د/ أحمد سامي عبد اللا

23/08/2020

22/03/2020

صباح الخير علي جميع متابعينا 🌸❤️

يارب نعدي الفترة دي علي خير وتكونوا باحسن حال 🙏

🚫اهم التعليمات هو الالتزام بالمنزل للحفاظ علي ارواحنا واطفالنا وذوينا من كبار السن

👈 تاني حاجة هي اتباع خطوات النظافة من فسيل الايدي بعد ملامسة الاسطح البعد عن اماكن الزحام وعدم النزول الا في الضرورة القصوي مع ارتداء الماسك وتطهير الايدي باستمرار بالماء والصابون 🚿🚰🧻

وزارة الصحة نزلت البيان ده علشان تعرف من نفسك تحدد ماهي خطورة او نسبة اصابتك لكل شخص عن طريق نظام الحساب ده منعا للاشاعات والسير وراء الاخبار او الفتاوي اللي بنسمعها كتير ✋❌
وبعدها بنجمع النقاط ونشوف هل احنا فعلا محتاجين نروح المستشفي ولا لا ؟
ياريت نلتزم ونبدأ بانفسنا وان شاء الله المحنة تمر سريعا
لاي استفسارات يرجي التعليق علي البوست والنشر للتوعية
د / احمد سامي عبداللا

16/01/2020

تاني بنفكركوا بان اهم حاجة بتنظيف الانف هو محلول الملح لان في اغلب الاوقات البخاخات مبتديش النتيجة المطلوبة
وده احسن طريقة نعمل بيها التنظيف علشان الافرازات الكتير اللي بنشوفها

30/11/2019

ننصح بمشاهدة هذا الڤيديو لجميع الامهات

30/11/2019

صباح الخير عليكم جميعا 🌸🌷🌹
وزارة الصحة نزلت التحذير ده بخصوص الافراط في استخدام المضادات الحيوية واللي بشأنه بيأثر علي مناعة الاطفال

اغلب ادوار البرد اللي منتشرة اليومين دول عدوي فيروسية محتاجة علاج للاعراض وراحة تامة مع شرب سوائل كتير


د / احمد سامي عبدااللا

19/11/2019

صباح الخير علي جميع متابعينا 🌷🌸
ان شاء الله هتكون مواعيد العمل بعيادة القنطرة - من الساعة ١ الي ٦ مساءا
ومواعيد عيادة الرضوان هتكون من ٦ الي ٩ مساء طوال ايام الاسبوع عدا الجمعة

ت القنطرة ٠١٢٧٦٣٥٦٤٥٦
ت الرضوان ٠١٠٩٦٧٤٧٣٥٣
معاكم لمدة ساعة يوميا من ١٢ ل ١ ظهرا لاي استفسارات

د / احمد سامي عبداللا

16/11/2019

😂😂

15/11/2019

اهم مايمكن ان يقال عن نزلات البرد المنتشرة اليومين دول واللي معظمها فيروسي
١٠ نصايح يااريت نبص عليها 👍

07/11/2019

صباح الفل علي محبينا 🌷🌸
الفترة اللي فاتت بقينا بنشوف تشنجات حرارية مع اغلب حالات ارتفاع درجة الحرارة🥵 وااللي بتسبب خوف للاهل
احنا النهاردة حبينا نتكلم عن الموضوع ده علشان نفهم ايه التشنجات الحرارية وازاي نتصرف لو لا قدر الله طفلنا اتعرضلها ..

التشنجات الحرارية هي تشنجات (Seizures) وتسمى أيضاً اختلاجات حرارية- تصيب الأطفال عند ارتفاع درجة حرارة الجسم الى ما فوق 38 درجة مئوية.

بتيجي لأطفال ما بين عمر ٦ أشهر - ٦ سنوات. ومُعظم حالات التشنجات الحرارية بتصيب الأطفال في السنتين الاولي من عمر الطفل. ولحسن الحظ فان التشنجات الحرارية لا تسبب أضراراً للدماغ ولا تؤثر على الوظيفة العقلية أو على الذكاء.

نشير الى أن التشنجات الحرارية تختلف عن نوبات الصرع، واصابة الطفل بالتشنجات الحرارية لا تعني اصابته بالصرع. غالباً لا حاجة لعلاج التشنجات الحرارية، الا في حال استمرارها.

أسباب الإصابة بالتشنجات الحرارية
توجد عدة أسباب للتشنجات الحرارية لدى الأطفال، وتعود معظمها لارتفاع درجة الحرارة في جسم الطفل.

أهم الأسباب هي:

العدوى: التشنجات الحرارية قد تحدث اثر ارتفاع درجة حرارة الطفل عند اصابته بعدوى فيروسية أو جرثومية.

التطعيمات: الحرارة المرتفعة قد تكون أحد الأعراض الجانبية للتطعيمات التي يتلقاها الأطفال، خاصةً بعد تلقي لقاح الحصبة والنكاف والحميراء (MMR- Measles Mumps Rubella) اللي بيتاخد عند عمر سنة ونص.

التاريخ العائلي: وجود تاريخ عائلي للتشنجات الحرارية، أي اصابة أطفال اخرين بالتشنجات الحرارية في العائلة، يزيد من احتمال اصابة الطفل بالتشنجات الحرارية.

👈 طب ايه هي أعراض التشنجات الحرارية
تحدث عادةً التشنجات الحرارية في اليوم الأول من ارتفاع درجة الحرارة، الا أنها قد تحدث بعد ذلك.

تصيب التشنجات الأطفال عند ارتفاع درجة الحرارة لأكثر من 38 درجة مئوية، وغالباً ما تكون درجة الحرارة أكثر من 39 درجة مئوية عند اصابة الأطفال بالتشنجات الحرارية.

👈 هناك نوعان من التشنج الحراري:

١- التشنج الحراري البسيط (Simple Febrile Seizure): وهو النوع الأكثر شيوعاً. بشكل تقليدي فان الطفل يفقد الوعي، وتحدث تشنجات منتظمة في الأطراف. تستمر لأكثر من دقيقة أو اثنتي وقد تستمر الي ١٥ دقيقة وتصيب التشنجات الأطفال مرة واحدة خلال 24 ساعة وليس أكثر من ذلك. بعد التشنجات قد يشعر الطفل بالنعاس أو الاضطراب وعدم الراحة، لكن لا تظهر أعراض أخرى كضعف اليد أو الرجل.

٢- التشنج الحراري المعقد (Complex Febrile Seizure): هو التشنج الأقل شيوعاً. يُعتبر التشنج الحراري معقداً في حال تحقق أحد الشروط التالية:

*استمرار التشنجات الحرارية لأكثر من 15 دقيقة.
*حدوث أكثر من تشنج واحد خلال 24 ساعة، مع وجود درجة حرارة مرتفعة.
*للطفل أمراض في الجهاز العصبي.
*يصيب التشنج الحراري قسماً من الجسم، أي يكون محدوداً لليد أو الرجل أو الرأس. قد يشعر الطفل بضعف في الرجل أو اليد بعد التشنج.

☑️ ازاي نتعامل مع التشنجات الحرارية في حال حدوثها:

١- من المهم أن يهدأ الأهل عند رؤية التشنجات الحرارية لدى الطفل. اطمئن فإن الطفل غير مشرف على الوفاة بإذن الله.
٢- اجعل الطفل مستلقيا على سطح ناعم على الجانب الأيسر.
٣- لا تربط الطفل ولا تضع شيئا في فمه لمنع الاختناق.
٤- لو التشنجات استمرت اكتر من عشر دقائق خذ الطفل فورا إلى أقرب طبيب أو مستشفى 🚑 حيث أن هناك أدوية من الممكن أن توقف التشنجات ومن المهم استبعاد أمراض أخرى تؤدي للحرارة المرتفعة والتشنجات كالتهاب غشاء الدماغ (Meningitis)- مرض خطير يؤدي لالتهاب في غشاء الدماغ، ويحدث اثر عدوى جرثومية ويتطلب العلاج الفوري.

💊💊 علاج التشنجات الحرارية

غالباً لا تتطلب التشنجات الحرارية أية علاج، لكن وفي حال استمرارها يجب علاجها بأدوية مضادة للتشنجات.

اذا ما توقفت التشنجات الحرارية لوحدها، لا حاجة لتناول الأدوية. كما أنه لا حاجة لبقاء معظم الأطفال في المستشفى بعد توقف التشنجات الحرارية.

بالاضافة الى علاج التشنجات الحرارية، من المهم علاج الحرارة المرتفعة. تُستخدم أدوية مثل مضادات الالتهاب (NSAIDS) زي الديكلوفيناك أو الايبوبروفين او الباراسيتامول لعلاج الحرارة المرتفعة علي حسب عمر ووزن الطفل مع عمل كمادات مياه فور ارتفاع درجة الحرارة ومرفق صورة للاماكن اللي بنستعمل فيها الكمدات.

لابد من معرفة سبب الحرارة المرتفعة وعلاجه، اذا ما تطلب الأمر- علاج عدوى فيروسية أو عدوى جرثومية.

⛔️ ماذا بعد التشنجات الحرارية

توقعات سير التشنجات الحرارية عند الاصابة بالتشنج الحراري البسيط، ممتازة جداً. لا تصاب الوظائف العقلية للدماغ بعد الاصابة بالتشنج الحراري. كما أن نمو الطفل يبقى دون اصابة ولا تظهر علامت تدل على خلل في نمو الطفل بعد اصابته بالتشنجات الحرارية في المستقبل.

احتمال الاصابة بالصرع (Epilepsy) هو أمر نادر، ولا يزداد مقارنة بالأطفال الغير مصابين بالتشنجات الحرارية. العوامل التي تزيد احتمال الاصابة بالصرع هي:

١. خلل في الجهاز العصبي خلال الفحص الجسدي.
٢. تاريخ عائلي للصرع.
٣. التشنجات الحرارية المعقدة.

دمتم بافضل حال وصحة افضل لاطفالكم
د/احمد سامي عبداللا

19/10/2019

صباح الخير علي جميع متابعينا 🌺🥰
متوافر بالعيادة جميع التطعيمات الاضافية اللازمة للاطفال
اسال علي التطعيمات وعن الجرعات
لحجز التطعيمات وتحديد ميعاد الجرعة اتصل ٠١٢٧٦٣٥٦٤٥٦
من اجل #صحةـاطفالنا
د / احمد سامي عبداللا

26/09/2019

مساء الخير علي جميع متابعينا الكرام 🙂🤩🌹

حرصا منا علي تقديم افضل رعاية صحية لاطفالنا تم توفير جميع التطعيمات الوقائيه الهامة لحماية اطفالنا من الامراض الشائعة المنتشرة

تطعيم Rotarix لحماية اطفالنا ضد النزلات المعويه وخطورة تعرضهم للجفاف.

ىؤخذ التطعيم علي جرعتين .. الجرعة الاولي من عمر ٦ اسابيع ل ٨ اسابيع والجرعة الثانية بعدها ب شهرين.

تطعيم Privinar للحماية من خطر الالتهاب الرئوي وخصوصا مع دخول فصل الشتاء

يؤخذ التطعيم علي ثلاث جرعات عند عمر شهرين.. اربع شهور.. سته اشهر.

برجاء الحجز مسبقا تليفونيا بالعيادة علي الرقم ٠١٢٧٦٣٥٦٤٥٦

د / احمد سامي عبداللا

18/09/2019

تم بدء العمل بمركز حضانات مجمع الزهراء الطبي بالاسماعيلية والمركز بيقدم خدمة مميزة لاهالي الاسماعيلية ومنطقة القناة وخاصة قسم الحضانات اللي بيشرف عليه الاستاذة الدكتورة / سوزان جاد - استاذ طب الاطفال وحديثي الولادة

الحضانة مجهزة باعلي الامكانيات لاستقبال جميع حالات حديثي الولادة مع نخبة من امهر الاطباء وطاقم تمريض علي اعلي مستوي

بالاضافة الي قسم داخلي بقوة ٥٠ سرير لاستقبال حالات الاطفال والتعامل معاها وتقديم الرعاية الصحية المطلوبة ده بجانب عيادة اطفال وحديثي الولادة يوميا وقسم الطواريء اللي جاهز ٢٤ ساعة

المركز بيقدم خدمة طواريء ٢٤ ساعة في جميع التخصصات الاخري وغرف عمليات مجهزة علي اعلي مستوي

ودي بعض الصور من داخل المركز وداخل الحضانة

وان شاء الله هكون متواجد بالمركز ايام الثلاثاء مساء والاربع صباحا والجمعة ٢٤ ساعة

في انتظار استفساراتكم
د/ احمد سامي عبداللا

14/09/2019

صباح الخير علي جميع متابعينا 🌸🌹

موضوع النهاردة مهم جدا لكل اسرة وللاطفال وزي ماعودناكم ان احنا نناقش ونوضح بعض المفاهيم الخاطئة .. البوست طويل شوية بس مهم جدا جدا ☢️

⚠️🚫وهم الحمى الروماتزمية وتحليل الاجسام المضادة للميكروب السبحي 💉💉ASOT

👈 من اكتر الاخطاء الشائعة اللي بنقابلها كل يوم في شغلنا بداية من التشخيص ومرورا بالتحاليل والوقاية والعلاج وبسببه اطفال كتير بتاخد حقن بنسيلين طويل المفعول بدون ادني داعي غير التحاليل اللي ليس لها اي اهمية✋

اولا الحمى الروماتيزمية الحادة أو ما يعرف ب (روماتزم المفاصل) مرض يصيب الأطفال ما بين 5- 15سنة ، وخاصة في الأسر ذات المستوى الاجتماعي المنخفض، ونسبة الإصابة به تتناقص حاليا نظرا لاستخدام المضادات الحيوية.

وبالتالي لزم التوضيح الاخطاء والحقيقة فيما يخص هذا المرض 🧐

• وأكثر الأخطاء شيوعا فيما يخص هذا المرض هي:

❌الخطأ (1): مش كل آلام العظام أوالمفاصل عند الأطفال تعني الإصابة بالحمى الروماتزمية (مجرد آلام فقط بالمفاصل).
✔️الحقيقة: الالتهاب الروماتزمي المفصلى له صورة واضحة جدا، تختلف عن باقي الأسباب ، لا ينساها المريض ولا أهله وليس مجرد ألم (فقط) بالمفاصل:
• يصيب المرض المفاصل الكبرى كالركبة أو الكوع
• المفصل المصاب به ورم واضح
• سخونة واحمرار شديد بالمفصل
• يتنقل الورم ويزول تلقائيا خلال 2-3 أيام دون أن يترك أي أثر على المفصل المصاب
• يلاحظ الأهل أن الطفل لايستطيع المشى ولا تحريك المفصل نهائيا ً لمدة يومين على الأكثر
-------------------------------------------------------------------------------------------------
❌الخطأ (2): الحمى الروماتزمية تؤثر على المفاصل فقط.

✔️الحقيقة: الحمى الروماتزمية قد تأتي بأعراض أخرى منفردة أو تصاحب التهاب المفاصل، مثل:
• التهاب أغشية وعضلة القلب: يتم تشخيها بواسطة الطبيب وسماعه لقلب الطفل ويمكن التأكد بعمل أشعة إيكو على القلب.
• طفح جلدى له شكل خاص مع احمرار الحواف، يظهر على البطن والظهر ويختفي سريعا ً.
• عقد صغيرة تحت الجلد قليلة العدد، تظهر غالبا أعلى مفصل الكوع.
• حركات لا إرادية غريبة باليدين وخاصة فى البنات.
-------------------------------------------------------------------------------------------------
❌الخطأ (3): الحمى الروماتزمية يتم تشخيصها بواسطة تحليل (ASOT) ويستمر بعض صغار الأطباء في متابعة التحليل وبدء العلاج بالبنسللين طويل المفعول لسنوات طويلة لمجرد ارتفاع نسبة هذا التحليل.
✔️الحقيقة: يقيس التحليل نسبة الأجسام المضادة التى يكونها الجسم ضد الميكروب السبحى الذي يصيب اللوزتين أو الحلق وليس الميكروب.

👈تبدأ النسبة فى الزيادة 7-14 يوماً بعد الإصابة ثم تصل أعلى معدل لها بعد حوالى 4 أسابيع من الإصابة ثم تبدأ فى النزول تدريجياً ويمكن أن تظل النسبة مرتفعة 4-6 أشهر بدون مضاعفات، وعليه توجد نسبة مقبولة عند كل الأطفال والكبار، حيث إنهم جميعاً كونوا هذه المناعة على مدى سنوات من الإصابة بهذه البكتيريا. وقد يصاب الشخص بالتهابات متكررة في الحلق أو اللوزتين تسبب ارتفاعات جديدة في هذه النسبة.
-------------------------------------------------------------------------------------------------
❌الخطأ (4): تحليل (ASOT) هو التحليل الوحيد الذي يرجح الحمى الروماتزمية.
✔️الحقيقة: هذا التحليل لا يمكن الاعتماد عليه كأساس للتشخيص كما سبق الشرح. ومن المهم جدا عمل التحاليل التي تؤكد وجود التهاب حاد بالمفصل مثل ارتفاع سرعة الترسيب(ESR) ومعامل الالتهاب (CRP) اضافة الي الاعراض والتي تخضع لتوصيات حسب جمعية القلب الامريكية revised John's criteria.
واذا كانت هذه التحاليل طبيعية يتم غالبا ً استبعاد تشخيص الحمى الروماتزمية.
-------------------------------------------------------------------------------------------------
❌الخطأ (5): يتم علاج الحمى الروماتزمية بالبنسلين طويل المفعول لفترات زمنية مختلفة.

✔️الحقيقة: الحمى الروماتزمية يتم علاجها بجرعات عالية من الأسبرين أو الكورتيزون. أما الوقاية من تكرار نشاط المرض يكون فقط في المريض الذى ينطبق عليه شروط الإصابة بالحمى الروماتيزمية باستخدام حقن البنسيللين لمدة 5 سنوات من بداية الاصابة أو حتى سن العشرين أيهما أبعد. أما اذا أصابت الحمى صمامات القلب، فيستمر العلاج الشهري بالبنسللين طويل المفعول مدى الحياة مع اجراء اختبار حساسية كل مرة.
-------------------------------------------------------------------------------------------------
❌الخطأ(6): استئصال اللوزتين السليمتين وسيلة للوقاية من الاصابة بالحمى الروماتيزمية.
✔️الحقيقة: قد تحدث الاصابة بالميكروب السبحى بالحلق حتى بعد استئصال اللوزتين، المهم هو سرعة علاج الالتهاب البكتيري باللوزتين أو الحلق بالمضاد الحيوي الصحيح بالجرعة الصحيحة وللمدة الصحيحة. ولاينصح باستئصال اللوزتين كاجراء وقائي لتقليل احتمال الاصابة بالحمى الروماتزمية الا في حال تكرار الاتهاب

🚫الموضوع ده مهم جدا ياريت الناس تقرا كويس وتفهم قبل ماتقع في الاخطاء دي وللاسف اللي بيشارك فيها كل الناس بما فيهم فنيين المعامل والكيميائين والصيادلة والاطباء ايضا

✔️✔️استشيري طبيب الاطفال قبل البدء وعمل اي فحوصات بدون داعي او اعطاء اي حقن
شير للبوست
دمتم بافضل حال وصحة افضل لاطفالنا حفظهم الله ورعاهم
د / احمد سامي عبداللا
#صحةـاطفالنا

07/09/2019

04/09/2019

25/08/2019

القواعد المعتادة لدكتور الأطفال وحديثي الولادة :

1- لو الطفل عنده الصفرا و نسبتها عاليه بالنسبه لوزنه وعمره وعلى حسب تقدير الدكتور لحالته ممكن يتحجز في الحضانة .. مفيش حاجة اسمها احطه ف الشمس وأحطه تحت لمبة نيون
2- السمك واللبن والبيض والموز والشيكولاتة مش ممنوعين للي عنده سخونية
3- المضادات الحيوية مصرح بها من قبل ال FDA لعلاج الإلتهابات المختلفة .. احنا مش بنخترعلك علاج عشان كل مرة تفضل تفاصل معانا متكتبلوش مضاد حلوي بلاش مضاد حلو
4- جلسات الإستنشاق الطفل مبيتعودش عليها
5- الطفل المولود المفروض يرضع لبن بس لمدة 6 شهور ..
6-بلاش الطفل اللي عنده سخونية تحطوله جرنال مبلول فوق صدره

7- بلاش كمان تلبسوه بلوفر صوف في الشتا فوق الجرنال الناشف اللي فوق صدره

8- جلسات الإستنشاق الطفل مبيتعودش عليها

9- لما الدكتور يفتح بق الطفل عشان يشوف زوره بلاش تعمل انت الدكتور وتدخل رأسك في بق ابنك بدل الدكتور

10- مش معنى إن طفل بيعيط يبقى ممزوق ومتعملوش لفة البيض والدقيق ارجوكم حراام مش صينية كيكة هو

11- لما ابنك يفضل يعيط الساعة 2 بالليل لمدة ساعتين متواصلين وانت مش عارف تنام .. مش لازم تيجي تعمل حفلة على الدكتور وتصحيه وفي الآخر يحط ابنك على السرير الساعة 4 الفجر ويلاقيه بيضحك .. نصيحة مني انت اللي محتاج تكشف مش ابنك

12- المكالمات التافهة ممكن تتأجل للصبح .. مش لازم تصحي دكتور الساعة 3 الفجر تقله أخلي الواد ياكل موز ولا لأ

13- لو ابنك عنده سخونية بلاش تجيبه في اليوم الخامس بعد مايكون استوي .. سيبه يوم كمان هيدخل الليفل الأخير ويلاعب الوحش

14- والله العظيم جلسات الإستنشاق الطفل مبيتعودش عليها

15- مش لازم تشيلي بامبرز ابنك المعبأ في شنطتك .. ومش لازم كمان تقنعي الدكتور إنه يشم البامبرز في العيادة .. حرام

16- مش لازم قفشات العيانين الرخيصة من نوع انت ليه مكملتش تعليمك وبقيت دكتور كبار .. كفاية شلل

17- مش لازم في الشتا تلبس الواد 7 فانلات فوق بعض

18- لو ابنك لا قدر الله عنده مرض شديد والدكتور صارحك مش معنى كدة إنه دكتور مبيفهمش .. طب اقلك لف على الدكاترة النص لبة وخليهم يطمنوك وسيبك من الفاشل اللي بيصارح أهل العيان بالمرض

19- الطفل اللي عنده حساسية صدر مش لازم تقعدوا جنبه تشربوا سجائر وتشيليه قدام حلة الطبيخ وطالع منها الدخان .. مش لازم والله تختبري قوته على تحمل الظروف الصعبة

20- لو طفل بيشتكي من عينه تكشف به رمد ولو شعره بيقع تكشف عليه جلدية ولو ودانه بتنزل صديد فيه تخصص اسمه أنف وأذن وحنجرة .. مش لازم دكتور الأطفال يقعد يفلتر في الزباين

21- مش لازم تفاصل في الكشف مع السكرتارية لأن دكتور الأطفال كشفه أرخص من أي حد .. مانت لو رحت لدكتور مخ وأعصاب أو كبد بتدفع كشف 600 جنيه واستشارة 300 جنيه وانت حاجز قبلها بأربع شهور ... لو مش معاك فلوس قول محدش هياخد منك لكن متفاصلش

٢٢- الطفل اللي عنده 5 شهور مش بيقف ومش بيمشي فمش لازم تجيبيه العيادة وتقولي للدكتور ابن خالته نفس السن و بيقف دلوقتي .. والله ما هيصدقك لو اتتنططي

٢٣- ممكن نحمي العيال ومن اول يوم كمان.. أرجوكم بقى

٢٤- الطفل اللي عنده جفاف شديد محتاج محاليل .. كون إن حضرتك هتقعدي تعيطي وهو بيتركبله كانيولا فده مش هيخليكي تصعبي عليا لأنك كنتي سايباه يسهل ويرجع لمدة 5 أيام بينما إنتي قاعدة بتقشري لب وبتتفرجي على الشيف شربيني

25- ابنك عنده مرض هياخد العلاج هيخف مش هتديله العلاج هيفضل يتعب أكتر .. دكتور الأطفال مش ساحر هيخرجلك ابنك من العيادة بيتنطط

26- يا ريت نهتم بولادنا شوية .. مش لازم الواد يجي شعره مليان قشر و ضوافره مربية أفيال أفريقية تحتها

27- والله كمان مرة جلسات الإستنشاق بالبخار الطفل مش بيتعود عليها

28- لو ابنك عنده التهاب رئوي والدكتور قالك متجادلش وتقعد تقول طب مش ممكن يكون نزلة شعبية طب مش ممكن يكون مش عارف إيه .. ريح دماغك ومتجادلش لأن فيه مواويل تانية في علاجه لو متبعتهاش صح وسبته يتعالج تحت السلم ممكن حالته تتدهور ويتحجز على جهاز تنفس صناعي

29-راعوا ربنا في ولادكم .. بلاش ضرب .. بلاش شتائم .. بلاش تحرموهم .. وبلاش تدلعوهم بزيادة .. ولو تعبوا اكشفوا عليهم وربنا يشفي كل طفل مريض ويرزقنا وإياكم بذرية صالحة
30- لو ابنك ضوافره طويله وفيها طين ممكن تقصهاله عادى مش هيطلع نشال ماتخافش.
31- الكحل بضم الكاف اللى موجود حالياً مليان رصاص حرام عليكوا عين العيل .

منقول مع بعض الإضافات والتعديلات

البوست ده هديه متواضعة استاذنا الدكتور بيومي غريب أستاذ طب الأطفال بجامعة إسكندرية الذي جاب كالسندباد محافظات مصر كلها لنشر الوعي الطبي وتعليم شباب الأطباء وسام مستحق لعالم جليل أفخر واعتز بصداقته.

and ✌️
تابعونا لمزيد من المعلومات القيمة
د / احمد سامي عبداللا

21/08/2019

تم بحمد الله بدء العمل في عيادة القنطرة غرب بجوار كافتيريا جحا يوميا من الساعة ١ ظهرا وسيتم مواصلة العمل بعيادة الرضوان في المواعيد نفسها يوميا من الساعة ٥ الي الساعة ٨
#صحةـاطفالنا
د / احمد سامي عبداللا

04/08/2019

👈 الالتهاب الكبدى الوبائى الفيروسي أ🤕
الالتهاب الكبدى أ او الصفرا زى ماكتير من الناس بتقول عليها مرض منتشر كتير الفترة دي وخصوصا في فصل الصيف وخاصة بين الاطفال 👶
👈 ايه هو سبب العدوي ؟
الفيروس المسبب للمرض بيدخل الجسم عن طريق الفم بأكل اكل ملوث زى الخضروات او الفاكهة أو شرب ماء ملوث او اكل طعام اعده شخص مصاب بالفيروس ومغسلش ايدة كويس بعد الحمام .

👈 الاعراض بتظهر عند الاطفال بعد الاصابة بالفيروس بفتره ممكن توصل من ١٥ يوم الي ست اسابيع
👈 طب ايه هي الاعراض اللي بنشوفها ؟

اول حااجة بتبقي اعراض شبيهة بالنزلة المعوية بيجي الطفل ب فقدان بالشهية مصاحب بترجيع مستمر والام بالبطن وممكن اسهال وقد يكون هناك ارتفاع بدرجة الحرارة
👈 الاعراض المميزة للالتهاب الكبدي ودي بتظهر بعد اسبوع لاسبوعين من العدوي هي اصفرار بالعين و ارهاق شديد ثم لون البول الغامق اللي بيبقي شبه لون الشاي وبالتاكيد ممكن عمل تحليل وظائف الكبد اللي بتكون عالية بنسبة كبيرة ولكن التشخيص يعتمد اكتر علي التاريخ المرضي

للاسف كتير مننا بيتعاملوا معاها كانها نزلة معوية ويبداوا يدوا مضادات للاسهال والقيء وممكن توصل لمضادات حيوية ولكن بدون فائدة بالعكس دي بتسوء حالة الكبد اكتر ✋

من فضل ربنا ان الامراض سريعة الانتشار زى المرض دة مش بيبقى ليها خطوره شديده فمعظم الاطفال ولكن الاهمال والتعامل الخاطيء في مثل هذه الحالات قد يعرض الطفل لمضاعفات غير مرغوبة 🚫

👈 كيفية التعامل مع هذه الحالات ؟ ✋
اهم حااجة الراحة ثم الرااحة الرااحة فالبيت و أكل الطفل بيبقى على قد الشهية ويكون في سوايل كتير وفواكه طبيعية وطبعا ده بعد استشارة الطبيب الخاص لاستبعاد اي اسباب اخري
👈 طب نعمل ايه عشان نحمى اطفالنا من العدوي دي ؟
اولا : اهم حاجة النضافة يعنى
١- غسل الاكل زى الخضار والفاكهة كويس.
٢- غسل الايد قبل الاكل و بعد الخروج من الحمام
لو الطفل لعب برا البيت اول حاجه يعملها اول مايدخل البيبت هى انه يغسل ايده وطبعا ممنوع لعب الاطفال فى اى مكان فيه تجمع للمياه

👈 دور التطعيمات في مكافحة العدوي ده مهم جدا ولان الوقاية خير من العلاج اخيرا ممكن نطعم الاطفال بالمصل المضاد للفيروس والى بيمنع الاصابة بيه
المصل متوفر بالمصل واللقاح واسمه havrix وبيتاخد بعد السنة الاولي من عمر الطفل علي جرعتين

نتمني نكون افادناكو 🌹

د / احمد سامي عبداللا

15/06/2019

صباح الخير علي جميع متابعينا علي الصفحة 🙌💕🌸🌷..
الفيديو اللي موجود ده بيوضح بعض المفاهيم عن الرضاعة الطبيعية والتي قد تكون غائبة عن معظم الامهات
استاذتنا الدكتورة عبلة الالفي هتتكلم فيه عن اشهر المفاهيم الخاطئة واللي بسببها ممكن نحرم طفلنا من اهم حاجة وهي الرضاعة الطبيعية🤱🤱

في انتظار استفسارتكم
د/احمد سامي عبداللا
#صحةـاطفالنا

03/04/2019

صبااح الخير علي جميع متابعينا 🥰🌷🌸
هنتكلم النهاردة عن موضوع مهم جدا وهي حالات الصفرا في المواليد ايه اسبابها وكيفية التعامل معاها

الصفراء عند الاطفال حديثي الولادة تنشأ نتيجة ارتفاع نسبة الـ (بليروبين) في الدم وهو مادة صفراء ينتجها الجسم نتيجة تكسير كرات الدم الحمراء القديمة واستبدالها بالجديدة، و يساعد الكبد على تكسير هذه المادة وتخليص الجسم منها واخراجها في البراز، والنسب العالية من هذه المادة يضفي على جلد وبياض عين المولود اللون الأصفر

👈 أسباب الصفراء عند الاطفال حديثي الولادة ؟

اولا (الصفرا الطبيعية او الفسيولوجية )- اثناء وجود الجنين في رحم الأم تزيل المشيمة هذه المادة البيليروبين من جسم الجنين، والمشيمة هي ذلك العضو الذي ينمو أثناء الحمل لتغذية الجنين. وبعد الولادة يبدأ كبد المولود في العمل، وعليه فإنه قد يحتاج إلى بعض الوقت ليعمل بكفاءة عالية وأثناء هذا الوقت المُستغرق في إعداد وتهيئة الكبد للعمل بكفاءة ترتفع نسبة البيليروبين، أغلب المواليد يولدون بجلود صفراء أو (اليرقان) وهذا الأمر لا يُقلق لأنه باختصار (يرقان طبيعي – الصفرا الطبيعية)، و تظهر الاعراض في أكثر الحالات من اليوم الثاني إلى اليوم الرابع بعد الولادة وأغلب هذه الحالات لا تكن مصاحبة لمشاكل وتختفي خلال أسبوعين وعليه تكون المتابعة والرضاعة بانتظام

ثانيا ( الصفرا المرضية او الباثولوجية) وتكون نتيجة لتكسير مفرط في كرات الدم الحمرا نتيجة عدم تطابق فصيلة دم الطفل او عامل ريسس (RH) مع فصيلة الام وتظهر الاعراض غالبا من اليوم الاول بعد الولادة وتكون شديدة لذلك يلزم مراجعة الطبيب وقياس نسبك الصفرا وقد يلزم حجز الطفب بالمحضن والعلاج الضوئي لمساعدك الطفل في تجنب حدوث مضاعفات الصفرا وقابلية تغيير الدم

👈 في سببين تانين مهمين ومرتبطين بلبن الام ⚠️

الأول استمرار ظهور الصفراء بعد عمر 14 يوم بسبب رضاعة لبن الام في عدم وجود أسباب تكسيرية او مرضية والنوع دا مفيش منه قلق بس محتاج متابعة والبروتوكولات الحديثة في علاجها بتتفق علي استمرار رضاعة لبن الام ✅✅عادي عكس مالناس كانوا بيعملوا زمان من ايقاف لرضاعة لبن الام وادخال لبن صناعي لمدة بسيطة ❌❌

النوع التاني دا عكس الاول عبارة عن ارتفاع نسبة الصفراء فالجسم نتيجة (نقص) الرضاعة لأسباب مختلفة فالايام الاولي من عمر الطفل
معروف ان الرضاعة الزيادة 🍼🍼 بتزود حركة الامعاء وبتساعد علي التخلص من الصفراء الزيادة و في حالة نقص الرضاعة بتقل حركة الامعاء وبيحصل اعادة امتصاص للصفراء وارتفاعها في الدم والمطلوب من الاهل متابعة الرضاعة للطفل واللجوء للطبيب في حالة نقص رضاعته 😊

🚫هناك بعض الحالات التي تجعل الوضع أصعب لجسم المولود للتخلص من البيليروبين والذي بدوره يؤدي إلى اليرقان الشديد تشمل:

بعض الأدوية العدوى الموجودة وقت الولادة كالحصبة الألمانية-الزُهري-وغيرهم.
الأمراض التي تصيب الكبد والقنوات المرارية الصفراوية كالتليف الكيسي-الالتهاب الكبدي
نقص مستوى الأوكسجين
العدوى كتعفن الدم
العديد من المشاكل الوراثية والجينية.

علشان كده في شوية نصاايح مطلوبة وياريت نعرفها 🙏

⚠️بدء الرضاعة الطبيعية فورا بعد الولادة ولا يتم تاخيرها لاي سبب وممنوع استخدام الاعشاب او اي نوع من السوائل كبديل للرضاعة
⚠️مفيش حاجة اسمها احط الطفل تحت لمبة في البيت الكلام ده خطا تماما وليس له اي نفع ( مكنش حد غلب 😄)
⚠️مراجعة الطبيب عند بدء ظهور علامات للصفرا او نقص الرضاعة
ياارب نكون افادناكم في توضيح بعض النقاط


د / احمد سامي عبداللا
اخصائي طب الاطفال وحديثي الولادة

الصفراء عند الاطفال حديثي الولادة تنشأ نتيجة ارتفاع نسبة الـ (بليروبين) في الدم وهو مادة صفراء ينتجها الجسم نتيجة تكسير كرات الدم الحمراء القديمة واستبدالها بالجدي....

09/02/2019

صباح الخير علي كل متابعينا 🥰🌷🌸

البوست ده مهم لكل الاشخااص لانه كلام مفيد جدا لصحتنا ومفتقدينه جدا في حياتنا

هجرنا أكل الجدود...فنفخنا أبداننا وزادت أمراضنا...!

أثبت العلم الحديث أن كل ما كان يأكله أجدادنا في مصر هو أصح طعام يمكن أن يتناوله الإنسان لذا فإنه ليس من المستغرب أنهم تمتعوا بصحة أفضل بكثير من صحتنا ولم يعرفوا طريق الطبيب كما عرفناه ولم يعانوا من البدانة والسكر وأمراض القلب كما نعاني نحن الآن. فماذا كانوا يأكلون؟ ولماذا هو صحي؟

١ـ كان آبائنا وأجدادنا يفطرون يوميا علي طبق الفول الذي كان يباع في كل أركان مصر وكانوا إما يشترونه من بائع الفول الجوال أو يدمسونه في منازلهم علي الفوّالة. والفول مصدر رائع للبروتين النباتي الذي يحتاجه الجسم بكثرة كما انه مصدر للألياف المتوافرة في قشره وهي من النشويات التي لا تؤثر على مستوي السكر في الدم. ومن المعروف الآن أن البروتين يزيد من إفراز هرمونات الشبع PYY و GLP-1 لذا فان الفول يعطيك شعور بالإمتلاء لفترة طويلة. وأروع ما يمكن إضافته للفول هو زيت الزيتون والليمون والطماطم والبقدونس فكلهم مفيدين صحياً.
٢ـ كانوا يأكلون الجبن القريش ويشربون اللبن كامل الدسم والقشدة وأثبتت الأبحاث في السنوات الخمس الماضية أن منتجات الألبان خاصة كاملة الدسم تقلل من فرصة الاصابة بمرض السكر من النوع الثاني كما أنها تقلل من نسبة الإصابة بانسداد شرايين الدماغ. والجبن القريش لا يحتوي على الملح الذي يرفع ضغط الدم.
٣ـ كانوا يأكلون المش ويصنعون الزبادي في منازلهم وأثبتت الأبحاث أن الجبن المخمر يحتوي علي البكتريا الحميدة لاكتوبسيلاس lactobacillus التي تفيد المعدة والأمعاء وتقلل فرصة الإصابة بمرض السكر لعملها كبريبيوتك prebiotic مما يقلل من البدانة ويحسن مستوى السكر في الدم.
٤ـ كانوا يطهون طعامهم بالسمن البلدي الذي كانوا يصنعونه في منازلهم وأثبت العلم الحديث أن هذا النوع من السمن أفضل بكثير من السمن الصناعي القاتل والمصنع من الزيوت المهدرجة. فالدهن المشبع من منتجات الألبان على عكس ما يعتقد الكثيرون مفيد للجسم. ونجري الآن العديد من الأبحاث على أنواع البكتريا المختلفة في الأمعاء وتأثيرها علي الأمراض المزمنة.
٥ـ كانوا يأكلون الزيتون ويخللوه في منازلهم بأنفسهم ويستخدمون زيت الزيتون وزيت بذرة القطن والزيت الحار وكلهم مفيدون صحيا وخاصة زيت الزيتون الذي يرفع مستوي الكوليسترول المفيد HDL ويخفض مستوي الكوليسترول الضار LDL. فهو أفضل الزيوت علي الإطلاق. كان آبائنا وأجدادنا يهرسون الجبن القريش في زيت الزيتون ويضيفون له الطماطم ليكون إفطارًا أو عشاءًا رائعا.
٦ـ كانوا يأكلون الخبز الأسمر بالردة وهو أقل تأثيرا علي مستوي السكر في الدم. وكانوا يأكلون الخبز الفلاحي المصنع من القمح والذرة وهو أفضل بكثير من الخبز الأبيض المصنع من القمح المطحون فقط.
٧ـ كانوا يأكلون في غذائهم السلاطة الخضراء من الطماطم والخيار والجرجير والبصل وكانوا يأكلون الفجل والسريس والبصل الأخضر والخس والجزر وكلهم يحتوي علي الالياف المفيدة للقولون والتي تقي أيضا من سرطان القولون كما أنها تمنع الإمساك وتبطئ إمتصاص السكر من الأمعاء.
٨- كانوا يأكلون القليل جداً من اللحوم الحمراء وفي الأيام التي تذبح فيها المواشي فقط وكان نصيب الفرد لا يتعدى القطعة الواحدة. والمعروف الآن أن أكل اللحوم بكثرة يزيد من معدل الإصابة بالسكر ويزيد فرص الاصابة ببعض أنواع السرطانات. كانوا يأكلون الطيور والأرانب والبيض والأسماك وكلها مصادر جيدة للبروتينات الحيوانية والتي يحتاجها الجسم لبناء العضلات. فالبيض مصدر هام للبروتين الخالص والكوليسترول في صفار البيض سئ الامتصاص ولايؤثر كما كنّا نعتقد في السابق علي نسبة الكوليسترول في الدم والاسماك هى أفضل البروتينات على الإطلاق.
٩ـ كانوا يأكلون الكثير من الخضار المطبوخ والبقوليات المطبوخة مثل الفاصوليا والكوسة والباذنجان والبسلة واللوبيا والملوخية وكلها مصادر رائعة للنشويات الجيدة التي لاتؤثر علي مستوي السكر في الدم كما ومصادر عظيمة للبروتينات النباتية المفيدة للجسم.
١٠ـ كانوا يأكلون حبة واحدة من الفاكهة الموسمية والغير محفوظة بعد الغذاء وربما يكررونها في المساء مع عشاء خفيف من الجبن الأبيض والخبز الأسمر. والفاكهة تحتوي علي العديد من الفيتامينات الهامة ونوعية خاصة من الألياف التي تعوق امتصاص الدهون الضارة فتخفض نسبة الكوليسترول الضار في الدم. كما أن سكر الفركتوز الموجود في الفاكهة أقل خطرا من السكر. والفاكهة الموسمية لا تحتوي علي مواد حافظة وسُمية.
١١ـ كانوا يشربون الشاي أو القهوة التركي بدون مبيض. وكلاهما يحتوي على مواد مضادة للأكسدة تفيد الجسم.
١٢ـ كانوا يشربون الماء ولم يعرفوا المشروبات الغازية والعصائر المحتوية على كمية عالية من السكر والتي تزيد من البدانة وفرصة الإصابة بالسكر. كانت تسليتهم لب البطيخ والشمام واللب السوري وكلها تؤثر إيجابيا على الكوليسترول بالدم.
آبائنا وأجدادنا المصرين منذ أربعين عاماً فقط لم يعرفوا الانشون والببروني والسلامي وأنواع السجق المختلفة ولم يأكلوا البيتزا والشيبسي وأكياس الشيتوز وأصابع البسكويت والسوداني المغطاة بالشيكولاتة والمغلفات والمعلبات والمحفوظات في الثلاجات من الأطعمة سابقة التحضير والمضاف إليها عشرات من المواد الكيميائية السامة لتراكمها في الجسم وسكر الفركتوز الضار جدا بالصحة. كانوا يأكلون يوميا في بيوتهم ولم يعرفوا التيك أواي.
ماذا فعلنا بأنفسنا وصحتنا بتخلينا عن أكلنا المصري الصحي وجرينا وراء تقليد الغرب وملأ أرفف السوبر ماركت والثلاجات بالزبالة الغذائية التي بدأ الغرب بالإقلاع عنها تدريجياً بعد أن تفشت فيهم الأمراض المزمنة كالسكر والبدانة وأمراض القلب والكلي وإرتفاع ضغط الدم.

والآن أترككم مع قول رَسُولَ اللَّهِ ﷺ : مَا مَلَأَ آدَمِيٌّ وِعَاءً شَرًّا مِنْ بَطْنٍ بِحَسْبِ ابْنِ آدَمَ أُكُلَاتٌ يُقِمْنَ صُلْبَهُ فَإِنْ كَانَ لَا مَحَالَةَ فَثُلُثٌ لِطَعَامِهِ وَثُلُثٌ لِشَرَابِهِ وَثُلُثٌ لِنَفَسِهِ.
منقول عن د. أسامة حمدي

19/01/2019

مسااء الفل علي جميع متابعينا🥰🥰
احنا في عز البرد ده وفي ذروة النزلات الشعبية وادواررالبرد المتكررة واللي اغلبها نتيجة عدواات فيروسية🤕🤧
العدوي بتصيب الجهاز التنفسي العلوي بداية من الانف وانتهاء بالشعب الهوائية علشان كده بننصح باستخدام الشفاط الانفي زي اللي موجود في الصورة وده اول واهم خطوة في العلاج اللي بتمنع حدوث مضاعفات تؤدي الي التهاب رئوي

طب ايه هي الخطوات دياللازمة لتسليك الأنف :

1. تسليك الأنف أهم مليووون مرة من بخاخات الكورتيزون بالأنف ولازم يستخدم قبله لغاية الأنف ما تنضف تماماً.
2. التسليك ينفع لانسداد الأنف لأى سبب ،، برد زكام رشح حساسية أنف المهم انه آمن .
3. الخناقة دى هتقعد يومين تلاته بالكتير لو استعملناها صح ،، بعد كده مش هنحتاج تسليك نقدر نستخدم بخاخات الكورتيزون مباشرة ( بوصف الطبيب طبعاً لأطفال الحساسية الأنف).
4. اتنين يسلكوا أحسن من واحد عشان التحكم فى حركة الطفل .
5. كده كده إبنك هيفضحك وهيلم عليكى الجيران فيا ريت نكون سايبين خبر يا إما مركبين عازل صوت.
6. فى السن الصغير " تحت سنتين " سهل جداً خروج الماء من الناحية التانية ،، فى السن الأكبر بنعتمد على ان الطفل "ينفّ " .. أو " يعطس " .. أو نتدخل باستخدام شفاط نسحب بيه المياه اللى دخلناها.
7. التسليك ينفع لأي سن ،، وينصح باستخدام ماء نظيف ، سواء كان مغلي وتم تبريده ، أو فلتر ، أو مقطر أو محلول ملح أو ماء بحر ..
8. مهم كمان العودة لطبيبك لو لم يتحسن الطفل مع التسليك أو حدث ارتفاع في الحرارة ، أو نزول دم بسيط .
9. الألم البسيط في الأذن أحياناً سببه زيادة ضغط الأنف ،، وانغلاق قناة استيكيوس وزيادة ضغط الأذن الوسطى مؤقتاً مش التهاب الأذن ولا حاجة .
10. التكنيك بالطريقة دي هوا اللي موصوف من FDA هيئة الغذاء والدواء الأمريكية ،، ومش بيعمل أي التهاب أذن ،، والتحذير فقط من استخدام ماء غير نظيف لخطر العدوى.
11. فى التعليقات هسيب فيديو لطفل تحت السنتين وفيديو لطفل أكبر تعالو نشوف إبنك هيستريح جداً وينام هادى باذن الله.

❤️

د/احمد سامي عبداللا

08/01/2019

الحمد لله الذي تتم بنعمته الصالحات

15/12/2018

صباح الخير علي جميع محبينا ومتابعينا علي الصفحة ❤️

بلاحظ في دخول الشتا ومع كتير من الامهات انها بتلبس طفلها كل الهدوم اللي في الدولاب 🤱💂‍♀️خوفا منها لاصابة ابنها بالانفلونزا والنزلات الشعبية 🤧🤕🤒 وللاسف ده مفهوم خاطئ تماما ويؤدي الي سوء تقدير درجة حرارة الطفل، وغالبية أطباء الأطفال 👨‍⚕️ يقولون بأنه يجب أن تلبسي طفلك مثلك تماماً ولكن بإضافة قطعة أخرى فقط لطفلك.

👈 طيب كم قطعة يلبس الطفل؟
قطعتان من الملابس خيار جيد إذا قررت إبقاء طفلك داخل المنزل ويمكنك إضافة قطعة ثقيلة إذا أردت الخروج.

👈 طيب ازاي أعرف أن طفلي يشعر بالبرد؟
عن طريق لمس أصابع قدم طفلك أمر جيد للتأكد من أن طفلك يشعر بالدفء أم لا، فإذا كانت باردة هذا يعني أنه بحاجة إلى طبقة إضافية من الملابس وتدفئة القدمين.
👈 حماية رأس ويدي الطفل من البرد أمر ضروري وخصوصا عند الخروج من المنزل، يجب دائماً أن تتوفر لديك قبعة دافئة تغطي الأذنين ولها حزام يغطي الذقن فهي الاختيار الأمثل، ولا تنسي القفازات التي تغطي اليدين وتعطيهما الدفء اللازم مع مراعاة عدم خلعهم الا عند العودة الي المنزل 🏡 .

علاج نزلات البرد عند الأطفال من المنزل
إليك نصائح وطرق علاج البرد عند الأطفال:
1- الراحة: المرض يستنزف طاقة طفلك لذلك دعيه يرتاح كثيراً، وعندما يرفض النوم دعيه يقوم بممارسة الأنشطة الهادئة كقراءة القصص أو مشاهدة فيلم أو الاستماع لبعض الأغاني.

2- الهواء الرطب: تنفس الهواء الرطب يساعد طفلك على التخلص من انسداد الأنف بسبب المخاط، لذلك قومي بتشغيل الجهاز الخاص بترطيب الجو في غرفته ثم قومي بعمل حمام دافئ له، هذا سيساعده على التنفس جيداً والاسترخاء والنوم العميق.

3- قطرات الملح وشفاط الأنف: إذا كان طفلك رضيعاً ولا يستطيع التخلص من المخاط في أنفه، عليك دائماً استخدام قطرة الملح وشفاط الأنف، حيث يمكنك شراؤهما من أي صيدلية.

4- سوائل إضافية للأطفال ( من عمر ستة أشهر فما فوق): كثرة السوائل وخصوصاً المياه تمنع الجفاف وتزيل إفرازات الأنف.

5- حساء الدجاج أو الأعشاب للأطفال ( من عمر ستة أشهر فما فوق): السوائل الدافئة مهدئة جداً وتساعد على تخفيف الزكام والاحتقان، وقد أظهرت الدراسات أن حساء الدجاج يخفف من أعراض البرد مثل الأوجاع، والاحتقان، والحمى.

6- رفع رأس الطفل عند النوم (من عمر 12 شهر فما فوق): رفع الرأس يساعد الأطفال على التنفس بشكل أفضل عند الاستلقاء، فقط قومي بوضع وسادة إضافية أو قطعة قماش تحت الوسادة الرئيسية.

7- إطعام العسل للطفل ( من عمر 12 شهر فما فوق): العسل لطيف على الحلق ويعمل على تهدئة السعال، أعط طفلك نصف ملعقة صغيرة من العسل أو قومي بخلطها مع الماء الساخن مع إضافة القليل من قطرات الليمون.


د/احمد سامي عبداللا
مواعيد العمل يوميا من الساعة ٤ عصرا وحتي الساعة ١٠ مساءا
٠١٠٩٦٧٤٧٣٥٣