Pediatric Surgery Clinic

08/05/2025

الفتق السرى ....

- ايه هو الفتق السرى ؟
هو انتفاخ بيظهر فى منطقة السره نتيجه لوجود ضعف خلقى بها مما يسمح بخروج جزء من الامعاء بداخل الفتق خاصة والطفل بيحزق او بيبكى

- ازاى اتعامل معاه ؟
المطلوب منك انك تحاولى تقللى من الحاجات اللى بتخلى الفتق يزيد زى الحزق الكتير والانتفاخات والامساك وده بالعلاجات المناسبة بعد استشاره طبيب الاطفال طبعا

- انا روحت للصيدلى وقالى استخدمى حزام السره او الدكتور حط لزقه على السرة ؟!!!
من الاخطاء الشائعه اننا نستخدم الحزام او لزقه السره معتقدين اننا كده بنساعد الفتق انه يقفل لكن بالعكس احنا كده بناخر ان الفتق يقفل وبنساعد ان يحصل التصاقات ما بين الامعاء وجدار الفتق واللى بيزود فرصه ان الفتق يختنق وندخل فى مضاعفات احنا فى غنى عنها ده غير الالتهابات اللى بتحصل فى المنطقة دى وبتكون مؤلمة جدا للطفل

- طب ايه علاجه وامتى بيحتاج جراحة ؟
الفتق السرى بنستنى عليه وبنتابعه لان نسبه كبيرة من الحالات الفتق بيقفل لوحده وكده نبقى جنبنا الطفل عملية هو فى غنى عنها
بنتابع الفتق لسن السنتين لو استمر بعد كده بيحتاج جراحه فى حالات بنستمر فى المتابعه لسن الخمس سنين وده بيكون الفتق قفل بنسبه كبيره فى سن السنتين ولكن فى لسه جزء بسيط جدا مقفلش وده بياخد فتره اطول من السنتين

- اخر حاجه امتى ابدأ اقلق ؟؟
لو الفتق حصل له اختناق بننسى كل اللى فات وساعتها بس بيتحول لطوارى وفى الحالة دى بتتوجهى بالطفل لاقرب مستشفى فى محاوله لارجاع الفتق او دخول جراحه

- طب ايه اعراض الاختناق ؟؟
هتلاحظى ان الفتق منتفخ زياده عن الطبيعى ولو ضغطى عليه مش بيرجع زى كل مرة
الطفل بيبكى باستمرار مع ترجيع مستمركده نروح لاقرب مستشفى للاطمئنان على الطفل

*** ملحوظة : المعلومات دى مهمه لكل ام علشان منضرش اطفالنا بجهل مننا
اللهم بلغت اللهم فاشهد
د. عمرو طلعت حجازي
استشارى جراحه ومناظير الاطفال

06/05/2025

الخصيه المعلقة.....
- يعنى ايه الخصيه المعلقة؟؟
بتتكون الخصية فى الجنين فى المراحل الأولى داخل تجويف البطن ومع نمو الجنين تبدأ الخصيه فى النزول قبل شهرين تقريبا من الولاده علشان تستقر فى الكيس وده المكان الطبيعى لها.
فى بعض الأحيان الخصيه بتتوقف فى اى مرحله من مراحل نزولها وده اللى بنقول عليه الخصيه المعلقة..

-اعمل ايه لو شكيت أن ابني عنده خصيه معلقة؟؟
الكشف المبكر على الطفل للاطمئنان والتأكد هل دى خصيه معلقة ولا مطاطيه لأن التشخيص المبكر بيدينا فرصه ناخد القرار الصح لمصلحه الطفل.

- ايه هو السن المناسب للعمليه؟؟
العمليه بتتعمل فى سن 6شهور والافضل منتاخرش تجنبا للمضاعفات اللى ممكن تحصل وأخطرها ضمور الخصيه.

اخيرا:: تابعى طفلك صح واتاكدى من عدم وجود مشاكل جراحيه من السهل أننا نصلحها بدرى قبل حدوث مضاعفات من الصعب الرجوع فيها بعدين ....

د.عمرو طلعت حجازى

26/04/2025

18/04/2025

تداخل الامعاء هو السبب الأكثر شيوعًا لانسداد الأمعاء لدى الأطفال الذين تقل أعمارهم عن ٣ سنوات.

قد يكون البكاءُ المفاجئ والمرتفع الناجم عن ألم البطن أول مؤشر على الإصابة بتداخل الامعاء لدى الرُّضّع الأصحاء. وقد يسحب الرُّضّع الذين يعانون من ألم في البطن رُكبَهم إلى صدورهم عند البكاء.

يظهر الألم ويزول، ويحدث ذلك عادةً كل ١٥ إلى ٢٠ دقيقة في البداية. وتستمر هذه النوبات المؤلمة لفترة أطول وتتكرر كثيرًا بمرور الوقت.

تشمل أعراض📌
براز ممزوج بالدم والمخاط .
القيء.
ظهور كتلة في البطن.
الضعف أو قلة النشاط.

تداخل الامعاء يتطلب رعاية طبية طارئة 🚨. رجاء زياره الطبيب فى اسرع وقت إذا كان طفلك يعانى من هذه الاعراض
#جراح اطفال
#تداخل الامعاء

28/02/2025

لا يوجد تهنئة أغلى ولا أحلى ولا أعز من تهنئة رسول الله ﷺ أهنئكم بها وأهديكم إياها

(عَنْ أَبِي هُرَيْرَةَ قَالَ قَالَ رَسُولُ الله ﷺ:
أَتَاكُمْ رَمَضَانُ شَهْرٌ مُبَارَكٌ، فَرَضَ اللَّهُ عَزَّ وَجَلَّ عَلَيْكُمْ صِيَامَهُ، تُفْتَحُ فِيهِ أَبْوَابُ السَّمَاءِ، وَتُغْلَقُ فِيهِ أَبْوَابُ الْجَحِيمِ، وَتُغَلُّ فِيهِ مَرَدَةُ الشَّيَاطِينِ، لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ مَنْ حُرِمَ خَيْرَهَا فَقَدْ حُرِمَ)

الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ

مُبارٓكٌ علٓيْكُمْ شّٓهرُ رٓمٓضٓان.

14/09/2024

" زيِّنو ليلة المولد النبوي الشريف ..
بالصلاة على النَّبِيِّ ﷺ ♡゙

14/06/2024

كل عام و انتم بخير
د. عمرو حجازي
#اطفال #امهات #جراحة #توعية #أمهات #أطفال