Diet time . دايت تايم للسمنة والنحافة

  • Home
  • Egypt
  • Aga
  • Diet time . دايت تايم للسمنة والنحافة

Diet time . دايت تايم للسمنة والنحافة يالا نغير مفهونا عن التغذية والدايت🥗 ونتشارك في إزاي نفهم جسمنا ونتعامل معاه بشكل صحي أون لاين 🥰♥️ دايت تايم.

Diet Time
- بيقدمك نظام غذائي متفصل علي احتياجاتك
- بيساعدك علي فهم طبيعية جسمك لحل مشاكلك
- بغير سلوكك التغذوي لحياه صحية
- بينظم تعاملك مع مشاعرك لحل مشكلة الجوع العاطفي
- بيمدك بأفكار وطرق جديدة لتحسين جوده أكلك

= أنا سمعت ناس كتيرة بتعمل نظام اسمه الصيام المتقطع وجاية أعرف دا بيتعمل ازاي ؟؟؟- بصي يا عزيزتي دا نظام غذائي بتحددي ف...
04/09/2023

= أنا سمعت ناس كتيرة بتعمل نظام اسمه الصيام المتقطع وجاية أعرف دا بيتعمل ازاي ؟؟؟
- بصي يا عزيزتي دا نظام غذائي بتحددي فيه وقت الأكل ووقت للصيام زي رمضان كدا !!!
= إي دا يعني هصوم شهر ؟؟
- لأ مش بالظبط كدا !! أنا هفهمك
-هو في طريقتين
1- يعتمد علي عدد الساعات واسمه نظام (8-16) يعني تأكلي خلال 8 ساعات وتصومي 16 ساعه بما فيهم ساعات النوم .
2- يعتمد علي الأيام واسمه نظام ( 2-5 ) يعني تصومي يومين وتفطري 5 ايام .
=طب المفروض اختار أنهي نظام فيهم ؟؟؟
- دا بيتوقف علي اسلوب حياتك وحالتك الصحية .
= طب يعني أكل براحتي الي أنا عايزاه خلال 8 ساعات ؟؟
- لأ طبعا دا بيكون برده نظام محسوب السعرات ومتحدد عدد الوجبات !!!
= طب ليه مش بأكل أي نوع أكل براحتي طالما هصوم بقي ؟؟
= عشان النظام دا بيعتمد علي تنظيم إفزار الإنسولين في أوقات معينة
ب سعرات محددة لتحسين معدل الحرق وليس الهدف الجوع والصيام .
* كل نظام غذائي ليه سيستم لازم نطبقه عشان ينجح ويكون صحي لجسمنا *

02/09/2023

= إزاي ممكن أقلل شهيتي ؟؟؟
- في خطوتين مهمين أوي بيساعدوا الجسم علي التحكم في الشهية !!
- أولاً تحديد مواعيد الاكل .
- ثانياً التركيز علي تناول البروتين والخضار في الوجبات .
= طب بيحصل إي لما بعمل كدا ؟؟
- لما بتحدد مواعيد الاكل دا بينظم إفراز هرمون الأنسولين و الجريلين وهما المسؤولين عن الجوع والشبع يعني هتقلل الاحساس المستمر بالجوع وهيكون ليه اوقات محددة .
- أما البروتين والخضار دول أهم مكونات غذائية بتعلي إحساس الشبع لفترات طويلة .
= يبقي كدا إنت قدرت تتحكم في الهرمونات و كمان زودت احساسك بالشبع .
= جربوا الخطوتين دول وقولنا النتيجة في الكومنتات .

26/08/2023

Your health need some time , so you must take care of your diet to achieving your a psychological and physical balance , so this is our mission at Diet Time Online.♥️

25/08/2023

= أنا ليه بحس بدوخه او هبوط فجاءة خصوصا فالجو الحر دا .
- درجات الحرارة العالية بتأثر علي الجسم وبتخليه يفقد كمية مياه في صورة عرق عشان يخفف درجه حرارة الجسم .
= طب دا إي علاقته بالدوخة او الهبوط؟؟؟
- علاقته إن من ٥٠-٧٠% من جمسك مياه ؛ وهي أهم عنصر لأداء العملات الحيوية ف جسمك ؛ بالتالي لما بتقل بيحصلك جفاف و أجهزة جسمك مش بتشتغل بشكل كويس وعشان كدا بتحس بالدوخة .
= يعني لما ادوخ أشرب مياه بس ؟؟؟
- لأ اشرب مياه و ظبط ضغطك واقعد ف مكان فيه تهوية .
= طب ضغطي ماله هو كمان ؟؟
- درجة الحرارة العالية بتأثر علي الدورة الدموية وممكن تسبب أن الدم يروح اكتر للجلد عشان يظبط درجه حرارته وبالتالي ضغطك يقل وتحس ب هبوط .
= انا كدا فهمت هعمل اي لو حسيت بالاعراض دي .
- حاول تحمي نفسك من الأعراض دي إنك تشرب كمية مياه مناسبة واتجنب الشمس وظبط ضغطك .

24/08/2023

= الشيا مش مجرد بذور .
- دي طاقة وشبع 😍
= الي جرب وصفات مختلفة يقولنا في الكومنتات !!!

* معلقة من بذور الشيا تحتوي علي 70 سعر حراري .* تضاف إلي كوب مياه وتترك لمدة( 20-30 ) دقيقه ثم تشرب .
24/08/2023

* معلقة من بذور الشيا تحتوي علي 70 سعر حراري .
* تضاف إلي كوب مياه وتترك لمدة( 20-30 ) دقيقه ثم تشرب .

= دكتور انا عايزة أعمل زي صحبتي خست 10 كيلو ف اسبوعين .- يسلام وصحبتك عاملة اي دلوقتي بعد ما خسيتهم ؟؟؟= هي بصراحة مبسو...
24/08/2023

= دكتور انا عايزة أعمل زي صحبتي خست 10 كيلو ف اسبوعين .
- يسلام وصحبتك عاملة اي دلوقتي بعد ما خسيتهم ؟؟؟
= هي بصراحة مبسوطة وشكلها اتغير ف وقت قصير بس حصل معاها
شوية حاجات مش حابها وانا مش عايزة يحصل معاي كدا .
- حاجات زي اي بقي ؟؟
= ظهرلها هالات سودة و شكل بشرتها بهتان وكمان شعرها بدأ يقع .
- طب وانتي معملتيش النظام الي هي عملاه ليه عشان تخسي زيها ؟؟؟
= بصراحة أنا مش عايزة بشرتي وشعري يتأثروا !!!
- لأ هو الموضوع أكبر من كدا .
= إزاي دا ؟؟
- معدل نزول الوزن الطبيعي من 1-2 كيلو في الإسبوع وخسارة وزن الكتير في
وقت قصير بتعمل مشاكل صحية كتير .
= ااه قصدك مشاكل الشعر والبشرة .
- لأ هو أكبر من كدا .
= طب إزاي يعني ؟؟
- عدي معاي المشاكل
- بتفقدي عضلات ودهون ومياه.
- بتاثري بشكل سلبي علي معدل الحرق .
- صداع ودوخة وممكن أنيميا .
- حالة من الضعف العام ومشاكل في الغدة الدرقية .
= كل دا وانا الي كنت مفكرة أنها مشاكل بشرة وشعر لأ انا هلتزم بنظام صحي أحسن .
- أيوا بالظبط مش كل حاجة نشوفها نبقي عايزين نجربها أهم حاجة نحافظ ع صحتنا .

= دكتورة الحقيني !!!! أنا ماشية على النظام بالظبط ومنزلة تطبيق علي موبايلي عشان احسب سعرات كل حاجة ، بس وزني مش بينزل ك...
23/08/2023

= دكتورة الحقيني !!!! أنا ماشية على النظام بالظبط ومنزلة تطبيق علي موبايلي عشان احسب سعرات كل حاجة ، بس وزني مش بينزل كتير.
- هو دا الموضوع بقي علي فكرة الموقف بسيط .
= يعني إيه بقي ؟
- بصي الجسم مش زي العداد اللي بتعدي عليه سعرات عشان ينزل وزن ، الجسم بيحصل فيه عمليات وتفاعلات حيوية أعمق من كده .
= أنا مش فاهمة حاجة ؟؟
- هشرحلك الجسم إعتبريه زي البيت ليه أبواب وشبابيك ، هو ينفع حد يدخل البيت من غير ما يفتح البيت بمفتاح الخاص بيه .
= لأ مش هينفع .
- بالظبط دا زي الي بيحصل ؛ الجسم بيفهم الأكل وبينظم عملية الحرق او تخزيين الدهون بالهرمونات مش بالسعرات .
= اي دا يعني تقصدي إني أخلي بالي من هرموناتي لأنه بتأثرعلي وزني والحرق .
- أيوا فعلا صح.
= طيب يعني السعرات مش مهمة؟؟؟
- مش هقول إنها مش مهمة، بس مش هي العنصر الوحيد؛ لازم تراعي نوع الأكل وتوازنه وتأخذي في اعتبارك نشاطك البدني ونومك وحتى مستوى التوتر.
= فهمت! يعني لازم أراعي كل حاجة مش بس السعرات.
- بالظبط ، ومتنسيش تزودي شرب المية وتحافظ على توازنك الهرموني و متستعجليش على النتائج .

الإندومي هو فعلا طعمه حلو لكن الطعم لوحده مش كفاية !!! لأن أضراره أكتر من مميزاته زي :**ارتفاع محتوى الصوديوم:** الإندوم...
23/08/2023

الإندومي هو فعلا طعمه حلو لكن الطعم لوحده مش كفاية !!!

لأن أضراره أكتر من مميزاته زي :

**ارتفاع محتوى الصوديوم:** الإندومي يحتوي علي مستويات مرتفعة من الصوديوم (الملح). ودا يمكن أن يؤدي إلى ارتفاع ضغط الدم وزيادة خطر الأمراض القلبية.

**محتوى غذائي ضعيف:** الإندومي عادةً لا يحتوي على قيمة غذائية كبيرة ويعتبر فقيرًا بالعناصر الغذائية الأساسية زي البروتينات والألياف والفيتامينات والمعادن.

**الدهون المشبعة والمعدلة:** بعض أنواع الإندومي تحتوي على كميات كبيرة من الدهون المشبعة وقد تحتوي على الدهون المهدرجة أو المعدلة وراثياً، وهذا يزيد من خطر الأمراض القلبية والأوعية الدموية.

**المواد الاصطناعية:** أنواع الإندومي تحتوي على مواد اصطناعية مثل الملونات والنكهات والمواد المحسنة للطعم، وهذا يمكن أن يسبب مشكلات صحية في بعض الحالات.

**ارتفاع مستوى السكر:** بعض أنواع الإندومي قد تحتوي على كميات كبيرة من السكر أو المكملات الغذائية السريعة الهضم، وهذا يمكن أن يؤدي إلى ارتفاع مستوى السكر في الدم .

**التعرض للمواد الكيميائية:** تحتوي بعض الاكياس المغلفة للأندومي على مادة تسمى("بيسفينول أ)" (BPA(
التي يعتقد أنها يمكن أن تتسرب إلى الطعام وتكون ضارة للصحة.

= بصي يا دكتورة أنا محبطة وحاسة إني مش هكمل .- فهميني بس كدا حصل اي !!!!= أنا كل ما أقف علي الميزان بلاقي تغير بسيط جد...
22/08/2023

= بصي يا دكتورة أنا محبطة وحاسة إني مش هكمل .
- فهميني بس كدا حصل اي !!!!
= أنا كل ما أقف علي الميزان بلاقي تغير بسيط جدا ف الوزن عكس شكلي .
- كام مرة بقي اتوزنتي ؟؟؟
= تقريبا كل 3 أيام خلال الأسبوعين الي فاتوا .
- طب وليه بتتوزني كتير كدا ؟؟؟
- ببقي عايزة اشوف نتيجة النظام وهل أنا ماشية صح ولا غلط .
= هو إنتي فعلا ماشية غلط بس مش في النظام الغذائي لأ في نظام حكمك علي
مؤشر التغيير .
- أنا مش فاهمة حاجة .
= هقولك المفروض أنك تحكمي علي نجاح نزول وزنك من خلال المقاسات مش الميزان .
- طب دا ليه بقي ؟؟
= هقولك ليه ؛ بس خليني أسالك أنتي بصيتي علي أماكن تراكم الدهون في جسمك .
- اه أخدت بالي أن محيط البطن وكمان منطقة الصدر اتختلفوا عن الاول وعشان كدا جربت
ألبس فستان كان ضيق جدا لقيته كويس ومش ضيق زي الاول .
= فهمتي بقي القصة ولا لسه .
- بصراحة لأ
= عشان إنتي بتنزلي دهون ؛ الدهون بتأخد حيز وتشغل مكان كبير في طبقات الجلد .
= يعني شكلها أكبر من وزنها عشان كدا بتظهر أكتر في المقاس .
- يعني خلاص أبطل أتوزن ؟؟
= عادي اتوزني كل شهر لكن خلي مرجعك هو شكل جسمك ومقاساتك .

22/08/2023

= يا دكتورة أنا معظم الوقت عندي مشآكل ف معدتي .
- طب ممكن توصفيلي المشاكل دي .
= عدم إرتياح بعد الاكل ؛ تُقل في معدتي ؛ وإمساك .
- ااه طب قوليلي إنتي اي أكَتر نوع أكل بتحبيه .
= بصي يا دكتورة أنا مقدرش اعيش من غير المكرونة وياااسلام بقيٓ علي الْمخبوزات .
- طب عدي عليكي أيام مكنتيش بتأكلي الأنواع دي ؟!
= أحيانا بيحصل لما بصَوم .
- طب كنتي بتحسي بنفس الأعراض ؟! .
= لأ !! فعلا كانت بتبقي أقل وأحيانا بتختفي .
- طب إزاي مربطتيش بين نوع الاكل وبين المشاكل .
= عشان كنت مفكرة إن المشكله في معدتي وعشان كدا عطول كنت بأخد أدوية .
- هو حاليا المشكلة في نوع الأكل وأول ما تبطلي دا هتبدأي تحسي إنگ أفضل .
= اي دا يعني أنا مش هأكل مكرونة و مخبوزات تااااني !!!!!!
- لأ هتأكلي بس هتعتمدي علي الحبوب الكاملة زي ( الشعير - الشوفان - البرغل - الأرز البني
- وعيش القمح الكامل ) .
= يعني في مكرونة غير الي أنا اعرفها .
- بالظبط في مكرونة مصنوعة من الشُوفان وكمان مخبوزات من دقيق القمح الكامل .
= ياااه أخيرا مش مصدقة إني هأكل الي نفسي فيه من غير مشاكل .
*مشاكلنا تتلخص في الجودة وإعرف إنك طول مانت بتدور عليها فأنت في الاتجاه الصح*

إبني مبيحبش البيض !!!! - معاناة كل أم بتمر بيها أحيانا بتعرف تقنع إبنها يأكل بس الأغلب بيرفض أو ممكن يوصل الأمر للترجيع😓...
21/08/2023

إبني مبيحبش البيض !!!!
- معاناة كل أم بتمر بيها أحيانا بتعرف تقنع إبنها يأكل بس الأغلب بيرفض أو ممكن يوصل الأمر للترجيع😓.

الأطفال ترفض البيض لأحد الاسباب دي :

**الطعم والرائحة : الأطفال بتحس بقرف من رائحة البيض أو طعمه.
**شكل التقديم : الأطفال بتشوف البيض بشكله التقليدي المسلوق غريب ومش عاطفي.
**الملل والزهق : الأطفال بتمل من الوجبات الي بتكرر كتير بنفس الشكل .
**تأثير البيئة : العوامل المحيطة بالطفل زي إن أطفال حواليه يقولوا رايهم السلبي عن البيض.
**تجارب سابقة : الطفل لو مر بتجربة سلبية سابقة مع البيض، زي انو تعب لما أكله حتي لو تعب ملوش علاقة ب البيض بيفضل طول الوقت رابط بين البيض والتعب.
** الأكل الغير صحي : الطفل لما بيتعود يأكل وجبات كلها ألوان وطعمها حلو بيوصل لمرحلة انو مش حابب اي أكل غير دا .

الحل بقي أني اعالج الأسباب عن طريق :
= مش لازم تقولي للطفل إن الوجبة فيها بيض .
= ساعديه يشاركك في المطبخ وتجهيز الوجبات .
= وصفات جديدة - مختلفة - متنوعة - كلها الوان .

Address

Mansoura
Aga
35764

Website

Alerts

Be the first to know and let us send you an email when Diet time . دايت تايم للسمنة والنحافة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category