عطارة الشيخ

10/04/2016

09/04/2016

صباحكوا فل


اولا: نظام تخسيس للبنات الللي بتتمرن في البيت هديكوا ميت اختيار فطار وكل الوجبات عشان محدش يزهق ده للتظبيط وهنزل تمارين البيت واي واحده بتتمرن في بيت او جيم لازم تتمرن كده كده قبل الفطار كارديو او بطن حسب ولسه اكيد هنزل التمارين عشان ده بيعلي الحرق علي مدار اليوم

الفطار:

5 معالق شوفان بكوبايه لبن خالي الدسم او 5 معالق كورن فليكس بالرده بكوبايه لبن خالي الدسم او بيضه مسلوقه وسلطه خضرا او بيضه مسلوقه وجبنه قريش وشريحتين عيش توست او بياض بيض وتفاحه او معلقه زبده فول سوداني علي شريحتين عيش توست وموزه او جبنه قريش بزيت زيتون وسلطه او 5 معالق فول ساده بنقطه زيت زيتون ونص رغيب بلدي

بين الفطار والغدا: سناكس....ثمره فاكهه او قطعتين بسكويت ديستيف او ربع كيس شيبسي فورنو او طبق سلطه خضرا او قطعتين شيكولاته دارك اوعصير فريش

الغدا:

النشويات : نص رغيف بلدي او شريحتين توست دايت او 5 معالق رز بسمتي او ابيض او 3 معالق مكرونه مسلوقه

البروتين: صدور فراخ مشويه او مسلوقه ...او سمك مشوي ..او . تونه .او لحمه استيك مشويه... او سلمون....

الخضار سوتيه او بروكلي او اي سلطه خضرا

بين الغدا والعشا سناكس تفاحه خضرا او كيوي او اناناس او مشروم مشوي علي الجريل او سلطه خضرا او قطعتين شيكولاته دارك او علبه زبادي خالي الدسم او علبه تونه دايت بالسلطه

العشا: زبادي خالي الدسم عليه نص ليمونه وقرفه وكوبايه مياه وثمره كيوي او اناناس او توت ودي وجيه ثابته عشان بتنزل دهون البطن جدا

تعليمات النظام فطار: من 6 ل 10
غدا: من 2 ل 6

عشا من 9 ل 11

مفيش سهر بعد 11 عشان كده لدايت ملوش لازمه اللي عندها اطفال او اي ظرف تنام بدري علي قد متقدر عشان الجسم بيوقف الحرق بليل ويخزن دهون

شرب من 2 ل 3 ليتر يومي وعليهم شرائح ليمون عشان من غير المياه مش هتخسي

االاكل براحه وعدم شرب المياه في وسط الاكل واوعي تعدي اكتر من 3 ساعات متاكليش اوعي اوعي اوعي كل لما تاكلي اكتر صحي الجسم يحرق اكتر لو جعتي في النص افتحي علبه تونه وصفي الزيت بسلطه وبراحتك فيها ميت علبه وشرب 3 كوبايات شاي اخضر ومش بعد الاكل علي طول لو هتستعملي سكر دايت هاتي سويتال او سليمير خالي من ماده الاسبرتام واشربي جنزبيل وقرفه و ليمون وكمون علي مدار اليوم بيعلي الحرق السعرات الحرارية في الجسم ومفيش نسكافيه او شاي ولبن هو اخرك كوبايه منهم ولبن خالي الدسم وسلطه خضرا براجتك علي مدار اليوم

ممنوعات : سكر مفيش سكر ولا حتي معلقه.... هو اخرك معلقه عسل ابيض الصبح ...املاح تقليل الملح جدا بيحبس مياه وبتدي وزن زياده وزيها زي الدهون في الشكل ممنوع اي معجنات او بسكوتات اوي اكل سريع من محلات برا كله دهون او اي مشروبات غازيه بانواعها او عصاير محفوظه او سمنه او زيت اخرك لو هتعملي رز نقطه زيت زيتون وافرشيها ممنوع اي شيبسيهات او حلويات او شيكولاتات وملحوظه اي حاجه نفسك فيها دوقيها بس عادي جدا بس رد تدوقيها وكل اسبوع وجبه الغدا فري في خلال الوجبه دي كلي كل اللي تفسك فيه ولازم تعملي الوجبه دي عشان الحرق يفضل شغال ومفيش حاجه هيخسسني اد ايه... حسب حرقك والتزامك بالتعليمات

من بكره كله يبدا فكري في شكل جسمك واتحكمي في شهوه الاكل مينفعش تهتمي بلبسك وميكاب وبرفانات وشعرك وجسمك مش مظبوط هتبوظي الشكل العام حتي

مينشين لاصحابك البنات عشان محدش يفوته حاجه

04/04/2016

27/03/2016

للتخسيس ف 20 يوم

22/03/2016

بذرة الكتان للتحيف يابنات وياشباب ..
#فوائد بذرة الكتان : مع #الزبادي حمض الأوميغا 3 تعتبر الأوميغا 3 من الحموض الغير المشبعة المتعددة التي تلعب دوراً حاسماً في صحة الجسم، وتعدّ بذور الكتان واحدة من أغنى المصادر لحمض الأوميغا، والتي يمكن أن تساعد في الوقاية من أمراض القلب، وخفض ضغط الدم، والكولسترول، والحفاظ على الدماغ، والجهاز المناعي سليمين. الألياف الغذائية تفتقر الزبادي إلى الألياف، على عكس ووجودها بنسبٍ مرتفعة في بذور الكتان التي تصل إلى ما يقارب 1.9 غرام من الألياف الكلية، لكن هذه الألياف تحتاج إلى إلى ملين كالزبادي الذي يُسهل عملية امتصاصها من قبل الجسم، وتُساعد هذه الألياف على الحد من نسبة السكر في الدم، وخفض نسب الكولسترول، والحفاظ على صحة الجهاز الهضمي سليماً، كما أنّها تمتص الماء الذي يعطي شعور بالشبع. صحي للجهاز الهضمي والمناعي تحتوي بذور الكتان على البكتيريا النافعة أو البروبيوتيك، والكائنات الدقيقة الأخرى، واللتان يعملان على هضم الطعام بسهولة، وإزالة السموم من الجسم، ومقاومة الكائنات الضارة التي تصل إلى الجسم وتعمل على مهاجمته، وإنتاج الفيتامينات المهمة للجسم
#للمعلوميه بذرة الكتان اللي بيتعمل منها الزيت الحار ممكن تدخلها في اي اكل انت بتحبه بتحط علي الزبادي والفول او حتي اللبنه ..الجبنه بس لازم تكون مطحونه علشان الجسم يعرف يمتصها ..
عالريق مع كوب زبادي او قبل ماتنام ..
للناس اللي مش عاوزه لمون عالزبادي قبل ماتنام ممكن تحط منها مفعولها احسن من مفعول الليمون

#زيت بذرة الكتان او المعروف ب الزيت الحار بيتعمل بيه الفول طعمه حلو وخفيف وبيخسس وموجود في السوق المصري بكثره
#نوران