دكتور محمد عبدالعزيز استشارى الأطفال وحديثى الولادة

14/02/2026

ماما طفل بتقولي شاطر يا دكتور، كلامك زي كلام الـ AI .

طبعا يا ام محمد
دكتور انا ولا مش دكتور

03/02/2026

لو عاوزة تحمى طفلك من الانيميا من بدرى .. يبقى اول ماطفلك يتم الشهر الرابع .. على طول لازم تبدأى معاه حديد خصوصا لو بيرضع طبيعي ..
ازاى يا دكتور ..ده لبن الام كفاية ؟
-أحب اقولك ان الطفل اول مايوصل الشهر الرابع احتياجه من الحديد بيزيد .. وحتى لبن الام مش بيكفى احتياجه من الحديد .

- معظم اطفالنا للاسف عندهم انيميا نقص الحديد ومستواهم الدراسى ومستوى ذكائهم بعد كده بيضعف بسبب نقص الحديد

- يبقى من الشهر الرابع كده تبدأى تدى جرعة حديد وقائية

الادوية والجرعات حسب الطبيب المعالج

🏢المحطة برج ابوشاهين اعلى عالم ماركت
يوميا من 1 ظهرا ل 4 عصرا
ومن 7 ل 10 مساءا


للحجز والاستعلام

📱 01090090381

📱 012 12812595

📱 01555530595

يرجى الاتصال قبل الحضور
#ابوكبير.

29/01/2026

تُحفة فنية وقعت من أميرة صغيرة 😻 فى العيادة انهرده

28/01/2026

الأطفال لو تُركوا على فطرتهم،
ستجدهم يلتهمون الزبدة من العبوة مباشرة دون تردد.
يختارون اللحم المليء بالدهن قبل القطع الجافة.

يرفضون الخضراوات إلا إذا غُمرت بالجبن أو أُخفي طعمها.
يصومون تلقائياً عندما لا يشعرون بالجوع، ويتوقفون عن الأكل عندما يشبعون.

هذه هي البيولوجيا السليمة.

ثم نتدخل نحن ونفسد كل شيء:

• نُجبرهم على الإفطار وهم غير جائعين
• نضغط عليهم ليُنهوا الخضراوات “عشان الفيتامينات”
• نُخوفهم من الدهون
• نُعوّدهم على القضم المستمر بين الوجبات
• نربط الفرح والمكافأة بالسكر والحلويات

فنحوّل أجساماً كانت تضبط شهيتها بدقة
إلى أجسام مشوشة لا تفهم الجوع من الشبع.

بعدها نستغرب:

لماذا السمنة؟
لماذا مقاومة الإنسولين؟
لماذا الإدمان على الأكل؟

الحقيقة المؤلمة:
نحن لا نُعلّم الأطفال كيف يأكلون صح.
نُعلّمهم كيف يتجاهلون إشارات أجسامهم،
وكيف يستبدلون الحكمة الفطرية بقواعد صناعية،
ثم نطلب من أجسادهم أن تدفع الثمن.

أنا أتحدث هنا عن تركهم مع الأطعمة الطبيعية على فطرتهم،
لا عن تركهم فريسة لأطعمة مصمَّمة مخبريًا لاختراق مراكز الشبع والإدمان في الدماغ.

فلا تتذاكى وتقول: “إذن سيأكلون البيتزا بشراهة”؛
البيتزا نفسها نتاج هندسة كيميائية–عصبية تستهدف الشهية لا التغذية.

استخدم عقلك:
لا تضع بين يدي طفلك طعامًا صُمّم ليكسر آليات الشبع الفطرية،
ثم تتعجّب أنه فقد السيطرة.

أطعِم طفلك ما خُلق ليُؤكل،
لا ما صُنِع ليُدمن

✨ ✨

23/01/2026

ادوار البرد المنتشرة حاليا بتقلب بسرعه لنزلات شعبية حاده والتهاب رئوى خصوصا تحت عمر 6شهور
للاسف معدل حجز الحالات زاد لاحتياجهم الأكسجين فى الفترة الاخيرة
الاهتمام بتسليك الانف والجلسات والبعد عن اى روائح نفاذة والهوا البارد والمتابعه مع الطبيب المعالج كل يومين

⬅️معدل التهدور سريع

🏢المحطة برج ابوشاهين اعلى عالم ماركت
يوميا من 1 ظهرا ل 4 عصرا
ومن 7 ل 10 مساءا

للحجز والاستعلام
📱 01090090381
📱 012 12812595
📱 01555530595
يرجى الاتصال قبل الحضور
#ابوكبير.

15/01/2026

أكتر حاجات بتطول دور الكحة عند ابنك وما يخفش بسرعة وحتى لما يخف يرجع ينتكس تانى 👇 :

1-التدخين : دخان السجاير والشيشة وما شابه .. ده اشهر واهم سبب للكحة المزمنة عند طفلك خصوصا لو عنده حساسية صدر

2- البرفانات - المعطرات - التراب - البخور وكل ماله رائحة نفاذة .. حتى الفرو واللبس الجديد اللى مش بيتغسل واللبس المركون من الشتا اللى فات .. والتعامل مع حيوانات المنزل زي القطط والكلاب .. كل دى للاسف عوامل خطورة انتى مش بتاخدى بالك من هنا .. ومهما كان العلاج اللى بتديه برضه للاسف ابنك هينتكس

3- حساسية الانف : الاطفال دول بيبقى عندهم حاجة اسمها او ارتجاع المخاط الخلفى .. وده بيحصل طول الوقت مع التعرض للعوامل اللى قولناها فوق .. فيبدأ ابنك يرشح وبعدين يبدأ مسلسل الكحة المستمرة

4- ارتجاع المرئ : سبب هام وقوى لاستمرار الكحة وخصوصا عند اطفال حساسية الانف والصدر

5- السكر : المواد المصنعة والمحلاة والسكر الابيض والحلويات .. ده له سبب فى استمرار التعب عند ابنك

واخيرا انك تلاقى ابنك بيكح وتتجاهلى ده وتبدأى تدى علاج من عندك من غير الرجوع لطبيبك لاقدر الله ممكن يدخل طفلك فى التهاب رئوى او مشاكل انتى فى غنى عنها ..

ماتنسيش لو ابنك عمره اكبرمن سنة
🔹معلقة عسل ابيض على نصف كوب ماء دافئ على نصف ليمونة
له دور ممتاز انهم يهدوا الكحة عند ابنك

🏢المحطة برج ابوشاهين اعلى عالم ماركت
يوميا من 1 ظهرا ل 4 عصرا
ومن 7 ل 10 مساءا

للحجز والاستعلام
📱 01090090381
📱 012 12812595
📱 01555530595
يرجى الاتصال قبل الحضور
#ابوكبير.

12/01/2026

عقدة الحبل السري
التفاف الحبل السرى للجنين حول نفسه
ممكن يؤدى الى الوفاة

08/01/2026

نظرا لكثرة الاسئله بخصوص الالبان
دا العلب اللى فيها مشكلة
وممكن تسبب ترجيع او مغص للاطفال
لو العلبة عليها الارقام دى تترمى فورا

اسم المنتج رقم التشغيل كمية المباعة بالعبوة تاريخ الإنتاج تاريخ الانتهاء

Nan Comfort 1 51510346AC 109,884 31/05/2025 30/11/2026
Nan OptiPro 1 51370346AA 38,160 17/05/2025 17/05/2027
Nan OptiPro 1 52650346AA 16,092 28/09/2025 28/09/2027
Nan OptiPro 1 51460346AB 10,944 26/05/2025 26/05/2027
Nan OptiPro 1 51460346AA 124,608 26/05/2025 26/05/2027

07/01/2026

لكل اللى بيسال على مشكلة لبن نان
علب معينة الموجودة تحت اللى فيها مشكلة
اللى بيستخدمها يوقفها فورا

📌 تحذير غذائي بشأن السحب الاحترازي لعدد محدود من تشعيلات بعض منتجات حليب الأطفال................................................................

بيان صادر عن الهيئة القومية لسلامة الغذاء:

تحديث بيانات – متابعة إجراءات السحب الاحترازي، تُعلن الهيئة القومية لسلامة الغذاء عن تنفيذ سحب احترازي لعدد محدود من دفعات منتجات حليب الأطفال من انتاج شركة نستله ، وذلك في ضوء إخطار رسمي ورد إليها من شركة نستلة مصر يفيد بتنفيذ سحب طوعي احتراز ى لهذه الدفعات.

المنتجات المعنية بالسحب الاحترازي
اسم المنتج رقم التشغيل كمية المباعة بالعبوة تاريخ الإنتاج تاريخ الانتهاء
Nan Comfort 1 51510346AC 109,884 31/05/2025 30/11/2026
Nan OptiPro 1 51370346AA 38,160 17/05/2025 17/05/2027
Nan OptiPro 1 52650346AA 16,092 28/09/2025 28/09/2027
Nan OptiPro 1 51460346AB 10,944 26/05/2025 26/05/2027
Nan OptiPro 1 51460346AA 124,608 26/05/2025 26/05/2027
S-26 GOLD AR 5125080661 22,368 05/05/2025 27/10/2026
S-26 GOLD AR 5183080661 31,512 02/07/2025 24/12/2026
S-26 GOLD AR 5231080661 6,804 19/08/2025 10/02/2027

سبب السحب الاحترازي
رصد وجود آثار لمادة (Cereulide)، الناتجة عن بكتيريا (Bacillus cereus)، في أحد المكونات الأولية (زيت حمض الأراكيدونيك – ARA) المستخدم في التصنيع، وهي مادة قد تؤدي، في حال التعرض لها، إلى الغثيان والقيء الشديد، خاصة لدى الأطفال.
إجراءات الهيئة
• تنفيذ سحب احترازي فوري للدفعات محل التحذير اعتبارًا من 7 يناير 2026.
• متابعة إجراءات السحب بالتنسيق الكامل مع شركة نستله.
• إلزام الموردين والموزعين بـ الوقف الفوري لتداول المنتجات التي تحمل أرقام التشغيلات الواردة أعلاه.

توصيات للمستهلكين
• ضرورة التحقق من أرقام التشغيلات على العبوة.
• في حال تطابق بيانات المنتج، يُوصى بـ التوقف فورًا عن استخدامه والتخلص منه بطريقة آمنة.
• الالتزام بالتعليمات الصادرة عبر القنوات الرسمية للهيئة.
وتؤكد الهيئة القومية لسلامة الغذاء أن هذا الإجراء يأتي كإجراء احترازي استباقي في إطار حرصها على حماية صحة وسلامة المستهلكين، لا سيما الأطفال.

وتناشد الهيئة المواطنين بضرورة الإبلاغ الفوري عن أية مخالفة قد تمس سلامة الغذاء أو تشكل خطرًا على الصحة العامة، ويمكن تقديم الشكاوى من خلال البوابة الإلكترونية لمنظومة الشكاوى الحكومية الموحدة – مجلس الوزراء عبر الرابط
: https://www.shakwa.eg/GCP/Default.aspx
، أو عبر الخط الساخن 16528، كما يمكن التواصل المباشر مع الإدارة العامة لخدمة المواطنين بالهيئة على الرقم: 01555771100 (اتصال أو واتس آب)، أو من خلال البريد الإلكتروني
: consumer.complain@nfsa.gov.eg، وذلك لاتخاذ كافة الإجراءات القانونية اللازمة حيالها.

03/01/2026

شعارنا الاسبوع ده
يا دكتور احنا كاشفين عندك مكملناش شهر
والولد جاله نفس التعب تانى
حضرتك تقصدى كاشفة السنة اللى فاتت يا ام محمد 😁

27/12/2025

يحدث الان خصوصا الفترة دى
دايما الأمهات بتسألني عن سبب التعب المتكرر عند الأطفال

ست الكل العادي ان الناس كلها تتعب كل شوية في الجو ده

مش كل الناس صحتها بمب زيك عزيزتي الأم