دكتور/ سامح صبري أخصائي جراحة التجميل و جراحات اليد الميكروسكوبية

  • Home
  • Egypt
  • Abu Kabir
  • دكتور/ سامح صبري أخصائي جراحة التجميل و جراحات اليد الميكروسكوبية

دكتور/ سامح صبري أخصائي جراحة التجميل و جراحات اليد الميكروسكوبية د/ سامح صبري أخصائي جراحة التجميل و جراحات اليد الميكروسكوبية
إصابات اليد

بعد الحوادث أو الجروح أول حاجة بتشغل المريض مش الألم، لكن الأثر اللي ممكن يفضل على الجلد.الندوب أحيانًا بتكون بسيطة وأحي...
11/04/2026

بعد الحوادث أو الجروح أول حاجة بتشغل المريض مش الألم، لكن الأثر اللي ممكن يفضل على الجلد.

الندوب أحيانًا بتكون بسيطة وأحيانًا بتكون واضحة وتغير شكل الجلد. 🔥

لكن المعلومة المهمة إن الطب التجميلي دلوقتي بقى عنده تقنيات حديثة تساعد بشكل كبير في تحسين شكل الندبة،

حسب نوع الندبة وحالتها ممكن نستخدم:👇
▪️ تصحيح جراحي للندبة.
▪️ تقنيات تجميلية لتحسين شكل الجلد.
▪️ إجراءات تساعد على تقليل بروز أو تغير لون الندبة.

الهدف مش إننا نمحي الندبة تمامًا لكن إننا نقلل شكلها قدر الإمكان ونقرب الجلد لشكل طبيعي ومتناسق. ✅

علشان كده تقييم الحالة بدري بيكون خطوة مهمة جدًا في تحديد أفضل طريقة للعلاج. 💉💊

لو عندك أثر جرح أو ندبة مضايقاك ممكن تبعت رسالة أو كومنت ونشوف حالتك ونقولك إيه أفضل طريقة ممكن تحسن شكل الندبة.

واتاكد ان مش كل الندوب نهايتها ثابتة، في حلول وتقنيات بتفرق في شكلك ونفسيتك، عشان متضايقش مش شكل الجرح اللي مأثر على ثقتك بنفسك 🤝

🔹جرح كان ممكن يسيب أثر دائم، بس الشغل الصح قلله لأقصى درجة.دخل العيادة وهو حاطط إيده على وشه والدم مغرق المكان، جرح عميق...
08/04/2026

🔹جرح كان ممكن يسيب أثر دائم، بس الشغل الصح قلله لأقصى درجة.

دخل العيادة وهو حاطط إيده على وشه والدم مغرق المكان، جرح عميق في الجبهة واضح جدًا وشكله كان مسبب له صدمة.

الحقيقة إن الجروح في الوش مش بس ألم جسدي لكن كمان ضغط نفسي صعب جدًا، لأن كل مرة تبص في المراية أو حد يبصلك بتفتكر اللحظة اللي حصل فيها الجرح.

في الحالة دي كان التحدي مش مجرد علاج جرح لكن إعادة شكل الوش لأقرب حاجة لطبيعته. ✅

بدأنا أول خطوة بتشخيص دقيق لشكل الندبة وعمقها ونوع الأنسجة المتأثرة، بعدها تم وضع خطة علاج تدريجية👇
▪️ تنظيف دقيق للجرح والتعامل مع الأنسجة.
▪️ تدخل جراحي تجميلي لإعادة ترتيب شكل الجلد.
▪️ متابعة مستمرة لتحسين شكل الندبة.
▪️ استخدام تقنيات تساعد على تقليل الأثر مع الوقت.

العلاج ما كانش خطوة واحدة لكن رحلة بدأت من أول يوم، مع مرور الوقت بدأ شكل الجرح يقل تدريجيًا لحد ما وصلنا لنتيجة خلت شكل الجلد يرجع قريب جدًا من الطبيعي.⏳

الفرق بين قبل وبعد مش بس في شكل الجبهة لكن في نظرة الشخص لنفسه، رجع يقف قدام الناس بثقة ويرجع يعيش حياته بشكل طبيعي.👨‍⚕️

في جراحات الندوب مش دايمًا نقدر نمحي الأثر تمامًا لكن نقدر نوصل لمرحلة تخلي الندبة شبه غير ملحوظة.

وده اللي بسعاله له دايمًا في شغلي مع حالاتي.🤝

لو عندك جرح أو ندبة في الوجه ومضايقاك نفسيًا قبل أي حاجة ابعت رسالة ونشوف حالتك بالتفصيل ونحدد إيه أفضل حل ممكن يوصلنا لأقرب شكل طبيعي.

قبل ما تقول "لما يكبر هتتظبط لوحدها"... اقرأ الكلام ده. 👇الأذن البارزة من المشاكل اللي بنسمع عنها كلام كتير لكن الحقيقة ...
04/04/2026

قبل ما تقول "لما يكبر هتتظبط لوحدها"... اقرأ الكلام ده. 👇

الأذن البارزة من المشاكل اللي بنسمع عنها كلام كتير لكن الحقيقة إن جزء كبير من المعلومات المنتشرة عنها مش صح.
خلينا نصحح أهم 3 مفاهيم غلط بتخلي أباء كتير يأجلوا الحل.👂🏻

🔴 المفهوم الأول: الأذن البارزة بتتعدل مع النمو.
كتير من الآباء بيستنى إن شكل الأذن يتحسن مع الوقت، لكن الحقيقة إن غضروف الأذن بيتكون بشكل شبه كامل في سن صغير وغالبًا شكل الأذن ما بيتغيرش مع النمو.
وده السبب إن المشكلة ممكن تفضل موجودة سنين لو ما تمش التعامل معاها.

🔴 المفهوم الثاني: العملية خطيرة
الواقع إن عملية تصحيح الأذن البارزة (Otoplasty) تعتبر من الإجراءات التجميلية البسيطة نسبيًا.
هدفها تعديل زاوية الأذن بحيث تبقى أقرب للشكل الطبيعي
من غير أي تأثير على السمع.

🔴 المفهوم الثالث: لازم نستنى الطفل يكبر
على العكس التدخل في السن المناسب ممكن يكون أفضل نفسيًا للطفل خصوصًا قبل ما يبدأ يتعرض لتعليقات أو تنمر في المدرسة.

لأن المشكلة في حالات كتير مش شكل بس لكنها بتأثر على ثقة الطفل بنفسه.

✅ التشخيص الصح للحالة واختيار التوقيت المناسب للتدخل بيفرقوا جدا في النتيجة.

خد القرار وكفايا تأخير، عشان كلمة واحدة ممكن تأثر في ثقة طفلك سنين.

ابعت رسالة وهنرد عليك بكل التفاصيل، متترددش في حجز استشارة هتفرق في حياة ابنك كتير.📩♥️

أذن بارزة… مشكلة بسيطة لكن تأثيرها كبير 👂الطفل ده كان بيعاني من شكل الأذن البارزة، وده كان مأثر على ثقته بنفسه ونفسيته ...
01/04/2026

أذن بارزة… مشكلة بسيطة لكن تأثيرها كبير 👂

الطفل ده كان بيعاني من شكل الأذن البارزة، وده كان مأثر على ثقته بنفسه ونفسيته قدام الناس.

✔️ تم عمل العملية بدقة
✔️ نتيجة طبيعية جدًا
✔️ فرق واضح قبل وبعد

النتيجة مش بس شكل أحسن… دي ثقة رجعت تاني ✨

لو عندك نفس المشكلة أو قلقان على شكل ابنك، الكشف بيحدد إذا كانت الحالة محتاجة تدخل ولا لأ.

📩 احجز واستفسر دلوقتي واطمن على حالتك

دخل العيادة مش قادر يحرك صوباعه، وخرج بعد العملية بيحرك إيده بشكل طبيعي.👋🏻دي كانت حالة شاب جالي بعد جرح في إيده أثناء شغ...
30/03/2026

دخل العيادة مش قادر يحرك صوباعه، وخرج بعد العملية بيحرك إيده بشكل طبيعي.👋🏻

دي كانت حالة شاب جالي بعد جرح في إيده أثناء شغله.
هو كان فاكر إن الموضوع جرح عادي لكن المشكلة الحقيقية كانت أعمق.

الجرح كان مصحوب بقطع في أحد أوتار الإصبع.

الأوتار هي المسؤولة عن حركة الأصابع، ولو اتقطعت وما تمش إصلاحها بسرعة الإصبع ممكن يفقد الحركة تمامًا.

بعد الفحص اتضح إن الحالة تحتاج تدخل جراحي سريع لإعادة توصيل الوتر بدقة.

تمت الجراحة ومع المتابعة والتأهيل بدأت حركة الإصبع ترجع تدريجيًا، لحد ما رجعت الحركة الطبيعية للإيد.

الحقيقة إننا بنشوف حالات كتير
وصلت متأخرة وكان ممكن نتيجتها تبقى أفضل لو التدخل حصل بدري.😓

عشان كدا لو حصلك جرح عميق في الإيد أو لاحظت إن صوباعك مش بيتحرك طبيعي بعد الإصابة لازم تكشف فورًا عند جراح متخصص.

وممكن تبعت رسالة للصفحة📩💯
ونساعدك تعرف الخطوة المناسبة لحالتك.🫡🤍

في الجراحة التجميلية التفاصيل الصغيرة بتعمل فرق كبير✨.ناس كتير لما تسمع كلمة جراحة تجميلية بيجي في بالها تحسين الشكل بس!...
28/03/2026

في الجراحة التجميلية التفاصيل الصغيرة بتعمل فرق كبير✨.

ناس كتير لما تسمع كلمة جراحة تجميلية بيجي في بالها
تحسين الشكل بس!!

لكن الحقيقة إن جزء كبير من تخصص Plastic Surgery هدفه الأساسي مش الشكل فقط لكن إصلاح مشكلة بتأثر على حياة المريض.

على مدار سنين شغلي في الجراحة التجميلية تعاملت مع حالات مختلفة زي: 👇
▪️ علاج التثدي عند الرجال.
▪️ تصحيح الأذن البارزة عند الأطفال.
▪️ إصلاح آثار الحروق والندوب.
▪️ جراحات الأوتار وإعادة وظيفة الإيد بعد الحوادث.

في كل حالة من الحالات دي العملية مش مجرد إجراء جراحي لكن خطوة ممكن ترجع ثقة شخص بنفسه أو وظيفة عضو مهم في جسمه.

ومن خلال الخبرة اتعلمت إن أهم خطوة في أي علاج مش العملية نفسها لكن التشخيص الصح للحالة.

لأن كل مريض له تفاصيل مختلفة
وكل حالة تحتاج خطة علاج مناسبة ليها، في الجراحة التجميلية الفرق الحقيقي بيكون دايمًا في التفاصيل.

📌لو عندك مشكلة تجميلية أو إصابة
ومش متأكد هل تحتاج تدخل جراحي ولا لأ راسلنا وهنجاوبك على كل اسئلتك📩

لما تكون المشكلة غدة + دهون… الحل لازم يكون دقيق.الحالة دي كانت بتعاني من نوع مركب من التثدي عند الرجال.المريض كان فاكر ...
23/03/2026

لما تكون المشكلة غدة + دهون… الحل لازم يكون دقيق.

الحالة دي كانت بتعاني من نوع مركب من التثدي عند الرجال.

المريض كان فاكر إن المشكلة مجرد زيادة وزن وعلشان كده حاول فترة طويلة يعتمد على الجيم والدايت.

لكن بالرغم من فقدان الوزن شكل الصدر ما اتغيرش بالشكل المتوقع.
وده بيحصل كتير.

لأن في حالات التثدي المشكلة ما بتكونش دهون بس.
بعد الفحص الدقيق اتضح إن الحالة فيها:👇
▪️ تضخم في الغدة الثديية.
▪️ مع تراكم دهني في نفس المنطقة.

وفي النوع ده تحديدًا الحل ما ينفعش يكون خطوة واحدة.
تم التعامل مع الحالة جراحيًا بدقة من خلال:
✔️ استئصال الغدة المتضخمة بالكامل.
✔️ شفط الدهون المحيطة لإعادة تحديد الصدر.
✔️ الحفاظ على شكل طبيعي ومتناسق بدون مبالغة.

الهدف في الجراحة مش مجرد إزالة نسيج زائد لكن استعادة الشكل الطبيعي للصدر بشكل متناسق مع الجسم.

الفرق بين الصورتين واضح مش بس في شكل الصدر لكن كمان في راحة وثقة المريض في جسمه.

كل حالة تثدي ليها تقييم مختلف
والتشخيص الصحيح هو الخطوة الأهم قبل أي قرار علاجي
لو بتعاني من نفس المشكلة
متتأخرش واحجز استشارة عشان تعرف نوع حالتك والحل المناسب ليك.
________________

العنوان: الشرقية - أبوكبير ـ ميدان المحطة ـ امام مطعم ابو بلاسي القديم - برج ابو سليمان.

طابت أعيادكم بصحبة من تحبون 🌙وكل عام وأنتم بخير،وعيد مبارك عليكم وعلى أسرتكم الكريمة بكل الخير والسعادة ✨
19/03/2026

طابت أعيادكم بصحبة من تحبون 🌙
وكل عام وأنتم بخير،
وعيد مبارك عليكم وعلى أسرتكم الكريمة بكل الخير والسعادة ✨

رجالة كتير بتعاني من التثدي لكن قليل اللي بيتكلم عنها.🤔مش لأنه مشكلة خطيرة طبيًا، لكن لأنها محرجه نفسيًا.مواقف بسيطة لغي...
17/03/2026

رجالة كتير بتعاني من التثدي لكن قليل اللي بيتكلم عنها.🤔

مش لأنه مشكلة خطيرة طبيًا، لكن لأنها محرجه نفسيًا.
مواقف بسيطة لغيرك، لكن تقيلة عليك، بتبان وانت 👇
▪️ بتختار لبس واسع علشان تخبي شكل الصدر.
▪️ بتتجنب البحر أو الجيم.
▪️ بتحاول توقف في الصور بطريقة معينة.
▪️قلقان من أي تعليق على شكلك.
ومع الوقت الإحساس ده بيأثر على ثقتك بنفسك.

مهم إنك تفهم إن مش كل بروز في الصدر سببه دهون.

في حالات كتير السبب بيكون تضخم في الغدة الثديية وده نسيج مختلف عن الدهون تمامًا ومهما عملت تمارين أو دايت شكل الصدر مبيتغيرش.

علشان كده أول خطوة بعملها إني أشخص الحالة صح علشان أعرف السبب الحقيقي للمشكلة.

هدفي مش مجرد تغيير للشكل لكن إنك ترجع تحس بالراحة والثقة في نفسك من تاني

لو التثدي مضايقك ومش عارف سببه إيه ابعت رسالة واحجز استشارة واحدد معاك

🛑 هل المشكلة دهون بس ولا تضخم في الغدة وإيه الحل المناسب لحالتك.

ليه في شباب جسمهم رياضي ومع ذلك عندهم تثدي؟!في اعتقاد شائع جدًا بين الناس👇لو شاب بيمارس رياضة بانتظام يبقى مستحيل يكون ع...
15/03/2026

ليه في شباب جسمهم رياضي ومع ذلك عندهم تثدي؟!

في اعتقاد شائع جدًا بين الناس👇

لو شاب بيمارس رياضة بانتظام يبقى مستحيل يكون عنده تثدي.

لكن الحقيقة الطبية غير كده تمامًا.

التثدي عند الرجال مش مرتبط بس بزيادة الوزن، وفي شباب جسمهم رياضي جدًا ومع ذلك عندهم بروز واضح في منطقة الصدر.

السبب إن المشكلة أحيانًا ما بتكونش دهون، لكن تضخم في الغدة الثديية نفسها.

والغدة دي نسيج مختلف تمامًا عن الدهون، وعشان كده حتى مع التمارين القوية وتمارين الصدر، شكل البروز ممكن ما يتغيرش.

التثدي ممكن يظهر بسبب:
▪️ تغيرات هرمونية حصلت في سن المراهقة.
▪️ عوامل وراثية.
▪️ أحيانًا بدون سبب واضح.

المهم هنا إن التشخيص الصحيح هو أول خطوة للحل.
هل المشكلة تراكم دهني؟
ولا تضخم في الغدة؟

لأن كل حالة ليها طريقة علاج مختلفة، وفي بعض الحالات التدخل الجراحي الدقيق بيكون الحل لإزالة الغدة، مع الحفاظ على الشكل الطبيعي والمتناسق للصدر.

لو عندك سؤال عن التثدي أو محتار هل المشكلة دهون ولا غدة؟!

ابعت رسالة وهنوضح لك الصورة بشكل طبي بسيط.

ليه سيباهم يتنمروا عليه؟!الأذن البارزة مشكلة بتظهر من سن 5 سنين، وفي المرحلة دي تحديدًا الطفل بيبدأ يحتك بالحياة الدراسي...
09/03/2026

ليه سيباهم يتنمروا عليه؟!

الأذن البارزة مشكلة بتظهر من سن 5 سنين، وفي المرحلة دي تحديدًا الطفل بيبدأ يحتك بالحياة الدراسية؛ والاحتكاك بيبدأ معاه التنمر
الدراسات بتقول إن الطفل اللي بيتعرض للتنمر في السن ده ثقته بنفسه بتتأثر لفترة طويلة جدًا، يمكن طول حياته.

ولأن المشكلة مش شكل بس المشكلة نفسية؛ الحل موجود في عملية تصحيح الأذن البارزة (Otoplasty).

عملية بسيطة، بتتم في وقت قصير؛ بنعدل فيها زاوية الأذن عشان تكون أقرب لشكلها الطبيعي، من غير ما نأثر على السمع نهائيًا.

✅ بنشتغل على راحة الطفل قبل أي حاجة.
✅ بنهتم بالحالة النفسية قبل الجراحة.
✅ بنستخدم تقنيات دقيقة تقلل التورم ووقت التعافي.

هدفنا نفرح قلب أم موجوعة على ابنها من التنمر اللي بيتعرضله، ونرجع الثقة والضحكة الحلوة من تاني على وش طفل برئ حاسس انه غير مقبول وسط زمايله.

لو ابنك بيعاني من نفس المشكلة ابعتيلنا رسالة وخلي ابنك يبدأ حياته من غير خوف.

🖐️ إصابة أوتار؟ كل دقيقة بتفرققطع أو إصابة الأوتار مش جرح عادي.الأوتار هي المسؤولة عن حركة صوابعك وإيدك، وأي تأخير في ال...
05/03/2026

🖐️ إصابة أوتار؟ كل دقيقة بتفرق

قطع أو إصابة الأوتار مش جرح عادي.
الأوتار هي المسؤولة عن حركة صوابعك وإيدك، وأي تأخير في التعامل معاها ممكن يسبب ضعف دائم في الحركة.

كتير من الناس تفتكر إن طالما الجرح صغير يبقى الموضوع بسيط،
لكن الحقيقة إن في إصابات بتبقى محتاجة تدخل جراحي دقيق علشان الحركة ترجع لطبيعتها.

⏳ ليه السرعة مهمة؟

• لأن التأخير ممكن يسبب التصاق أو ضعف في الوتر
• لأن كل ما التدخل يكون بدري، النتيجة بتكون أفضل
• لأن إعادة توصيل الأوتار محتاجة دقة وخبرة

الجراحة الدقيقة وإعادة التوصيل بشكل صحيح،
مع متابعة وتأهيل مناسب،
بتفرق جدًا في استعادة قوة الحركة ووظيفتها الطبيعية 💪

⚠️ إمتى تتحرك فورًا؟

لو بعد الجرح مش قادر تحرك صباعك طبيعي،
أو حاسس بضعف مفاجئ في القبضة،
لازم تكشف فورًا.

📩 لو عندك إصابة أو شك في قطع وتر،
التقييم المبكر هو أول خطوة للحفاظ على الحركة.

Address

Abu Kabir

Opening Hours

Monday 6pm - 10pm
Tuesday 6pm - 10pm
Wednesday 6pm - 10pm
Thursday 6pm - 10pm
Saturday 6pm - 10pm
Sunday 6pm - 10pm

Telephone

+201004661363

Website

Alerts

Be the first to know and let us send you an email when دكتور/ سامح صبري أخصائي جراحة التجميل و جراحات اليد الميكروسكوبية posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتور/ سامح صبري أخصائي جراحة التجميل و جراحات اليد الميكروسكوبية:

Shortcuts

Share