صيدليات دكتور محمود عبدالمنعم

25/09/2025

🧠 COLOVERIN مش نوع واحد!!
ده اسم لعيلة كاملة من الأدوية، وكل نوع فيها لحالة معينة من حالات القولون.
___
1️⃣. كولوفرين العادي (Coloverin):

- المادة الفعالة: Mebeverine HCl 135mg
- مضاد للتقلصات - بيرخي عضلات القولون
- مناسب لـ: مغص بسيط أو تقلصات خفيفة
___
2️⃣. كولوفرين A:

- المواد الفعالة: Mebeverine + Chlordiazepoxide
- يقلل التقلصات + مهدئ خفيف (Anxiolytic)
- مناسب لـ: القولون العصبي المرتبط بالتوتر أو القلق
- تنبيه: لا يُستخدم لفترات طويلة لتجنب التعود.
___
3️⃣. كولوفرين D:

- المواد الفعالة: Mebeverine + Dimethicone
- يقلل التقلصات + طارد للغازات
- مناسب لـ: الانتفاخ، الغازات، والإحساس الدائم بالامتلاء.
___
4️⃣. كولوفرين SR:

- المادة الفعالة: Mebeverine 200mg – ممتد المفعول
- نفس تأثير العادي لكن بمفعول أطول
- مناسب لـ: الحالات المزمنة اللي محتاجة راحة مستمرة.
___
🧠 الخلاصة:-

- العادي: تقلصات بسيطة
- ال A: قولون مرتبط بالتوتر والقلق
- ال D: انتفاخ وغازات
- ال SR: راحة طويلة في الحالات المزمنة
- كل الأنواع تُؤخذ قبل الأكل بـ20–30 دقيقة
- لو في دم في البراز، حرارة، أو فقدان وزن → ضروري تروح لطبيب فورًا.🩵

24/09/2025

🧠 الكورتيزون للأطفال.. إمتى نستخدمه وإمتى لأ؟
- جلد الأطفال حساس جدًا، وعشان كده لازم نكون عارفين إمتى الكورتيزون ينفع وإمتى يضر:
___
🧠 إمتى نستخدمه؟

- في التهابات جلدية متوسطة/شديدة (زي الإكزيما أو التهاب الجلد التأتبي).
- لو المرطبات لوحدها ماكفتش.
- بوصفة طبيب فقط.
___
🧠 إمتى نتجنبه؟

- التسلخات البسيطة أو الطفح الخفيف (المرطبات تكفي).
- منطقة الحفاض (امتصاص عالي وخطر).
- الوجه إلا بكورتيزون ضعيف جدًا وتحت إشراف.
- لو فيه عدوى بكتيرية أو فطرية نشطة.
- أي استعمال طويل أو متكرر من غير متابعة.
___
🧠 الأنواع الأنسب (ضعيفة القوة):

Hydrocortisone 1% → الأكثر أمانًا. (Daktacort)

Hydrocortisone butyrate 0.1% (texacort)

(Betnovate 0.025% (Betamethasone valerate
وتأثيره ضعيف وبيعمل مشاكل.
___
🧠 الخلاصة:

- المرطبات دايمًا هي الأساس أشهرهم
( Zinc olive - Sudocream - sanosan - Happiness - Baby dara)
- الكورتيزون مش ممنوع، لكن استخدامه لازم يكون بحذر، وبأضعف تركيز، ولأقصر مدة، وتحت إشراف طبيب.

21/09/2025

💉 لقاح الإنفلونزا الرباعي (Influvac Tetra)
- لقاح (Inactivated) بيحمي من 4 سلالات من فيروس الإنفلونزا وبيتم تحديث تركيبته كل سنة بناءً على توصيات منظمة الصحة العالمية.
___
🧠 مين ياخده؟

- مسموح من عمر 6 شهور فما فوق.
- الأطفال أقل من 9 سنوات اللي أول مرة يطعموا → بياخدوا جرعتين بينهم 4 أسابيع.
- باقي الأعمار → جرعة واحدة سنويًا (0.5 مل).
___
🧠 مين أكتر ناس محتاجينه؟

- الحوامل والمرضعات.
- مرضى القلب، الكُلى، الرئة، السكر، والأورام.
- مرضى ضعف المناعة أو اللي بياخدوا علاج مثبط للمناعة.
- كبار السن (65 سنة فأكثر).
- الأطفال مرضى الربو.
- العاملين في القطاع الصحي.
___
🧠 طريقة الإعطاء:

- من 6 شهور – 35 شهر: في عضلة الفخذ.
- من 36 شهر فما فوق: في عضلة الكتف (الدلتويد).
___
🧠 موانع الاستعمال والاحتياطات:

- تأجيل التطعيم في حالة وجود عدوى حادة أو حرارة عالية.
- مش ممنوع مع نزلة برد بسيطة.
- مرضى حساسية البيض: التطعيم ممكن بأمان في معظم الحالات، ولو الحساسية شديدة جدًا يتم التطعيم تحت إشراف طبي.
___
🧠 الأعراض الجانبية:

- شائعة: صداع، ألم عضلي، تورم أو احمرار مكان الحقن.
- عند الأطفال: فقدان شهية، قيء، حرارة بسيطة.
___
🧠 الخلاصة:
- اللقاح مش بس بيقلل فرصة الإصابة بالإنفلونزا، لكنه أهم من كده بيقلل جدًا المضاعفات الخطيرة خصوصًا لمرضى الأمراض المزمنة وكبار السن عشان كده مهم يتاخد كل سنة قبل موسم الشتاء.

16/09/2025

🧠 كتافلام vs فولتارين.. إيه الفرق؟
___
1️⃣. المادة الفعالة: الاتنين فيهم ديكلوفيناك (NSAID) لكن:

كتافلام = Diclofenac Potassium
فولتارين = Diclofenac Sodium
___
2️⃣. الامتصاص والمفعول:

- كتافلام: أسرع امتصاص → مفعول سريع (مناسب للألم الحاد زي صداع نصفي/مغص/ألم أسنان).
- فولتارين: أبطأ شوية لكن مفعوله أطول (مناسب للألم المزمن زي التهابات المفاصل).
___
3️⃣. الآثار الجانبية: متشابهة

- مشاكل معدة: حموضة، مغص، قرحة/نزيف.
- كلى: احتباس سوائل أو تدهور وظائف الكلى.
- قلب وضغط: ارتفاع ضغط وزيادة خطر جلطات مع الاستخدام الطويل.
- كبد: ارتفاع إنزيمات (نادر).
- أعراض أخرى: صداع، دوخة، طفح جلدي.

- يتجنبوا في: قرحة نشطة، فشل كبدي/كلوي شديد، جلطة حديثة.
___
🧠 الخلاصة:

- كتافلام ← أسرع
- فولتارين ← أطول

15/09/2025

15/09/2025

🧠 مش أي كريم كورتيزون ينفع يتدهن في أي مكان !!
- الكورتيزونات الموضعية بتتصنف حسب قوتها:
___
🧠 Very Potent / Potent (قوي جدًا – قوي)

- أمثلة:
Clobetasol (Dermovate)
Betamethasone (Betaderm)

- الاستخدام: على الجلد السميك (راحة اليد، باطن القدم، فروة الرأس).
- ممنوع على الوجه أو المناطق الحساسة → لأنها تسبب ترقق الجلد ومضاعفات خطيرة.
- مدة الاستخدام: لا تتعدى أسبوعين متواصلين، ولو مزمن ممكن يومين بالأسبوع تحت إشراف طبي.
___
🧠 Moderate (متوسطة القوة)

- مثال: Mometasone (Momenta).

- أقل خطورة لكن برضه غير آمنة على الوجه أو الثنايا إلا لفترات قصيرة جدًا وتحت إشراف طبي.
- مدة الاستخدام: عادة من 2–4 أسابيع كحد أقصى.
___
🧠 Mild / Low Potency (ضعيفة القوة)

- مثال: Hydrocortisone (Texacort).

- أأمن نسبيًا على الوجه والمناطق الحساسة، لكن برضه الاستخدام يكون قصير المدى.
- مدة الاستخدام: ممكن لغاية 4 أسابيع، لكن على الوجه أو الجلد الحساس يفضل ≤ أسبوعين.
___
🧠 الخلاصة:

- الكورتيزونات القوية جدًا والقوية → للجلد السميك فقط ولأقصر مدة ممكنة.

- المتوسطة → ممكن لفترة محدودة (2–4 أسابيع) لكن مش للوجه.

- الضعيفة (Hydrocortisone) → أأمن خيار نسبيًا للوجه، مع مدة قصيرة (≤ أسبوعين).

- الإستخدام تحت إشراف الصيدلي أو طبيب مختص.

11/09/2025

Oracure Gel Vs Miconazole Oral Gel
___
🧠 تعالى أولاً نفرق بين حاجتين [ Thrush - Aphthous ]
وهحط صورة ليهم تحت في الكومنتات.🩵

1️⃣. Oral Thrush (فطريات الفم)
- السبب: زيادة نمو فطر Candida albicans ( فطري )
- العلامات:
طبقة بيضا/كريمية على اللسان أو الخدود من الداخل.
بتتشال بسهولة وتسيب سطح أحمر أو ينزف.
إحساس حرقان أو طعم معدني.
شائع بعد مضاد حيوي لفترة طويلة أو مع ضعف المناعة.
___
2️⃣. Aphthous ulcers ( تقرحات الفم البسيطة)
- السبب: مش فطريات! غالبًا نتيجة: ضعف المناعة - نقص فيتامينات (B12 – Folate – Iron). توتر أو أكل ساخن.
- العلامات:
قرحة صغيرة مدوّرة أو بيضاوية.
لونها أبيض/أصفر في النص وحواليها هالة حمرا.
وجع شديد مع الأكل والشرب.
مش بتظهر كطبقة بيضا زي Thrush.
غالبًا بتلتئم خلال 7–10 أيام.
___
🧠 نرجع بقا للأدوية:

1️⃣. العلاج المناسب ل ORAL THRUSH
Miconazole Oral Gel → لأنه مضاد فطري قوي بيعالج السبب الأساسي.
2️⃣. العلاج المناسب ل APHTHOUS ULCERS
Oracure Gel → لأنه يحتوي على Lidocaine بيسكن الألم مؤقتاً و يحتوي على Cetylpyridinium chloride مطهّر ضعيف يخفف الأعراض لكنه مش بيعالج الفطريات.
___
🧠 الخلاصة

- Oral Thrush = فطريات → محتاج Miconazole Oral Gel.

- Aphthous Ulcer = قرحة بسيطة → محتاجة تسكين بالألم + مطهّر زي Oracure Gel.

04/09/2025

صيدليات دكتور محمود عبد المنعم تهنئكم بمناسبة المولد النبوي الشريف 🌙✨

اللهم صلِّ وسلم وبارك على سيدنا محمد وعلى آله وصحبه أجمعين 💙
نتمنى لكم أيام عامرة بالخير واليُمن والبركات، وكل عام وأنتم بخير 🌸

02/09/2025

♻️سبتمبر 2018 كان نقطة البداية الحقيقية لفروعنا…
✨بدأنا بهدف واضح
نشر الوعي الصحي وتوضيح الدور الحقيقي للصيدلي في قريتنا البسيطة في وقت كان من الصعب تلاقي فيه دكتور صيدلي متواجد فعليا لخدمة الناس وإرشادهم.

✨من اول يوم بذلنا مجهود علشان نكسب ثقة أهلنا وواجهنا مفاهيم خاطئة كتير وغيرناها خطوة بخطوة.

✨اخترنا نكون دايما في قلب أهلنا ووسط ناسنا وأصولنا اللي بنتشرف بيها وقررنا نوفر كل طاقتنا وعلمنا وخبرتنا من غير أي تقصير.

والحمد لله… ثقة أهلنا كانت هي الدافع اللي خلى كل تعبنا يفرق ويثمر.

النهارده بعد مرور 7 سنين من العطاء والالتزام بنقول لكل واحد وقف معانا ووثق فينا ودعمنا بكلمة طيبة 💕
شكرًا ليكم…
أنتم سر نجاحنا واستمرارنا 💪

وبمناسبة مرور السنة السابعة حبينا نرد الجميل ونفرحكم بعرض خاص
خصومات تصل لحد 15% في كل فروعنا علشان نفرح معاكم بالرحلة اللي ابتدت بيكم ولسه مكملة بيكم ♥️

محمود عبدالمنعم
دمتم بخير

31/08/2025

🔸وراء كل روشتة في فريق بيصنع فرق حقيقي 🔸

إحنا في صيدليات محمود عبدالمنعم مؤمنين إن الصيدلي مش بس بيصرف دواء لا كمان بيصنع فرق حقيقي في كل بيت🏠
علشان كده حريصين دايمًا إن فريقنا يكون على أعلى مستوى علمي ودايمًا بيتطور ويتعلم علشان يقدملكم نصيحة دوائية مظبوطة من غير أي أخطاء 👌

ومش بس اخترنا صيادلة شاطرين وكفاءتهم عالية لكن كمان بنشجعهم على التطوير المستمر وندعمهم في طريق الدراسات العليا والتخصصات المختلفة.

وده اللي بيفرقنا… إننا دايمًا بنكون خطوة قدام علشان صحتكم تكون دايمًا بخير 💕

✨مبروك لفريقنا المميز على إنجازاتهم الأخيرة
• د. رحمة أحمد👩‍⚕️: دبلومة التغذية العلاجية والسمنة والنحافة + دبلومة الكوزمو للعناية بالشعر والبشرة.
•د. أميرة عبد الفتاح👩‍⚕️: ماستر فارم دي.
• د. إسراء والي 👩‍⚕️: ماستر فارم دي.
• د. إسراء مجدي👩‍⚕️: دبلومة الصيدلة الإكلينيكية.
• د. عبد الكريم شعبان🧑🏼‍⚕️: اجتياز امتحانات البرومترك.
• د. عمار أحمدي🧑🏼‍⚕️: دبلومة التصنيع الدوائي.

متواجد دايما طبيب صيدلي مؤهل في كل فروعنا للإجابة علي أسئلتكم واستفساراتكم

دمتم بخير 🌿

29/08/2025

🧠 | الفرق بين أدوية التورمات (Enzyme Therapy)

كتير من الناس بيلخبطوا بين أسماء أدوية زي:
Alphintern – Ambezim – Metapsin – Oponov – Allzyme Max
ويفتكروا إنهم كلهم زي بعض… لكن الحقيقة إن في فرق مهم
___
1️⃣. Alphintern – Ambezim – Allzyme Max

- المكونات:
Trypsin + Chymotrypsin
(Allzyme Max فيه كمان Bromelain)

- آلية العمل:
تكسير البروتينات الالتهابية وبقايا الخلايا التالفة.
تقليل التورم والانتفاخ.
تسريع الالتئام بعد الجروح أو العمليات.

- الاستخدام:
تورمات بعد العمليات – الكدمات – الإصابات.

- الدراسات:
أظهرت تجارب سريرية إن مزيج Trypsin + Chymotrypsin بيقلل مدة التورم والكدمات بعد العمليات الجراحية البسيطة وبيسرّع الشفاء مقارنة بالـ Placebo.

وجود Bromelain في بعض التركيبات (زي Allzyme) أظهر تأثير إضافي في تقليل الألم والتورم بعد إجراءات الأسنان والجراحة التجميلية.
___
2️⃣. Metapsin – Oponov

- المكونات:
Bromelain + Trypsin + Rutoside (+ أحيانًا L-Leucine)

- آلية العمل:
Bromelain: يقلل التورم عن طريق تكسير وسائط الالتهاب والتجلط.
Rutoside: يقوي جدار الشعيرات ويقلل الكدمات والتجمع الدموي.
L-Leucine: يساعد في ترميم الأنسجة وتحسين امتصاص الإنزيمات.

- الاستخدام:
تورمات مرتبطة بالأوعية – الكدمات – مشاكل الدورة الدموية الطرفية.

- الدراسات:
أبحاث على تركيبة Bromelain + Trypsin + Rutoside أظهرت انخفاض واضح في الألم والتورم والكدمات بعد الإجراءات الجراحية، وإن الفعالية بتكون قريبة من بعض مضادات الالتهاب غير الاستيرويدية (NSAIDs).

الدراسات بتوضح برضه إن إضافة Rutoside بيفيد أكتر في تقليل نفاذية الأوعية الدموية وبالتالي يقلل الكدمات.
___
🧠 الخلاصة:-

- Alphintern / Ambezim / Allzyme Max ➜ الأفضل للكدمات والتورم بعد العمليات أو الإصابات.

- Metapsin / Oponov ➜ أقوى في حالات التورم اللي فيها عامل وعائي أو كدمات شديدة.

⚠️ احتياطات:

- لازم الحذر مع أدوية السيولة (مضادات التجلط أو مضادات الصفائح).

- مش بديل عن المضاد الحيوي في حالات العدوى أو الخراج.