Dr Hazem Raafat

05/06/2025

‎الدكتور حازم رأفت وفريق العمل الخاص به يهنئونكم بحلول عيد الأضحى المبارك🌹 داعين المولى عز وجل بأن يتقبل حجكم وصالح عملكم ويرزقكم وإيانا خير الدنيا ونعيم والآخرة بإذن الله تعالى🤲
‎وكل عام وأنتم بألف خير وصحة وسعادة وجمال🌹

29/03/2025

عيد فطر مبارك
أعادة الله علينا بالخير واليمن و البركات

28/02/2025

عيادة دكتور حازم رأفت استشاري طب الأطفال تهنئكم بحلول شهر رمضان الكريم أعاده الله علينا بالخير و اليمن و البركات

04/01/2025

‎من الأمراض المعدية التي تصيب الأطفال و ينتج عنها حرارة/ألم بالرأس/ألم بالظهر/تضخم بالغدد الليمفاوية/ألم بالعضلات والجسم/ ارتفاع بدرجة الحرارة.
‎ينتقل بواسطة مخالطة شخص مصاب عن طريق اللمس/الرذاذ من العطاس أو السعال/مخالطة حيوانات مصابة عن طريق اللمس أو الخدوش.
‎تظهرالحبوب بداية على الوجه ثم تنتقل إلي باقي الجسم و قد تصيب أي مكان وهوعكس الجديري المائي الذي يظهرفي منطقة الصدروالظهراولا.
‎يتعافى الطفل بعد مرور أسبوعين إلي 4 أسابيع على حسب عمر الطفل ودرجة مناعتة.
‎التشخيص صعب لأن العديد من الأمراض والفيروسات التي تصيب الأطفال ينتج عنها حبوب و طفح جلدي.
‎أهم خطوة علاجية هي الأهتمام بالحبوب الجلدية و تطهيرها وعدم محاولة خدشها.

28/12/2024

‎استخدام البوتي هو مهارة جديدة للطفل يكتبسها بمرور الوقت تحتاج الي صبر للوصول الي بر الأمان.
‎كل طفل مختلف عن الاخر بلاش مقارنات مع اطفال تانية او اخوات في نفس العائلة لان التمرين على البوتي ذي المدرسة
‎في طفل سريع الفهم وذكي و طفل تاني بطييء شوية و ده فروقات فردية يجب وضعها في الحسبان.
‎بداية تعليم البوتي من عمر 18 شهر الي 24 شهر لكن ده مش معناه ان الطفل هيكون بيتحكم في الاخراج لوحده لكنها مرحلة التعليم ذى دخول الطفل الحضانة لتعلم الكتابة.
‎لازم نعرف ان الطفل بيتحكم في رقم 2 قبل التحكم في رقم 1 علشان كده بستغرب جدا لما اسأل الأم انت جربتي تمرين البوتي لرقم 1 ولا رقم 2 تقولي مش عارفة هي هتفرق يا دكتور يعني اه طبعا هتفرق.
‎بلاش نتعصب على الطفل أو نخوفة او نعمله مسلسل الرعب المعتاد وهو الشمعة اللي هتلسعه لو عمل حمام على نفسه لان حتى لو كان ده اسلوب متبع زمان فهو اسلوب قاسي بيأخر الطفل مش بيساعده.
‎من عمر 3 سنوات الي 5 سنوات ممكن الطفل يتحكم بشكل جيد في عملية الاخراج و يعدي عليه ساعات طويلة ناشف غير مبلل.
‎لازم الطفل يشوف البوتي في البيت بشكل دائم في الحمام او خارج الحمام و نحاول نخليه يقعد عليه خصوصا بعد الوجبات.
‎ناخد بالنا ان الطفل لسه مش فاهم ليه المفروض يعمل الحمام في البوتي مش في البامبرز هو كل اللي واصله ان لو عمل حمام في البامبزر هياخد عقاب.
‎امتى نعرف ان الطفل جاهز لتعليم البوتي؟؟؟؟؟؟؟
‎اولا ان الطفل يقولك انه عايز يعمل أو انه حاسس انه مبلول و مضايق.
‎ثانيا أن أثناء فترة النوم بالليل البامبزر يكون ناشف.
‎ثالثا أن الطفل يكون مش خايف من البوتي و بيعرف يستخدمه لوحدة و يقوم من عليه بسهوله.

25/12/2024

‎أثناء مراحل النمو و اقتراب الطفل من دخول مرحلة البلوغ  تظهر بعض العلامات المميزة لتلك الفترة وهي نمو الشعر.
‎تختلف بداية مرحلة البلوغ عند الذكورو الإناث حيث تبدأ في الذكور من عمر 12 الي 14 سنة و تبدأ في الإناث من عمر 11 الي 13 سنة.
‎من علامات البلوغ المبكرهو نموالشعرفي الأماكن المعتادة بصورة زائدة في الوقت الغيرمتعارف عليه وده بيحتاج بعض التحاليل الهرمونية مع تحديد العمرالعظمي للطفل.
‎أما ظهورالشعر في أماكن غير متعارف عليها مثل ظهور شعركثيف في (الوجه/الظهر/البطن/الفخذ لدى الأناث) هو حالة مرضية قد تكون بسبب  متلازمة تكيسات المبيض وغيرها
‎من الأضطرابات الهرمونية التي تحتاج الي تشخيص مبكر.
‎ظهورالشعر لدى الأطفال حديثي الولادة هو أمرعادي ومؤقت يقل بمرورالوقت.

18/12/2024

11/12/2024

سونار الأمعاء
مصطلح مش جديد لكن مش واخد حقة كفاية لانه لا يقل أهمية عن اي تحليل بنطلبه للطفل
محتاج ممارسة و خبرة لان مش كتير بيعرفوا يعملوه.
يساعد في تشخيص حالات صعبة زي ؟؟؟؟
١)القولون التقرحي.
٢)التهاب الزايدة الدودية.
٣)التهاب الغدد الليمفاوية بالأمعاء.
٤)الإمساك المزمن.
٥)التواء الأمعاء.
٦)تضخم القولون الخلقي الوليدي.
٧)القولون العصبي.
٨)انسداد الاثنى عشر /تضخم مخرج المعدة.
٩)ارتجاع المريء الصامت.
كل ده اسباب يتم تشخيصها بواسطة سونار الأمعاء بدون الحاجة الي فحوصات معملية مكلفة تحتاج وقت لظهور نتيجة التحليل و كمان صعوبة في سحب التحليل خصوصا للاطفال حديثي الولادة بدون التعرض إلي أشعة ضارة على الطفل لان السونار آمن جدا و اكبر دليل أن الام الحامل بتعمله كل مرة اثناء متابعتها الدورية على الجنين.
سونار الأمعاء طفرة في مجال امراض الجهاز الهضمي يضاهي المناظير الجراحية في تشخيص بعض امراض الجهاز الهضمي بدون الحاجة الي تخدير أو دخول غرف عمليات.

03/12/2024

مع تقدم العلم لازم احنا كمان نتقدم و نسابق علشان نقدم افضل خدمة لاطفالنا.
سونار الصدر دلوقتي مش رفاهية و لكن اداة تشخيصية هامة جدا زي سماعة الطبيب بالظبط و كمان افضل من اشعه الصدر العادية خصوصا انه اكثر اماناً و مفيش منه ضرر و لا تعرض الي جرعات اشعة زيادة.
السونار (الموجات الصوتية) يساعد في تشخيص ١)حالات النزلات الشعبية
٢)الالتهاب الرئوي
٣)الارتشاح البلوري حول الرئة
٤)سرعة التنفس المؤقت للأطفال حديثي الولادة ٥)عيوب خلقية بالرئتين
يتم استخدامة في جميع الأعمار بدون اي قلق من أي مخاطر إشعاعية.
مش بيحتاج وقت لمعرفة النتيجة لانه بيتعمل على الطفل اثناء الفحص بالعيادة او الكشف الدوري.

14/11/2024

ارتفاع درجة الحرارة هو عرض و ليس مرض.
ارتفاع الحرارة مؤشر لدخول جسم غريب للطفل سواء كان عن طريق الجهاز التنفسي او الدم او الجهاز الهضمي.
اغلب اسباب الحرارة تسببها الفيروسات و الفيروسات اكثر خطورة على الطفل لان الفيروسات ملهاش علاج حتى الان الا عدد قليل جدا.
ده يؤكد معلومة ان مش كل دور حرارة لازم ناخد مضاد حيوي بالعكس اعطاء المضاد الحيوي في غير مكانه مش مفيد للجسم لانه بيقلل المناعة اللي جسم عمال يبنيها في مواجهة الفيروس و بالتالي نلاقي الحرارة مش بتروح على الرغم من بداية المضاد الحيوي.
اغلب الادوار التي تصيب الاطفال اقل من ٥ سنوات هي عدوى فيروسية الا حالات معينة هي التي تستعدي اعطاء مضاد حيوي.
الكشف الطبي على الطفل هو اللي بيحدد احتياجة المضاد الحيوي و مينفعش على الواتس اب او التليفون نطلب مضاد حيوي بدون كشف على الطفل.
علاج الحرارة مش مضاد حيوي.

03/11/2024

‎مع ولادة البيبي و بداية حصولة على تطعيم الشهرين تبدأ معانا الاسئلة المستقبلية زي مثلا لون عينه و طول شعرة هيكون قصير ولا طويل طيب طخين ولا رفيع.
‎من ضمن الاسئلة الشائعة هي النمو العصبي للطفل( امتى هيمشي/ امتى هيتكلم) طبعا الموضوع مش يكون بالسهولة ده.
‎ومش معنى ان الطفل مش بيتكلم وهوعنده 6 شهور اننا نودية جلسات تخاطب لازم نكون على دراية كاملة ان نموالطفل بيمر بمراحل كتير محتاجة متابعة مع طبيب الاطفال و متابعه من الاهل في البيت.
‎من الخبرة وكترالاسئلة اغلب الامهات والاجداد بيركزوا على 3 نقاط مهمين:(امتى هيقعد /امتى هيحبي /امتى هيمشي).
‎يقعد لوحدة بدون ميكون مسنود عند عمر 7 شهور.
‎الحبو في اختلاف لكن الاغلب من عمر 8 شهورالي 9 شهور(على فكرة أطفال كتير مش بتحبي و لكن بتدخل على طول في مرحلة المشي).
‎المشي مسنود و احنا ماسكين ايده من عمر 12 شهر.
‎الكلام ده في فروقات فردية كتير والوراثة بشكل عام بتأثر في تأخيرأو سرعة هذه المراحل.
‎نصيحة آخيرة بلاش نقارن بين الأطفال ونقلق نفسنا ونشغل بالنا بمتابعة اطفال تانيين ونضيع على نفسنا متابعة احلى مرحلة في عمر البيبي و يا ريت ناخد المعلومة من طبيب الأطفال او مصادر موثوق منها.

30/10/2024

سكر اللاكتوز من مكونات اللبن الطبيعي والصناعي.
يتم تكسير سكر اللاكتوز بواسطة مادة تفرزمن الامعاء الخاصة بالطفل.
البعض قد يصاب بخلل مؤقت في إفراز هذه الماده والبعض الآخر قد يكون الخلل بشكل دائم.
هومرض بسيط لا يؤثرعلى الطفل فيما بعد.
عدم القدرة على هضم سكر اللاكتوز ينتج عنه أعراض أهمها: انتفاخ بالبطن/غازات/اسهال/الم بالبطن/كميات براز كبيرة/
تظهر الأعراض من دخول اي منتج يحتوي على سكراللاكتوز.
حساسية اللبن واللاكتوز مرضين مختلفين تماما وليس لهم علاقه ببعض.
استخدام اللبن الخالي من اللاكتوز يؤدى الي تحسن واضح في الأعراض.
زيارة طبيب الاطفال تساعد في التأكد من التشخيص وطلب بعض الفحوصات المعملية.