21/11/2025
⸻
🚨 حقن فيلر في الث*ي، اه الث*ي! 💉💉💉🚨
بدأ ينتشر مؤخرا في عيادات الجلديه و التجميل حقن فيلر في الث*ي بغرض التكبير غير الجراحي و تحسين الجلد.
🔍وطيب وايه المشكلة؟؟؟
اتفاجأت بحاله فتاه عندها ٣٢ سنه و لها تاريخ عائلي في سرطان الث*ي و جاية قبل فرحها بتعمل فحص الماموجرام للكشف المبكر و الصدمه ان الفحص كان كله تكلسات غريبه تشبه التكلسات الخبيثه بالث*يين ؟؟؟؟؟ وده معناه اني هرفع درجه الخطوره BI-RADS و هطلب فحوصات تانيه و هتوصل اني هطلب خزعة وًمن الجهتين للاشباه بالسرطان في الث*يين😳
و ده اثار الشكً ان غريبه كل التكلسات دي و في الجهتين و بالشكل ده؟؟؟
و ده خلاني اسال المريضه اكتر من مره اذا كانت عملت اي اجراء غريب في الث*ي
في الاخر افتكرت وقالت لا دي حاجه بسيطه، انا حقنت فيلر في الث*ي(Dermal filler)
وطبعا بدأت تقلق و تعيط و منتظره هتعمل ايه.
وبعد البحث طلع فعلا ان فيه نوع من الفيلرز يحتوي علي هيدركسي اباتيت الكالسيوم ( CaHA.) يسبب التكلسات الغريبه دي!
طمناها و عملنا فحص اضافي للتاكد و قولنالها تيجي فحصها السنوي عادي و تكمل حياتها و تحضيرات فرحها و ماتعملش كده تاني 🤦♀️.
📌 الحل بسيط:
ماتعمليش اي اجراء وخصوصا في الث*ي من غير ماتعرفي كل حاجه عنه و تبلغي بيه دكتورتك قبل ماتعملي الفحص الدوري .
معلومة صغيرة… بس هتفرق كتير في التشخيص.
