06/09/2025
المدارس على الأبواب والماميز الجميلة بدأت تتوتر وتحس بضغط هنرجع للروتين إزاي بعد فوضى الأجازة 🫣
احنا في زمزم حاسين بيكي وبنقدملك دعم وحب ونصايح عملية ل 😌📚
هتعملي إي علشان بالتدريج نرجع لروتين المدرسة🎒📚
١. حاولي ترجعي للروتين قبل الدراسة بشوية
🌸 ابدئي ظبطي مواعيد النوم والصحيان بالتدريج...
طيب لو الولاد أتعودوا يسهروا؟! 🤔
زودي نشاطات النهار وقللي النوم خلال اليوم علشان يجي الليل يحسوا انهم تعبوا ومحتاجين يناموا 😴
🌸حددي وقت للقراية📚 وشاركيهم قصص بيحبوها ..وخليه وقت ممتع فيه إنجاز وحماس📖
·
٢. جهزي "ركن المذاكرة" من دلوقتي
🌸وشاركيهم تصميمه قوليلهم تحبوا مكان المذاكرة يبقى فين، طيب تعالوا ننظمه مع بعض وخليهم يختاروا بنفسهم أدواتهم علشان يحسوا إن المكان دا مسؤليتهم ..وخلي الإضاءة فيه مريحة للعين والمكان هادي من غير مشتتات☑️
٣. قائمة مستلزمات الدراسة:
خلي كل واحد يكتب في ورقة الحاجات اللي محتاجها..وانزلوا اشتروها مع بعض علشان يحسوا بالفرحة والإنجاز والحماس ✨
٤. ابدئي حوار إيجابي عن المدرسة
· اسأليهم : "أكثر حاجة بتكون متحمسين لها؟" أو "هل في شيء قلقانين منه؟".
· فكريهم بالأصدقاء والأنشطة الحلوة اللي بينتظروها وعززي عندهم فكرة أن المدرسة مش دراسة بس، ده مكان للتجربة والمرح.
٥. جهزي أول يوم مدرسة قبلها بالليل
· في الليلة الأولى قبل الدراسة، رتبي مع اولادك شنطهم ولبسهم خليهم يجهزوه من بالليل علشان يحسوا بمسؤلية وحماس واستقلال😁
وحضري اللانش بوكس من بالليل لو تقدري علشان الصبح تبقى الأمور تمام من غير عجلة وتوتر 😌
---
🌸خليكي مرنة وهادئة... محدش مثالي! أول أسبوع ممكن يبقى فيه فوضى وحاجات منسيّة، ودا طبيعي. الأهم أنكم بتكونوا مستعدين نفسيًا وتعرفوا تتأقلموا وتستمتعوا بتجربة الدراسة إنتي وولادك.
العودة للمدرسة بداية جديدة... استمتعوا بالرحلة إنتي وولادك 🌟
🌹
