ان الهيموجلوبين في حدود 10 الي 11 جم%.
🔺 او فيه مشكلة في عضلة القلب محتاجة تقييم من طبيب القلب.

↩ الحل نعمل الاشعة و نقلل الملح و السوائل و ممكن ناخد علاج لرفع الضغط زي ميدودرين مؤقتا + نخلي الصوديوم 145 و حرارة الماكينة 35.5 اثناء الجلسة.

-----------------------------------------------------
⛔ لو الضغط دايما مرتفع حتي بعد الغسيل :

👈 غالبا الوزن محتاج يقل.
👈قلل الملح و كمية السوائل اللي بتشربها (نصف لتر الي لتر يوميا ).
👈 لو لسة الضغط اعلي من 140 علي 80 بعد الجلسة : يبقي الأدوية تحتاج إلي تعديل .
دكتور احمد الشعراوي اخصائي الباطنه والكلي. بمعهد ناصر - العياده محافظه الشرقيه - مركز ابوحماد - بجوار المطافي القديمه- بجوار مكتب الصحه

11/02/2021

خلايا العظام بتخضع للتجديد مع ازاله الخلايا القديمهونمو خلايا احدث واقوي وده للحفاظ علي عظام 🦴 قويه .لما مريض القصور الكلوي بياخد كالسيوم و وان الفا لفترات طويله ده بيمنع نمو الخلايا الجديده وتبقي الخلايا القديمه لتشيخ وتضعف والعكس صحيح ايضا ، مع نقص الكالسيوم وفيتامين د تضعف العظام والنتيجه آلام شديده في العظام وكسورمفاجئه بدون اي سبب التحاليل اللازمه هي كالسيوم و وان الفا و غده جار درقيه كل ٣ شهور لضبط الجرعات . الدكتور احمد الشعراوي اخصائي الباطنه والكلي بمعهد ناصر - العياده الشرقيه - مركز ابوحماد بجوار المطافي القديمه بجوار مكتب الصحه - للحجز والاستعلام ٠١٥٥٢٠٥٢٠٦٧

10/02/2021

🏁 سؤال متكرر :

🔻اذا كنت تعيش بكلية واحدة واحدة لأي سبب ( خلقيا منذ الولادة ، استأصلت الاخري بسبب ورم او حصوات ، الاخري لا تعمل بسبب التهابات متكررة او حصوات او ضيق بالشريان الكلوي ، تبرعت بالكلية الاخري ، قمت بزراعة كلية بسبب الفشل الكلوي) :

✅- قس ضغطك بانتظام : ممكن يرتفع .
✅- اعمل تحاليل وظائف كلي (يوريا و كرياتنين) كل 6 شهور.
✅- اعمل تحليل بول كل 6 شهور : لأن ممكن يظهر زلال يجب معالجته ، او صديد .
✅- اعمل آشعة تليفزيونية كل 6 شهور : تطمئن ان مافيش حصوة تسد مجري البول و توقف عمل كليتك الوحيدة.
✅- قلل الملح و البروتين الحيواني قدر الامكان ، اكثر من شرب الماء .
✅- بلاش مسكنات.
✅- اذا احسست بألم في الكلية ، او صعوبة في التبول ، أو تورم بالقدمين ، أو ارتفع ضغطك / عياده الدكتور احمد الشعراوي مركز ابوحماد بجوار المطافي القديمه وبجوار مكتب صحه ابوحماد / تلفون العياده ٠١٥٥٢٠٥٢٠٦٧