30/04/2026
الحياد العلمي مش تقديس للجهلة ولا تبرير للانحراف
البعض يستغرب لماذا أنتقد شخصاً مات، ويقولون: «حرام تنشر خصوصياته.. مات خلاص وأوكل أمره لله».
والحقيقة إن الخصوصية دي حاجة، وإن الفيديوهات أو المنشورات اللي كان فيها بيقول كلام مسيء للنساء ومبيّن مرجعيته لهواه و ( الموزات) والصواريخ وتبديل النساء مبتدئا الشرابات - دي حاجة تانية خالص.
الراجل ده قالها صراحة: «أضع في النظام أي حاجة أنا أحبها أو أرغبها، ماحدش يقول لي لا.. لأن أنا مرجعية نفسي ده حتى النسوان بالنسبة لي بمزاجي». وفلان وفلان شاهدين وذكر اسماء توقف انحرافه.
مرجعيته: نفسه ورغبته وشهوته مش علم، ولا أخلاق، ولا دين، ولاحتى عقل فقط نفسه ورغبته بس وشهوته فقط وبس ‼️
طب ناس دلوقتي تيجي ترفعه فوق راسها، وكأنها هاتعمل له مقام، واتوفى يوم ميلاده زي النبي وتنادي عليه «شهيد العلم»⁉️
هنا نقطة ومن أول السطر .
والكلام اللي قاله ده يبقى خط أحمر محدش ينقده لأنه مات وأفضى إلى خالقه وممنوع تقرب من فكره وآراءه التي مازالت منشورة ⁉️
لا اسمح لي فإن هذا نفاق ميت قبل ان يكون مشاركة في حماية ميراث فكره الفاسد ‼️
من امتى الموت بيحول الباطل إلى حق ⁉️ ومن امتى الموت بيغطي على الانحراف الفكري والأخلاقي⁉️
الحياد العلمي ياسادة معناه إنك تحكم على الكلام بغض النظر عن صاحبه.
مش معناه إنك تسكت على الجهل والانحراف لمجرد إن صاحبه مات.
ولا معناه إنك تخلط بين احترام الخصوصية وتبرير الإساءة للنساء.
الراجل ده في حياته قال كلام يدل على فساد مرجعيته الأخلاقية والفكرية.
والمفروض بعد موته ننقد الفكر ده عشان ميتنقلش لجيل جديد باسم القداسة" أو "احترام الموتى".
فالموت لا يقدّس الأخطاء، والعلم لا يصنع له شهداء.. العلم له نقّاد وعلماء، مش أنصاف آلهة.
فأين الحياد عن العلم؟
الحياد الحقيقي: إنك تكون صريحاً، شجاعاً، منصفاً للباطل بأن تسميه باطلاً، وللانحراف بأن تسميه انحرافاً، سواء كان قائله حياً أو ميتاً.
أما التطبيل للأموات على حساب العقل والأخلاق، فده اسمه جهل مركّب، وليس حيادا.
