عيادة د.سامح مجاهد لطب وجراحة العيون

30/03/2025

🎊 عيد سعيد عليكم و علي المسلمين جميعا ياااارب 🎊

28/02/2025

❤بشهر رمضان يعم الخير واليمن والبركات♥️
نقدم لكم بعيادات د.سامح مجاهد لطب وجراحة العيون خدمة طبية متكاملة ونسعد بزيارتكم خلال الشهر الكريم بالمواعيد الآتية :-
👈عيادة أبوكبير من 8 ل 12مساء.
رقم التواصل 01010406030 .
👈عيادة طوخ من 3 ل 5 عصرا.
رقم التواصل 01150555714 .
🙏وكل عام وانتم جميعا بخير 🙏

15/06/2024

عيد أضحي مبارك عليكم وعلي المسلمين جميعا ياارب❤️
عساكم من عواده وتقبل الله منا و منكم صالح الأعمال🐑

10/03/2024

❤بشهر رمضان يعم الخير واليمن والبركات♥️
نقدم لكم خصما بنسبة ٥٠% علي الكشف والإعادة بعيادة أبوكبير طوال الشهر الكريم بمناسبة الإفتتاح.
👈️لتري ثبوت هلاله 🌜 يجب أن يكون نظرك بأفضل حال 👁️👌.
نقدم لكم بعيادات د.سامح مجاهد لطب وجراحة العيون خدمة طبية متكاملة ونسعد بزيارتكم خلال الشهر الكريم بالمواعيد الآتية :-
👈عيادة أبو كبير من ٩ ل ١٢ مساء رقم التواصل 01010406030 .
👈عيادة طوخ من ٢ ل ٤ عصرا و من ٧ ل٩ مساء رقم التواصل 01150555714 .
🙏وكل عام وانتم جميعا بخير 🙏

عيادة طب و جراحة العيون

28/02/2024

❤عائلة واحدة❤
بقلوب شاكرة وبكل الإمتنان نشكر زيارتكم الكريمة وهداياكم الغالية وكلماتكم المهنئة التي وصلت قلوبنا ونعدكم بدوام السعي لخدمتكم.
نهتم بكم ونسعد بإهتمامكم.. ونسعي دائما لكسب ثقتكم وتوفير الرعاية الطبية المتكاملة لكم .
.
.

23/02/2024

غدا السبت بعد صلاة العشاء بإذن الله ،تستمر رحلة تقديم العناية الطبية المتكاملة بعيونكم بعيادات "د.سامح مجاهد" لطب وجراحة العيون.
"لعيونكم" نتشرف بدعوتكم لإفتتاح فرع عياداتنا الجديد بأبو كبير - ميدان المحطة- برج أبو شاهين- الدور الثاني بعد صلاة العشاء،
سائلين الله عز وجل توفيقه لنكون مصدر ثقتكم الدائم لنري العالم بشكل أفضل .

26/03/2023

🎉❤رمضان كريم عليكم وعلي المسلمين جميعا يااااارب ❤🎉

04/10/2022

🔴سؤال وجواب سريع بخصوص ضعف النظر عند الأطفال 🔴

⬅️إيه هي أنواع ضعف النظر المشهورة اللي ممكن تحصل للأطفال ؟
وازاي أشك ان طفلي عنده مشكلة منهم؟
👈 ٣ أنواع :
🔸️ قصر النظر وده الطفل مبيشوفش الحاجات البعيدة زي السبورة وبيقرب الكتاب من عينيه أو بيقرب من التلفزيون.
🔸️طول النظر وده لو كبير بيأثر علي الرؤية القريبة و البعيدة ولكن علي القريبة بدرجة اكبر زي المذاكرة وبيكون معاه صداع متكرر.
🔸️الأستيجماتيزم وده بيأثر علي البعيد والقريب ومعاه صداع متكرر.

⬅️إيه المشاكل والمضاعفات اللي ممكن تحصل من إهمال ضعف النظر ؟
👈 الصداع المتكرر وقلة التركيز وضعف التحصيل الدراسي وممكن يؤدي لمشاكل نفسية زي الانعزال وضعف الثقة بالنفس.
👈 حدوث إجهاد في العين وما يترتب عليه أحيانا من التهابات متكررة وصداع في منطقة الجبهة.
👈 المشكلة الكبيرة بقي للأسف واللي بنشوفها كتير هي حدوث
⛔ كسل في العين⛔و ده بيحصل ببساطة لما يكون في عين قوية وعين ضعيفة وبالتالي المخ يركز علي القوية ويهمل الضعيفة لحد لما ينساها خالص والخادع هنا ان الطفل في الحالة دي بيشوف بعنيه السليمة كويس جدا لدرجة ستة/ستة لكن العين الكسلانة للأسف علاجها بيكون صعب جدا جدا .
👈 لو إهمال النظر طول ممكن الطفل يخش في حول كنتيجة لكسل إحدي العينين أو كنتيجة للإجهاد المزمن لعضلات العين خصوصا في حالات طول النظر واللي ممكن تؤدي لحدوث حول أنسي.

⬅️إيه النصايح والإرشادات العامة للحفاظ علي عيون أطفالنا ؟
👈 لو شكينا في وجود ضعف نظر أو إشتباه حول لابد من الفحص الطبي لتقييم النظر وإستبعاد إحتياج الطفل لنظارة طبية.
👈 لو الطفل ليه نظارة نساعده علي لبسها بإنتظام.
👈 تقليل ساعات استخدام الموبايل خصوصا للأطفال اللي عندهم طول نظر لتقليل إجهاد العين.
👈 النظام الغذائي الجيد والمحتوى علي الفواكه والخضروات بشكل أساسي لتوفير إحتياجات العين من الفيتامينات والمعادن.

⭕لو عندكم أي إستفسار ممكن تسيبوه في كومنت وهنرد عليكم في أقرب وقت .

🙏 وربنا يحفظ أطفالكم من كل سوء 🙏

🔸️د.سامح مجاهد 🔸️
🔹️أخصائي طب وجراحة العيون
🔹️عضوية الكلية الملكية للجراحين بأدنبرة
🔹️زمالة المجلس العالمي لطب و جراحة العيون

16/09/2022

⭕ ⬅️المياة البيضاء➡️ ⭕

هنتكلم بشكل مبسط عن واحد من أشهر أمراض العيون وهو المياة البيضاء أو الكاتراكت.

👈 إيه هي المياة البيضاء ؟
داخل العين يوجد عدسة شفافة مثل الزجاج ...لو حصل عتامة أو بياض في العدسة دي..وقتها بيطلق عليها المياة البيضاء .

👈 إزاي أعرف أو أشك إن ممكن يكون عندي مياة بيضاء ؟
هتلاقي ضبابة أو شبورة علي العين سواء كنت لابس نظارة أو من غيرها .
زغللة شديدة وحساسية للضوء سواء نهارا أو ليلا.
إختلاف مقاسات النظارة بشكل كبير ومتسارع.
تدهور شديد في النظر مع الوقت لدرجة إن في عين ممكن تبقي شايف بيها خيالات مش أكتر.

👈إيه هي أسباب المياة البيضاء ؟
-السبب الرئيسي للمياة البيضاء هو التقدم في السن بمعني ان المياة البيضاء عرض من ضمن أعراض كثيرة للشيخوخة.
-في أسباب تانية للمياة البيضاء زي المياة البيضاء الخلقية أو المياة البيضاء الناتجة عن كدمات العين والحوادث.

👈إيه الحاجات اللي بتزود المياة البيضاء وتسرع حدوثها ؟
أشهر حاجة مرض السكر طبعا.
بالإضافة للعامل الوراثي و إلتهابات القزحية والتعرض لآشعة الشمس لفترات طويلة علي المدي الطويل واستخدام الكورتيزون لفترات طويلة .

👈هل في خطورة للمياة البيضاء ؟
المياة البيضاء في أولها ملهاش مشاكل كبيرة.
لكن الخطورة بتحصل لو العدسة حجمها كبر مع الوقت وعملت إرتفاع لضغط العين او ما يطلق عليه المياة الزرقاء .
⛔المياة البيضاء الوراثية لدي الرضع او الناتجة عن الكدمات لدي الاطفال خطيرة جدا وتستلزم التدخل السريع منعا لحدوث كسل وظيفي دائم في العين.

👈 ايه هو علاج المياة البيضاء ؟
العلاج النهائي للمياة البيضاء هو عملية تفتيت وشفط المياة البيضاء بأحدث الطرق عالميا وهي الموجات فوق الصوتية (الفاكو) أو ما يطلق عليها مجازا الليزر ثم زراعة عدسة صناعية شفافة داخل العين بإستخدام مخدر موضعي وده كله بيتم في أرقي مراكز عمليات العيون المشهور لها بالكفائة من حيث جودة الأجهزة ومستوي التعقيم.

👈 ايه أنسب وقت لعمل عملية المياة البيضاء؟
لو قسمنا شدة المياة البيضاء لثلاثة أقسام : البسيطة ثم المتوسطة ثم الشديدة ... أنسب وقت لإجراء العملية هي المرحلة المتوسطة لسببين :
أولا المياة البيضاء البسيطة يمكن التعايش معاها لفترة بحيث نستغل العدسة اللي ربنا خلقهالنا لحد آخر لحظة.
ثانيا منحبش إن المياة البيضاء توصل للمرحلة الشديدة علشان متصعبش عملية تفتيتها أو تكون عملت مياة زرقاء لاقدر الله .

⬅️وده كله طبعا بيتم بالتنسيق مع الطبيب المختص وتحديد خطة العلاج بوضوح لكل شخص حسب ظروف حياته سواء ميعاد العملية أو نوع العدسة التي سيتم زرعها .
وألف سلامة علي عيونكم من كل مكروء وسوء .

⬅️لو عندك أي إستفسار بخصوص المياة البيضاء سيبه في كومنت وهنرد عليك في أقرب وقت.

🔹️د.سامح مجاهد🔹️
🔸️أخصائي طب وجراحة العيون
🔸️عضوية الكلية الملكية للجراحين بأدنبرة- انجلترا
🔸️زمالة المجلس العالمي لطب وجراحة العيون - سويسرا