01/11/2022
المشكلة مش في الالم...المشكلة في فهمه"
شعور الفرد بالألم مش هو المشكلة الأساسية انما طريقة التفكير لتفسير الالم نفسه يعني ايه الكلام دا ؟
يعني في أغلب الأوقات بيتم إدراك الالم ومصدره أنه شر فكدا المشكلة بتكون مضاعفة يعني متألم ودا شئ واجب التخلص منه فبيتم تجنب أي مصدر للألم وشعور الألم نفسه ولو دا محصلش بيدخل صاحبها في معضلة وهي أنه بيحاول يتجنب الالم بطرق مسببة للألم اكتر...
في حين اصلا أن شعور الالم هو مش شر...ولا خير
انما هو شعور محايد وارد حدوثه من مواقف سلبية وإيجابية في ذاتها....
ممكن تتألم بسبب مواقف سلبية زي خسارة شخص عزيز،تعرض لإساءه،وقوع ظلم ، فشل ،وغيره...
و ممكن تتألم بسبب مواقف ايجابية زي دراستك الي بتحبها ، ممارسة الرياضة الي هتحافظ علي صحتك ، محاولة علاج مشكلة بتعاني منها ...
الالم واحد ،ولكن من مصادر مختلفة إدراك شعور بقالب واحد بيشلك ويوقف حياتك لمجرد انك شايف أن الالم هو شئ سلبي بس...
التعامل معاه يكون بحياديه ومش بالضرورة الالم يكون شئ بشع وسئ انما ممكن يكون اصله شئ إيجابي ومطلوب حتي ولو كان مصدر للألم سلبي التعامل معاه يكون بحرص وعدم تجنبه والهروب منه واتخاذ موقف من موقفك تحاول الحدث مش موقف تجاه مشاعرك ونفسك
المشكلة في فهمك بمشاعرك...مش مشاعرك نفسها
