What are the opening hours?

Monday 9am - 11pm Tuesday 9am - 11pm Wednesday 9am - 11pm Thursday 9am - 11pm Friday 4am - 10pm Saturday 9am - 11pm Sunday 9am - 11pm

https://www.facebook.com/133172143217697/

معامل الأنوار المحمدية للتحاليل الطبية -AlAnwar Labs, شبراويش بجوار صيدلية المنسي, Aga (2026)

18/02/2026

🌙 عروض شهر رمضان المبارك
تتشرّف إدارة معمل الأنوار المحمدية للتحاليل الطبية بتقديم عرض خاص طوال شهر رمضان

عند إجراء تحليل صورة دم كاملة (CBC)
يتم عمل تحليل سكر بالدم مجانًا
🎁 هدية من المعمل للاطمئنان على صحتكم أثناء الصيام

ينصح بإجراء التحاليل في حال وجود:
إرهاق – دوخة – صداع – إحساس بالهبوط أثناء الصيام

📍 العنوان: شبراويش – الموقف بجوار صيدلية المنسي
شبراويش ٢ : عمارة الأطباء بجوار مسجد المسلمية أعلي صيدلية د.إيمان سند

طنامل : أول شارع الحسينية أعلي صيدلية الشفاء

📞 للاستفسار: 01006599267

كل عام وأنتم بخير وصحة دائمة

17/02/2026

تتقدم معامل الأنوار المحمدية بخالص التهنئة بحلول شهر رمضان المبارك، أعاده الله علينا وعليكم بالخير واليُمن والبركات.

مواعيد العمل خلال الشهر الكريم:

من الساعة 9 صباحًا حتى 4 عصرًا

من الساعة 7 مساءً حتى 11 مساءً

كل عام وأنتم بخير 🌙

✅ خصم 30٪ علي تحليل السكر وملف الدهون طوال شهر رمضان

09/02/2026

هل لاحظت لون البول بقى مائل للأحمر؟ لا تتجاهل الإشارة 🚨

وجود دم في البول (Hematuria) ممكن يكون عرض بسيط، وممكن يكون علامة على مشكلة تحتاج متابعة، لذلك مهم جدًا نتحرك بسرعة ونعمل تحليل.

أسباب ظهور دم في البول قد تشمل:

- التهابات المسالك البولية
- حصوات الكلى أو الحالب
- التهابات المثانة
- مجهود بدني شديد
- بعض الأدوية
- وأحيانًا أسباب أخرى تحتاج فحص أدق

⚠️ حتى لو اللون الأحمر ظهر مرة واحدة أو من غير ألم، لازم يتم عمل تحليل بول كامل في أقرب وقت للاطمئنان ومعرفة السبب.

التحليل بسيط وسريع، لكنه مهم جدًا لتشخيص الحالة بدري وتجنب أي مضاعفات.

لو لاحظت:

- لون البول أحمر أو وردي
- وجود خيوط دم
- أو حرقان وألم أثناء التبول

راجع المعمل واعمل تحليل بول كامل، ومع النتيجة نقدر نحدد الخطوة التالية بدقة.

اطمن على صحتك… خطوة بسيطة ممكن تفرق كتير.

02/02/2026

🔬 تحليل السكر في الدم… ضرورة قبل صيام رمضان
مع اقتراب شهر رمضان المبارك 🌙

الاطمئنان على مستوى السكر في الدم خطوة أساسية للحفاظ على صحتك أثناء الصيام، سواء كنت مريض سكر أو حتى ماعندكش تشخيص سابق.

📌 ليه تحليل السكر مهم قبل رمضان؟
✔️ بيساعد في تقييم مستوى السكر قبل الصيام
✔️ مهم جدًا لمرضى السكر لتعديل الجرعات أو نوع العلاج قبل رمضان
✔️ يكشف عن وجود سكر كامن عند أشخاص كتير من غير أعراض
✔️ يقلل من خطر هبوط أو ارتفاع السكر أثناء ساعات الصيام
✔️ يساعد على صيام آمن بدون تعب أو مضاعفات

📌 مين محتاج يعمل التحليل؟
▪️ مرضى السكر بنوعيه
▪️ اللي عندهم تاريخ عائلي لمرض السكر
▪️ اللي بيحسوا بدوخة، عطش شديد، أو إرهاق متكرر
▪️ أي شخص حابب يطمن على صحته قبل الصيام

📌 أنواع تحاليل السكر اللي بننصح بيها:
🧪 سكر صائم
🧪 سكر فاطر
🧪 السكر التراكمي (HbA1c)

⏰ يفضل إجراء التحاليل قبل رمضان بوقت كافي لمتابعة الحالة مع الطبيب
الصحة الجيدة = صيام آمن وراحة أكتر 🌿

📍 زورونا في المعمل

📞 للحجز والاستفسار: (01006599267)

رمضان كريم 🌙 وصحة دايمة ليكم 🌸

24/01/2026

ارتفاع الكوليسترول واحد من المشاكل الصحية اللي أعراضها بتكون صامتة

وبيبدأ يظهر بعد فترة من الاستمرار على النظام الغذائي غير الصحي الملئ بالدهون المشبعة واتباع عادات غير صحية زي التدخين وعدم ممارسة الرياضة ومع الأسف وقتها بيسبب أمراض زي تصلب الشرايين
وانسداد الأوعية الدموية وزيادة احتمالية الإصابة بأمراض القلب لا قدر الله

👈علشان كدا نقدر نوقف ارتفاع الكوليسترول عند حده بإجراء التحليل
واللي هيعرفنا نسبته كام في الدم وإيه النسبة الطبيعية ليه

وكمان هيساعد الطبيب المعالج في إنه يحدد خطة العلاج المناسبة

💥 تحليل الكوليسترول بيحتاج للصيام علشان النتائج تطلع بشكل سليم ومظبوط

14/01/2026

تحاليل مهمة لمعرفة أسباب تساقط الشعر النشط 💇‍♀️🧪
تساقط الشعر مشكلة شائعة جدًا، لكن المهم نعرف إن الشعر مرآة لصحة الجسم من الداخل، وأي خلل داخلي ممكن يبان في صورة تساقط، ضعف، أو بطء نمو الشعر.
عشان كده قبل أي علاج أو منتجات، لازم نبدأ بـ التحاليل الصح 👇
1️⃣ صورة الدم الكاملة (CBC)
تحليل أساسي جدًا، وبيوضح:
وجود أنيميا أو لا
نسبة الهيموجلوبين
كفاءة كرات الدم
⚠️ الأنيميا من أشهر أسباب تساقط الشعر، وخصوصًا عند البنات.

2️⃣ مخزون الحديد (Ferritin)
وده من أهم وأخطر التحاليل المرتبطة بتساقط الشعر.
ممكن الهيموجلوبين يكون طبيعي
لكن الفيريتين منخفض → تساقط شعر شديد
📌 للشعر الصحي، يفضّل يكون الفيريتين فوق 50–70 ng/ml
أي رقم أقل من كده ممكن يسبب تساقط واضح.

3️⃣ فيتامين د (Vitamin D)
نقص فيتامين د شائع جدًا، وبيؤثر على:
بصيلات الشعر
دورة نمو الشعر
مناعة فروة الرأس
📉 نقصه مرتبط بتساقط الشعر، الثعلبة، وضعف كثافة الشعر.

4️⃣ الزنك (Zinc)
الزنك عنصر مهم لـ:
انقسام الخلايا
نمو الشعر
التئام فروة الرأس
نقصه يسبب:
تساقط
شعر ضعيف وسهل التكسر
أحيانًا قشرة والتهابات فروة الرأس

5️⃣ تحاليل الغدة الدرقية
TSH – FT4 – FT3
أي خلل في نشاط الغدة:
كسل الغدة ❄️
أو نشاط زائد 🔥
ممكن يسبب:
تساقط شعر منتشر
جفاف أو نعومة زيادة في الشعر
بطء نمو الشعر
⚠️ أحيانًا تساقط الشعر يكون أول عرض لاضطراب الغدة.

6️⃣ فيتامين ب12 (Vitamin B12)
فيتامين مهم جدًا للأعصاب والدم ونمو الخلايا.
نقصه يؤدي إلى:
تساقط شعر
ضعف عام
إرهاق
شحوب
📌 حتى النقص البسيط ممكن يأثر على الشعر.

🔍 ملاحظات مهمة
✔️ مش كل تساقط شعر سببه شامبو أو ماسك
✔️ العلاج من غير تحاليل = مسكن مؤقت
✔️ لازم نعالج السبب الداخلي الأول عشان الشعر يتحسن فعليًا
✨ الخلاصة لو عندك تساقط شعر نشط أو مستمر:
اعملي التحاليل دي
راجعي النتائج مع طبيب أو أخصائي تحاليل
وبعدها يبدأ العلاج الصح
الشعر هيرجع أقوى لما الجسم يكون متوازن من جوه 🤍
__________________________________
الفروع :
شبراويش ١ : خلف الكوبري بجوار صيدلية المنسي

شبراويش ٢ : عمارة الأطباء بجوار مسجد المسلمية أعلي صيدلية د.إيمان سند

طنامل : أول شارع الحسينية أعلي صيدلية الشفاء

31/12/2025

الكبد الدهني مشكلة شائعة جدًا، والمشكلة الأكبر إنه ممكن يكون موجود من غير أي أعراض.
🔹 يعني إيه كبد دهني؟
يعني تراكم دهون على الكبد أكتر من الطبيعي، وده بيأثر على شغله مع الوقت.

🔹 مين أكتر ناس معرضة؟
اللي وزنهم زايد
مرضى السكر
اللي عندهم دهون عالية
اللي بيحبوا الأكل الدسم والسكريات
اللي مابيعملوش حركة

🔹 أعراضه ممكن تكون:
تعب مستمر
ثِقل أو وجع بسيط في الجنب اليمين
خمول
⚠️ وفي ناس كتير مابيحسوش بأي حاجة

🔹 لو اتساب من غير متابعة:
ممكن يعمل التهاب أو تليّف في الكبد لا قدر الله.
🔹 نطمن إزاي؟
✔️ تحاليل وظائف كبد
✔️ تحليل دهون
✔️ سونار على البطن

✅ العلاج بسيط لو اتلحق بدري:
أكل صحي – حركة – تقليل وزن – متابعة تحاليل

🧪 اطمّن على كبدك… تحليل دلوقتي أحسن من علاج بعدين.

الفروع :
شبراويش ١ : خلف الكوبري بجوار صيدلية المنسي

شبراويش ٢ : عمارة الأطباء بجوار مسجد المسلمية أعلي صيدلية د.إيمان سند

طنامل : أول شارع الحسينية أعلي صيدلية الشفاء

20/12/2025

🩺 الفشل الكلوي.. صامت لكنه خطر على صحتك!

الكلى من أهم أعضاء الجسم لأنها مسؤولة عن تصفية الدم، التخلص من الفضلات، وتنظيم ضغط الدم والماء والأملاح في الجسم. للأسف، الفشل الكلوي غالبًا بيبدأ من غير أي أعراض واضحة، وده معناه إن ممكن الشخص يكون مريض من غير ما يحس بأي حاجة، لحد ما المشكلة تتفاقم.

💊 المسكنات وتأثيرها على الكلى
الأدوية المسكنة زي الباراسيتامول، الإيبوبروفين، النابروكسين وغيرها، لو تم تناولها بشكل متكرر أو بجرعات كبيرة، ممكن تسبب ضرر طويل الأمد للكلى. حتى الأدوية اللي بنستخدمها كل يوم أحيانًا لازم ناخد بالنا منها.

🍔 الأكل غير الصحي وعلاقته بالكلى
الأطعمة الغنية بالملح، الدهون، والسكريات ممكن تزيد العبء على الكلى وتساهم في مشاكل مزمنة. نظام غذائي متوازن وصحي يقلل من خطر الإصابة بمشاكل الكلى ويحافظ على صحتك العامة.

🔬 المتابعة الدورية والتحاليل
أفضل طريقة للحفاظ على كليتك هي عمل تحاليل وظائف الكلى بانتظام. التحاليل الدورية ممكن تكشف أي مشكلة في بدايتها قبل ما تسبب مضاعفات خطيرة، وده بيساعد الطبيب يحدد العلاج المناسب في الوقت المناسب.

❤️ نصيحة مهمة: كليتك غالية.. حافظ عليها بالوعي، الغذاء الصحي، وتجنب الإفراط في المسكنات، والمتابعة الدورية للتحاليل. صحتك تستحق الاهتمام!

08/12/2025

🩸 ليه تحليل الحديد مهم؟
الحديد عنصر أساسي لجسمك، مسؤول عن نقل الأكسجين لكل خلية.
وأي نقص بسيط فيه بيأثر على طاقتك، تركيزك، مناعتك، ونبض قلبك كمان.

المشكلة إن نقص الحديد بيتطور ببطء… وكتير ما بنحسش بيه غير لما يوصل لمرحلة تعب وإرهاق شديد، وتساقط شعر، وضعف عام.

💡 الحديد مهم خصوصًا لـ:

البنات والسيدات بسبب فقدان الدم الشهري

الحوامل

أصحاب الدايت القاسي

مرضى القولون والمعدة

اللي بيعانوا من سوء امتصاص أو تغذية ضعيفة

🧪 تحليل الحديد مش رفاهية… ده أهم خطوة تمنع مضاعفات كبيرة زي الأنيميا ونقص الأكسجين في الأنسجة.

📌 في المعمل بنوفر تحاليل الحديد الشاملة:
Iron – Ferritin – TIBC
مع تفسير دقيق للنتائج ونصائح حسب حالتك.

احجز تحليل الحديد واطمن على صحتك ❤️

30/11/2025

: اهمية تحاليل متابعة الحمل

1-تحليل سكر الدم RBS لمراقبة مستوي السكر خلال فترة الحمل و الكشف عن سكر الحمل.

2-تحليل الدم الكامل CBC
لمراقبة الحامل و الكشف عن حالات فقر الدم و الانيميا.

3-قياس مستوي الكالسيوم في الدم Ca-Serum
للكشف عن نقص الكالسيوم للحامل و الذي يسبب مشاكل لها و للجنين.

4-تحليل فصيلة الدم -Blood group
لتحديد نوع الفصيلة وما اذا كانت موجبة او سالبة خصوصا اذا كان هناك اختلاف في العامل الريسيسي للفصيلة بين الزوجين

5- تحليل البول الكامل Urine analysis
للكشف عن الالتهابات في المسالك البولية و لمراقبة المراة الحامل من حدوثها. قد يطلب فحص الزلال في البول في بعض حالات متابعة الحمل للحالات التي تعاني من مشاكل في الكلي و أرتفاع ضغط الدم خلال فترة الحمل.

6- تحليل الامراض المعدية HIV,HBsAg,HCV and

للتاكد من سلامة الحامل من الامراض السارية و المعدية و خصوصا عند الولادة.
_______________________________________
لمزيد من الاستفسار برجاء التواصل على رسائل الصفحة 📩📩
او الاتصال على رقم 01014450121
______________________________________
الفروع :
شبراويش ١ : خلف الكوبري بجوار صيدلية المنسي

شبراويش ٢ : عمارة الأطباء بجوار مسجد المسلمية أعلي صيدلية د.إيمان سند

طنامل : أول شارع الحسينية أعلي صيدلية الشفاء

11/11/2025

تحليل البول 🔬
من التحاليل المهمة جدا
رغم بساطة التحليل وتكلفته القليلة إلا أنه مهم جدا وبيبن حاجات كتير جدا .
لو حضرتك بتشتكى من ألم أسفل البطن أو فى الكلي أو حرقان أثناء البول أو تكرار دخول الحمام :

📌أول حاجه تفكر فيها هى عمل تحليل بول كامل
فعاوزين نوضح كام نقطه :-
📍اولا لو البول فيه صديد عالى ممكن ميخلكش تنام حرفيا وتحس بألم شديد كأنه زايده .
📍كمان لو فى أملاح عاليه ممكن يعمل ألم فى الجناب.
📍لو فى التهابات شديده تعمل حرقان أثناء التبول
، وهكذا.
📌فبلاش الناس تستهون بتحليل البول

أوقات كتير بيكون هو بداية العلاج .

📌أفضل وقت لعمل التحليل هو أول عينة بول الصبح ، أو لو هنعمله أثناء النهار نحبس البول أطول فتره ممكنه وبعدين نجيب العينه .

📌ملحوظه مهمة :-
لو حضرتك مش محتاج تعمل حمام واتطلب منك تحليل بول ، ارجوك بلاش تفضل تشرب مايه علشان تجيب عينه ، لأن احنا كده هنحلل المايه مش البول ! والنتائج كلها هتبقي غلط بشكل كبير .

فروعنا :
شبراويش ١ : خلف الكوبري بجوار صيدلية المنسي

شبراويش ٢ : عمارة الأطباء بجوار مسجد المسلمية أعلي صيدلية د.إيمان سند

طنامل : أول شارع الحسينية أعلي صيدلية الشفاء

15/10/2025

👩‍⚕️💬 "أنا لسه سني صغير .. بس كل يوم بصحى مفاصلي بتوجعني، صوابعي مش بتتحرك بسهولة، ورحت للدكتور... طلب مني تحليل اسمه Anti-CCP
يعني إيه؟ وإيه علاقته بالروماتويد؟

✅ إيه هو تحليل Anti-CCP؟

🧬 الاسم الكامل: Anti-Cyclic Citrullinated Peptide
هو تحليل بيكشف عن أجسام مضادة "غريبة شوية"...
مش بتهاجم الفيروسات ولا البكتيريا،
دي بتهاجم المفاصل نفسها!

🔍 إزاي بيحصل ده؟

لما بعض الخلايا تموت، بيحصل تعديل بسيط في البروتينات
عملية اسمها Citrullination
الجهاز المناعي بيتلغبط ويفتكر البروتينات دي "عدو"
فتبدأ تصنع أجسام مضادة تهاجمها…
وهنا بيظهر تحليل Anti-CCP!💥

🤔 وليه الدكتور طلبه؟ مش تحليل RF كفاية؟

الحقيقة، RF (Rheumatoid Factor) تحليل قديم ❌ :

مش متخصص (non-specific) 👈 بيطلع إيجابي في أمراض تانية زي الذئبة أو شوغرن

ومش حساس كفاية (non-sensitive) 👈يعني ممكن المريض يكون عنده روماتويد والتحليل يطلع سلبي… أو العكس!

🔄 النتيجة؟
مينفعش نعتمد عليه لوحده لتشخيص الروماتويد 😕

وده خلى الأطباء يدوروا على بطل أدق...

⚡وهنا ظهر: Anti-CCP

✅ أكثر دقة وحساسية
✅ يقدر يكتشف الروماتويد في مراحله المبكرة
✅ بيفرق بينه وبين أمراض المفاصل التانية
✅ مفيد كمان في تقييم شدة الحالة

💉 التحليل بيتعمل إزاي؟

🩸 من عينة دم من الوريد
📌 مهم تتوقف عن مكملات البيوتين (B7) قبل التحليل بـ 8 ساعات

🧪 تحاليل ممكن الدكتور يطلبها كمان:

CRP و ESR 🔥 لمتابعة الالتهاب
RF
Anti-CCP
ANA لو شك في مرض مناعي تاني
CBC
عشان الأنيميا شائعة في مرضى RA

🧠 الخلاصة:

تحليل Anti-CCP بيساعدنا نشوف المرض قبل ما يبان،
وبيكشف لو جهاز المناعة بدأ يهاجم المفاصل!
لكنه جزء من الصورة
والتشخيص لازم يكون من الطبيب، بناءً على:
التحاليل + الأعراض + الفحص الإكلينيكي + الأشعة 👩‍⚕️📋

معامل الأنوار المحمدية للتحاليل الطبية -AlAnwar Labs

18/02/2026

17/02/2026

09/02/2026

02/02/2026

24/01/2026

14/01/2026

31/12/2025

20/12/2025

08/12/2025

30/11/2025

11/11/2025

15/10/2025

Address

Opening Hours

Website

Alerts

Shortcuts

Share

Category

Monday	9am - 11pm
Tuesday	9am - 11pm
Wednesday	9am - 11pm
Thursday	9am - 11pm
Friday	4am - 10pm
Saturday	9am - 11pm
Sunday	9am - 11pm